Марто

Дэкала о родо чи кодэла, кас амэ ӷанас, анда лашимастэ, камэн тэ заставин амэн тэ терас кода, со нинай андэ Библия. Но кода, кай амэ любисарас лэ Иеговас и лэстири Библия, дэл амэнди зор тэ кандас лэ Иеговас, ай най лэн. Вонэ моӷут амэн тэ лажаварэн и тэ дошалярэн, кай амэ на любисарас и на полас кодэлэс, ко муля и кай через амэндэ во холявэла пэр лэндэ. Бут, ко гиндон, кай кала о мануш мэрэл, посли када трэбуй тэ затидэн и юнглинды. Инке гиндон, кай во ԥирэл и можэт тэ авэл цэрэ, ай пэр кастэ сас холяко, можэт кодэлэсти тэ стерэл варисо найдраго. Кала и мануша на бреинпэ и на подшынэн и бал, вонэ гиндон, кай кадэлэса вонэ уӷодин лэ мулэсти. Кадяжэ о хамос, саво ашэлпэ, кала помэнин, сшон по паи чи варикай андэ лэн. Амэ лэ Иеговастирэ свидетеля на патяс андэ кадэла суеверия и на терас вся кода, со нинай андэ Библия, и со подритярэл лэ Сатанаско хохаимос (1 Коринфянам 10:21, 22). w19.04 16, 17, абз. 11, 12

О Иисусо росԥэнэнас пэстирэ учениконэнди пала принцыпоря, савэ поможынас тэ обжанпэ аврэнца справедливо. Подаса дума пала кода, со пистромэ андэ Матфея 7:12. Амэ всаворэ камас, кай амэнца тэ обжанпэ справедливо. Ай важ када амэнди екжэнэнди трэбуй аврэнца тэ обжаспэ кадяжэ. Через када и мануша моӷут тэ закамэн кадяжэ тэ обжанпэ драго и амэнца. Но со тэ терас, кала амэнца обжылэпэ найсправедливо? О Иисусо ԥэндя пэстирэ учениконэнди, кай вонэ тэ патян лэ Иеговасти. Во ԥэндя: «Хэба, о Дэл на стерэла, кай тэ авэл справедливость, важ кодэла, кас во витидя, и савэ ровэнпэ лэсти дес и рят?» (Луки 18:6, 7). Кадэла алава дэн амэнди зор. Амэ ӷанас, кай амаро справедливо Дэл ӷанэн, со амэнди прижалпэ тэ пэрэжувас андэ кадэла послидни деса, кала правий о Сатана. Инке ӷанас, кай андэ пэстири время о Иегова стерэла кадя, кай амэнца лэна тэ обжанпэ справедливо (2 Фессалоникийцам 1:6). Кала амэ жувас па принцыпоря, савэнди сытярэлас о Иисусо, амэ ласа тэ обжаспэ аврэнца справедливо. И если андо миро, савэса правий о Сатана, амэнца обжылэпэ найсправедливо, амэнди авэла по ди драго кодэлэстар, кай андэ пэстири время о Иегова обязательно стерэла, кай тэ авэл справедливость. w19.05 5, абз. 18, 19

Ԥэнаса, ту сытёс андэ школа и всаворэ тирэ однокласникоря патян, кай най о Дэл создал лэ манушэн, ай кай вонэ появисайлэ корко пэстар. Тути камэлпэ тэ доԥэнэс, со пала када пистромэ андэ Библия, но ту гиндос, кай найбут ӷанэс. Када лашо маменто, кай май драго пала када тэ уӷанэс. Можно тэ стос дуй цэли. Пэрво, май фартэ тэ патяс андэ кода, кай вся создал о Дэл и дуйто, тэ сытёс тэ зашоспэ пала чачимос (Римлянам 1:20). Спэрва погиндосар, соса доԥэнэн и однокласникоря, кай и мануша появисайлэ корко пэстар. Тоди май драго уӷан, со пала када пистромэ андэ амари литература. Тэ росԥэнэс аврэнди, андэр со ту патяс, можэт тэ авэл май вушэро чем здэлпэ. Бут мануша патян, кай и мануша появисайлэ корко пэстар, важ кода кай када ԥэндя варисаво ашунгло мануш. Если ту виарақэса дэсо, со доԥэнэн, кай андэ Библия пистромэ чачимос, када можэт тэ хутилэл лэ манушэсти, саво камэл тэ розлэлпэ андэ кадэва вопросо (Колоссянам 4:6). w19.05 29, абз. 13

