Diosqa bendecinmi runamasinta yanapaqtaqa

Askha runakunan mana mijunayoq mana wasiyoq ima kashanku. Chaymi wakinqa jamuq tiempopi sumaq kausay kananmanta uyarispa kusikunku. Jujkunata yanapasun chayqa, Diosmi astawanraq kutichipuwasun.

¿IMATAN BIBLIAPI NIWANCHIS?

“Wajcha runaman manuyqa Señor Diosman manuymi, Señor Diosmi manusqantaqa kutichipunqa” (PROVERBIOS 19:17).

¿IMATAN RUWASUNMAN JUJKUNATA YANAPANANCHISPAQ?

Jesusmi willaran juj runamanta, paytan suwakuna maqaspa llapa kaqninta suwaranku, jinaspa wañunayashaqta saqerpariranku (Lucas 10:29-37). Waj llaqtayoq runataq payta khuyapayaspa yanaparan.

Chay runaqa manan chay ratollachu jampiran, aswanpas qhaliyanankaman yanaparan, chaymi qolqetaraq qoran kausananpaq.

¿Imatan chaymanta yachasunman? Tukuy atisqanchisman jinan runamasinchista yanapananchis, chaytan Jesusqa yachananchista munaran (Proverbios 14:31). Diosqa pisi tiempollamantan tukuchipunqa wajcha kayta, tukuy mana allinkunatapas. Ichaqa, ¿imaynatan chayta ruwanqa? Qatimuqpin yachasun imakunatachus Diosninchis runakunapaq ruwanqa chaymanta.