2 Пётро
2 Но сар машкар израильтя́норя сас хохавнэ особи мануша, кадя и тумэндэ авэна хохавнэ учителёря. Кадэла мануша лэна чоралэс тэ сытярэн лэ хохаимасти, через саво парашэн тэ патян, и дажэ отԥэндёна пэстирэ хуластар, саво тиндя лэн, и важ када вонэ ӥто хындёна. 2 Бут мануша лэна лэндар примеро андэ кода, кай лэна тэ андярэн пэс бесовестно*, и через лэндэ о миро лэла тэ дэл дума найпативалэс пала лэ чачимаско дром. 3 Вонэ авэна чорымастирэ и через када лэна тэ опхохавэн тумэн важ пэстири выӷода. Но о приӷоворо ужэ дэлмут лэнди виандярдо, и лэндар авэла спушло вовремя, и вонэ точно хындёна.
4 О Дэл на жалуисардя лэ анӷелонэн, савэ стердэ бэзэх, но сԥангля лэн цэпонэнца* и шутя андо та́ртаро. Во лэла тэ ритярэл лэн андэ тэмнота, кай на дицол нисаво свето, пока о сындо на спушэла лэндар па приӷоворо, саво сас виандярдо. 5 Во на жалуисардя и люма андэ дэлмутни время, но спасысардя лэ Ноёс, саво росԥэнэнас пала правильно дила, и лэса инке семь манушэн, кала бишалдя о потопо пэ найлашэ манушэндири люма. 6 Во сындосардя и фороря Садо́мо и Гамо́ра и ашадя андар лэндэ ек о пепло, и кадя сыкадя, со авэла англэ лэ неправильнонэ манушэнца. 7 Но о Дэл спасысардя лэ Лотос, лэ правильнонэ манушэс, савэсти сас ԥарэс, кай лэ бэзэхэско миро андярэлас пэс бесовестно*. 8 Кадэва правильно мануш дес десэстар мучияспэ через лэндири вэрыто дила, через кода, со во диқэлас и ашунэлас, кала жувэлас машкар лэндэ. 9 Важ када о Иегова* ӷанэн, сар тэ спасый лэ ԥаримастар и ла бидатар кодэлэн, ко стол бари патив пэр лэстэ, и сар тэ ашавэл лэ бэзэхэстирэ манушэн, кай тэ спушэл лэндар андо дес важ о сындо, 10 особено кодэлэн, ко старыийпэ тэ мэлярэл* аврэндири тила и на стол нисави патив пэ кодэла, кастэ исин право тэ хулаий.
Кадэла наӷли и путярдэ хохавнэ учителёря на даран найпативалэс тэ дэн дума пала кодэла, касти о Дэл дя тэ марэл и бах. 11 Но андэ кодэя жэ время и анӷелоря, савэ май састэ и май зоралэ, на дошалярэн и на дэн дума найпативалэс пала кадэла хохавнэ учителёря, важ кода кай стон патив по Иегова. 12 Кацавэ мануша шонпэ пэ дилэ жывотни, савэ вся терэн неосознано и арақадён, кай лэн тэ астарэн и тэ умарэн. Вонэ найпативалэс дэн дума пала кода, со на полэн. Вонэ цырдэ бида пэ пэско шэро, кала жылэ па дром, саво андярэл каринг и смэрть, 13 и о Дэл спушэла лэндар важ лэндири вэрыто дила.
Вонэ раюин кодэлэса, кай дажэ десэ тэ терэн кадя, сар камэл лэндири бэзэхэстири тила. Вонэ — пятноря пэ ӥда и шраморя по муй, вонэ лошаса дэн дума пала хохаимос, савэсти сытярэн, кала хан и пэн тумэнца пэ мисяйли. 14 Лэндири годи здрал тэ терэл билажавардимос, вонэ подэнпэ лэ бэзэхэсти и змарэн па правильно дром кодэлэн, ко би зорэско. Лэнго ди сыкло тэ авэл чорымаско. Вонэ — бэяцэ, савэн динэ амрая. 15 Вонэ зжылэ па правильно дром и банделэ андэ риг. Вонэ жылэ лэ Валаамостирэ, лэ Беоростирэ шавэстирэ дромэса, саво камэлас, кай лэсти тэ потинэн важ и вэрыто дила, 16 но о Дэл сыкадя лэсти пэ лэско бэзэх. О жывотно, саво на ӷанэнас тэ дэл дума, задя дума сар мануш и тердярдя кадэлэ особонэ манушэс андэ лэско дилимос.
17 Вонэ — шущи хаинг и туча, савя даравэл и бари балвал. Лэн аштярэл фартэ бари тэмнота. 18 Вонэ удивин аврэн пэстиря думаса, но латар нинай нисаво толко. Вонэ подэнпэ кодэлэсти, со камэл лэндири бэзэхэстири тила, и андярэн пэс бесовестно*, и кадя змарэн па правильно дром кодэлэн, ко кати найдэлмут дуреля лэ манушэндар, савэ терэн найлашымос. 19 Кадэла хохавнэ учителёря дэн лэнди алав, кай вонэ ашэна свободни, но екжэнэ ашэнпэ лэ бэзэхэстирэ раборя, важ кода кай о мануш ашэл рабо кодэлэско, ко* лэл тэ хулаий пэр лэстэ. 20 Если вонэ, кала уӷанглэ о чачимос пала Баро Хулай и Спасителё пала Исусо Христос, ашадэ кадэла люматири мэлали* дила, но потом упалэ рисайлэ каринг латэ и ашэлэ латирэ раборя, тоди акана лэнди инке май вэрыто, чем сас спэрва. 21 Важ лэндэ авелоп фэдэр тэ на ӷанэн о правильно дром, чем, посли кода сар драго уӷанглэ лэс, тэ отԥэндён лэ свынтонэ законостар, саво лэнди сас пэрэдино. 22 Лэнца тердяпэ кадя, сар ԥэнэнпэ андэ ек пословица: «О риконо рийпэ каринг пэско шаглимос, и о вихаладо бало жал тэ тэвэлийпэ андэ чик».