Tapuykunapaq sección

◼ ¿Imatam ruwananchik reunionkuna tiempollanpi tukunanpaq?

Amigonchikkunawan imatapas kusisqa ruwaptinchikqa, ratollam tiempoqa pasarun. Chayraykum, reunionpi discursonchik kaptinpas mayninpiqa mana atinchikchu tiempollanpi ruwayta. ¿Imam yanapawachwan?

Tiempollanpim qallarina. Congregacionnintin huñukuptinqa, huk otaq iskay minuto ñawpaqtam salonpi kaqkunata invitana tiyanankupaq, chaymi tiempollanpi huñunakuy qallarinqa (Ecl. 3:1). Predicanapaq reunionman aslla hamunku chaypas, manam hukkunata suyaspachu tardeta qallarina.

Allinta preparakuna. Tiempollanpi tukunapaqqa allintam preparakuna. Qam discursanayki kaptinqa, allinta piensay kay temawan ima yachachiy munasqaykipi. Qaway importante puntokunata chaytataq allinta explicay. Ama rimaychu temayki pantachiq puntokunataqa. Entiendenapaq hina rimay. Demostracionniyoq otaq entrevistayoq discursoyki kaptinqa, allinta ñawpaqmanta ensayachiy. Qampas relojpi tiempota controlaspa ensayay.

Tematam rakina. Discursoykita rakiy seccionkunapi chaymi yanapasunki uyariqkunaña comentanqaku chaypas. Decidiy sapa seccionta hayka tiempopi ruwanaykita, chaytataq anotakuy discursanayki papelpi. Discursasqayki ratopi qawarikuy anotakusqaykita tiempoman hinachu ruwachkanki icha manachu. Uyariqkuna comentaptinqa, ama qallariy parrafokunapichu nisyuta comentachiy, último parrafokunapi importante puntokunata mana pawaylla tukunaykipaq. Atalayamanta yachachiqkunaqa allintam tiempota rakinanku recuadropi tukunapaq repasota ruwanankupaq. Manam utilizanankuchu takinapaq tiempota nitaq oración ruwanapaq tiempotapas.

Tiempollanpim tukuna. Reunión de Serviciopi hina, achka discursoyoq reunión kanman chayqa, llapankum discursaqkunaqa yachananku ima hora qallarinankuta, tukunankutapas. ¿Imatam ruwawaqchik programasqa tiempopi atrasakuspa? Huk otaq iskay hermanokunam discursonkupi, principal puntokunallataña rimankuman tiemponpi Reunionqa tukunanpaq. Chaytam ruwanku allin yachachiqkunaqa.

Uyariq wawqe-panikunapas yanapanchikmanmi tapusqaman hina asllata allinta comentaspa. Llapanchikmi yanapachwan Reunionkuna ‘tiempo churasqaman hina’ ruwakunanpaq (1 Cor. 14:40).