Κα Απαντίνελ ο Ιεχωβά μι Προσευχιέντε;

1, 2. Σόσκε μπέκιμ τι νιωθίνασα ότι ο Ιεχωβά να απαντίνελα αμαρέ προσευχιέντε;

«ΤΙ ΑΡΑΚΧΕΣ μπαρί χαρά οντουλέ πραγματέντε σο τθερένα τι κερέν ι Ιεχωβάσαρ, ντα βοβ κα ντελ-τουτ οντουλά σο μανγκέλα το γκι». (Ψαλμ. 37:4) Σο σουκάρ υπόσχεση! Ισί όμως σωστός τι μπεκλεντίνας ότι ο Ιεχωβά κα ντελ-αμέν αμέσως σαρέ οντουλά σο μανγκάσα; Σόσκε ισί λατσσί ανταγιά ερώτηση; Σκεφτίνεν ακαλά περιπτώσεις. Εκ μπίπαντριμε πφεν προσευχίντιβελα για τι νακχέλ ι Σχολή για Ευαγγελιστές της Βασιλείας. Αλλά νακχλέ μπερεκέτι μπρεσά ντα να καλιντέ-λα ατζέκ. Εκ τερνό πφραλ σο νακχέλα εκ σοβαρός νασφαλιπέ μανγκέλα κατά Ιεχωβά τι κερέλ-λες λατσσές για τι μπορίνελ τι κερέλ πο μπουτ πράγματα κι κχανγκιρί. Αλλά να αβέλα λατσσές. Κάποια νταντά ντα νταγιά προσευχίντιβενα τι ατσσόλ λένγκο τσσαβό κι αλήθεια. Αλλά λένγκο τσσαβό λέλα ι απόφαση τι τσσιναβέλ τι υπηρετίνελ ι Ιεχωβάς.

² Μπέκιμ τι μανγκλέν τουμέν-ντα κάτι κατά Ιεχωβά αλλά να λιντέν-λες. Οτθάρ, μπορεί τι αμντίνενα ότι ο Ιεχωβά απαντίνελα μερικέ προσευχιέντε αλλά όχι τουμαρέντε. Ή μπέκιμ αμντίνενα ότι κερντέν κάποιο λάθος. Εκ πφεν, η Τζάνις,b νιωθίνελας αντικάς. Βόι ντα λάκο ρομ προσευχίντιβενας τι τζαν κο Μπέθελ. Βόι βακερέλα: «Ισινόμας σίγουρη ότι κα λένας-αμέν αμέσως». Αλλά ο μασεκά αβιλέ μπρεσά, ντα να γκιλέας ατζέ κο Μπέθελ. Η Τζάνις βακερέλα: «Ισινόμας στεναχωριμέ ντα μπερδεμέ. Σκεφτίναβας σο κερντόμ ντα πφανγκλόμας ι Ιεχωβάσκο γκι. Κερντόμας μπουτ προσευχές για τι τζαβ κο Μπέθελ μι ρομέσαρ. Σόσκε να απαντιντάας μι προσευχιέντε;»

3. Σο κα ντικχάς ανταλέ μαθημάστε;

³ Μπάζιμα, μπέκιμ τι σκεφτίνασα άμα ο Ιεχωβά ασουνέλα μπαγιά αμαρέ προσευχές. Ατζέ-ντα μερικά πιστά τζενέ κο πουρανέ μπρεσά σκεφτιντέας κάτι ασακό. (Ιώβ 30:20· Ψαλμ. 22:2· Αββακ. 1:2) Σο μπορίνελα τι κερέλ-τουμέν σίγουρους ότι ο Ιεχωβά κα απαντίνελ τουμαρέ προσευχιέντε; (Ψαλμ. 65:2) Για τι απαντίνας ανταλέ ερωτησιάτε, πρέπει πρώτα τι απαντίνας ακαλέ πραγματέντε: (1) Σο μπορίνασα τι μπεκλεντίνας κατά Ιεχωβά; (2) Σο μπεκλεντίνελα ο Ιεχωβά αμένταρ; (3) Σόσκε μπέκιμ τι χρειαζίντιβελ τι προσευχίντιβας για κάτι γιαβέρ;