Кала о пророко Илья нашэлас кодэлэндар, ко камэлас лэс тэ умарэл, лэсти сас кадя ԥарэс, кай во камэлас тэ мэрэл. О Иегова бишалдя каринг лэстэ фартэ зоралэ анӷелос и кодэва стердя важ о пророко кода, со лэсти сас трэбуй. О анӷело стердя важ о Илья ԥабардо хамос и ақардя лэс тэ хал (1 Царей 19:5—8). Кадэва случаё сытярэл амэн, кай дажэ найбари, но лащи дила, можэт тэ авэл важ о мануш фартэ бут. Можно тэ гитос лэсти тэ хал, тэ подарис найбаро подарко или тэ пистрос открытка. Вся када сыкавэла лэ ԥралэсти или ла ԥэяти, савэндэ ԥаримос, кай амэ лэн любисарас и заботисавас пала лэндэ. Если амэнди лажаво тэ дас дума лэнца пала кода, со лэндэ по ди, амэ всаек можэм пэ дила тэ заботисавас пала лэндэ. Кадяжэ о Иегова стердя чуда и поможысардя, кай о Илья тэ прожал баро дром жы каринг о плай Хориво, кай во сас дур лэ вороӷонэндар. Сости када амэн сытярэл? Если амэ камас тэ подритярас кодэлэс, каса нахально тердэ билажавардимос, спэрва амэнди трэбуй тэ стерас кадя, кай лэндэ по ди тэ авэл спокойно и кай вонэ нисостар тэ на даран и цэрэ, и андо зало, кай тидэнпэ лэ Иеговастирэ свидетеля. w19.05 16, 17, абз. 11, 13, 14

Ԥэнаса, ту адинос и 12 ӷлава анда книӷа Захария, андэ сави пистромэ, кай лэ Христос умарэна (Захария 12:10). Андо 12 стихо пистромэ, кай пала лэстэ лэла тэ ровэл «о ери анда лэ Нафаноско потомство». Канешно, можно пэ када тэ на шос бут сама, но фэдэр тэ погиндос пала када. «Сави связь машкар лэ Нафаноско потомство и о Христос? Давай розласапэ. Каринг о алав «Нафано» андэ кадэва стихо исин дуй ссылки. Ек андар лэндэ бишалэл амэн каринг и 2 Самуила 5:14. Котэ ԥэнэнпэ, кай о Нафано ек анда лэ царёсти лэ Давидостирэ шавэ. Ай авэр ссылка бишалэл каринг и Луки 3:31, катар амэ уӷанас, кай о Иисусо лэ Нафаноско потомко па ла Марияти риг. Када ужэ интересно! Амэ ӷанас, кай па пророчество о Христос трэбуй тэ авэл лэ Давидоско потомко (Матфея 22:42). Но кай о Давидо сас май бут чем 20 шавэ. Хэба, найудивительно, кай о Захария ԥэндя пала лэ Нафаноско потомство, кай, именно, вонэ авэна машкар кодэла, ко ровэна пала Иисусо? w19.05 29, 30, абз. 17

Кала амэ на промэкас тэ сытювас па Библия и па амари литература, амэ можэм инке май драго тэ полас, кай кода, андэр со амэ патяс, чачимос. Амэ диқас, кай лэ Иеговастирэ законоря справедливи. Тоди амари вера авэла кацави састи, сар, ԥэнаса, барэ и састэ ла виткатирэ корнёря (Колоссянам 2:6, 7). На бистрэн, кати тумэ екжэнэ можэте тэ стерэн кадя, кай май фартэ тэ патян лэ Иеговасти. Важ када на парашэн тэ парувэн пэстирэ гиндоря. На парашэн тэ мангэнпэ и тэ мангэн кай о Иегова свынто духо. Сытён тэ гиндон, розлэнпэ андэ кода, каринг со тумэн цырдэл и со тумэ камэн. Правильно витидэн лэ друӷонэн и проандярэн и время кодэлэнца, ко поможыя тумэнди тэ гиндон па аврятэ. И тоди тумэндэ вижала тэ улэн найлашэ гиндоря, савэ сар о ядо, кодэлэ манушэндар, савэ на патян андо Иегова. Кадяжэ тумэндэ вижала тэ улэн «вся, со на домэкэл, кай и мануша тэ уӷанэн лэ Дэвлэс» (2 Коринфянам 10:5). w19.06 13, абз. 17, 18

