“Mana iñiqkuna ukhupi allintapuni kawsaychis”

1. ¿Imanaqtinmi allinta portakunanchis hatun huñunakuykunapi kashaqtinchis?

¹ Sapa watanmi hatun huñunakuyman riqtinchis runakuna qhawawashanchis imaynatachus portakusqanchista. Allinta portakusqanchiswanmi rikuchinchis sumaq Diosta servisqanchista (Lev. 20:26). Allinta portakuspa allinta p’achakuspan rikuchinchis Jesuspa qatikuqninkuna kasqanchista. Hatun huñunakuyman otaq askha nacionkunamanta hatun huñunakuyman rispa, ¿imaynatan ‘mana iñiqkuna ukhupi allin kawsasqanchista’ rikuchisunman? (1 Ped. 2:12.)

2. ¿Maykunapi kashaspan rikuchisunman cheqaq cristiano kasqanchista?

² Cheqaq cristiano kasqanchista rikuchisun. Ñoqanchispura munanakusqanchis, huk runakunatapas sumaqta tratasqanchiswanmi rikuchinchis mana hawapi runakuna hinachu kasqanchista (Col. 3:10; 4:5; 2 Tim. 3:1-5). Chaymi allinpuni kanman alojakusqanchis hotelpi, mikhusqanchis pensionpi llank’aqkunata munakuywan, pacienciawan tratayqa. Atikuqtinqa propinatapas qosunmanmi.

3. ¿Imatan tayta-mamakuna ruwananku? ¿Imaraykun chayta ruwananku?

³ Tayta-mamakunaqa wawankutan cuidananku hatun huñunakuypi, hotelpi, pensionpi kashaqtinku (Prov. 29:15). Huk hotelmanta encargakuqmi huk warmi-qhari iñiqmasinchisman nirqan: “Testigokunata alojayqa gustawanku, qankunaq wawaykichisqa respetoyoqmi kanku, allin educacionniyoqtaq kankupas. Llapa llank’aqniykunan qankunamanta allinta rimanku. Mayta munaykuman sapa semana tukuyta hamunaykichista”, nispa.

4. Hatun huñunakuy aparikusqan llaqtapi kashaspa, ¿imaynatan p’achakunanchis?

⁴ Allin yuyaywan p’achakuna. Hatun huñunakuyman rinanchispaqqa allin hap’iq p’achawanmi rinanchis, manataq kay pachapi runakuna hinachu p’achakunanchis (1 Tim. 2:9). Hotelpi kashaspa otaq huñunakuy tukuyta callepi purishaspapas manan comuntachu p’achakunanchis. Chhaynapin mana p’enqakuspa solapanchista qhasqonchispi mayman riqtinchispas apasunman, pipas tapuwaqtinchispas predicasunman. Allin p’achakusqanchista, allin portakusqanchista rikuspan allin sonqoyoq runakunaqa Diospa Siminmanta yachayta munankuman, chaymantapas chay ruwasqanchiswan Jehová Diosninchisqa kusikunqa (Sof. 3:17).

2014 watapi hatun huñunakuypaq yuyarichiykuna

◼ Horario. Punkukunan kichakunqa 8:00 tutamantanta. Uyarinapaq takiqa 9:20 tutamantanta kinsantin p’unchay qallarinqa. Chay taki qallariqtinmi llapallanchis tiyananchispiña kashana, chhaynapi huñunakuyninchis sumaqta qallarinqa. Viernes, sábado p’unchaykunaqa 4:55 tardenta takiwan mañakuywan tukunqa domingo p’unchaytaq 3:50 tardenta.

◼ Askha Nacionkunamanta Hatun Huñunakuy. Wakin llaqtakunapin askha nacionkunamanta hatun huñunakuy aparikunqa. Sucursalpin qhawarinku chay huñunakuyman hayk’a runakuna rinanta, hayk’a carro estacionamientopi kananta, chay llaqtapi hayk’a hotelkuna kasqantapas. Chayman hinan wakin iñiq t’aqakunata huk nacionkunamanta iñiqmasikunatapas invitanku chayman rinankupaq. Sichus wakin iñiqmasikuna mana invitasqa chay huñunakuyman rinkuman chayqa nishu askhan kankuman. Sichus mana rirqankichu hatun huñunakuyniykiman chayqa, ama riychu askha nacionkunamanta huñunakuymanqa.

◼ Carrota sayachinapaq. Chayta alquilakuqtinqa, manan cobrasunkikuchu carroykita chaypi sayachiqtiyki. Chayasqankuman hina carrokunataqa ordenpi sayachinanku. “Discapacitados” nisqakunapaq t’aqasqa campo kan chayqa, manan chaypiqa sayachinankuchu. Sayachinanku campoqa manapaschá hatunchu kanqa, chaymi allin kanman huk carrollapi askha rinkuman chayqa.

