Waqaychanapaq
Serviciopi predicanapaq yanapaqninchis
Kay sugerenciakunan yanapawasun sapanka publicacionkuna munachinapaq.
Acerquémonos a Jehová
“Diospi creeq askha runakunan munankuman payman astawan asuykuyta. ¿Yacharankichu payman asuykunanchista Diospa munasqanta? [Leey Santiago 4:8.] Kay libroqa qelqakun, Bibliankuwan yanapachikuspa Diosman asuykunankupaqmi.” Leey 16 paginapi, 1 parrafota.
“Mana chanin kawsayqa sinchitan kay tiempopi yapan. Kaypi nisqan hina [leey Eclesiastés 8:9b]. Askha runakunan tapukunku, ¿interesanchu Diosman icha manachu imapas sucedesqan? [119 paginapi, 4 parrafopi, qallariy simikunata leey]. ¿Imaraykun Dios mana chanin kawsayta hinallata qhawan? Kay capitulon chaymanta willan.”
¿Existe un Creador que se interese por nosotros?
“¿Maypin tarisunman allin consejota sasachakuykuna allichananchispaq? [Uyariy kutichisqanta. Chaymanta leey Mateo 7:28, 29.] Kay texton willawanchis Moqo patapi Jesuspa Yachachisqanta uyarispa runakunaq musphasqanta. Qhawariy chaymanta runakunaq nisqanta [willariy 152 paginapi qelqasqa wakin rimaykunata]. Kay capitulon willan Jesuspa yachachisqanmanta, paypa kawsayninmantawan.”
“¿Hayk’aqllapas Diosninchis tukuchinmanchu kay mundopi ñak’ariyta, mana chanin kawsaytapas? [Uyariy kutichisqanta. Chaymanta leey Revelación 21:3, 4.] Kay libron willan ñak’ariyta, Diospa imayna tukuchinanta.” Qhawarichiy 10 capitulota.
¡Manténgase alerta!
“Askha runatan llakichin kay tiempopi millay kawsaypa sinchi yapasqan [willariy llaqtaykipi yachasqayki sasachakuymanta]. ¿Yacharankichu chaykunaqa Diospa kamachinan tiempoq chayamunanpaq señalkuna kasqanta? [Uyariy kutichisqanta. Chaymanta leey Mateo 24:3, 7, 8; Lucas 21:7, 10, 11, otaq 2 Timoteo 3:1-5.] ¿Imaraykun kay tiempopi reparananchis profeciakunaq hunt’akusqanta? Chaymantan kay folleto willan.”
“Askha runan sinchita llakikun kay tiempopi ñak’ariykunata rikuspa otaq paykunata ima llakipas qatiriqtin. Wakinmi tapukunku, ¿imaraykun Dios hinallata qhawan chay ñak’ariykunata? Bibliapin Dios willawanchis runakuna ñak’arichiq sasachakuykuna tukuchinanta [leey Revelación 14:6, 7]. Qhawariy runakunapaq Diospa juicion imayna kananta [leey 2 Pedro 3:10, 13]. Kay folleton chaymanta astawan willasunki.”
El conocimiento que lleva a vida eterna
“¿Munawaqchu chhayna sumaq Paraisopi tiyakuyta? [Qhawarichiy 4, 5 paginakunapi dibujota, chaymanta uyariy kutichisqanta]. ¿Imatan ruwana chaypi tiyanapaq? Qhawariy Bibliaq nisqanta [leey Juan 17:3]. Kay libron yachachisunki wiñay kawsayman apaq yachaymanta.” Rimayta tukuy, kutimuqtiy leesun huk capitulopi pisqantin ñawpaq parrafokunata, nispa.
188, 189 paginakunapi dibujota qhawarichiy hinaspa chaypi qelqasqata leespa tapuy: “¿Paraisopichu kashanki, Diospa yachaynin allpanchista hunt’aqtin? [Uyariy kutichisqanta. Chaymanta leey Isaías 11:9.] Kay libron yachachisunki Paraisomanta Bibliaq willasqanta, chaypi tiyananchispaq ima ruwananchistapas”. Rimayta tukuy, kutimuqtiy huk capitulopi 11 parrafomanta 16 parrafokama leesun, nispa.
Aprendamos del Gran Maestro
“¿Allinyanmanchu kawsayninchis kay consejota llapa runa kasukuqtin? [Leey Mateo 7:12a. Uyariy kutichisqanta.] Kay libropin tarinchis lliw tiempopi hatun maestroq yachachisqankunata.” Libropi 17 capitulota maskhaspa qhawarichiy dibujokunata, chaypi qelqakunatawan.