ΣΟ ΜΠΟΡΙΝΑΣΑ ΤΙ ΜΠΕΚΛΕΝΤΙΝΑΣ ΚΑΤΑ ΙΕΧΩΒΑ;

4. Καγιά υπόσχεση ντέλα-αμέν ο Ιεχωβά, σαρ βακερέλα ο εδάφιος Ιερεμίας 29:12;

⁴ Ο Ιεχωβά ντέλα πο λάφι τι ασουνέλ αμαρέ προσευχές. (Διαβάνεν Ιερεμίας 29:​12) Αμαρό Ντεβέλ μανγκέλα πι πιστέ υπηρετόν, οτθάρ πάντα κα ντελ σημασία λένγκε προσευχιέντε. (Ψαλμ. 10:17· 37:28) Όμως ανταβά να μανγκέλα τι βακερέλ ότι σο-ντα κα μανγκάς κι προσευχή, κα κερέλ-λες αμένγκε. Μπέκιμ τι χρειαζίντιβελ τι μπεκλεντίνας μέχρι κο νεβό ντουνιάς για τι λας μερικά κατά πράγματα σο μανγκάσα.

5. Σο σκεφτίνελα ο Ιεχωβά κάνα ασουνέλα αμαρέ προσευχές; Εξηγίνεν.

⁵ Καζόμ ο Ιεχωβά ασουνέλα αμαρέ προσευχές, σκεφτίνελα σο σχέση τθερένα λέσκε σκοπόσαρ. (Ησ. 55:8, 9) Αντρέ κο σκοπός λέσκο ισί τι πφερντιόλ η πφουβ μουρσέντζαρ ντα τζουβλίντζαρ σο κα ντεν-λες καν χαράσαρ καζόμ κα κυβερνίνελ-λεν. Αλλά ο Μπενγκ βακερέλα ότι ο τζενέ κα τζουβντιόνας πο λατσσές άμα κα κερένας-πες κουμάντος κορκορέ. (Γέν. 3:1-5) Για τι αγαντίντιβελ ότι ανταβά σο βακερντάς ο Μπενγκ ισί ψέμας, ο Ιεχωβά μουκχλάς κο τζενέ τι κερέν-πες κορκορέ κουμάντος. Όμως ο κυβερνήσεις ι τζενένγκε αντέ μπουτ κατά προβλήματα σο νακχάσα αντιβές. (Εκκλ. 8:9) Αγαβάσα ότι ο Ιεχωβά να κα νασκιαρέλ σαρέ ανταλά προβλήματα ακανά. Άμα κα κερέλας-λες ανταβά, μερικοί κα αμντίνενας ότι ο κυβερνήσεις ι τζενένγκε ισί λατσσέ, ντα ότι μπορίνενα τι λύνεν ο προβλήματα σο υπαρχίντιβενα κο ντουνιάς.

6. Σόσκε χρειαζίντιβελα τι αβάς σίγουροι ότι ο Ιεχωβά σικαβέλα πάντα αγάπη ντα ισί δίκαιος;

