Wanem for Talem Abaotem Olketa Magasin

Wastaoa May 15

“Long tingting bilong iu, waswe, enitaem bae no eniwan poor? [Letem hem ansa.] Tingim samting wea God promisim. [Readim Isaiah 65:21.] Disfala Wastaoa storyim hao datfala promis bae kamap tru.” Markem taem for go bak and ansarem disfala kwestin: Wanem taem nao diswan bae kamap?

Awake! May 22

“Staka pipol savve hem important for man exercise for hem healthy. Nomata olsem, staka talemaot hao olketa no duim inaf exercise, iaman? [Letem hem ansa.] Disfala magasin storyim olketa gud samting man savve kasem sapos hem exercise evritaem and samfala idea iumi savve followim wea fitim busy living bilong iumi.”

Wastaoa June 1

“Klosap evriwan story abaotem peace, nomata olsem, world hem nating garem wan mind. Long tingting bilong iu, waswe, hem hard tumas for kasem diswan? [Letem hem ansa.] Disfala magasin story abaotem wanfala gavman wea fit for mekem world garem wan mind.” Readim Psalm 72:7, 8, and markem taem for go bak and storyim hao nao diswan bae kamap.

Awake! June 8

“Waswe, iu herem hao staka pipol wari tumas abaotem wei wea namba bilong pipol wea kasem cancer long skin hem kakamap big? [Letem hem ansa.] Disfala Awake! storyim why distaem hem isi for iumi kasem cancer long skin and wanem iumi savve duim for protectim iumiseleva.” Finisim story long wei for readim Job 33:25 wea garem promis wea comfortim man.