Telefonopi predicasun
1. ¿Imaraykun telefonopi predicay allinpuni kanman?
1 Telefonopi predicaspan runakunata yanapasunman Diosmanta yachanankupaq wiñay kawsayta chaskinankupaqwan, chayraykun allinpuni kanman telefonopi predicay (2 Ped. 3:9). Ñoqanchisqa wasin-wasintan astawan predicanchis, ichaqa mayninpin mana wasinkupi tarinchischu, chayraykun paykunata tarinanchispaq telefonopi predicasunman (Mat. 24:14; Luc. 10:1-7; Apo. 14:6).
2. ¿Imaynatan preparakusunman telefonopi predicanapaq?
2 ¿Imaynatan telefonopi predicasunman? Wasin-wasinta predicananpaqqa territoriokunatan preparakun, chhaynallataqmi ruwakun telefonopi predicanapaqpas. Sichus telefonopi predicayta munanki chayqa, huk territoriotan mañakuwaq hinaspa qanlla otaq hukwanpas iskaywanpas predicawaq. Maymantachus waqyashanki chayqa ch’inllan kanan. Wakin iñiqmasinchiskunaqa ima qelqakunatachus wasin-wasinta predicanankupaq apanku chaykunatan ladonkupi otaq mesa patapi churanku.
3. ¿Imatan yuyarinanchis telefonopi predicaspa?
3 ¿Imamantan rimasunman? Diosmanta Willasunchis nisqa hojapi, Razonamiento libropi, ¿Hayk’aqllapas kaykunata tapukurankichu? nisqa hojapipas tarisunmanmi imayna predicanapaq yanapaykunata. Ñawpaqtan akllananchis imamanta rimanata, chaymantataq yuyaykuna ima tapuyta ruwasun chayta, hinamantaq akllananchis textokunata tapuy ruwasqanchisman kutichinapaq. Chay killapi munachinanchis qelqakunatan munachisunman. Rimaspaqa sumaqllata rimay. Chayllaraqchus telefonopi predicayta qallarinki chayqa, yaqapaschá leespalla qallariwaq, ichaqa parlapayashawaqpas hinallan leenayki. Ichaqa kaykunata yuyariy: Sumaqllata rimay, respetowan, pacienciawan, munakuywantaq; uyariqniykiqa reparanqan chaykunataqa. Allinta uyariy rimasqanta, niytaq: “Allinmi nisqaykiqa”, nispa. Ama rimariychu donación qonanmanta, mana chayqa “telefonopi vendeqchá”, nisunkimanmi.
4. ¿Pikunaman chayanapaqmi allin kanman telefonopi predicay?
4 Wakin runakunaqa onqosqa kasqankuraykun mana atinkuchu wasinkumanta lloqsiyta, wakintaq llank’anankupi kasqankurayku mana wasinkupichu kanku, wakintaq allin vigilasqa wasikunapi tiyanku, manataq dejankuchu chaykunaman haykunanchista. Telefonopi waqyaspallan chay runakunataqa predicasunman. Chhaynaqa, kallpachakusunyá telefonopi predicananchispaq, chhaynapin allinta hunt’asunchis Diospaq llank’ayninchista.