⁶ Ο Ιεχωβά μπέκιμ τι απαντίνελ διαφορετικέ τροπόσαρ κο προσευχές σο κερντιόνα για το ίδιος πράγμας. Για παράδειγμας, κάνα ο βασιλιάς Εζεκίας ισινέ μπουτ νασφαλό, μολιντάς ι Ιεχωβάς τι βοηθίνελ-λες τι αβέλ λατσσές. Ο Ιεχωβά απαντιντάς λέσκε ντα κερντάς-λες λατσσές. (2 Βασ. 20:1-6) Οκιά μπάνταρ, κάνα ο απόστολος Παύλος μολιντάς ι Ιεχωβάς τι λελ λέσταρ ο «καντρό [σο τθερέλας] αντρέ κο σώμας», μάλλον εκ πρόβλημας κο σώμας, ο Ιεχωβά να λιντάς-λες. (2 Κορ. 12:7-9) Σκεφτίνεν επίσης ο παράδειγμας ι Ιακωβόσκο ντα ι Πετρόσκο σο ισινέ απόστολοι. Ι ντουέν-ντα μανγκέλας τι μουνταρέλ-λεν ο βασιλιάς Ηρώδης. Η κχανγκιρί προσευχίντιβελας ι Πετρόσκε, μάλλον ι Ιακωβόσκε-ντα. Όμως, ι Ιακωβός μουνταρντέ-λες, ενώ ι Πετρός σωντάς-λες εκ άγγελος με εκ θαύμας. (Πράξ. 12:1-11) Μπέκιμ τι σκεφτίνασα: “Σόσκε σωντάς ο Ιεχωβά ι Πετρός αλλά όχι ι Ιακωβός;” Η Γραφή να βακερέλα.c Πάντως μπορίνασα τι αβάς σίγουροι ότι ο ντρομά ι Ιεχωβάσκε νανέ ποτές “άδικα”. (Δευτ. 32:4) Τζανάσα επίσης ότι εμ ο Πέτρος εμ ο Ιάκωβος τθερένας ι ευλογία ι Ιεχωβάσκι. (Αποκ. 21:14) Μπάζιμα, ο πράγματα μπέκιμ τι αβένα-πες εκχέ τροπόσαρ σο να μπεκλεντίναας. Επειδή όμως ισινάμ σίγουροι ότι ο απαντήσεις ι Ιεχωβάσκε αμαρέ προσευχιέντε πάντα κα σικαβέν αγάπη ντα κα αβέν δίκαιες, να τθεράσα καέκ αμφιβολία για το τρόπος σο τραμπίνελα τι απαντίνελ αμένγκε.​—Ιώβ 33:13.

7. Σο προσπαθίνασα μα τι κεράς, ντα σόσκε;

⁷ Προσπαθίνασα μα τι συγκρίνας αμαρί κατάσταση με την κατάσταση ι γιαβερένγκι. Για παράδειγμας, μπέκιμ τι μανγκάς κατά Ιεχωβά τι βοηθίνελ-αμέν εκχέ συγκεκριμέ τροπόσαρ, αλλά μα τι λας οντουβά σο μανγκάσα. Σοράν, σικλιάσα ότι εκ γιαβέρ τζενό μανγκλάς ο ίδιος πράγμας, ντα ντικχίντιβελα ότι ο Ιεχωβά ντινάς-λες λέστε. Εκ πφεν, η Άννα, νακχλάς κάτι ασακό. Προσευχίντιβελας τι αβέλ λατσσές λάκο ρομ, ο Μάθιου, επειδή τθερέλας καρκίνος. Αζομάν, ντούι πφουρέ πφενιά τθερένας βον-ντα καρκίνος. Η Άννα κερέλας μπουτ προσευχές εμ για τον Μάθιου εμ ι πφενίνγκε. Ο πφενιά αβιλέ λατσσές, αλλά ο Μάθιου μουλό. Κι αρχή, η Άννα σκεφτίνελας άμα ο πφενιά αβιλέ λατσσές επειδή ο Ιεχωβά κερντάς κάτι λένγκε. Ντα άμα ο Ιεχωβά βοηθιντάς-λεν, σόσκε να απαντιντάς κο προσευχές σο κερντάς για τι αβέλ λατσσές λάκο ρομ; Σίγουρα, να τζανάσα σόσκε αβιλέ λατσσές ο πφενιά. Ανταβά σο τζανάσα όμως ισί ότι ο Ιεχωβά κα νασκιαρέλ ντιπ σαρέ αμαρέ βάσανα, ντα μπεκλεντίνελα σαρ σαρ τι τζουβντιαρέλ σαρέ πι αμαλέν σο μουλέ.​—Ιώβ 14:15.