Кадя жэ сар и Руфь сас вся и время паша Ноеминь, амэнди трэбуй тэ на парашас тэ подритярас кодэлэн, ко хасардя пэстирэ чачес (Руфь 1:16, 17). И Пола росԥэнэн: «Посли кода, сар муля мэрно хулай, ман всаворэ подритярэнас. Но прожыля время и лэндири жызня упалэ ашэля сар сас, ай мэрни най. Драго, сар авэр полэн, кай кодэлэс, ко хасардя пэстирэ чачес, трэбуй тэ подритярэн най ек шон, ай дэкала дажэ най ек бэрш». Канешно, всаворэ мануша разни. Варико присытёл каринг када йто. Ай аврэнди кажно разо ԥарэс тэ терэн кода, со терэнас дуйжэнэ. Кажно пэрэандярэл и бида па пэстирятэ. Давайте тэ на бистрас, кай амэнди приԥэндя о Иегова тэ заботисавас пала кодэла, ко ашэляпэ екжэно, и амэнди трэбуй када тэ терас. w19.06 24, абз. 16

Кала жувас андо запрето, трэбуй тэ сэрас, кай «исин время тэ ашэс мулком» (Экклезиаст 3:7). Амэнди трэбуй тэ на росԥэнас, сар ақарэн лэ ԥралэн и лэ ԥэян, кай прожан и собрании, сар амэ служысарас и катар лас и литература. Амэ на росԥэнаса пала када лэ властенди, лэ друӷонэнди и лэ родости, савэ жувэн андэ амари страна чи пала ӷраница, кай тэ на подстас лэн. На домэкэн, кай и найбарэ проблемы тэ розделин амэн. О Сатана драго ӷанэн, кай «кала о цэр розделияпэ, тоди кадэва цэр на уприяпэ» (Марка 3:24, 25). Важ када во анда вся зор камэла тэ розделий амэн. Во камэл, кай амэ тэ мараспэ ек аврэса, ай най лэса. Дажэ и христианоря, савэндэ састи вера, трэбуй тэ авэн осторожни. Кала амэ анда вся зор старысавас тэ ладисарас лэ ԥралэнца и лэ ԥэянца, лэ Сатанастэ на вижала тэ розделий амэн (Колоссянам 3:13, 14). w19.07 11, 12, абз. 14—16

Виашунэл амэн о мануш чи най, часто зависит най кодэлэстар, со амэ росԥэнас, ай кодэлэстар, сар амэ росԥэнас. Лэ манушэнди чалёл, кала лэнца дэн дума пативалэс и анда оди роспушэн. Амэ на камас, кай вонэ тэ гиндон кадя сар амэ. Амэ старысавас тэ полас, со вонэ гиндон пала всаворэ веры и васо. Важ амэндэ ӷлавно тэ гиндосарас, со по ди кодэлэндэ, касти амэ росԥэнас важ о Дэл. Например, кала о Павло дя дума лэ иудеёнэнца, во «дя дума лэнца па Писании». Ай кала во дэлас дума андо Ареопаго лэ ӷреческонэ манушэнца, савэ гиндонас, сар и мануша, савэ на полэнас лэ Иеговас, во на дэлас дума ворта анда Писания (Деяния 17:2, 3, 22—31). Сости амэн сытярэл кода, со терэлас о Павло? Кала амэ диқас манушэс, важ саво и Библия най авторитето, фэдэр авэла ворта тэ на дас дума анда Библия. Кала ту камэс тэ проадинос варисо анда Библия кодэлэсти, каса дэс дума и полэс, кай лэсти авэла лажаво, кай авэр када диқэна, фэдэр заадиносар и стихоря анда телефоно чи анда планшэто. w19.07 21, абз. 5, 6

Кай о Сатана драго вижыля тэ обдилярэл лэ израильтянонэн, кай вонэ тэ тэлён лэ хохавнэ дэвлэнди. Во ӷанэнас, кай лэнди авэла трэбуй тэ правардён и астардя лэн пэ када. Пэ ԥув, сави о Иегова ԥэндя, кай авэла лэндири, лэ израильтянонэнди прижыляпэ тэ сытён па аврятэ тэ барярэн о уражаё. Андо Египто и маля поливали лэ паеса анда Нило. Ай пэ ԥув, сави о Иегова дя лэнди, на сас лэна, анда савэ моӷли поливать и кодэлэнди, ко залэнаспэ ла ԥувьяса, сас трэбуй тэ аштярэн кати и брышында и дросын (Второзаконие 11:10—15; Исаия 18:4, 5). Важ када лэ израильтянонэнди сас найвушэро тэ сытён па аврятэ тэ барярэн о уражаё. Но васо о Иегова ԥэндя пэстирэ народости, кай тэ фэринпэ и тэ на тэлён лэ хохавнэ дэвлэнди? О Иегова ӷанэнас, кай и израильтяноря камэна тэ сытён, сар тэ барярэн о уражаё котэ, кай жувэна, лэ народонэндар, савэ жувэнас паша лэндэ. Но андэ када сас опасность, важ кода кай и хананеёря, савэ залэнаспэ ла ԥувьяса, тэлёнас лэ Ваалости. И израильтяноря лэнас тэ гиндон, сар и мануша, савэ патянас андо Ваало (Числа 25:3, 5; Судей 2:13; 1 Царей 18:18). w19.06 3, 4, абз. 4—6

Кала о апостоло Павло, о Сила, о Лука и о Тимофеё авелэ андо римско форо Филиппы, вонэ додиқлэ, кай котэ жувэн бут мануша, савэ камэнас тэ ашунэн и весть пала Царство. Кадэла штар ԥрала, савэндэ ԥаболас оди тэ терэн май бут дила, поможысардэ тэ стидэн и собрания. И катутнэ ученикоря линэ тэ стидэнпэ вмести, файма, андо цэр кай и Лидия, сави прилэлас лэ манушэн анда вся оди (Деяния 16:40). Прожыля набут время и кай и нэви собрания ашэля ԥаримос. О Сатана стердя кадя, кай кодэла, ко вэрыцыяс о чачимос, линэ тэ ӷонин лэ христианонэн, савэ на парашэнас тэ росԥэнэн и лащи весть пала Царство. Лэ Павлос и лэ Силас залинэ и мардэ лэ хворостинэнца и бэшардэ андо баруно. Посли кода, сар вонэ вижылэ, вонэ авелэ каринг и нэвэ ученикоря и подритярдэ лэн. Потом о Павло, о Сила и о Тимофеё ужылэ анда Филиппы, ай о Лука, файма, ашэляпэ андо форо. Со тердяпэ кадэла собранияса май дур? Через лэ Иеговаско свынто духо и нэвэ ԥрала и ԥэя на парашэнас май бут тэ терэн андэ служэния лэ Иеговасти (Филиппийцам 2:12). Кай о Павло сас, васо андэр лэндэ тэ абурой! w19.08 8, абз. 1, 2

Если ту пэрэлаглян, када можэт тэ авэл фартэ куч и можно тэ заӷулес андо вужылимос. Важ када на тин андо кредито кода, со тути па чачимастэ на трэбуй (Притчи 22:3). Кала ту фартэ пэрэжываеш (например, кала диқэс пала пэско родо, саво насвало), найвушэро тэ витидэс, скати ловэ тэ залэс. Тоди на бистэр, кай правильно тэ витидэс, со тэ терэс, поможыя и «молитва» и кай анда вся оди мангэспэ. Кала ту росԥэнэса вся лэ Иеговасти, во дэла тути спокойство по ди и «фэрия тумаро ди и годи» и поможыя пала вся драго тэ погиндос (Филиппийцам 4:6, 7; 1 Петра 5:7). На бистэр пала друӷоря. Росԥэн лэнди кода, со тутэ по ди и пала ԥаримос. Ай май драго авелоп тэ росԥэнэс кодэлэнди, ко екжэно прожыля через кацаво. Када поможыя, кай тэ авэл по ди май вушэро (Экклезиаст 4:9, 10). Кай бы ту тэ на жувэс, тирэ друӷоря, ашэнапэ туса пэ вся и время. w19.08 22, абз. 9, 10

Васо о Иегова сыстосардя пэстири послиднё бари война лэ Мегиддоса? Андэ библейско время андэ Мегиддо и андэ Изреельско мал, сави сас пашэ, марэнаспэ бут разоря. Дэкала о Иегова екжэно зашоласпэ андэ война. Например, «паша паи Мегиддо» о Дэл поможыяс лэ израильсконэ сындомарести лэ Варакости тэ победий о ханаанско войско, саво андярэлас о Сисара. О Варако и Девора, сави ԥэнэнас, со авэла англэ, блаӷодаринас лэ Иеговас, кай во стердя чуда, и вонэ вицэлдэ кадэя война. Вонэ дилабэнас: «И черӷая марэнаспэ па нэбо... лэ Сисароса. Мэк помэрэна всаворэ тирэ вороӷоря, о Иегова. Ай кодэла, ко любин тут, мэк авэн, сар о қам, саво вижал андэ пэстири слава!» (Судей 5:19—21, 31). Андо Армагеддоно лэ Иеговастирэ вороӷоря кадяжэ помэрэна, ай кодэла, ко любин лэ Дэвлэс, спасынапэ. Но машкар кадэла дуй войны исин ек бари разница. Андэ война Армагеддоно лэ Дэвлэстирэ служытеля на лэна тэ марэнпэ. Лэндэ дажэ на авэла оружыя! Лэнго «зор [авэла] андэ кода, кай тэ ашэнпэ спокойни и тэ сыкавэн, кай патян» лэ Иеговасти и лэстирэ небеснонэ войскости (Исаия 30:15; Откровение 19:11—15). w19.09 9, абз. 4, 5

