POAT 6

Bibelvarzh fein utlajen

Johanes 10:33-36

TOOPFOTUNK: Wan du eenen Bibelvarsch väajeläst hast, dan go nich fuaz no de näakjste Iedee. Moak secha, daut diene Toohiera daut kloa vestonen kjennen, waut de Bibelvarsch met daut to doonen haft, waut du sajen west.

WOO EENA DAUT DOONEN KAUN:

Wies opp de wichtje Wieed han. Wan du ieescht eenen Bibelvarsch väajeläst hast, dan wies opp dee Wieed han, waut met de Hauptiedee to doonen haben. Daut kaust du, wan du dee Wieed wadaholst ooda wan du eene Froag stalst, daut diene Toohiera selfst rutfinjen, opp woone Wieed daut aunkjemt.

Wan du veschiedne Wieed brukst toom de Iedee von dän Bibelvarsch wadaholen, dan moak secha, daut diene Toohiera doawäajen noch kloa de Vebinjunk seenen kjennen tweschen de Wieed enne Bibel un daut, waut du sajen west.
Moak de Iedee kloa. Wan du verhäa dän Grunt sajchst, wuarom du dän Bibelvarsch läst, dan moak daut kloa, waut de Hauptwieed en dän Bibelvarsch met dän Grunt to doonen haben.

Hool diene Bibel op, soo lang aus du dän Bibelvarsch utlajchst. Daut woat diene Toohiera halpen to vestonen, daut diene Wieed met dän Bibelvarsch to doonen haben.
Laj daut opp eene eefache Wajch ut. Räd nich äwa Eenselheiten, waut nich needich sent toom de Iedee kloa moaken. Doano waut diene Toohiera äwa daut Teema aul weeten, kaust du entscheiden, woo väl Eenselheiten doa fälen toom de Iedee kloa un vestentlich moaken.