Spesol Awake! Magasin for Offerim Long November!
1 Plande pipol garem samfala kwestin abaotem Bible. Sapos olketa man nao raetem, why nao iumi fit for kolem hem Word bilong God? Why nao mi shud trustim Bible for directim gogo bilong mi? Sapos mi iusim taem and strong bilong mi for readim and studyim Bible, wanem gudfala samting nao mi savve kasem? Which Bible transleison nao mi shud iusim? Olketa hia nao samfala kwestin wea ansa hem insaed spesol Awake! magasin for November wea garem title “Can You Trust the Bible?”
2 Iumi laek for givimaot plande long disfala spesol Awake! magasin long pipol wea stap long territory bilong iumi. Sapos iu savve duim, waka witim kongregeson long haos-tu-haos ministry evri Saturday long month bilong November. Showim disfala Awake! magasin long olketa relative, neiba bilong iu, pipol wea iu waka witim, olketa teacher long skul, olketa skulfren, and long olketa return visit. Tekem samfala Awake! magasin hia taem iu go long stoa and taem iu gogo long eni ples. Olketa elder orderim finis samfala extra copy mekem kongregeson garem inaf magasin.
3 Startim Bible Study: Sapos iu offerim disfala magasin, iu savve askem kwestin for trae startim wanfala Bible study bifor iu finisim story bilong iu. Olsem example, maet iu sei, “Next taem, mi laek for showim long iu ansa from Bible for disfala kwestin, ‘Wanem nao plan bilong God for disfala earth?’” Then go bak witim Wanem Bible Teachim buk and showim long haosholder page 4-5, or storyim paragraf 1-3 long chapter 3. Or maet iu savve sei, “Next taem, mi laek for storyim wanfala profesi long Bible wea hem fulfill distaem.” Taem iu go bak, showim long haosholder chapter 9 long datfala buk and storyim tugeta paragraf 1-3. Or maet iu sei olsem long haosholder: “Plande pipol no minim samting wea olketa readim long Bible. Next taem, mi laek for showim iu hao iu savve minim gud moa Bible bilong iu.” Long datfala return visit, iusim datfala Wanem Bible Teachim buk for showim hao for duim study.
4 Bible nomoa garem “olketa holy raeting” wea hem savve mekem iumi “kamap wise for kasem salvation.” (2 Tim. 3:15) Dastawe, iumi evriwan bae laek for strong for duim disfala waka for offerim disfala spesol Awake! magasin for helpem pipol for trustim go moa Bible!