Diosta Servinapaq Huñunakuyta imayna ruranapaq
Kunanmantapacham, Diosta Servinapaq Huñunakuypi wakin nisqankuna cambiakunqa. 2009 wata mayo killapi Diospaq Llamkayninchik qellqapim lloqsimurqa, “Imaynatam Diosta Servinapaq Huñunakuypaq preparakuchwan”, niq yachachikuy. Chaypi nisqankunatam qatiqninpi yachachikuykuna astawan entiendechichkan.
◼ Discursomanta. Kaypiqa tupasqan yachachikuymantam rimanqa. Manam huñunakuqkunawanchu ruranqa. Yachachiqqa congregacionta yanapananpaq hinam ruranan.
◼ Tapukuywan kutichiypiwan yachachikuymanta. Sapa parrafonkunamanta tapuspam Llaqta Cuidaq revistata estudiaq hina rurakunan. Pisi rimayllawanmi qallarinan hinaspa tukunanpas. Kay yachachikuyta ruraqqa manam llumpaytachu rimanan. Tiempopa haypasqanman hinataqmi textokunatapas leekunqa. Leenapaq mana niptinqa, parrafokunataqa manam leekunqachu.
◼ Huñunakuqkunawan rurakunanmanta. Kaypiqa huñunakuypi kaqkunapas rimarinankum. Kayqa tapukuywan kutichiypiwan discursota hinam rurakunan.
◼ Demostracionkunamantawan iñiqmasinchikkuna tapunamanta. Kay yachachikuypi demostracionta ruranapaq niptinqa, kay ruraqmi chaymanta encargakunqa, kikinpuni mana ruranan kaptinpas. Chaypaqmi akllanan iñiyninpi allin kaqkunata hinaspa allin ruraqkunata. Allinmi kanman tiempowanraq demostracionta ensayayqa. Chayllaraq bautizakuqkunaqa manaraqmi ruranankuchu demostraciontaqa, ichaqa kanmanmi demostracion ruraqpa yanapaqnin. Demostracion ruraqkunaqa manam huñunakuypi kaqkunataqa qepanpakunankuchu. Pi iñiqmasinchiktapas tapunapaq kaptinqa, ñawpaqpim rurakunan manam tiyananpichu. Allinmi kanman demostracionkunatawan iñiqmasinchikkunata tapunapaq ensayayqa. Yachachiqpa tiempon mana haypasqanrayku pisillapiña ruranan kaptinqa, demostracionkunata otaq iñiqmasinchikkuna tapuytaqa manam saqenanchu. Siervo ministerialkunaqa puntatam tapunanku congregacionpi ancianomasinkunawan ruranankupaq yanapaqta (otaq huk ancianotapas) manaraq pitapas nichkaspa.
Mayqan yachachikuypas imayna rurakunanmanta niptinqa, chay nisqanman hinapunim rurakunan. Segurom kachkaniku kay yachachikuypa nisqankunaqa Diosta Servinapaq Huñunakuypi imapas ‘respetowan hinaspa ordenninpi’ rurakunanpaq yanapasunaykichikta (1 Cor. 14:40).