Negocio ruwana sitiokunapi predicaspa
1 ¿Imaraykun predicana negocio ruwana sitiokunapi?
1 ¿Munawaqchu predicayta lliw runa uyarisuqtiyki? ¿Predicanayki sitiopi runakunata tariwaqpuni chaypas? Congregacionniykiq predicasqan sitiopin chayta ruwawaq. ¿Imaynata? Negocio ruwana sitiokunata visitaspa. Negociokunapi predicaq publicadorkunaqa tarinkun interesakuqkunata.
2 ¿Imaynatan predicana negocio ruwana sitiokunapi?
2 Wakin congregacionkunaq predicananpaq asignasqa sitiokunaqa negocio ruwanakunan. Predicanapaq encargasqa hermanon tarjetakunata ruwanan chay territoriomanta. Wasikuna predicanapaq tarjeta ruwasqankupi negociokuna kaqtinqa willanankun mana visitanankupaq. Mayninpiqa, wasikunapas negociokunapas huk territoriollapin kanman. Sichus mana hayk’aqpas negociokunapi predicarankichu chayqa, qallariy huch’uy tiendakunapi.
3 ¿Iman yanapawasun tiendakunapi allinta predicananchispaq?
3 Entiendenapaq hina qallariy. Tiendakunapi predicanaykipaqqa, Salón del Reinoman rinaykipaq hina p’achakuy. Chaymantapas yachanaykin ima horapi tiempoyoq kasqankuta. Rantiqkunaq mana kasqan horapi haykuy. Ñawpaqtaqa encargadowan chikallanta rimay. ¿Ima niwaqmi?
4-6 ¿Imaniswanmi tiendapi dueñota otaq encargadotapas?
4 Dueñowan otaq encargadowan rimaspaqa, kaytan niwaq: “Negociantekunaqa nishu ocupasqan kankichis chaymi wasiykichispiqa mana tarikunkichischu, chayraykun negocioykichispi visitamuyku. Kay revistaykun willashan mundontinpi imaymanaq sucedesqan imapi tukunanmanta”, nispa. Chaymanta pisillapi willay revistapi huk puntota.
5 Kaytan nillawaqtaq: “Askha runan munanku Bibliamanta yachayta, pisi tiempollayoqmi ichaqa kanku. Kay tratadon willan Bibliata gratis estudiaspa Bibliamanta tapukusqaykikuna kutichisqa kananta”, nispa. Chaymanta rikuchiy ¿Le gustaría saber más de la Biblia? tratadota 4, 5 paginakunapi
6 Encargado ocupasqa kaqtinqa, tratadota ofrecey kayta nispa: “Huk kitipiña humusaq mana ruwanayoq kaqtiyki. Chaypiña kay tratadomanta rimasun”, nispa.
7 ¿Imaynatan astawan interesachiswan negocio ruwana sitiopi runakunata?
7 Astawan interesachiy. Negocio ruwana sitiokunapipas Bibliataqa estudiachiswanmi. Huk precursor especialmi negocianteman sapa kutin revistata saqesqa. Leespa interesakuqtinmi precursorqa ¿Imatan Dios munan ñoqanchismanta? folletowan Bibliata imayna estudianata rikuchisqa. Negocio ruwasqanpin estudiayta qallarisqaku, atisqanman hinan 10 otaq 15 minutota precursorqa estudiachisqa. Pay hina ñoqanchispas negociokunapi predicaspa mereceqkunata maskhasunchis.