Predicanapaq yanapaykuna: Negocio puestokunapi predicasun

Imarayku allinpuni. Askha runakunan ch’isiyaq kanku llank’anankupi, chaymi llank’anallankupi paykunataqa tarisunman allin willakuykunata willananchispaq. Negocio puestokunapi predicayqa allinpunin. Chay puestokunapiqa tarisunpunin pillatapas predicananchispaq, chaymantapas chaypi atiendeqkunaqa sumaqtan chaskinku llapa chayman riqkunata. Chhaynaqa, ¿imatan ruwasunman chaykunapi allinta predicananchispaq? Allin reparaqmi kananchis, allin yuyaywanmi p’achakunanchispas (2 Cor. 6:3). Predicacionta qhawariq umallin ninan pikunachus negocio puestokunapi predicanqaku chayta, hayk’aqchus predicanqaku chaytapas.

Imaynatan ruwasunman:

Pisillatan rimananchis. Chay negociokunapi atiendeqkunata nishuta parlapayasun chayqa, manañapaschá hukpiqa uyariyta munanqakuchu.
Ima horapichá pisilla rantikuqkuna kashanku chay horapin predicasunman, yaqapaschá chay kanman chayllaraq puestonkuta kichashaqtinku.
Atikuqtinqa chay puestopi encargasqa kaqwanmi ñawpaqta rimananchis. Respetowanmi rimananchis, yaqapaschá nisunman: “Huk ratollan visitamushayku negociokunapi llank’aqkunata, wasinkupi tariy huk chhikan sasa kasqanrayku”, nispa. Chaymantataq pisillata rimaspa qhawachisunman mayqen qelqanchistapas. Ichaqa manan rimananchischu donacionkunamantaqa, mana chayqa vendeqkunata hinan qhawariwasunman.
Chay encargasqa runa sumaqta uyariwasun chayqa, permisotan mañakusunman wakin llank’aqkunawanpas pisillata rimananchispaq. Sichus wakin puestokunapi kan suyanapaq sala otaq maypi tiyakunapaq sitio chayqa, yaqapaschá encargasqa runata permisota mañakusunman wakin qelqanchiskunata chaypi saqenapaq.
Allinta qhawarispan imatapas ruwananchis. Sichus huk atiendeq ocupasqa kashan chayqa, suyananchismi imachus ruwashasqanta tukunankama.

Killantin kayta ruway:

Sichus negocio puestokunapi predicanki chayqa, familiantin Diosta yupaychana ch’isipi practicay imaynatas predicawaq chayta.