Hatun huñunakuykunaqa Diospa yachachikuyninkunatan hatunchan
1. ¿Ima yachachikuykunapin israelitakuna yuyaymanaqku?
1 Israelitakunaqa watapi kinsa kutitan huñunakuqku Diosta yupaychana fiestakunapi. Chaymanqa qharikunallan riqku chaywanpas llapa familiantinmi Jerusalenmanqa viajaqku (Deu. 16:15, 16). Chay huñunakuykunapiqa Diospa yachachikuyninkunapin yuyaymanaqku. ¿Mayqenkunapin yuyaymanaqku? Diospa munakuyninpi qoykukuq kayninpipas (Deu. 15:4, 5). Paypa pusarisqanpi yanapasqanpipas (Deu. 32:9, 10). Diospa llaqtanmanta kasqankurayku chaninkayta rikuchinankupi (Deu. 7:6, 11). Ñoqanchistapas chay hinatan yanapawasun kay hatun huñunakuyninchis.
2. ¿Imaynatan hatun huñunakuy Diospa yachachikuyninkunata entiendechiwanchis?
2 Diospa yachachikuyninkunatan entiendechiwanchis. Hatun huñunakuykunapiqa discursokunata, dramakunata, demostracionkunata, iñiqmasikunaq willakusqankuta iman uyarinchis, chhaynapin yanapawanchis Diospa yachachikuyninkunata entiendenapaq (Juan 17:17). Jehová Diospa llaqtanqa anchatan kallpachakun llapa runakunapaq hina yachachikuyta preparamuspa (Mat. 24:45-47). ¡Chaykunapi yuyaykuyqa anchatan kusichiwanchis!
3. ¿Iman yanapawasun hatun huñunakuypi yachachikamusqanta allinta entiendenapaq?
3 Chay hatun huñunakuypi yachachikuykunata allinta entiendenapaqqa iskaynin p’unchaymi rinanchis makillataqmi uyarinanchispas. Chay p’unchaykunapaqqa permisotan patronniykimanta mañakunayki, hinallataq allinta samanayki. Makilla uyariy otaq pisillapi qelqay. Chay ratoqa manan telefonopi otaq imapipas rimashanachu nitaq mensajekunatapas apachishanachu. Manan ukyashanachu nitaq mikhunanchispaschu, ichaqa sichus necesitankipuni mikhuyta otaq ukyayta onqosqa kasqaykirayku otaq tiempo mana allin kaqtin chayqa atillawaqmi.
4. ¿Imaynatan tayta-mamakuna yanapankuman wawakunata allinta uyarinankupaq?
4 Isrelitakunaqa sapa qanchis watan ch’uklla ruway fiestapi huñunakuqku, chaymanqa llapa familiakunan ‘wawakunantin’ riqku Diospa Siminta uyarinankupaq yachanankupaqpas (Deu. 31:12). Kay tiempopipas ancha kusikunapaqmi hatun huñunakuykunapi askha familiakuna, wawakunapas tukuy yuyaywan uyarishaqta rikuyqa. Chay p’unchaypi uyarimusqanchis otaq qelqamusqanchis yachachikuykunata ch’isinta yuyariyqa ancha allinmi kanman. Wawakunapiqa ‘loqhe-kaymi [mana yuyayniyoq-kaymi] [...] sonqonkupi saphichakun’ chaymi tayta-mamakunaqa mana ‘hinallatachu qhawananku’, aswanmi makilla cuidananku mikhuna horasta qorpachakusqanku wasipipas (Pro. 22:15; 29:15).
5. ¿Imaynatan allin runa kananchis Diospa yachachikuyninkunata sumaqchan?
5 Allin runa kayqa sumaqchanmi Diospa yachachikuyninkunata. Hatun huñunakuypa aparikunan llaqtapi allin runa kasqanchista rikuchiyqa Diospa yachachikuyninkunatan sumaqchan (Tito 2:10). Qorpachakuna wasipi llank’aqkunaqa ancha kusisqan sientekunku pacienciakuq, sumaq sonqo, yanapakuq runakunata qorpachaspa (Col. 4:6). Qayna watan hatun huñunakuymanta encargakuqkuna qorpachana wasita alquilaq riqtinkun chay hotelmanta encargakuq señora nirqan: “Anchatan kusikuyku Jehová Diospa Testigonkuna hotelniykupi qorpachakusqankumanta. Paykunaqa allin educado sumaq sonqo runakunan kanku. Hinaspapas respetowanmi qhawarinku chaypi llank’aqkunata hinallataq wasitapas”, nispa.
6. ¿Imaynatan p’achakusqanchis Diospa yachachikuyninkunata sumaqchanman?
