کُھل کے گل کرو

یسوع دی مثال

ویڈیو:‏ یسوع نے امیر حاکم نُوں نصیحت کیتی

1.‏ ویڈیو ویکھو یاں مرقس 10:‏17-‏22 نُوں پڑھو۔‏ فیر ایہناں سوالاں تے غور کرو:‏

1. ‏(‏الف)‏ یسوع نے جوان حاکم چ کیہڑیاں خوبیاں ویکھیاں ہون گیاں؟‏

2. ‏(‏ب)‏ اوس حاکم نُوں نصیحت کرن لئی یسوع نُوں محبت دے نال نال ہمت دی لوڑ کیوں سی؟‏

اَسی یسوع دی مثال توں کیہہ سکھنے آں؟‏

2.‏ جے اَسی چاہنے آں کہ بائبل کورس کرن والا بندہ اَگے ودھے تے سانوں پیار نال پر کُھل کے اوہنوں دَسن دی لوڑ اے کہ اوہنوں کیہہ کرنا چاہی دا اے۔‏

یسوع دی مثال تے عمل کرو

3.‏ بائبل کورس کرن والے دی مدد کرو کہ اوہ منصوبے بنائے تے ایہناں نُوں پورا کرے۔‏

1. ‏(‏الف)‏ کتاب ‏”‏خوشیاں بھری زندگی پاؤ“‏ دے ہر سبق چ دِتے گئے بکس ‏”‏ہُن ایہہ کرو“‏ نُوں استمال کرو۔‏

2. ‏(‏ب)‏ کجھ منصوبے چھیتی پورے ہو جاندے نیں تے کجھ نُوں پورا ہون چ وقت لگدا اے۔ بائبل کورس کرن والے بندے دی ایہہ ویکھن چ مدد کرو کہ اوہ اپنے ایہناں منصوبیاں نُوں پورا کرن لئی کیہہ کر سکدا اے۔‏

3. ‏(‏ج)‏ جیویں جیویں اوہ اپنے منصوبیاں نُوں پورا کردا اے، اوہنوں شاباش دَوو۔‏

4.‏ ویکھو کہ کیہڑیاں چیزاں اوہدی ترقی دی راہ چ رُکاوٹ بن رہیاں نیں تے فیر اوہناں نُوں پار کرن چ اوہدی مدد کرو۔‏

1. ‏(‏الف)‏ اپنے آپ کولوں پچھو:‏

   • جے بائبل کورس کرن والا بندہ بپتسمہ لین لئی قدم نئیں چُک رہیا تے کیہڑی چیز اوہنوں روک رہی اے؟‏

   • مَیں اوہدی کیہہ مدد کر سکنا واں؟‏

2. ‏(‏ب)‏ دُعا چ یہوواہ کولوں ہمت منگو تاکہ تُسی کُھل کے پر پیار نال اوہنوں دَس سکو کہ اوہنوں کیہہ کرن دی لوڑ اے۔‏

5.‏ ترقی نہ کرن والے لوکاں نُوں بائبل کورس کرانا بند کر دَوو۔‏

1. ‏(‏الف)‏ اپنے آپ کولوں ایہو جہے سوال پچھ کے جائزہ لوو کہ بائبل کورس کرن والا بندہ ترقی کر رہیا اے یاں نئیں:‏

   • ”‏کیہہ اوہ اوہناں گلاں تے عمل کر رہیا اے جیہڑیاں اوہ سکھ رہیا اے؟“‏

   • ”‏کیہہ اوہ عبادتاں تے آندا اے تے دُوجیاں نُوں بائبل دِیاں سچائیاں دَسدا اے؟“‏

   • ”‏کیہہ اوہ اِک لمے عرصے تک بائبل کورس کرن توں بعد یہوواہ دا گواہ بننا چاہندا اے؟“‏

2. ‏(‏ب)‏ جے بائبل کورس کرن والا بندہ ترقی نئیں کرنا چاہندا تے ایہہ کرو:‏

   • اوہنوں پچھو کہ کیہڑی چیز اوہنوں ترقی کرن توں روک رہی اے۔‏

   • نرمی تے سمجھ‌داری نال اوہنوں دَسو کہ تُسی اوہنوں بائبل کورس کرانا فی‌الحال کیوں بند کر رہے او۔‏

   • اوہنوں دَسو کہ جے اوہ بائبل کورس دُبارہ شروع کرنا چاہندا اے تے اوہنوں کیہہ کیہہ کرن دی لوڑ اے۔‏