Hao, Samfala Toktok lo Bible Contradict witim Each Other?

Ansa from Bible

Nomoa, full Bible hem agree witim each other. Maet luk olsem samfala passage lo Bible contradict witim others, nomata olsem staka taem iumi savve minim gud datwan taem iumi followim wan or tufala principle lo daon:

1. Ting abaotem context. Iumi savve tingse olketa toktok insaed buk wea wanfala raeta raetem, hem contradict witim olketa nara toktok if iumi no ting abaotem context blo hem.

2. Ting abaotem viewpoint blo wanfala raeta. Pipol wea witnessim wanfala event, maet describem stret lo wat hem happen bat olketa no iusim exact sem toktok or includim olketa sem detail abaotem event hia.

3. Ting abaotem history and olketa kastom.

4. Luksavve lo difference between wanfala figurative and literal word wea olketa iusim.

5. Luksavve if olketa sei wanfala man nao duim wanfala samting, bat really ino hem nao duim.a

6. Iusim wanfala accurate Bible transleison.

7. No trae for joinim wat Bible talem witim olketa rong idea or teaching blo olketa religion.

Olketa example lo daon bae showim hao olketa principle hia savve explainim samfala toktok lo Bible, wea luk olsem hem contradict witim olketa nara toktok lo Bible.

Principle 1: Context

If God hem rest lo mek-seven day, why nao hem continue for waka? Context lo story blo creation lo Genesis showim datfala statement wea God “start for rest lo mek-seven day from evri waka wea hem duim,” hem refer specifically for waka blo hem for creatim evri samting lo disfala earth. (Genesis 2:​2-4) Taem Jesus sei God “gohed waka kam kasem distaem,” hem no contradictim toktok lo Genesis bikos hem story abaotem olketa nara waka wea God duim. (John 5:​17) Olketa waka wea God duim includim tu for leadim olketa man for raetem tingting blo hem lo Bible, hem protectim and kea for iumi olketa man.​—Psalm 20:6; 105:5; 2 Peter 1:​21.

Principle 2 and 3: Viewpoint and history

Wea nao Jesus healim datfala blind man? Bible buk Luke sei Jesus hem healim wanfala blind man taem Jesus “klosap kasem Jericho,” bat parallel account blo hem lo Matthew hem mentionim tufala blind man and sei diswan hem happen taem Jesus “lusim Jericho.” (Luke 18:35-​43; Matthew 20:29-​34) Tufala story hia, wea tufala difren man nao raetem, hem actually complementim each other. Regardim namba blo olketa man wea blind, Matthew hem moa specific taem hem sei tufala blind man, bat Luke hem focus nomoa lo wanfala blind man wea Jesus story lo hem. Abaotem location, olketa archaeologist faendemaot lo taem blo Jesus, Jericho hem tufala taon, old taon blo Jew hem stap samting olsem wan and a haf kilometer (1 mi) awe from niu taon blo Rome. Maet Jesus stap eniwea between tufala taon hia taem hem duim disfala mirakol.

Principle 4: Olketa figurative and literal terms

Bae earth hem distroe? Lo Ecclesiastes 1:4, Bible hem sei “earth hem stap for olowe,” wea lo tingting blo samfala pipol diswan hem contradict witim nara toktok lo Bible wea sei “evri samting lo earth bae distroe bikos hem hot tumas.” (2 Peter 3:​10, Beck) Bat, lo Bible, disfala word “earth” hem literally refer for planet blo iumi, and figuratively, hem refer for evri pipol wea stap insaed. (Genesis 1:1; 11:1) Taem 2 Peter 3:​10 storyim dat disfala “earth” bae distroe, really hem minim “taem for finisim pipol wea no obey,” no for planet blo iumi nao bone lo fire.​—2 Peter 3:7.

Principle 5: Luksavve hu nao talem samting

Lo Capernaum, hu nao sendem request blo wanfala army officer go lo Jesus? Matthew 8:​5, 6 sei datfala army officer seleva nao kam lo Jesus, bat lo Luke 7:3 hem sei datfala army officer sendem samfala elder blo olketa Jew nao for talem request blo hem lo Jesus. Disfala contradiction wea Bible storyim savve minim tu dat really datfala army officer nao initiatim datfala request, bat hem sendem olketa elder blo olketa Jew nao for representim hem.

Principle 6: Accurate transleison

Iumi evriwan nao sin? Bible teachim dat iumi evriwan inheritim sin from first man, Adam. (Romans 5:​12) Luk olsem samfala Bible transleison no agree lo diswan taem olketa sei wanfala gud person “no duim eni sin” or “no garem sin.” (1 John 3:6, The Bible in Basic English; King James Version) Bat lo original languis, Greek verb for “sin” lo 1 John 3:6 hem lo present tense, wea minim wanfala continuous akson. Difference between sin wea iumi inheritim, iumi no savve avoidim, bat sin wea man min for duim, hem continue for disobeyim olketa law blo God. Dastawe, samfala Bible transleison trae for stretem disfala contradiction taem olketa iusim olketa phrase olsem “no duim sin” or “no garem habit for duim sin.”​—New World Translation; Phillips.

Principle 7: Bible, no teaching blo olketa church

Hao, Jesus hem semsem witim God or hem lower than God? Wantaem Jesus hem sei: “Mi and Dadi, mitufala wan,” wea luk olsem disfala toktok hem contradict witim nara toktok blo hem wea sei “Dadi hem hae winim mi.” (John 10:30; 14:28) For understandim stret olketa verse hia, iumi mas lukluk gud lo wat nao Bible really talem abaotem Jehovah and Jesus instead for trae joinim olketa verse hia witim Trinity teaching, wea no stap lo Bible. Bible showim klia dat Jehovah hem no Dadi blo Jesus nomoa bat hem God blo Jesus tu, wea Hem tu Jesus worshipim. (Matthew 4:​10; Mark 15:34; John 17:3; 20:17; 2 Corinthians 1:3) Jesus hem no semsem witim God.

Context blo toktok wea Jesus talem wea sei “Mi and Dadi, mitufala wan” showim dat hem tok abaotem sem tingting wea hem garem abaotem purpose blo Dadi blo hem, Jehovah God. Afta datwan Jesus hem sei: “Mi and Dadi lo heven mitufala wan mind.” (John 10:38) Jesus garem sem tingting abaotem purpose blo God for olketa follower blo hem tu, bikos hem prea lo God abaotem olketa: “Glory wea iu givim lo mi, mi givim lo olketa mekem olketa wan mind olsem iumi tufala tu wan mind.”​—John 17:22, 23.