“Kay tiempopiqa yaqa llapan tayta mamakunan allin ruwaykunata wawankuman yachachinku. ¿Allinchu kanman chay ruwasqanku? [Uyariy kutichisqanta. Chaymanta leey Proverbios 22:6.] Reparankichu huch’uychankumantapacha wawankuta tayta mamakunaq yachachinanpaq kaypi kallpachasqanta. Kay libron chaypaq ruwasqa.” Qhawarichiy 15 otaq 18 capitulopi dibujokunata, qelqakunatawan.
“Sapa kutinmi wawakunaq tapusqanqa tayta mamakunata musphachin. Wakinqa sasa kutichinan, ¿riki? [Uyariy kutichisqanta. Chaymanta leey Efesios 6:4.] Kay libron tayta mamakunata yanapanman wawanku tapuqtin kutichinankupaq.” Qhawarichiy 11, 12 otaq 34-36 paginakunapi dibujokunata, chaypi qelqakunatawan.
La vida. . . ¿cómo se presentó aquí? ¿Por evolución, o por creación?
“Llapanchistan llakichiwanchis llaqtanchispi millay kawsaypa kasqan. ¿Pillapas allichanmanchu kay sasachakuykunata? [Uyariy kutichisqanta.] Diosmi chaykunata allichanqa.” 196 paginapi librota kicharispa leey 19 parrafopi Proverbios 2:21, 22 versiculokunata, chaymantataq willariy. 16 capitulopi titulota qhawarichispa librota ofrecey.
Soqta paginapi librota kicharispa niy: “Askha runan piensan, sumaq Allpanchispas, chaypi imaymanakunapas yanqallamanta rikhurisqanta. ¿Pin ruwanman karan chaykunata? [Uyariy kutichisqanta.] Askha pruebakunan rikuchin tukuy atiyniyoq Kamaqninchismanta Bibliaq willasqan cheqaq kasqanta. Paymi cheqaq Dios, sutinmi Jehová.” Leey Salmo 83:18, NM, pisillapi willariy kay Allpanchista sumaq paraisoman tukuchiyta Diospa munasqanta.
El hombre en busca de Dios
“Kay tiempopin kan askha religionkuna, ¿imaynatan tarisunman Diospa aceptasqan religionta?” Kutichisqanta uyarispa, librota kichariy 377 paginapi, hinaspa qhawarichiy qanchis kaq puntota, chaymantataq tapuy, ¿hukllachanmanchu imaymana runakunata cheqaq religión? Chaypi huknin textota maskhaspa leey, tiempo kaqtinqa willariy chay listapi huk puntokunatawan. Sichus uyariqniyki astawan yachayta munan chayqa librota saqey. Manaraq ripushaspa tapuy: “¿Imaynatan cheqaq religión yanapanman runakunaq kawsayninpi?”. Rimanakuychis chaymanta huk p’unchay parlanaykichispaq.
Uyariqniyki runa allin reqsisqa religionmanta kaqtinqa, kaytan niwaq: “Huk religionniyoq runakuna reqsiyqa allinmi. Imaymanawanmi runaqa Diosta maskhan, [atispaqa leey Hechos 17:26, 27]. Runakunaqa tayta mamankuq religionnintan qatinku [leey 8 paginapi 12 parrafota]. Huk religionkunamanta yachayqa yanapawanchismi. Kay libron willawanchis mundopi allin reqsisqa religionkunaq imayna qallarisqanta, imakuna ruwasqanta, imakuna yachachisqantapas”. Uyariqniykiq religionninmanta libropi willasqanta qhawarichiy, kay paginakunapi tarisqaykita hina: sikhismo (100, 101); hinduismo (116, 117); budismo (141); taoísmo (164-166); confucianismo (177); sintoísmo (190-195); judaísmo (220, 221); islam (289).
Apocalipsis. . . ¡se acerca su magnífica culminación!
“Uyarirankipaschá kaymanta rimasqankuta [willay noticiata]. Ima desgraciapipas runakuna wañuqtinmi, wakinqa tapukunku, ¿imapin consuelota tarinkuman wañusqakunaq familian? ¿Ima ninkin qan?” Uyariy kutichisqanta. Chaymanta kichariy librota 299 paginapi hinaspa qhawarichiy kawsariymanta dibujota. Kaytan niwaq: “Askha runan admirakun kay Allpanchis Paraíso kaqtin, chaninkunapas mana chaninkunapas wañusqankumanta kawsarinankuta yachaspa [leey 297 paginapi 9 parrafopi qelqasqa Hechos 24:15 versiculota, chaymantataq leey 10 parrafota]. Kay libron willan hamuq tiempopaq Diospa munasqanta”.
