Wei for Readim Text Evriday Bae No Kamap Moa Long Meeting for Field Service
Long bifor, iumi savve storyim lelebet text for evriday long taem bilong olketa meeting for field service sapos hem story abaotem preaching waka. Bat distaem hem change lelebet. Iumi no savve iusim Lukluk Long Olketa Scripture Evriday olsem samting for storyim long taem bilong meeting for field service. Bat olsem iumi savve duim evritaem, olketa wea lukaftarem grup savve iusim Bible, Kingdom Ministry Bilong Iumi, Ministry Skul buk, Reasoning buk, and olketa nara buk wea storyim preaching waka. Olketa wea garem assignment for lukaftarem grup shud prepare, mekem olketa savve storyim eni gud point for helpem olketa wea redi for go aot long preaching waka long datfala day. Olsem iumi duim bifor, meeting for preaching waka shud 10 go kasem 15 minute nomoa and hem shud no long tumas sapos grup meet bihaen wanfala meeting bilong kongregeson.