¿Munachishankichu kay folletokunata?

Bibliaq Willasqan

Chay folletoqa ruwakun Bibliamanta pisillata yachaq runakunapaqmi.

¿Imaynatan munachisunman? “Yachaytan munayman kay allin reqsisqa libropi nisqanmanta ima yuyaykusqaykita. [Leey Salmos 37:11 textota, chaymi tarikun folletoq 11 t’aqanpi.] ¿Imaynan kay pacha kanqa chaypi willakusqan hunt’akuqtin? [Uyariy kutichisqanta.] Kaypin rikuchiwanchis imaymana costumbrekunayoq creenciakunayoqpas runakuna Bibliamanta suyakuyta sonqochaytapas chaskinankumanta.” Leey 3 paginaq hawanpi kaqta, hinaspa folletota munachiy.

Kaytan ruwawaq: Sichus yachachishanki Imatapunin librowan mana religionniyoq runata chayqa, yanapachikuwaqmi Bibliaq willasqan folletowan, chaytan ruwawaq pisi minutokunallapi, sapa estudiota manaraq qallarishaspa otaq tukusqaykichis qhepaman. Chhaynapin pisillapi qhawarichinki imatachus Biblia yachachin chayta.

Diospa amigonmi kasunman

Chay folletoqa ruwakun mana leey yachaqkunapaqmi otaq pisillata yachaqkunapaq.

¿Imaynatan munachisunman? “¿Atisunmanchu Diospa amigon kayta? [Uyariy kutichisqanta. Chaymantataq Santiago 2:23 textota leey.] Kay folletoq yachachikuyninmi yanapawasun Abraham hina Dioswan amigontin kananchispaq.”

Kaytan ruwawaq: Chayllaraq visitashaspa otaq kutispapas estudiota qallariy folletoq 1 t’aqanwan, chay t’aqamantan llapanta estudiawaqchis otaq wakillanta.