Hao for No Misstim Schedule blo Iu for Duim Bible Reading Evriday

Bikos iumi busy evriday, hao, iu faendem hem hard for followim Bible reading schedule blo iu each day? (Josh. 1:8) If olsem, traem wanfala lo olketa idea hia:

• Setimap reminder. Setim alarm lo electronic device blo iu for remindim iu evriday for duim Bible reading.

• Putim Bible lo ples wea iu savve lukim. If iu iusim Bible wea olketa printim, putim lo ples wea isi for iu lukim evriday.—Deut. 11:18.

• Lisin lo audio Bible reading. Lisin lo hem taem iu gohed duim olketa nara waka. Tara, wanfala pioneer, wea hem wanfala mami and waka tu lo naet shift, hem sei, “Wei for lisin lo audio Bible reading taem mi gohed duim waka lo haos, hem helpem mi for no misstim Bible reading blo mi.”

• No givap. If eniting disturbim plan blo iu for Bible reading, at least traem best for readim tu-thri verse bifor iu sleep. Nomata iu readim nomoa tu-thri verse evriday, datwan savve barava helpem iu.—1 Pet. 2:2.