Ama sayk’uychu

Pabloq imachus ruwasqan

VIDEO: Pabloqa mana sayk’uspan Éfeso llaqtapi Diosmanta willashallarqan

1. VIDEOTA qhaway otaq leey Hechos 19:​8-10 textota. Jinaspa qatimuq tapuykunapi yuyaymanay:

1. Wakin runakuna manaña uyarikuyta munarqankuchu chaypas, Pabloqa uyarikuyta munaq runakunataqa yanapashallarqanmi, ¿imaynapin chayta yachanchis?

2. ¿Jayk’a unaymantan Pablo kutiq uyarikuyta munaq runakunaman? ¿Jayk’a tiempon chayta ruwarqan?

¿Imatan yachasunman Pabloq imayna yachachisqanmanta?

2. Yachayta munaq runakunaman kutinanchispaqqa, Bibliamanta yachachiyta qallarinanchispaqpas kallpachakunanchismi, tiempota iman t’aqananchis.

Pabloq ruwasqanta jina ruway

3. Ima horas kutinaykitachus munan chay horasta kutiy. Tapukuy: “¿Jayk’aqmi tiempon kashan rimanaykupaq? ¿Maypi tupanaykutan munanman?”, nispa. Ima p’unchay kutinaykipaqchus nisunki chay p’unchay kutiy, manaña qanpaq facilchu kanman chaypas.

4. Tapuy ima p’unchaychus kutinaykita munanman chayta. Ama ripuychu ima horastas ima p’unchaysi kutiwaq chayta mana tapuspaqa. Amataq qonqaychu chay p’unchay kutiytaqa.

5. Ama pisipaychu. Mana wasinpi tarinkichu otaq ocupasqata tarinki chayqa, ama niychu “manapaschá yachayta munanñachu” nispaqa (1 Cor. 13:​4, 7). Aswanpas kutishallay, ichaqa ama tiempoykitaqa yanqa usuchiychu (1 Cor. 9:26).