1 Juan
4 Kuyë wawqikuna y panikuna, mëtsikaqmi Diospa willakoqnin tukur kë munduchö yuriyämushqa.+ Tsëmi ama llapan willakuyanqanta creiyëtsu,+ sinöqa alliraq rikäyë tsë willakuyanqan Diospita kanqanta o mana kanqanta.+
2 Kënömi musyayanki willakuyanqan Diospita kanqanta: Jesucristu nunanö shamunqanta nir willakuyanqanqa, Diospitam shamun.+ 3 Peru Jesucristu nunanö mana shamunqanta nir willakuyanqanqa, manam Diospitatsu shamun.+ Sinöqa shamunampaq kaqta wiyayanqëki, y kananqa kë munduchöna këkaq+ anticristu willakunqanmi.+
4 Kuyë wamralläkuna, qamkunawan juknölla këkaqmi,+ kë munduchö nunakunawan juknölla këkaqpita mas puëdeqqa.+ Tsëmi qamkunaqa Diospa favornin kar pëkunata* venciyarqunki.+ 5 Pëkunaqa kë munduchö nunakunapa favornin karmi,+ kë munduchö kaqkunapita parlayan. Tsëmi kë munduchö nunakunaqa pëkunata wiyayan.+ 6 Noqantsikqa Teyta Diospa favorninmi këkantsik. Pï nunapis Diosta reqeqqa wiyamantsikmi,+ peru Diospa mana favornin kaqqa manam wiyamantsiktsu.+ Tsënömi imata willakuyanqan rasumpa kanqanta y imata willakuyanqan mana rasumpa kanqanta musyantsik.+
7 Kuyë wawqikuna y panikuna, Teyta Diosmi kuyakoq këta yachatsimantsik, y kuyakoq kaqkunaqa Diospitam yuriyashqa y Diostam reqiyan.+ Tsëmi juknintsik juknintsik kuyanakur këkäshun.+ 8 Mana kuyakoq kaqqa, manam Diosta reqintsu. Teyta Diosqa kuyakuymi.*+ 9 Kënömi Teyta Diosqa kuyamanqantsikta rikätsikushqa: përëkur imëyaqpis kawëta tarinapaqmi,+ Teyta Diosqa japallanlla Tsurinta nunakunaman mandamurqan.+ 10 Këmi kuyakoq këqa: manam noqantsik Diosta kuyanqantsiktsu, sinöqa pë noqantsikta kuyamarnintsik, jutsata* ruranqantsikpita perdonashqa kanapaq,+ pëwan amishtatsikoq qarëtanö Tsurinta mandamunqanmi.+
11 Kuyë wawqikuna y panikuna, Teyta Dios tsënö kuyamashqantsik këkaptinqa, noqantsikpis juknintsik juknintsikmi kuyanakunantsik.+ 12 Teyta Diostaqa manam ni pï imëpis rikashqatsu.+ Juknintsik juknintsik kuyanakur këkashqaqa, Diosmi noqantsikwan imëpis këkan y kuyakoq kanqanmi noqantsikchö cläru rikakun.+ 13 Pëpa santu espïritunta chaskishqa karmi, pëwan imëpis juknölla këkanqantsikta, y pë noqantsikwan imëpis juknölla këkanqanta musyantsik. 14 Y manam tsëllatsu, kikïkunam rikäyarqö nunakunapa salvaqnin kanampaq Tsurinta Teyta mandamunqanta, y tsëtam willakuykäyä.+ 15 Pï nunapis, Jesus Teyta Diospa Tsurin kanqanta llapan shonqunwan niptinqa,+ Diosmi pëwan imëpis juknölla këkan, y pëpis Dioswanmi imëpis juknölla këkan.+ 16 Y noqantsikqa Teyta Dios imanö kuyamanqantsiktam musyantsik, y tsëmanmi creintsik.+
Diosqa kuyakuymi,*+ y imëpis kuyakoq kaqqa, Dioswanmi imëpis juknölla këkan, y Diosmi pëwan imëpis juknölla këkan.+ 17 Jesucristu kanqannömi, noqantsikpis kë munduchö kantsik. Tsënömi kuyakoq kanqantsik noqantsikchö cläru rikakun, tsënöpa juiciu junaqchö mana mantsakushpa parlakunapaq.*+ 18 Mantsakoq këqa michäkunmi. Rasumpa kuyakoqqa manam mantsakuntsu,+ sinöqa rasumpa kuyakunqanmi mantsakoq kanqanta ushakäratsin. Rasumpa kaqchöqa, mantsakoq kaqqa, manam rasumparaqtsu kuyakun.+ 19 Noqantsikqa kuyakoq kantsik, puntata pë kuyamashqantsik kaptinmi.+
20 Pï nunapis, “noqaqa Diosta kuyämi” nikar, nuna mayinta* chikirqa ulikuykanmi o llullakuykanmi.+ Pï nunapis nuna mayinta* rikëkar mana kuyaqqa,+ manam mana rikanqan Teyta Diosta kuyëta puëdintsu.+ 21 Kë mandamientutam pëpita chaskirquntsik: pï nunapis Teyta Diosta kuyarqa, nuna mayintapis* kuyananmi.+