8. (α) Σαρ στηρίνελα-αμέν ο Ιεχωβά, σαρ βακερέλα ο εδάφιος Ησαΐας 43:2; (β) Σαρ μπορίνελα τι βοηθίνελ-αμέν η προσευχή κάνα νακχάσα δύσκολες δοκιμασίες; (Ντικχέν ο βίντεος Η Προσευχή μάς Βοηθάει να Διαχειριζόμαστε Σοβαρά Προβλήματα)

⁸ Ο Ιεχωβά πάντα κα στηρίνελ-αμέν. Επειδή ο Ιεχωβά, αμαρό Ντατ, τθερέλα αγάπη αμένγκε, να μανγκέλα τι ντικχέλ-αμέν τι ντουκχάς. (Ησ. 63:9) Όμως, να σταματίνελα σαρέ αμαρέ δοκιμασίες, σο ισί σαρ λενιά ή σαρ γιακ. (Διαβάνεν Ησαΐας 43:2) Αλλά ντέλα πο λάφι ότι κα βοηθίνελ-αμέν τι “νακχάς αντρά-λένταρ”. Επίσης, σο-ντα δοκιμασία τι νακχάς ακανά, κα βοηθίνελ-αμέν τι ατσσικιαράς ζουρανί αμαρί φιλία λέσαρ. Ο Ιεχωβά ντέλα-αμέν πο ζουρανό άγιος πνεύμας-ντα για τι βοηθίνελ-αμέν τι νταϊντίνας. (Λουκ. 11:13· Φιλιπ. 4:13) Οτθάρ, μπορίνασα τι αβάς σίγουροι ότι κα τθεράς πάντα σο-ντα χρειαζίντιβασα για τι νταϊντίνας ντα τι ατσσάς πιστοί λέστε.d

ΣΟ ΜΠΕΚΛΕΝΤΙΝΕΛΑ Ο ΙΕΧΩΒΑ ΑΜΕΝΤΑΡ;

9. Σόσκε χρειαζίντιβελα τι αβάς σίγουροι ότι ο Ιεχωβά κα βοηθίνελ-αμέν, σαρ βακερένα ο εδάφια Ιακώβου 1:6, 7;

⁹ Ο Ιεχωβά μπεκλεντίνελα τι ντας λέσκε μπέσα. (Εβρ. 11:6) Κάποιες φορές, μπέκιμ νιωθίνασα ότι αμαρέ δοκιμασίες ισί μπουτ μπαρέ. Μπορεί ατζέ-ντα τι αρχίνας τι τθεράς αμφιβολίες άμα κα βοηθίνελ-αμέν ο Ιεχωβά. Αλλά η Γραφή κερέλα-αμέν σίγουρους ότι, ι Ιεχωβάσκε βοηθειάσαρ, μπορίνασα “τι νικλιάς ο βουτσσέ ντουβάρια”. (Ψαλμ. 18:29) Οτθάρ, αντίς τι μουκχάς ανταλά αμφιβολίες τι μπαριόν, πρέπει τι προσευχίντιβας με μπαρί πίστη, ντα τι αβάς σίγουροι ότι ο Ιεχωβά κα απαντίνελ αμαρέ προσευχιέντε.​—Διαβάνεν Ιακώβου 1:6, 7.

10. Σικαβέν εκχέ παραδειγμάσαρ σαρ μπορίνασα τι κεράς οντουλά σο βακερντάμ αμαρέ προσευχιέντε.

¹⁰ Ο Ιεχωβά μπεκλεντίνελα τι κεράς οντουλά σο βακερντάμ αμαρέ προσευχιέντε. Για παράδειγμας, εκ πφραλ μπέκιμ τι μανγκέλ κατά Ιεχωβά τι βοηθίνελ-λες τι λελ άδεια πι μπουτιάταρ για τι τζαλ κι περιφερειακή συνέλευση. Σαρ μπορίνελα τι απαντίνελ ο Ιεχωβά ανταλέ προσευχιάτε; Μπορίνελα τι ντελ κο πφραλ ο θάρρος σο χρειαζίντιβελα για τι κερέλ λάφι πι αφεντικόστε. Αλλά ο πφραλ κα χρειαζίντιβελ τι κερέλ οντουβά σο βακερντάς πι προσευχιάτε ντα τι τζαλ πι αφεντικόστε για τι πουτσέλ-λες. Μπέκιμ κα χρειαζίντιβελ τι κερέλ-λες ανταβά μπουτ φαρ. Μπορεί ατζέ-ντα τι βακερέλ ότι μπορίνελα τι τζαλ εκ γιαβέρ ντιβές για τι κερέλ μπουτί. Ντα ότι ισί ατζέ-ντα έτοιμος τι λελ άδεια χωρίς τι ποκίντιβελ.