6 Qhasqonchispi apasqanchis tarjetaqa manan sutillanchistachu willan nitaq hatun huñunakuyllamantachu, willallantaqmi Diospa munasqanman hina kawsaq runa kasqanchista. Runakunaqa usqhayllan reparanku kay pacha runakunaq imayna p’achakusqankumantaqa ukniray p’achakusqanchista (1 Tim. 2:9, 10). Chaymi allinta p’achakunanchis hatun huñunakuy aparikusqan llaqtapipas qorpachakusqanchis wasipipas. Manan chaymanqa qhoro pantalonniyoq nitaq poloyoqpas rinachu. Hatun estadiopiña huñunakuyninchis kanman chaypas allin p’achasqan kananchis. Mikhuq rinanchispaq p’achanchista cambiakusunman chayqa allintan p’achakunanchis.
7. ¿Imaynatan hatun huñunakuykunapi iñiqmasinchiskunawan sumaqta parlarisunman?
7 Israelitakunaqa yupaychana fiestakunapin sumaqta huk llaqtayoq iñiqmasinkuwan reqsinakuqku, chhaynapin astawan hukllachanakuqku (Hech. 2:1, 5). Chay hinatan kay tiempopipas hatun huñunakuykunapi rikukun. Chaykunata reparaq runakunaqa anchatan admirakunku (Sal. 133:1). Ñoqanchispas kallpachakunchismi mosoq iñiqmasinchiskunata reqsinanchispaq paykunawan mikhuspa parlarinapaq. Chaymi mana hawataqa mikhuqqa lloqsinchischu.
8. ¿Imaraykun ancha allinpuni hatun huñunakuykunapi yanapakuy?
8 Runakunaqa anchatan admirakunku hatun huñunakuypi imapas allinta aparikusqanwan, astawanqa mana pagasqalla llank’asqankumanta. Qanpas chay hatun huñunakuykunapiqa mana piqpa tanqasqallanmi yanapakuwaq (Sal. 110:3). Chaytan askha taytay-mamakuna ruwanku wawankunawan kuska llank’anankupaq, chhaynapin yachachinku yanapakuq kanankupaq. Sichus manchali kasqaykirayku mana atinkichu mosoq amigokunayoq kayta chayqa, hatun huñunakuykunapi yanapakuspan huk amigokunata reqsiwaq. Huk iñiqmasin willakun: “Hatun huñunakuypiqa manan pitapas reqsiqchu kani, familiayta iskay kinsa amigokunallatan. Pichaypi yanapakuspan ichaqa askha iñiqmasikunata reqsirqani. ¡Chayqa may munaymi karqan!” nispa. Hatun huñunakuypi yanapakuspaqa astawanmi askha iñiqmasinchiskunata reqsisunchis ancha kusisqataqmi sientekusunpas (2 Cor. 6:12, 13). Sichus manaraq hayk’aqpas chaypi yanapakurqankichu chayqa umallikunata tapukuy.
9. ¿Imatan ruwananchis hukkunata invitamunanchispaq?
9 Diospa yachachikuyninkunata uyarinankupaq invitay. Qayna watakuna hina, kinsa semana ñawpaqta invitacionkuna rakiypi yanapakusun. Sapanka iñiq t’aqan kallpachakunan invitacionkunata rakispa territorionkuta tukunankupaq (qhaway “¿Imaynatan rakisun invitacionkunata?” nisqa recuadrota). Puchuqtinqa huñunakuy localman apay huk iñiqmasikuna maypi tarikuspapas invitamunankupaq.
10. Experienciakunata willay invitacionkuna rakikusqan allinpi tukusqanmanta.
10 Invitacionkuna rakisqanchisqa allinpin tukun. Huk hatun huñunakuypin huk acomodador warmi-qhari hamuqpaq asientota maskhapurqan. Paykunan invitacionta chaskisqaku hinaspa yaqa phisqa horasta carropi viajamusqaku, imapunis chaypi kanqa chayta yachaq. Huk hermanataq wasin-wasinta predicaspa huk wiraqochaman invitacionta qosqa, sumaqta chaskikuqtintaq hermanaqa invitacionpi willakusqanta t’aqwirirqan. Hatun huñunakuy chayamuqtintaq chay wiraqochata amigontinta rikusqa, paykunaqa chay huñunakuypi mosoq qelqatan chaskikusqaku.
11. ¿Imaraykun watan-watan hatun huñunakuyman hamunanchis?
11 Yupaychana fiestakunaqa Jehová Diospa regalonmi israelitakunapaq karqan chhaynapi “cheqaq hunt’aq sonqowan” payta servinankupaq (Jos. 24:14). Chhaynallataqmi hatun huñunakuyninchiskunapas ‘cheqaq-kayman hinapuni kawsananchispaqmi’ yanapawanchis hinaspapas chaykunawan iman Diosninchista yupaychanchis (3 Juan 3). Anchatan munayku Dios sonqo kaqkunata Jehová Dios bendecinanta, ima ruwasqankutapas saqesparaq watan-watan kay hatun huñunakuykunaman hamusqankumanta, tukuy yuyaywan uyarisqankumantapas.