◼ Tiyanakuna. Punkukuna kichakuqtinqa manan hukkunata tanqarparisparaqchu phawananchis tiyanakunata hap’inapaq, aswanpas hukkunaq allinnintaraqmi ñawpaqtaqa maskhananchis. Chay ruwasqanchismi sut’ita rikuchinqa cheqaq cristianokuna kasqanchista, chayta rikuspan hukkunapas Diosta hatunchanqaku (Juan 13:34, 35; 1 Cor. 13:4, 5; 1 Ped. 2:12). Tiyanataqa hap’isunman ñoqanchiswan kuska carropi riqkunapaq, wasinchispi tiyaqkunapaq, estudiantekunallapaqwan. Kurakkunapaq, onqosqakunapaq tiyanakunaqa, paykunapaq yanapaqninkunallapaqwanmi, chaymi manan llapa familiantin kuskaqa tiyayta atisunmanchu.

◼ Qoqawa. Chawpi p’unchayta hawapi mikhunata rantishanamantaqa qoqawanchistan apakunanchis. Ichaqa manan q’epitaraqchu apana, aswanpas asientoq pachanpi cabenanpaq hinallan kanan, nitaq vidrio cosaskunatapas apanachu.

◼ Donacionkuna. Hatun huñunakuymanta agradecekusqanchistaqa donacionninchista churaspan rikuchisunman, chaytan qosunman hatun huñunakuypi. Sichus pipas cheque nisqapi qoyta munan chayqa “Christian Congregation of Jehovah’s Witnesses” nisqa sutipi ruwanan. Churallasunmantaq tarjeta de débito, otaq tarjeta de crédito nisqawan.

◼ Hampikuna. Sichus hampikunata tomanki chayqa, apakunaykin, ¿imarayku? Chay huñunakuypiqa manan qosunkikuchu chay hampiykikunata. Diabetes onqoyniyoq kaqtiykiqa imachus necesitasqaykita apanayki, ichaqa utilizasqaykitaqa aman comunta q’opa churanapi wikch’unkichu alojakusqaykipi nitaq hatun huñunakuypipas.

◼ Imayna zapatowan rinamanta. Cuidadowanmi purinanchis mana chayqa lluskhakusunmanmi otaq laq’akusunman. Sapa watanmi k’irikunku hatun tacosniyoq zapatowan churakusqankurayku. Chaymi zapatonchisqa allin purinapaq hina kanan, chhaynapin mana ima accidentepas kanqachu.

◼ Sasata uyariqkunapaq. Hatun huñunakuymanta yachachikuyqa frecuencia modulada (FM) nisqapin uyarikullanqataq ichaqa local ukhullapi. Chaypaqqa huch’uy radiota audifonoyoqta necesitanki.

◼ Wawakunapaq. Huñunakuna wasimanqa manan apanachu tanqakachana cochekunata, nitaq ima sillatapas. Ichaqa apawaqchismi wawakunapaq sillakunata tiyana pataman churanapaq kaqtinqa.

◼ Perfumekuna. Yaqa llapa hatun huñunakuykunaqa wisq’asqa localkunapin ruwakun. Chaymi mana allinchu kanman sinchi q’apaq perfumekunata churakuy, mana chayqa alergiayoq iñiqmasinchiskunatan onqochinman (1 Cor. 10:24).

◼ Sírvase visitar (S-43) hojakuna. Sírvase visitar hojapin anotawaq predicasqaykita uyarispa astawan yachayta munaq runamanta. Chay hojata hunt’aspa iñiq t’aqapi secretarioman qowaq otaq hatun huñunakuypi Qelqakuna Rakiymanta Encargakuqkunaman (Departamento de Publicaciones).

◼ Alojakuymanta. Pitapas alojayta munanki chayqa, secretario umalliwan rimay alojanapaq formulariota hunt’anaykipaq. Huk llaqtapi hatun huñunakuyman rinaykipaq alojanata necesitanki chayqa secretarioman willay, huk formulariota hunt’aspataq chayta qoy apachinanpaq. Tiempowanmi chaytaqa ruwanayki, mana chayqa Alojakuymanta Encargakuqkunan sasachakuypi rikukunkuman (1 Cor. 14:40). Pipas wawakunantin alojakuspaqa respetananku alojaqpa wasinta, manan imantapas llaminankuchu, nitaq malogranankuchu. Alojakusqanchis wasiqa huñunakuy p’unchaykunallapaqmi. Manan allinchu kanman mayta rinapaqpas, ima ruwanapaqpas alojakusqayki wasipi askha p’unchaykuna qhepakuyqa.

◼ Yanapakuy Munaqkunamanta. Hatun huñunakuypi yanapakuyta munanchis chayqa Yanapakuy Munaqkunamanta Encargakuqkunaman asuykunanchis (Departamento de Servicio Voluntario). 16 watankumanta urayman kaq wawakunapas yanapakunkumanmi tayta-mamankuq qhawasqan, otaq paykunaq encargasqanku cristianoq qhawasqan.