11. Σόσκε πρέπει τι προσευχίντιβας συνέχεια οντουλένγκε σο απασχολίνενα-αμέν;

¹¹ Ο Ιεχωβά μπεκλεντίνελα τι προσευχίντιβας συνέχεια οντουλένγκε σο απασχολίνενα-αμέν. (1 Θεσ. 5:17) Σαρ αγαβάσα οντουλένταρ σο βακερντάς ο Ιησούς, μερικά πράγματα σο μανγκάσα να κα αβέν-πες αμέσως. (Λουκ. 11:9) Οτθάρ, μα τσσιναβέν τι προσπαθίνεν! Τι προσευχίντιβεν αντράλ τουμαρέ γκίσταρ ντα συνέχεια. (Λουκ. 18:1-7) Κάνα συνεχίνασα τι προσευχίντιβας εκχέ πραγμάσκε, σικαβάσα κο Ιεχωβά ότι οντουβά σο μανγκάσα νανέ κάτι σο αβιλό αμένγκε οντιά στιγμή. Σικαβάσα επίσης ότι πακιάσα μπαγιά ότι μπορίνελα τι βοηθίνελ-αμέν.

ΣΟΣΚΕ ΜΠΕΚΙΜ ΤΙ ΧΡΕΙΑΖΙΝΤΙΒΕΛ ΤΙ ΠΡΟΣΕΥΧΙΝΤΙΒΑΣ ΓΙΑ ΚΑΤΙ ΓΙΑΒΕΡ;

12. (α) Καγιά ισί εκ ερώτηση σο πρέπει τι σκεφτίνας, ντα σόσκε; (β) Σαρ κα αβάς σίγουροι ότι αμαρέ προσευχές σικαβένα σεβασμός ι Ιεχωβάσκε; (Ντικχέν ο πλαίσιος «Σικαβένα Οντουλά σο Μανγκάβα Κατά Ιεχωβά ότι Σεβάναβα-λες;»)

¹² Άμα να λιντάμ οντουβά σο μανγκλάμ αμαρέ προσευχιάτε, κα μπορίναας τι σκεφτίνας τριν ερωτήσεις. Η πρώτη ισί: “Προσευχίντιβαβα ι σωστέ πραγμάσκε;” Μπουτ φαρ, αμντίνασα ότι τζανάσα καβά ισί ο πο λατσσό αμένγκε. Αλλά ο πράγματα σο μανγκάσα μπορεί μα τι κερέν αμένγκε μπαγιά λατσσιπέ. Άμα προσευχίντιβασα εκχέ προβλημάσκε, μπέκιμ τι υπαρχίντιβελα εκ πο λατσσί λύση οντουλάταρ σο μανγκάσα αμέν. Ντα μερικά πράγματα σο μανγκάσα μπέκιμ μα τι συμφωνίνενα οντουλέντζαρ σο μανγκέλα ο Ιεχωβά. (1 Ιωάν. 5:14) Σκεφτίνεν ο παράδειγμας ι νταντέσκο ντα ι νταγιάκο σο βακερντάμ κι αρχή. Μανγκλέας κατά Ιεχωβά τι ατσσικιαρέλ λένγκε τσσαβές κι αλήθεια. Ανταβά σο μανγκλέ νανέ λάθος. Όμως ο Ιεχωβά να αναγκάνελα καεκχές τι υπηρετίνελ-λες. Μανγκέλα σαρέ αμένταρ, εμ αμαρέ τσσαβένταρ, τι τραμπίνας τι ντας-λες λατρεία. (Δευτ. 10:12, 13· 30:19, 20) Οτθάρ, ο νταντά ντα ο νταγιά κα μπορίνενας τι μανγκέν κατά Ιεχωβά τι βοηθίνελ-λεν τι ερεσέν κο γκι πουμαρέ τσσαβέσκο, ντα αντικάς τι μανγκέλ ι Ιεχωβάς ντα τι αβέλ Λέσκο αμάλ.​—Παρ. 22:6· Εφεσ. 6:4.

