PILAWANPIS PARLAR GALAYCUSHUN
YACHACUY 2
Cashganchinola parlapäshun
Biblia cayno tantiachicun: “Camacashan öra alli willapashanpis mas allimi” (Prov. 15:23).
¿Imatataj Felipe rurargan?
1. Ricänapaj caycan juc VIDEO o Hechos 8:30, 31 textutapis leiriy. Nircur yachacuy cay tapucuycunapita:
¿Imata tapucurtaj Felipe galaycurgan?
¿Imanirtaj Felipe chay tapucuywan galaycushganga ali cargan, chayraycurpis ima mastataj yachachergan chay runata?
¿Imatataj yachacunchi Felipe rurashganpita?
2. Imano cashganchinola ali shimilapa pitapis Bibliapita parlapaptinchega, paycunaga ali ricacurmi ali shongulanwan chasquimäshun.
Felipe rurashganno rurashun
3. Imatapis ricarcushunraj. ¿Piñashgachu o cushishgachu wasinpita yargaramun? ¿Upälalachu cacuyta munan o parlacaramuytachu munan? Öraga alichi canman cayno parlar galaycuptinchi: “Nacaptiquega gampaj Diosninchi yarpachacunmi, ¿musyargayquichu chayta?”. Pipis ‘parlayta munächu’ niptenga, respetulawan ‘alimi’ nishun.
4. Öraga shuyarcunanchirämi. Manachi Bibliataga jucla quichapaycushunchu leipänapaj. Wilapaycämashganchicunata wiyaycur-rämi ali canga ima textulatapis leipänapaj. Capazchi yapay watucushganchichoraj Bibliapita parlapäshun.
5. ¿Ima laquichishganpita parlarcamuptenga? Yachachishganchi hora ima laquesalapapis pasaycashganpita wasiyojcuna parlar galaycamuptenga, listo caycashwan imapita parlapänapaj.