59. KAPITEL
Du kaust bie Vefoljunk tru bliewen
Irjentwanea woaren aule Christen mol Jäajenstaunt haben ooda mau rajcht vefolcht woaren. Sull ons daut vefieren?
1. Wuarom räakjen wie met Vefoljunk?
De Schreft sajcht gaunz kloa: “Aul dee, dee dän fausten Wellen haben aus Christen fromm to läwen, motten met Vefoljunk räakjnen” (2. Timotäus 3:12). Jesus wort vefolcht, wiels hee kjeen Poat von dän Soton siene Welt wia, un wie sent uk nich. Doawäajen wundat ons daut nich, wan de Rejierungen un de Jemeenten ons vefoljen (Johanes 15:18-19).
2. Woo kjenn wie ons fa Vefoljunk reedmoaken?
Wie motten ons Vetruen opp Jehova nu aul stoakjen. Nemm die jieda Dach Tiet toom bäden un de Schreft läsen. Wank uk pinkjlich no de Toopkomes. Aul daut woat die halpen, daut du de Krauft hast, irjent Vefoljunk met Moot entjäajen to gonen, endoont aus dee von de Famielje kjemt. De Apostel Paulus wort foaken vefolcht un hee schreef: “De Har es dee, dee mie halpt, ekj woa mie nich ferchten” (Hebräa 13:6).
Pinkjlich to prädjen halpt ons uk, mea Moot to haben. Dan lia wie daut, opp Jehova to vetruen un met Menschenforcht foadich to woaren (Spricha 29:25). Wan du daut nu aul lieescht, met Moot to prädjen, dan woascht du bäta reed sennen, uk dan to prädjen, wan de Rejierunk ons daut well aufsajen (1. Tessalonicha 2:2).
3. Woo es ons daut toom gooden, wan wie bie Vefoljunk tru bliewen?
Ons jeit daut secha nich scheen, wan wie vefolcht woaren, oba wan wie tru bliewen, dan woat ons Gloowen stoakja. Un wie komen uk Jehova noda, wiels wie dan enwoaren, woo hee ons halpt, wan wie ons gaunz aune Enj feelen (läs Jakobus 1:2-4). Jehova kaun daut schwoa aunseenen, wan wie lieden motten, oba hee freit sikj, wan wie tru uthoolen. De Schreft sajcht: “Wan jie rajcht un goot doonen, un doafäa jestroft woaren, un dan jeduldich lieden, dan haft Gott siene Freid aun junt” (1. Petrus 2:20). Aul dee, waut tru uthoolen, woat Jehova met eewjet Läwen beloonen, en eene Welt, wua kjeena dän woaren Gloowen mea woat vefoljen (Matäus 24:13).
DOLLA UNJASTONEN
See mol, wuarom daut mäajlich es, Jehova bie Vefoljunk tru to bliewen, un woo hee ons beloonen woat.
4. Du kaust Wadastaunt von de Famielje tru uthoolen
Jesus säd, daut onse Famielje doa veleicht nich wudd met envestonen sennen, wan wie wudden wellen Jehova deenen. Läst Matäus 10:34-36 un dan got toop dise Froag derch:
Waut kunn doa oppkomen, wan wäa en de Famielje Jehova deenen well?
Toom mol een Biespel seenen, kjikjt daut VIDEO un dan got toop de Froag derch, waut hia aunjejäft es.
Waut wurscht du doonen, wan wäa von dien Frintschoft ooda diene Frind die proowd doavon auftohoolen, Jehova to deenen?
Läst Psalm 27:10 un Markus 10:29-30. No jieda Bibelvarsch got toop dise Froag derch:
Woo kaun dit Vespräakjen die halpen, wan du Jäajenstaunt hast von diene Famielje ooda Frind?
5. Deen Jehova wieda, wan du uk Vefoljunk hast
Wan aundre ons wellen doavon aufhoolen, Jehova to deenen, dan brukt daut Moot. Kjikjt daut VIDEO un dan got toop de Froag derch, waut hia aunjejäft es.
Waut von daut Video jeft die Moot?
Läst Aposteljeschicht 5:27-29 un Hebräa 10:24-25. No jieda Bibelvarsch got toop dise Froag derch:
Woosoo es daut wichtich, daut wie wieda Jehova deenen, wan de Rejierunk uk sajcht, wie sellen nich prädjen ooda Toopkomes haben?
6. Jehova woat ons halpen, tru uttohoolen
Jehova siene Zeijen von aulawäajen oppe Welt un von veschiednet Ella haben Jehova wieda tru jedeent, wan dee uk vefolcht worden. Toom seenen, waut dee holp, kjikjt daut VIDEO. Dan got toop de Froag derch, waut hia aunjejäft es.
Waut holp de Breeda un Sestren en daut Video uttohoolen?
Läst Reema 8:35, 37-39 un Filippa 4:13 (NW). No jieda Bibelvarsch got toop dise Froag derch:
Woo wiest dis Bibelvarsch die, daut du bie jieda Vefoljunk kaust tru bliewen?
Läst Matäus 5:10-12 un dan got toop dise Froag derch:
Wuahäa kaun eena schaftich sennen, wan eena uk vefolcht woat?
Millionende von Jehova siene Deena sent am tru jebläwen, wan dee uk Vefoljunk hauden. Du kaust daut uk!
WAUT EENJE SAJEN: “Ekj wudd nich kjennen bie Vefoljunk tru uthoolen.”
Woone Bibelvarzhen kjennen dee halpen, Moot to kjrieen?
KAPITEL TOOPJEFOT
Jehova räakjent daut sea väl, wan wie ons aunstrenjen, am tru to deenen, wan wie uk Vefoljunk haben. Un met siene Help kjenn wie tru uthoolen!
Waut hast du jelieet?
Wuarom motten Christen met Vefoljunk räakjnen?
Woo kaust du die nu aul fa Vefoljunk reedmoaken?
Woo kaust du die sechra feelen, daut du Jehova woascht kjennen tru deenen, endoont waut doa oppkjemt?
MEA NOSIEEKJEN
Een junga Brooda wia wäajen sienen Gloowen enjestopt. Horch mol, woo Jehova am haft jeholpen uttohoolen.
See, waut een Poa Lied holp, Jehova fa väl Joaren tru to deenen, wan see uk Vefoljunk hauden.
Lia, woo du kaust Moot haben, wan du uk vefolcht woascht.
Waut, wan onse Famielje jäajen ons es? Woo kjenn wie dan Fräd hoolen un Jehova tru bliewen?
“De Woarheit brinjt nich Fräd, ‘oba daut Schwieet’” (De Woaktorm, Oktooba 2017)