13. Κάνα κα βοηθίνελ-αμέν ο Ιεχωβά, σαρ βακερέλα ο εδάφιος Εβραίους 4:16; Εξηγίνεν.

¹³ Η δεύτερη ερώτηση ισί: “Ισί ακανά ο βακίτι ι Ιεχωβάσκο για τι κερέλ οντουβά σο μανγκλόμ;” Μπέκιμ νιωθίνασα ότι χρειαζίντιβασα αμέσως εκ απάντηση αμαρέ προσευχιέντε. Ο Ιεχωβά όμως τζανέλα καβά ισί ο πο λατσσό βακίτι για τι βοηθίνελ-αμέν. (Διαβάνεν Εβραίους 4:​16) Κάνα να λάσα αμέσως οντουβά σο μανγκάσα, μπέκιμ τι αμντίνασα ότι η απάντηση ι Ιεχωβάσκι ισί “Όχι”. Αλλά κι πραγματικότητα, λέσκι απάντηση μπέκιμ τι αβέλ “Όχι ατζέκ”. Για παράδειγμας, ανέν πάλι τουμαρέ γκοντιάτε ι τερνέ πφραλές σο προσευχίντιβελας τι αβέλ λατσσές πι νασφαλιμάσταρ. Άμα ο Ιεχωβά κα κερέλας-λες λατσσές με εκ θαύμας, ο Μπενγκ κα μπορίνελας τι βακερέλ ότι ο μόνος λόγος σο ο πφραλ συνεχιντάς τι υπηρετίνελ ι Ιεχωβάς ισί επειδή κερντάς-λες λατσσές. (Ιώβ 1:9-11· 2:4) Επίσης, ο Ιεχωβά τραμπιντάς ήδη ο ντιβές σο κα νασκιαρέλ σαρέ ο νασφαλίματα. (Ησ. 33:24· Αποκ. 21:3, 4) Μέχρι τι αβέλ-πες ανταβά, να μπεκλεντίνασα κατά Ιεχωβά τι κερέλ θαύματα για τι αβάς λατσσές αμαρέ νασφαλιματένταρ. Οτθάρ, ο πφραλ κα μπορίνελας τι μανγκέλ κατά Ιεχωβά τι τθερέλ ζορ ντα ειρήνη αντρέ πέστε για τι νταϊντίνελ πο νασφαλιπέ ντα τι συνεχίνελ τι υπηρετίνελ ι Ντεβλές πιστά.​—Ψαλμ. 29:11.

14. Σο σικλιόνα οντουλέσταρ σο αβιλό-πες κι Τζάνις;