La Biblia. . . ¿la Palabra de Dios, o palabra del hombre?
“Yaqa llapanchismi kay tiempopiqa sasachakuykunapi tarikunchis. Askha runakunan consejota maskhanku. Wakinmi tapunku layqakunata. ¿Maypin tarisunman cheqaq yanapaq allin consejota? [Uyariy kutichisqanta.] Biblian willawanchis llapanchispa yachananchispaq [leey 2 Timoteo 3:16. Chaymanta librota kichariy 187 paginapi hinaspa leey 9 parrafota]. Kay libron rikuchin Bibliapi consejokuna kasukuyqa allinpuni kasqanta.”
El hombre más grande de todos los tiempos
“Kay p’unchaykunapiqa askha runakunan piensanku Jesuspi. Mundopi mana allin kawsaypa kasqanraykun ichaqa ninku manan ñoqanchispiqa interesakunchu, nispa. ¿Ima ninkin qan?” Uyariy kutichisqanta. Librota kichariy 24 capitulopi hinaspa pisillapi willay Jesucristoq kay Allpaman imarayku hamusqanta. Juan 15:13 versiculota leespa allinta entiendechiy runakunata Jesuspa munakusqanta.
“Jesucristomanta rimaqtinchisqa askha runakunan piensanku qholla wawa kananpaq otaq wañunayaq runa kananpaq. Paykunaqa yachanku Jesuspa nacesqanmanta, wañusqallanmantawanmi. Manan ancha yachankuchu kawsasqan tiempopi Jesuspa sumaqkuna yachachisqanta nitaq ruwasqantapas. Jesuspa ruwasqanmi ichaqa Allpapi kawsaq llapa runakunata yanapan. Chayraykun, tukuy atisqanchista yachananchis ñoqanchisrayku sumaqkuna ruwasqanmanta.” Leey Juan 17:3. Ñawpaq kaq paginata qhawarichispa leey tawa parrafota.
¿Imatan Dios munan ñoqanchismanta?
“¿Munaranchu Dios kunan hina askha sasachakuykunapi kawsananchista? [Uyariy kutichisqanta. Chaymanta leey Mateo 6:10.] ¿Hayk’aqllapas tapukurankichu imataq Diospa Reinon?” Soqta leccionta kicharispa leey qallariypi tapuykunata. Chay leccionta estudiaychis otaq rimanakuypas kutimuspa estudianaykipaq.
“Askhataña runaq yachaynin kay tiempopi yapan chaypas, runakunata ñak’arichishallanmi onqoypas, wañuypas, nanaypas. ¿Yachankichu imatan Jesús ruwanqa onqosqakunapaq, machupayakunapaq, wañusqakunapaqpas?” Uyariy kutichisqanta. Sichus uyariqniyki munan chay tapuyman kutichinata chayqa, folletopi 5 leccionta kicharispa leey 5, 6 parrafokunapaq tapuykunata. Willariy chay parrafokunamanta otaq rimanakuypas kutimuspa yachachinaykipaq.
Adoremos al único Dios verdadero
“¿Pin yanapawasunman kawsayninchispi sasachakuykuna atipananchispaq? [Uyariy kutichisqanta. Chaymantataq leey Romanos 15:4.] Kaypi leesqanchis hinan Bibliaqa yachachiwanchis, consuelotapas, suyakuytapas qowanchis, chaykunan kallpachawanchis sasachakuykuna aguantananchispaq. Kay libron yanapan Bibliata leespa allinta entiendenanchispaq.” Qhawarichiy 30 paginapi tawantin puntokunata.
“Kay Allpapi Jesuspa kawsasqanmantapachan runakunaqa mañakunku Diospa Reinonpa hamunanta. ¿Yachankichu imatan chay Reino ruwanqa runakunapaq? [Uyariy kutichisqanta. Chaymanta leey Daniel 2:44.] Kay libron willan Diospa Reinon ima kasqanta, ima ruwananta, chanin gobiernonpa imayna yanapawananchistapas.” 92, 93 paginakunapi dibujokunata qhawachispa explicay.