¿Allin ejemplochu hukkunapaq kanchis?
1. ¿Imatan discipulokuna Jesusmanta yacharqanku?
1 Jesusmi nirqan: “Yugoyman k’umuykukuychis, hinaspa ñoqamanta yachaqakuychis”, nispa (Mat. 11:29). Jesusqa ejemplonwanmi yachachiq, manan rimasqallanwanchu. Payqa munakuq, sumaq sonqo, huch’uyyaykukuqmi karqan (Mat. 8:1-3; Mar. 6:30-34; Juan 13:2-5). Tukuy sonqowanmi Diosmanta yachachirqan, chaykunata rikuspaqa anchatachá discipulonkunaqa yacharqanku (Luc. 8:1; 21:37, 38). Ñoqanchisrí, ¿allin ejemplochu hukkunapaq kanchis?
2. ¿Imaraykun allinta p’achakunanchis sumaq sonqotaq kananchis?
2 Uyariwaqninchis runakunapaq. Allin yuyaywan p’achakusqanchista, sumaq sonqo kasqanchista, paykunapi interesakusqanchista ima rikuspan runakunaqa Bibliamanta yachayta munankuman (2 Cor. 6:3; Fili. 1:27). Chaymantapas reparankun Bibliawan yachachisqanchista, rimaqtinku respetowan uyarisqanchistapas. Chaykunapi allin ejemplo kayqa ancha importanten, chhaynapin paykunaqa allin willakuykunata uyarinkuman.
3. ¿Imaynapin allin ejemplo kasunman iñiqmasinchiskunapaq?
3 Iñiqmasinchiskunapaq. Predicacionpi tukuy sonqowan llank’aqtinchisqa iñiqmasinchiskunapas chhaynatan ruwallankumantaq. Imaynan fierrotaqa fierrowan filochakun chay hinatan preparakuspa allinta predicaqtinchisqa hukkunapas kallpachakunqaku chhaynata predicanankupaq (Pro. 27:17). Sichus interesakuq runakunawan rimaspa allinta hunt’asun registro de casa en casa nisqa hojata, hinaspa usqhaylla kutisun chayqa, hukkunapas kaqllatataqmi ruwanqaku. Predicacionpi tukuy sonqowan llank’aqtinchisqa allin ejemplon paykunapaq kasun.
4. ¿Imaraykun qhawarikunanchis hukkunaman ima ejemplota qoshasqanchista?
4 Mayninpiqa ruwasqanchista rimasqanchista qhawarikuspan tapukusunman: “¿Allin ejemplochu hukkunapaq kani?” nispa. Hukkunapaq allin ejemplo kaqtinchisqa Jehová Diostan kusichisun, apóstol Pablo hinataq sientekusun, paymi nirqan: “Ñoqamanta yachaqakuychis, imaynan ñoqapas Cristomanta yachaqakuni hinata”, nispa (1 Cor. 11:1).