¿Bibliamanta estudiokunata munachinkichu?
1 Achka wawqe-paninchikkunam punta watukuyllapi Bibliamanta estudiokunata munachispanku sumaq experienciakunata tarirqaku. Huk runamasinchikmi qellqanchikkunata achka kutipi mana munaqchu karqa, ichaqa Bibliamanta estudiota munachiptinkum gustowanraq estudiayta munarqa. Nirqam: “Biblia estudiaytaqa munarqanim” nispa. Chaymi estudiota qallarikurqa hinaspam lliw ayllunpas utqayman espiritualpi wiñarqaku.
2 Llapanchikmi ancha allinta qawananchik Bibliamanta estudio qallariytaqa. Runamasinchiktam yachachinanchik espiritualpi wiñanankupaq hinaspa Cristopa qatiqninkuna kanankupaqpas (Mat. 28:19, 20). Yachachinanchikpaqqa paykunawanmi estudiana. Bibliamanta estudiotaqa qallarichwanmi runamasinchikman qawachispanchik imaynatam Bibliamanta hinaspa Diospa promesanmantapas astawan yachanman. Huk wawqenchikmi pichqa estudiokunata qallarirqa La vida en un pacífico nuevo mundo nisqan tratadota servichikuspan. Achka estudiantekunata yachachiyta mana atisqanraykum, wakinta huk wawqe-paninchikkunaman qoykurqa.
3 Bibliamanta estudiokunata facilllata qallariptinchikqa, huk wawqe-paninchikkunatam yanapachwan estudiokunata tarinankupaq. Otaq, congregacionpi wawqe-paninchikkunamanmi qochwan Bibliamanta estudiokuna qallarisqanchikta. Sichu Bibliamanta estudio qoyta munaptikiqa, ¿imanasqam mana munachinkichu wasin-wasin runamasinchikkunata predicaspa? Huk kutipim mosoqmanta watukurqaku mana ancha yachay munaq sipasta. Chayna kaptinpas Bibliamanta estudiotam munachirqaku, sipasqa munarqamá. Kunanqa bautizasqam kachkan hinaspam ñañanwan cuñadonpas huñunakuyman richkanku (Gal. 6:6).
4 Manam Bibliamanta estudio qallarisqanchik lliw runakunaqa hinalla estudianqaku. Hinaspapas manam lliw estudiaq runakunachu bautizakunqaku. Ichaqa wakinkunaqa bautizakunqakum. Bibliamanta achka estudiota qallariptinchikmi yanapawanchikman huk kaqninllantapas yanapanapaq Jehová Diospa serviqnin kananpaq.