Kay pacha imayna tarikusqanman hina predicasun
1. Kay pachapi imaymana kasqanta rikuspa, ¿imatan ruwananchis?
1 Kay pachaqa sapa kutillanmi cambiashan 1 Corintios 7:31 textoq nisqanman hina. Chaymi kay pacha imayna tarikusqanman hina horarionchista, imayna predicananchista, hukniraymanta predicananchistapas cambiananchis. ¿Yanapakusunchu chay ruwaykunapi?
2. ¿Imatan ruwananchis Jehová Diospa llaqtanpi allinta yanapakunanchispaq?
2 Hukniray predicanamanta. Diospa llaqtanqa kay pacha imayna tarikusqanman hina predicanku. Jesús discipulonkunata chayllaraq predicaqta kachaspan nirqan: “Aman apankichischu qoqawata nitaq qolqetapas”, nispa (Mat. 10:9, 10). Ichaqa qatiykachasqa kanankuta hinallataq karu llaqtakunapi predicanankuta yachaspan hukniraytañataq kamachirqan predicaq rinankupaq (Luc. 22:36). Ñawpa tiempomantaraqmi Jehová Diospa llaqtanqa hukniraymanta predicashanku imayna kay pachapi runakuna tarikusqankuman hina. Chay tiempopiqa predicaqku tarjetakunawan, radiokunapi, parlanteyoq carrokunapi ima. Kay tiempopipas askha llaqtakunapi sasa runakunata wasinkupi tariy, chaymi astawan kallpachawashanchis may tarikusqanchispipas otaq askha runakunaq kasqanpi predicanapaq, chhaynapin wasin-wasin predicayninchista hut’asun. Ch’isiyaqnintin llaqk’aq runakunata tarinanchispaqmi ch’isinkunata predicanapaq kallpachawanchis. Jehová Diospa carronqa maymanchus apay munasqanmanmi rishan. ¿Chayman hinachu ñoqanchispas yanapakushanchis? (Ezeq. 1:20, 21.)
3. ¿Imatan ruwananchis aswan allin predicacionninchis kananpaq?
3 Imayna predicanamanta. ¿Iman llakichishan kay tiempopi runakunata? ¿Qolqechu? ¿Familianchu? Icha, ¿guerrakunachu? Kay pachapi imakunachus sucedesqanmanta yachayqa anchatan yanapawasun imaynatas predicasunman chayta (1 Cor. 9:20-23). Sichus huk runa ima llakichisqanmanta rimapayawasunman chayqa ama kaq ratoqa “arí otaq manan” nispa kutichinanchischu, nitaq preparakusqanchismantachu rimapayananchis, aswanpas imachus rimay munasqanmantan.
4. ¿Imaraykun kay pachaq tarikusqanman hina predicashanallanchis?
4 Bibliaq nisqan hina, “pisi tiempollañan kashan” kay tiempopi llakikuy chinkapunanpaq, chayqa manchay ñak’ariywanmi qallarinqa (1 Cor. 7:29). Chayraykun kallpachakunanchis kay pacha imaynachus tarikusqanman hina predicashanallanchispaq.