Servichikuy revistapa qepanta

Yaqa lliw runam revistakunata chaskispanku qaranpi kaqta puntata qawanku, chaymantañataq qonqayllamanta revistapa qepanta qawanku. ¿Chayta qawarqankichu? Wakinpim predicanapaq kaq Llaqta Cuidaq revistapa qepanpi rikurimun tapukuykuna hinaspa yachay munanapaq hina yachachikuykuna chaynataq may paginapi tarikusqanpas.

Chaypim tarichwan predicayta qallarinapaq ima tapukuykuna ruranamanta. Chaykunata servichikuspa sapa kuti predicaptinchikqa, killantinmi imayna predicayninchik mana chaynallachu kanqa. Pipas afanasqa kaptinqa, revistapa qepanpi kaq tapukuykunata qawachispam nichwan: “Kaymanta yachayta munaptikiqa, kay revistakunatam saqekiman hinaspam tiempoyki kaptinña hawka rimasun”, nispa. Wakin iñiqmasinchikkunam predicayta qallarinku revistapa qepanpi tapukuykunata akllakunankupaq qawachispa. Hinaspam ninku maypi chay tapukuypa kutichiynin kasqanta, leenkutaqmi akllasqanku textotapas. ¿Imaynatam qampas Llaqta Cuidaq revistakunapa qepan paginanta servichikuwaq munachinaykipaq?