Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • km 4/15 pp. 5-7
  • Olketa Reminder for Convention

Disfala sekson no garem eni video.

Sorre, disfala video no savve plei distaem.

  • Olketa Reminder for Convention
  • Kingdom Ministry Bilong Iumi—2015
  • Olketa Nara Article
  • Gudfala Wei Bilong Iumi Mekhae Long God
    Kingdom Ministry Bilong Iumi—2013
  • Olketa Distrik Convention Savve Mekem Olketa Tru Samting Showaot Klia
    Kingdom Ministry Bilong Iumi—2012
  • Waswe, Iu Redi for Wanfala Spiritual Feast?
    Kingdom Ministry Bilong Iumi—2009
  • Distrik Convention—Wanfala Taem for Hapi for Worship
    Kingdom Ministry Bilong Iumi—2010
Samfala Moa
Kingdom Ministry Bilong Iumi—2015
km 4/15 pp. 5-7

Olketa Reminder for Convention

  • Taem wea Program Hem Start and Finis: Iumi savve kam long convention start long 8:00 a.m. Long thrifala day hia, music for startim program bae start long 9:20 a.m. Long datfala taem, hem gud for iumi evriwan sidaon, mekem iumi redi taem program hem start. Long Friday and Saturday program bae finis long samting olsem 5:00 p.m. and long Sunday program bae finis long samting olsem 4:00 p.m.

  • ‘Singsing for Praisem Jehovah’: Pipol bilong God long bifor singsing for praisem Jehovah, and distaem music hem important part long worship bilong iumi tu. (Ps. 28:7) Morning and aftanun program bilong thrifala day bilong regional convention bae start witim music. Datfala music hem for helpem iumi lane abaotem Jehovah and for worshipim hem. So taem chairman sei music bae start, iumi shud finis for story, and sidaon and lisin for showimaot iumi tinghae long datfala music. Taem iumi duim olsem, datwan showimaot iumi tinghae long bigfala waka wea olketa brata and sista long Watchtower orchestra duim for redyim datfala music. Tufala taem long year olketa brata and sista hia peim pasis bilong olketa seleva for go long Patterson, New York, for recordim naesfala music for iumi lisin long hem. Bihaen iumi lisin gud long datfala music, iumi evriwan shud singim olketa Kingdom song for praisem Jehovah.

  • Markem Ples for Sidaon: Taem iumi markem ples for sidaon, plis tingim olketa narawan, olsem olketa wea garem famili and olketa olo. Taem iumi duim olsem, datwan showimaot iumi olketa tru Christian and hem savve mekem pipol for tinghae long God. (John 13:34, 35; 1 Cor. 13:5; 1 Pet. 2:12) Iumi savve markem ples for sidaon for olketa long famili and olketa Bible study bilong iumi. Plis no putim eni samting long chair wea iu bae no iusim. Datwan bae mekem olketa narawan luksavve olketa savve sidaon long there.

  • Kaleko wea Fitim: Kaleko wea iumi werem long taem bilong convention shud fitim and showimaot respect, and no followim stael bilong pipol long world. (1 Tim. 2:9) Iumi shud werem badge card taem iumi kam long convention and taem iumi go bak long haos, mekem iumi savve witness long pipol wea iumi meetim taem chance kamap. Long taem bilong convention, gudfala wei and lukluk bilong iumi bae mekem pipol wea hambol laek for savve long message long Bible and bae mekem Jehovah hapi tu.—Zeph. 3:17.

  • Tingim Narawan Taem Iu Iusim Technology: Taem program gohed, iumi showimaot iumi tingim narawan taem iumi changem setting bilong mobile phone or tablet mekem hem no disturbim olketa narawan. Taem iu tek piksa or recordim program long camera, mobile, or tablet, no satem olketa narawan. Iumi showimaot iumi tingim narawan taem iumi no textim or emailim narawan long taem bilong program.

  • Kaikai for Lunch: Plis tekem kam kaikai mekem iu no go aot for peim kaikai long taem for spel. Putim basket kaikai long ples wea bae no disturbim eniwan. Tekem basket kaikai wea fitim nomoa and no tekem kam glass kap or botol.

  • Donation: Iumi savve showimaot iumi tinghae long convention taem iumi willing for givim donation for waka evriwea long world long taem bilong convention. Sapos eniwan laek givim cheque, hem mas raetem “Jehovah’s Witnesses of the Solomon Islands Trust Board.”

  • Medicine: Sapos iu needim spesol medicine for sik bilong iu hem gud for iu holem kam datfala medicine.

  • Plis Go Lukim Man Hia (S-43-SP) Form: Sapos long taem bilong convention, iu witness long wanfala man and hem interest, then iu savve fulimap disfala form, Plis Go Lukim Man Hia. Iu savve givim olketa form wea iu fulimap long brata wea waka long bukrum or secretary long kongregeson.

  • Volunteer: Sapos eniwan laek volunteer for waka, hem savve go lukim Volunteer Service Department long convention. Olketa pikinini wea no kasem 16 year yet savve help sapos olketa waka witim mami and dadi or olketa nara mature pablisa.

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem