Maypiña kaspapas Diosta hatunchanapaq hina kasun
1. ¿Imaraykun hatun huñunakuyman rispa sut’i reparay kanchis?
1 Hatun huñunakuyman riqtinchisqa yaqa llapa runakuna reparanku pikuna kasqanchista. Wakin llaqtakunapipas radiokunapi willamunku chay huñunakuyman rinanchista. Jehová Diospa testigonkunaqa pencionkunaman mikhuq rinku, alojamientokunaman qorpachakuq rinku, callekunapipas iñiqmasinchiskunatan solapantin puriqta rikunku. Chayraykun qatiqnin parrafokunapi wakin yuyarichikuykunata willakunqa imaynatas Jehová Diosta hatunchanapaq hina kananchispaq (1 Ped. 2:12).
2. ¿Imaynatan Diosta hatunchasunman huk llaqtapi hatun huñunakuy aparikuqtin?
2 Allin yuyaywan p’achakusun. Hatun huñunkuyman allin p’achasqa risqanchiswanmi runakunaqa sut’ita reparanqaku Jehová Diospa testigon kasqanchista. Runakunaqa reparankun tukuy tiempo imayna p’achasqa kasqanchista, chaymi alojamientoman chayaspa, mikhuq rispa otaq rantiq rispapas allin yuyaywan p’achakunanchis. Manaña huñunakuypaq hinachu p’achakusun chaypas, ama t’eqe p’achawan churakusunchu nitaq comuntapas p’achakunanchischu, aswanpas Diosta hatunchanapaq hina kanan. Chhaynapin runakunaqa reparanqaku pikunan kasqanchista (Rom. 12:2). Chaymantapas solapanchista apananchis hatun huñunakuyninchis kasqanta yachanankupaq, chhaykunan yanapawasun predicananchispaq, huk iñiqmasinchiskunawan reqsinakunanchispaqpas.
3. ¿Maykunapin pacienciayoq allin educasqa kasqanchista rikuchisunman?
3 Pacienciayoq allin educasqa kasun. Kay tiempopi runakunaqa paykunallapaq imatapas munanku nitaq agradesidopaschu kanku. Chaymi sumaq pacienciayoq allin educasqa kasqanchis runakunata anchata yanapanqa, astawanqa alojamientopi, pencionkunapi llank’apakuqkunata (2 Tim. 3:1-5). Chaymantapas hukkunaq allinninpi yuyaykuspa tiyanakunata hap’inanchis otaq mosoq qelqakunata chaskispapas (1 Cor. 10:23, 24). Hatun huñunakuyman riq runan nin: “Discursokuna uyarisqaytaqa manan imatapas yuyarinichu, Jehová Diospa testigonkuna imayna kasqankutan ichaqa tukuy tiempo yuyarini”, nispa.
4. ¿Imaraykun hatun huñunakuypi yanapakunanchispaq yuyaykunanchis?
4 Yanapakuq kasun. Cristianokunaqa allin yanapakuq kasqankuwanmi astawan reqsichikunku (Sal. 110:3). ¿Qanpas yanapakuwaqchu? Yaqa soqta pachaq iñiqmasinchiskunan yanapakurqanku hatun huñunakuy localta pichanankupaq. Chay localpi llank’apakuqkuna anchata admirakuspa nirqanku: “Manan hayk’aqpas chhayna llank’asqankuta rikurqanichu, llapallankutaq paykunallamanta hamusqaku yanapakuq”, nispa. Maytan munanchis 2013 watapaq hatun huñunakuyninchis chayamunanta, ichaqa manan uyariyta yachayllatachu munanchis, aswanpas Jehová Diosta hatunchayta munanchis.
[3-5 paginakunapi recuadro]
2013 watapi hatun huñunakuypaq yuyarichiykuna
◼ Horario. Hatun huñunakuyqa tempranotan qallarinqa. Punkukunan kichakunqa pusaq horas tutamantanta. Musicata uyarinapaq willakuqtinqa llapanchismi tiyananchis, chhaynapi huñunakuyninchis sumaqta qallarinanpaq.
◼ Carrota sayachinapaq. Chaytapas alquilakunqa, ichaqa manan cobrakunqachu. Chayasqankuman hina carrokunataqa sayachinanku. “Discapacitados” nisqakunapaq t’aqasqa campo kan chayqa, manan chaypiqa sayachinankuchu. Chayqa manapaschá hatunchu kanqa, chaymi allin kanman huk carrollapi askha rinkuman chayqa.
◼ Tiyanakuna. Tiyanataqa hap’isunman ñoqanchiswan kuska carropi riqkunapaq, wasinchispi tiyaqkunapaq, estudiantenchiskunallapaqwanmi. Asientos reservados nisqakunaqa kurakkunapaq, onqosqakunallapaqmi, chaymi manan llapa familiantin kuskaqa tiyayta atisunmanchu (1 Cor. 13:5).
◼ Qoqawa. Chawpi p’unchay hawapi mikhunata rantishanamantaqa qoqawatan apakunanchis. Ichaqa, manan q’epitaraqchu apana aswanpas asientoq pachanpi cabenanpaq hinallan kanan nitaq vidrio cosaskunatapas apanachu.
◼ Donacionkuna. Hatun huñunakuymanta agradecekusqanchistaqa donacionninchista churaspan rikuchisunman, chaytan qosunman Huñunakuna Wasipi otaq hatun huñunakuypipas.
◼ Hampikuna. Sichus hampikunata tomanki chayqa, apakunaykin, ¿imarayku? Chay huñunakuypiqa manan tarinkichu chay hampiykikunata. Diabetes onqoyniyoq kaqtiykiqa imachus necesitasqaykita apanayki, ichaqa aman comunta q’opa churanapi wikch’unkichu.
◼ Imayna zapatowan rinamanta. Zapatonchisqa allinta purinapaq hinan kanan, chhaynapin mana ima accidentepas kanqachu.
◼ Sasa uyariqkunapaq. Chay programaqa frecuencia modulada (FM) nisqapin willakamunqa ichaqa local ukhullapi chayqa. Chaypaqqa huch’uy radiota audifonoyoqta necesitanki.
◼ Wawakunapaq. Huñunakuna wasimanqa manan apanachu tanqakachana cochekunata, nitaq ima sillatapas. Ichaqa apawaqchismi wawakunapaq sillakunata tiyana pataman churanapaq kaqtinqa.
◼ Perfumekuna. Aman sinchi q’apaq perfumekunata churakunachu, mana chayqa hukkunatan onqochinman.
◼ Sírvase visitar hojakuna. Allinmi kanman hukta otaq iskay Sírvase visitar (S-43) hojata apay, pimanpas predicaqtinchis astawan yachayta munaqtinqa chaypi anotanapaq. Chay hojata hunt’aspaqa iñiq t’aqapi secretariomanmi qonanchis huñunakuymanta kutispa (qhaway 2005 watamanta febrero killa Reinopaq Servicionchispi 6 paginata).
◼ Pencionman rispa. Pencionkunaman rispaqa Jehová Diospa testigonkuna hinan kananchis, chhaynapin Diospa sutinta hatunchasun. Chaymi cristianokuna hina allin yuyaywan p’achakunanchis.
◼ Qorpachanapaq. Pitapas qorpachayta munanki chayqa, secretario umalliwan rimay qorpachanapaq formulariota hunt’anaykipaq. Huk llaqtapi hatun huñunakuyman rinaykipaq qorpachanata necesitanki chayqa, secretarioman willay, huk formulariota hunt’aspataq chayqa qoy pay apachachinapaq. Ama huñunakuypaq pisillaña kashaqtinchu chaytaqa hunt’ay mana chayqa qorpachanapaq nisqa llank’aqkunan sasachakuypi rikukunkuman (1 Cor. 14:40). Pipas wawakunantin qorpachakuspaqa respetananku qorpachaqpa wasinta, manan imantapas llaminankuchu, malogranankuchu. Qorpachakuq wasiqa huñunakuy p’unchayllapaqmi. Mana allinchu kanman mayta rinapaqpas, ima ruwanapaqpas qorpachakusqayki wasipi askha p’unchay qhepakuyqa.
◼ Hotelkuna. Chayman alojakuq risunchis chayqa, allin cristiano hina comportakunanchis, chaymantapas wawakunantin risunchis chayqa paykunatapas qhawanallanchistaqmi.
◼ Servicio voluntario. Hatun huñunakuyman rispaqa astawanraqmi kusikusunman sichus allinta aparikunanpaq imachus necesitakusqanpi yanapasunman chayqa (Hech. 20:35). Yanapayta munanchis chayqa Departamento de Servicio Voluntario nisqamanmi rinanchis. 16 watankumanta urayman kaq wawakunapas yanapankumanmi tayta-mamankuq qhawasqan, otaq paykunaq encargasqanku cristianoq qhawasqan.