Necesitasqankuman hina predicasun

Runakunaq allin kananta munaspan reparanchis ima necesitasqanta, rikuchinataq imaynatan Reino llapan sasachayninkunata allichanantapas (Fili. 2:4). Chaypaqqa, qelqanchiskunapi Paraisomanta dibujokunata paña ladopi kaqta rikuchispan askha publicadorkunaqa uyariqkunata allinta yanapanku, chayman hinataq tapunku kutichinankupaq. Predicay qallarinapaqqa kaykunata nisunman:

◼ “¿Hayk’aqllapas runakuna kusisqa kawsankumanchu kaypi rikusqayki hina?”

◼ “Lliwpas munasunmanmi wawanchiskuna khayna sumaq Pachapi kanankuta. ¿Imatan ruwana chhaynapi kawsanapaq?”

◼ “Kay dibujon rikuchiwanchis imaynan kanqa allpanchis, hanaq pachapi hina kay Pachapipas Diospa munaynin hunt’akuqtin. ¿Khaynachu kashan kunan tiempopi Allpanchis?

◼ “¿Munawaqchu khaynapi kawsayta? [Kutichinanta suyay.] ¿Rikusunmanraqchu?

Kutichisqanta allinta uyarispan yachasunman imayna piensasqanta hukta otaq iskayta tapuspa. Pipas mana munanmanchu dibujopi rikusqanman hina kawsayta otaq mana creenmanchu chayqa, ama usqhayta sonqonchispi nisunchu manan munanchu nispaqa. Sumaqllata tapusun imaraykun chhaynata piensan. Kutichisqanpin rikuchinman runakunaq sasachakuyninpi ancha preocupakusqanta, mana allichakuq hina kasqanmanta (Eze. 9:4).

Uyariqpa necesitasqanman hina predicana. Willanan imas paypaq Reinomanta aswan allin kasqanta. Interesasqanman hina hukta otaq iskay textota leesun (paña ladopi yanapaykunata qhaway). Kikinpuni Diospa Simin qelqapi sut’ichachun. Munaqtinqa, saqewaqmi qelqata kutispa astawan rimapayanaykipaq.

[6 paginapi recuadro]

Paraisomanta dibujokuna rikuchinapaq

Libro Creación: páginas 237, 243, 251

Libro Aprendamos: páginas 251-254

Libro Conocimiento: páginas 4, 5, 188, 189

Folleto Imatan munan: páginas 11, 13

Libro Verdadera paz: página 98

Libro Adoremos a Dios: páginas 92, 93

[6 paginapi recuadro]

Runakunaman preocupasqan temakuna

Millay kawsay, mana chanin kawsay

Isaías 9:6, 7;

2 Pedro 3:13

Allin kawsay pisiyapushan

2 Timoteo 3:1-5

Millay runakuna, k’araq sonqoyoqkuna

Salmo 37:10, 11;

Proverbios 2:21, 22

Llakiq ñit’isqan

Salmo 34:8;

Isaías 65:17-19

Allpa waqllichiy

Revelación 11:18

Imaymana onqoykuna

Isaías 33:24; 35:5, 6

Guerrapas, terrorismopas

Salmo 46:8, 9;

Miqueas 4:3, 4

Yarqay, pisi mikhuy

Salmo 72:16;

Isaías 25:6

Mana allin kamachikuy

Salmo 146:3, 4;

Daniel 2:44

Animalkuna ñak’arichiy

Proverbios 12:10

Wañuy, llakiy

Isaías 25:8;

Revelación 21:3, 4

Wakcha, ñak’ariy

Salmo 72:12-14;

Eclesiastés 8:9

Runamasinta sarunchay

Isaías 11:3-5;

Hechos 10:34, 35

Qolqemanta, wasimantapas sasachakuykuna

Isaías 65:21, 22