Jehovaq Testigonkunaq Distrito Asamblean 2005 “Diosta kasukuy”
1 Allin Yachachiq kaspan, Jehová Dios huñuwanchis yachachiwananchispaq (Isa. 30:20, 21; 54:13). Esclavo fiel discretowanmi sapa watan distrito asamblea huñunakuykunata organizan (Mat. 24:45-47). Salmista hinan ñoqanchispas takinanchis: “Huñunasqa runakuna qayllanpin Señor [“Jehová”, NM] Diosta saminchasaq”, nispa (Sal. 26:12). Davidqa allintan yacharan Jehová Diospa yachachisqan allin kasqanta, decidisqataqmi Diospa llaqtan huñunakusqanman riyta.
2 ¿Munawaqchu askha ‘runakunaq huñunakusqanman’ “Diosta Kasukuy” Distrito Asambleaman riyta? Chhayna kaqtinqa, qatimuq willakuykunan yanapasunki.
3 Allichakushayña sapa p’unchay rinaykipaq. “K’uchi [otaq yuyaywan usqhay ruwaq] runaq yuyaykusqankunaqa allinmankaman tukun.” (Pro. 21:5.) ¿Manachu asambleaman rinapaq kaykuna yachachiwanchis kunanmantapacha allichakunanchispaq? Llapallan programata uyarinapaqqa, kunanmantapachan allichakushana kinsantin p’unchay rinapaq. Permisota mañakushayña llank’anaykimanta, mana iñiq qosaykiman warmiykimanpas willanayki kaqtinqa willashayña. Ima sasachakuykunapiña tarikuspaykipas Jehová Diosman mañakuy, paypi confiaqtiykin “yuyaykusqaykikuna hunt’akunqa” (Pro. 16:3). Qanwan Bibliata estudiaqkunatapas yanapawaqmi kinsantin p’unchay chaypi kanankupaq.
4 Alojamiento. Alojamiento Departamentoqa maskhanqa alojamientota mana tariy atiqkunapaqmi. Wayqe pananchiskunaq wasinpi alojakunankupaqqa allin conductayoqmi wayqe panakunapas, wawankupas kananku, kaytaqa congregacionpi Comité de Servicion aprobanan. Alojamientopi allin kanankupaqqa munakuywanmi yanapanakunanku alojaqpas alojakuqpas.
5 Asambleapin wayqe pananchiskunata, munakuywan wasinchispi chaskisunchis. Llaqtanchispi asamblea kaqtinqa, ¿chaskisunmanchu wasinchispi wayqe pananchiskunata? Asambleakunapaqqa necesitakunmi askha alojamientokuna. Munakuyninchistan rikuchinanchis, ‘ama ñoqanchispa allinnillanchistaqa maskhasunchu, aswanpas hukkunaq allinnintapas maskhanallataqmi’. Alojaqpuni kaqtinchisqa Jehová Diosmi saminchawasun. Congregacionpi secretariowanmi rimana alojamiento formulariota apachinanpaq (Fili. 2:4; 3 Juan 5). Huk llaqtapi asambleaman rinaykipaq necesitanki alojamientota chayqa secretarioman willay. Hunt’asqa solicitudtataq qoy hermanoman, payñataqmi apachinqa. Chaskispa hina hunt’ay.
6 Alojamientoqa asamblea p’unchaykunallapaqmi; manan allinchu kanman ima ruwanapaqpas asamblea ñawpaqta riyqa, nitaq asamblea tukuyta qhepakuypas. Munakuq cristianoqa wasiyoqta respetaspan rikuchinqa agradecido kasqanta. Wawankutapas yachachinankun alojakusqanku wasita respetanankupaq; manan imatapas maskhakunankuchu, nitaq imatapas malogranankuchu. Sociedadpa kamachisqanta llapanchis kasukusun chayqa, hamuq tiempopipas chaskillasunmi alojamientota.
7 Mana kaqniyoqta yanapay. Wakin cristianokunamantan apóstol Pablo niran: “Anchatan kallpachawarqanku”, nispa (Col. 4:7-11). Chay wayqekunan wakin necesitasqanta yanaparanku. ¿Imaynatan ñoqanchispas asambleaman hamuqkunata ‘anchata kallpachasunman’? Kuraqkunapas, onqosqakunapas, precursorkunapas necesitankumanmi carropi apanata otaq alojanatapas. Familiankun ñawpaqtaqa atiendenanku (1 Tim. 5:4). Paykuna mana atiqtinkuqa cristiano wayqe pananchiskunapaschá yanapankuman (Sant. 1:27). Reparaq kaspanchisqa rikusunmanmi congregacionpi yanapana necesitaqkunata. ¿Risunmanchu paykunawan asambleaman? Precursorkunawan viajaspaqa experienciakunatan willawasunman. Kuraq kaqtinkuqa, yaqapaschá cristiana kawsaynin sumaqllana kanman willawananchispaq. ¿Manachu kay wayqe pananchiskuna ñoqanchista, familianchistapas kallpachawasunman? Estudio libropi superintendentekunan gruponpi necesitaqkunata tapurinanku yanapanankupaq, ñawpaqmanta allin organizasqa kananpaq.
