Kwestin Box

◼ Waswe, fitim eni kongregeson or eniwan for iusim eni legal nem wea Olketa Jehovah’s Witness garem witim gavman?

Datfala legal nem or saen hem helpem pipol isi for luksavve Olketa Jehovah’s Witness register finis witim gavman. Wastaoa hem legal nem wea minim Watch Tower Bible and Tract Society of Pennsylvania and samfala nara registered bisnis wea organization iusim. Christian kongregeson bilong Olketa Jehovah’s Witness hem iusim wanfala piksa bilong Bible wea open, antap long left saed long wanfala leta. Olketa nara bisnis wea Olketa Jehovah’s Witness iusim garem difren legal piksa.

Olketa kongregeson or eniwan shud no iusim piksa or nem bilong organization long olketa Kingdom Hall, saen for Kingdom Hall, heding bilong leta, samting wea man ownim, and eni nara samting. Wei for iusim olketa piksa or nem wea organization nomoa fit for iusim savve mekem pipol wea waka for gavman, olketa pablisa, and eniwan wea duim bisnis witim kongregeson for konfius abaotem olketa legal samting bilong organization. And tu, pipol maet konfius and tingse olketa leta hia wea garem datfala piksa hem kam from world headquarter or branch office.

Datfala piksa bilong Wastaoa, or eni saen wea luk semsem shud no stap moa long eni Kingdom Hall nomata sapos Kingdom Hall hia hem bilong Watch Tower society. Olketa kongregeson distaem wea garem datfala piksa long Kingdom Hall bilong olketa no need for aotem datfala piksa yet, bikos wei for duim olsem savve tekem staka taem, strong, and selen. Bat sapos for aotem datfala saen hem smol samting nomoa, hem gud for duim. Sapos nomoa, then weitim taem wea iufala fixim bak Kingdom Hall bilong iufala and iufala savve aotem datfala saen or piksa.