Predicashaspa rikuchiy Bibliamanta estudio imayna aparikusqanta

Bibliamanta estudiota munachiqtinchisqa askha runakunan ninku: “Manan munanichu” otaq “iglesiaypin estudiashaniña” nispa. Paykunaqa yuyaykunkun huk religionkuna hina yachachinanchispaq, chaymi mana yachankuchu Bibliamanta estudio qosqanchis may sumaq kasqanta. Chayraykun estudiota munachinamantaqa allin kanman chay estudio imayna aparikusqanmanta ratolla rikuchiy. Imaynan allin wayk’uqpas wayk’usqanta mallichin, chay hinatan Bibliamanta estudio imayna aparikusqanta rikuchinanchis. Chaypaqmi yanapayta tariwaq 2006 watamanta enero killa Reinopaq Servicionchispi 6 paginapi, chaypi nisqanman hinan qatiqninpi yachasunchis imayna ruwanapaq.

Khaynatan nisunman: “¿Hayk’aqllapas kay simikuna hunt’akunmanchu? [Leey Isaías 33:24 textota, uyariytaq ima ninqachus chayta.] Chaymantan kay libropi rimashan”, nispa. ¿Imatapunin Biblia yachachin? nisqa librota payman qoy, hinaspa 36 paginapi 22 parrafota maskhachiy. Chaymantataq uranpi kaq tapuyta leey, hinaspa niy parrafota leesqaykiman hina kutichinanpaq. Leeyta tukuspa hukmanta tapuy, uyariytaq kutichisqanta. Huk textotawan leeychis. Niy imamanta hukpi rimanaykichista, hinaspa rimanakuychis hayk’aq kutinaykipaq. Chhaynapin Bibliamanta huk estudiotaña qallarishanki.