8 Chawpi p’unchaypi kusikuy: Huk watakuna hinan asambleaman mikhunata apakunanchis. Kayta kasukuspan yaqa llapa wayqe panakuna chawpi p’unchaypi familiankuwan mikhunqaku. Askhan ninku chawpi p’unchay samarinapaq sumaq kasqanta, wayqe panakunawanpas rimarikunankupaq. Chaypaqmi ñawpaqmanta wayk’unapaq tomanapaqpas rantikushana. Invitasqanchiskunapas apakunankun mikhunankuta.
9 Necesitakunmi voluntariokuna. Jesusmi saqewaranchis allin ejemplota, humildadwan hukkunaq necesitasqanpi interesakuspa (Luc. 9:12-17; Juan 13:5, 14-16). Chhaynallataqmi kanku asambleapi llank’aq voluntariokunapas. Asamblea departamentokunapi llank’anankupaqmi, asambleapaq comité mañanqaña wayqekunata yanapananpaq. Chaypaqmi ancianokuna kikinkumanta ofrecekuspa asignacionkunata chaskinanku. Kusikuywan chaskisqankun congregacionpaqpas allin ejemplo kanqa (1 Ped. 5:2, 3).
10 Wakin departamentokunaqa necesitanmi askha voluntariokunata; acomodadorpaq, asamblea localta pichanapaq, manaraq qallarishaqtin, chawpi p’unchayta, tukunapaqpas. Congregacionpi secretariomanmi willananchis imapi yanapananchispaqpas. Pisillatapas wayqe pananchiskunata servisqanchismi anchata yanapanqa, kusichisunkitaq.
11 Asamblea ruwakushaqtin yanapana kanqaraqmi. Yanapayta munaspaqa, asambleapi Servicio Voluntario departamentoman asuykuy. Manaraq 16 watanman chayaq waynakunapas taytankuq qhawasqan otaq kuraq wayqeq qhawasqan yanapankumanmi. Anchatan agradecekunqa yanapasqanchista, yanapanqataqmi asamblea allin kananpaq (Sal. 110:3).
12 Hukkunaq rikusqan. Hotelpi llank’aq jefan nin: “Qankunan hukkunamantaqa sumaq runa kankichis, allin conductayoq kasqaykichisrayku. Hotelpi llank’aqkunan qankunamanta rimashallanku, allin tratasqaykichismanta, propina chaskisqankumantapas. ¡Qankuna hamuqtiykichismi semana tukuytaqa (sábado y domingo) llapanku llank’ayta munanku!”. Huk periodistan llaqtanpi askha religionkunaq huñunakusqanman rispa, rikusqanmanta qelqaran. Huknin kaqmi admirachiran. Chaymi nin: “Kinsa watan rirani Jehovaq testigonkunaq asambleanman. Paykunawan kashaspaqa manan hayk’aqpas rikuranichu cigarro pitaqta, cerveza tomaqta nitaq millay rimaqkunatapas. Reparasqayman hina ch’uya runakunan kanku, allin yachachisqa, sumaq sonqoyoq, allin p’achasqataq, kawsayniypiqa manan khaynataqa rikuranichu”. Allin conductayoq kasqankumantapasmi kaytaqa rimanku. Piensay, imaynataraqchá Jehová Diosqa kusikun hatunchanapaq hina kawsasqanchismanta (1 Ped. 2:12).
13 “Hunt’aq mayordomowanmi”, Jehová Diosqa llaqtanta huñuchin distrito asambleapi espiritual yachachiyta chaskinankupaq (Luc. 12:42). Sasapasmi kanman kinsantin p’unchaypaq allichakuyqa, allinninchispaqmi ichaqa kanqa. “Diosta Kasukuy” Distrito Asamblean, Jehová Diosta servinanchispaq decidikusqanchista kallpachawasun kunanpas wiñaypaqpas. “¡Huñunakuypi llapallaykichis Diosta saminchaychis!”, nispa salmistaq nisqanta kasukushallasun (Sal. 68:26).
[3 paginapi recuadro]
Horario
Ñawpa kaq, iskay kaq p’unchaypiwan tutamantan
9.30 - tukunqataq 5.05 tardeta
Kinsa kaq p’unchay
tutamanta 9.30 - tukunqataq 4.10 tardeta