[4 paginapi willakuy]
Hatun huñunakuypa aparikunan llaqtapi allin runa kasqanchista rikuchiyqa Diospa yachachikuyninkunatan sumaqchan
[5 paginapi willakuy]
Kinsa semana ñawpaqta invitacionkuna rakiypi yanapakusun
[5-6 paginakunapi recuadro]
2012 watapi hatun huñunakuypaq yuyarichiykuna
◼ Horario. Hatun huñunakuyqa iskaynin p’unchaypas tempranotan qallarinqa. Punkukunan kichakunqa pusaq horas tutamantanta. Musicata uyarinapaq willakuqtinqa llapanchismi tiyananchis, chhaynapi huñunakuyninchis sumaqta qallarinanpaq.
◼ Estacionamiento. Estacionamiento nisqatawan alquilakunqa chayqa, manan cobrakunqachu. Chayasqankuman hinan carrokunataqa estacionakunqa. “Discapacitados” nisqakunapaq t’aqasqa campo kan chayqa, manan chaypiqa estacionakunachu. Estacionamientoqa manapaschá hatunchu kanqa, chaymi allin kanman huk carrollapi askha rinkuman chayqa.
◼ Tiyanakuna. Tiyanataqa hap’isunman ñoqanchiswan kuska carropi riqkunapaq, wasinchispi tiyaqkunapaq, estudiantenchiskunallapaqwanmi (1 Cor. 13:5).
◼ Qoqawa. Chawpi p’unchaypi mikhunata hawapi rantishanamantaqa qoqawatan apakunanchis. Ichaqa, manan q’epitaraqchu apana aswanpas asientoq pachanpi cabenanpaq hinallan kanan nitaq vidrio cosaskunatapas apanachu.
◼ Donacionkuna. Hatun huñunakuymanta agradecekusqanchistaqa donacionninchista churaspan rikuchisunman, chaytan qosunman Huñunakuna Wasipi otaq hatun huñunakuypipas.
◼ Accidentekuna, qonqaylla imapas kaqtin. Qonqaylla pipas onqoqtinqa acomodadormanmi willana, paymi Primeros Auxilios nisqaman willanqa, hinan paykunaña yanapanqaku imayna tarikusqanman hina.
◼ Imayna zapatowan rinamanta. Zapatonchisqa allinta purinapaq hinan kanan, chhaynapin mana ima accidentepas kanqachu.
◼ Coches para bebés, sillakuna. Huñunakuna wasimanqa manan apanachu tanqakachana cochekunata, nitaq ima sillatapas. Ichaqa apawaqchismi wawakunapaq sillakunata tiyana pataman churanapaq kaqtinqa.
◼ Sírvase visitar hojakuna. Allinmi kanman hukta otaq iskay Sírvase visitar (S-43) hojata apay, pimanpas predicaqtinchis astawan yachayta munaqtinqa chaypi anotanapaq. Chay hojata hunt’aspaqa iñiq t’aqapi secretariomanmi qonanchis huñunakuymanta kutispa (qhaway 2011 watamanta mayo killa Diosmanta Willasunchis 3 paginata).
◼ Alojamiento. Pitapas alojayta munanki chayqa, secretario umalliwan rimay alojanapaq formulariota hunt’anaykipaq. Huk llaqtapi hatun huñunakuyman rinaykipaq alojamientota necesitanki chayqa, secretarioman willay, huk formulariota hunt’aspataq chayta qoy pay apachinanpaq. Ama huñunakuypaq pisillaña kashaqtinchu chaytaqa hunt’ay, mana chayqa alojamiento nisqapi llank’aqkunan sasachakuypi rikukunkuman (1 Cor. 14:40). Pipas wawakunantin alojakuspaqa respetanankun alojaqpa wasinta, manan imantapas llaminankuchu, malogranankuchu, nitaq ch’inlla maymanpas haykunankuchu. Alojamientoqa huñunakuy p’unchaykunallapaqmi. Manan allinchu kanman mayta rinapaqpas, ima ruwanapaqpas alojakusqayki wasipi askha p’unchay qhepakuyqa.
◼ Servicio voluntario. Hatun huñunakuyman rispaqa astawanraqmi kusikusunman sichus allinta aparikunanpaq imachus necesitakusqanpi yanapasunman chayqa (Hech. 20:35). Yanapayta munanchis chayqa Departamento de Servicio Voluntario nisqamanmi rinanchis. 16 watankumanta urayman kaq wawakunapas yanapakunkumanmi tayta-mamankuq qhawasqan, otaq paykunaq encargasqanku cristianoq qhawasqan.
[5 paginapi recuadro]
¿Imaynatan rakisun invitacionkunata?
Predicasqanchis territoriota tukunapaqmi pisillapi rimananchis. Yaqapaschá khaynata nisunman: “Imaynalla. Pachantinpin kay invitacionta rakishayku. Kaymi qanpaq. Astawan yachayta munanki chayqa kay invitacionpin willakushan”, nispa. Tukuy sonqo qosqaykita reparachun. Tukukuy semanapi invitacionkuna rakiypi yanapakunki chayqa, qollawaqtaqmi revistakunatapas.