Service Meeting Schedule

Week Bilong March 13

Song 49

10 min: Announcement bilong kongregeson. Talem samfala announcement from Kingdom Ministry Bilong Iumi. Iusim olketa idea long page 4 or olketa nara wei for startim story wea fitim territory bilong iu and duim demonstration long February 15 Watchtower and February Awake!

15 min: “Helpem Pipol for Kasem Gud Samting From Ransom.”a Part wea kam bihaen bae storyim go moa hao iumi savve iusim page 206-8 from Bible Teach buk taem iumi invaetem pipol for kam long Memorial.

20 min: Evening Kaikai Bilong Lord—Celebration wea Honorim God. Kwestin and ansa part wea kam from page 206-8 bilong Bible Teach buk. Long introduction wea no winim wan minute, showim hao iumi savve storyim disfala information witim haosholder long wei for readim paragraph wan. Then invaetem audience for koment long olketa kwestin hia, bat no readim olketa paragraf: (par. 2) Wanem taem nao Jesus hem startim Memorial bilong dae bilong hem? (par. 3) Haomas taem insaed year nao iumi shud celebratem Evening Kaikai Bilong Lord? (par. 4) Wanem nao Bible sei abaotem hao olketa celebrate Memorial? (par. 5) Hao nao iumi savve Jesus no changem datfala bred for kamap really body bilong hem and changem wine for kamap really blood bilong hem? (par. 6) Wanem nao datfala bred wea no garem yeast hem piksarem? (par. 7) Wanem nao datfala red wine hem piksarem? (par. 8) Hu nomoa shud kaikaim bred and wine? (par. 9) Wanem taem nao iumi celebratem Memorial each year, and why nao iumi shud attend? Storyim olketa main scripture fitim taem wea iu garem. Encouragem evriwan for studyim information hia witim olketa Bible student and olketa narawan wea olketa invaetem for kam long Memorial long wei for readim olketa paragraf, story raonem olketa main point, and askem olketa simpol kwestin olsem olketa kwestin hia.

Song 40 and prea.

Week Bilong March 20

Song 44

10 min: Announcement bilong kongregeson. Storyim olketa main point from box “Olketa Reminder for Memorial.”

15 min: Important Waka Bilong Jesus Insaed Purpose Bilong God. Wanfala tok wea kam from Kasem Gud Samting From Theocratic Ministry Skul Education buk, long page 276-277.

20 min: Kasem Strong From Wei for Lukluk Long Olketa Scripture Evriday. Wanfala tok and story witim audience from introduction bilong Lukluk Long Olketa Scripture Evriday—2006. Reviewim olketa idea long May 2005 Kingdom Ministry Bilong Iumi, page 5, long hao olketa famili savve markem taem long famili schedule bilong olketa for storyim text. Duim demonstration abaotem wanfala famili wea story tugeta raonem text and koment for tuday. Bihaen long demonstration, story lelebet abaotem yeartext for 2006 for finisim tok.

Song 7 and prea.

Week Bilong March 27

Song 56

15 min: Announcement bilong kongregeson. Remindim olketa pablisa for givim field service report for March. Readim accounts report and eni thankiu leta from branch for donation. Long April iumi bae givimaot Wastaoa and Awake! Iusim olketa idea long page 4 or olketa nara wei for startim story wea fitim territory bilong iu and duim demonstration long March 1 Wastaoa and March Awake! Bihaen long tufala demonstration mekhae long olketa nara article insaed tufala magasin hia wea pipol long territory bae interest long hem.

12 min: Need bilong kongregeson.

18 min: “Teachim Olketa Hambol Wan for Wakabaot Followim Wei Bilong God.”b Storyim tu samfala point from July 1, 2004, Wastaoa, page 16, paragraf 9.

Song 71 and prea.

Week Bilong April 3

Song 18

10 min: Announcement bilong kongregeson.

15 min: Teachim Bible Student for Prepare. Wanfala tok and story witim audience wea kam from insert bilong September 2005 Kingdom Ministry Bilong Iumi, page 4, part 4. Iu savve storyim tu samfala point from page 6 long December 2004 Kingdom Ministry Bilong Iumi. Showim olketa point hia long wei for iusim olketa example from leson 2 long Kasem brochure.

20 min: Olketa experience bilong olketa brata. Invaetem audience for talem eni experience wea olketa enjoyim taem olketa offerim Savvy buk long March. Mekhae long olketa Bible study wea olketa pablisa startim. Iu savve actim moa wan or tufala barava naes experience.

Song 51 and prea.

[Olketa Footnote]