Campaign for Givimaot Memorial Invitation Bae Start Long March 22

Long Saturday, March 22, iumi bae start for invaetem pipol for kam long Memorial. Hem gud for iumi evriwan busy long disfala waka. Long olketa Saturday and Sunday, iumi savve offerim olketa magasin tu. Long first Saturday long April, iumi bae givimaot olketa invitation and hem no day for offerim Bible study. Bat sapos iumi meetim samwan wea interest, iumi savve startim Bible study witim hem. Service overseer bae disaed sapos wei for duim pablik witnessing for givimaot invitation bae mekem staka pipol long territory bilong iumi kasem datwan. Raetem nem bilong olketa wea iu laek for invaetem olsem olketa relative, wakfren, skulfren, olketa return visit, and olketa narawan mekem iu savve givim invitation long olketa taem disfala campaign hem start. Iumi hope staka pipol bae hipap witim iumi for tingim bigfala love wea Jehovah and Jesus showimaot.​—John 3:16; 15:13.