¹⁴ Ντεν-τουμέν γκοντί σο αβιλό-πες με την Τζάνις, σο προσευχίντιβελας τι υπηρετίνελ κο Μπέθελ. Νακχλέ παντς μπρεσά για τι αγαβέλ σαρ απαντιντάας ο Ιεχωβά λάκε προσευχιάτε. Βόι βακερέλα: «Ο Ιεχωβά χρησιμοποιηντάς οντουβά βακίτι για τι σικλιαρέλ-μαν μπουτ πράγματα ντα τι βοηθίνελ-μαν τι αβάβ πο λατσσί Χριστιανή. Έπρεπε τι σικλιάβ τι νταβ λέστε πο μπουτ μπέσα. Έπρεπε τι τθεράβ εκ πο λατσσό πρόγραμμας για τι σικλιαράβ-μαν. Επίσης έπρεπε τι σικλιάβ ότι μπορίναβα τι αβάβ χαρούμενη κάι-ντα τι υπηρετίναβ ι Ιεχωβάς». Πο σοράν, καλιντέ την Τζάνις ντα λάκε ρομές τι υπηρετίνεν κο έργος περιοχής. Καζόμ ντέλα-πες γκοντί οντουλά σο αβιλέ-πες πο ανγκλέ, η Τζάνις βακερέλα: «Ο Ιεχωβά απαντιντάς μι προσευχιέντε, αλλά όχι ι τροπόσαρ σο μπεκλεντίναβας. Χρειαζίντιβελας τι νακχέλ βακίτι για τι αγαβάβ ότι η απάντηση ι Ιεχωβάσκι ισινέ εκ μπουτ σουκάρ δώρος. Ισινόμ πφερντί εκτίμηση σο νιωσάλομ λέσκι αγάπη ντα λέσκο λατσσιπέ».

15. Σόσκε μπέκιμ χρειαζίντιβελα μα τι αβάς αζόμ συγκεκριμέ αμαρέ προσευχιέντε; (Ντικχέν ο φωτογραφίες-ντα)

¹⁵ Η τρίτη ερώτηση ισί: “Μήπως πρέπει τι προσευχίντιβαβ εκχέ γιαβερέ πραγμάσκε;” Ισί λατσσό τι αβάς συγκεκριμέ κάνα μανγκάσα κάτι κατά Ιεχωβά. Αλλά μπάζιμα, κα αβέλας πο λατσσό μα τι αβάς αζόμ συγκεκριμέ αμαρέ προσευχιέντε για τι μπορίνας τι αγαβάς σο μανγκέλα ο Ιεχωβά αμένγκε. Σκεφτίνεν ο παράδειγμας ι μπίπαντριμε πφενιάκο σο προσευχίντιβελα για τι νακχέλ ι Σχολή για Ευαγγελιστές της Βασιλείας. Μανγκέλα τι νακχέλ ι σχολή για τι υπηρετίνελ οτθέ σο η ανάγκη ισί πο μπαρί. Οτθάρ, ενώ συνεχίνελα τι προσευχίντιβελ για τι καλίνεν-λα κι σχολή, κα μπορίνελας τι μανγκέλ κατά Ιεχωβά τι βοηθίνελ-λα τι αρακχέλ γιαβερά ευκαιρίες για τι κερέλ πο μπουτ κο έργος. (Πράξ. 16:9, 10) Σοράν, κα μπορίνελας τι κερέλ οντουβά σο μανγκλάς πι προσευχιάτε ντα τι πουτσέλ τον επίσκοπο περιοχής άμα εκ κχανγκιρί οτθέ πασέ χρειαζίντιβελα πο μπουτ σκαπανίν. Ή κα μπορίνελας τι γραφίνελ σε εκ Μπέθελ για τι πουτσέλ κάι υπαρχίντιβελα πο μπαρί ανάγκη τι βακέρντιβεν ο λατσσέ αμπέρια.e

16. Καλέ πραγμάσκε μπορίνασα τι αβάς σίγουροι;

¹⁶ Σαρ σικλιλάμ, μπορίνασα τι αβάς σίγουροι ότι ο Ιεχωβά κα απαντίνελ αμαρέ προσευχιέντε μανγκιμάσαρ ντα δίκαιε τροπόσαρ. (Ψαλμ. 4:3· Ησ. 30:18) Κάποιες φορές μπέκιμ μα τι λας ι απάντηση σο μπεκλεντίναας. Αλλά ο Ιεχωβά πάντα κα ντελ σημασία αμαρέ προσευχιέντε. Μανγκέλα-αμέν μπουτ. Να κα μουκχέλ-αμέν ποτές. (Ψαλμ. 9:10) Οτθάρ, “τι ντεν λέστε μπέσα σαρέ ο βακίτια”, καζόμ πουτρένα τουμαρό γκι λέστε αντράλ κατά προσευχή.​—Ψαλμ. 62:8.