Olketa Gud Idea for Field Service Meeting

Olketa Meeting for field service hem semsem nomoa witim olketa kongregeson meeting, wea Jehovah provaedem for helpem iumi for encouragem each other for showimaot love and duim olketa gudfala samting. (Heb 10:24, 25) Meeting hia shud tekem samting olsem faev go kasem seven minute nomoa, insaed diswan hem for organizem grup, assignim olketa territory, and prea. (Sapos field service meeting kamap bihaen lo wanfala nara meeting, hem shud short go moa.) Conductor shud preparem samfala gud idea for helpem olketa wea bae preach lo datfala day. For example, lo Saturday staka wea kam preach no join lo midol week, so hem gud for reviewim moa wanem for storyim. Wat nao samfala samting wea hem gud for story raonem witim grup?

• Idea for ministry wea stap lo Christian Laef and Ministry blo Iumi—Meeting Buk

• Hao for startim story lo wei for iusim latest nius or wanfala samting wea happen

• Hao for iusim teknik for gohed story, nomata samwan trae for stopem story

• Hao for story lo samwan wea no biliv lo God, samwan wea bilivim evolution, samwan wea story lo difren languis, or samwan wea staka pipol no savve lo religion blo hem

• Hao for iusim jw.org website, JW Library^® app, or Bible

• Hao for iusim wanfala lo olketa tul lo Teaching Toolbox

• Hao for duim olketa difren wei for preach, olsem telephone witnessing, leta raeting, pablik witnessing, return visit, or Bible study

• Olketa reminder abaotem safety, hao for change fitim eni situation, showimaot gudfala wei, garem positive tingting, or eni samting olsem

• Wanfala leson or video from Gohed Waka Hard for Read and Teach Gud brochure

• Hao for encouragem and helpem field service partner blo iu

• Wanfala scripture wea join witim ministry or wanfala naes experience lo field