Сар тэ авас каринг о Иисусо? Када драго тэ сытювас кодэлэсти, сости во сытярэлас и сар во пэс андярэлас (Луки 1:1—4). Важ амэндэ када нико на стерэла, када кати амэ трэбуй тэ стерас. Амэ кадяжэ авас каринг о Иисусо, кала болдювас и ашас лэстирэ ученикоря. Инке, сар амэ можэм тэ авас каринг о Иисусо, када тэ мангас помощь кай и старейшыноря. О Иисусо заботийпэ пала пэстирэ бакрорэ через кадэла мануша, савэ сар подаркоря (Эфесянам 4:7, 8, 11; Иоанна 21:16; 1 Петра 5:1—3). Амэнди екжэнэнди трэбуй тэ мангас помощь, важ кода кай и старейшыноря нэ моӷут тэ диқэн амарэ гиндоря и тэ ӷанэн, со амэнди трэбуй. Акэ, со росԥэнэн ек ԥрал, савэс ақарэн Джулиано и саво мангля лэ старейшынонэн, кай вонэ лэстэ тэ авэн: «Мэ гиндосарав, кай када со май лашо подарко андэ мэрни жызня». И старейшыноря, савэ на парашэн тэ кандэн лэ Дэвлэс, например, сар кодэла, ко авеля каринг о Джулиано, поможын и амэнди, кай амэ тэ «гиндосарас, сар о Христос» (1 Коринфянам 2:16; 1 Петра 2:21). Пастырско посещения па чачимастэ со май лашо подарко, саво моӷут тэ стерэн и старейшыноря. w19.09 21, абз. 4, 5

Андэ Библия пистромэ пала бут мурша и жувля, савэ на парашэнас тэ кандэн лэ Дэвлэс, пэ савэ сас о свынто духо, но савэ на ужан андэ 144 000. Ек кацаво примеро, када о Иоанно Крестителё (Матфея 11:11). Ай авэр, када о царё Давидо (Деяния 2:34). Вонэ, ай кадяжэ бут авэр мануша ринапэ каринг и жызня, кай тэ жувэн андо раё пэ ԥув. Всаворэ кадэла служытеля и кодэла, пэр кастэ ԥэнэн и фартэ бут мануша, моӷут тэ сыкавэн, кай вонэ на парашэн тэ кандэн лэ Иеговас и подритярэн ла диласа лэстири правления. Инке никала на сас кацаво, кай о Дэл тэ стидэл милионоря манушэн анда всаворэ народоря. И всаек, кай амэ камас тэ жувас, пэ ԥув или по нэбо, амэ трэбуй тэ поможысарас, кай май бут мануша тэ ашэн андэ кодэла, пэр кастэ ԥэнэн и фартэ бут мануша, пэ савэ инке ԥэнэн «авэр бакрорэ». Йто, сар и сас ԥэндо, о Иегова бишалэла пэ ԥув и само бари бида и умарэла и правительства и веры, савэ на дэнас жызня лэ манушэнди. Саво жэ лашимос авэла всаворэндэ, ко ужал андэ фартэ бут мануша, кай тэ служын лэ Иеговасти вечно пэ ԥув! (Откровение 7:14). w19.09 31, абз. 18, 19

Конец кодэлэсти, со исин андэ лэ Сатанастири люма пашол, важ када амэнди авэла май ԥарэс тэ на парашас тэ кандас лэ Дэвлэс и кода, сости сытярэл лэско Царство. Файма, амэндар на парашэна тэ асанпэ. Можэт тэ авэл инке май ԥарэс через кода, кай трэбуй авэла тэ на залас никастири риг андэ политика. Кай тэ на парашас тэ кандас лэ Дэвлэс андэ само бари бида, амэнди трэбуй ужэ акана тэ терас вся, кай кадэва качество тэ авэл амэндэ вся и время. Кала авэла само бари бида, лэ ԥралэндэ, савэ диқэн пала лэ Дэвлэско народо, и жызня фартэ парудёла. Андэ ек маменто, всаворэ памазаникоря, савэ инке жувэн пэ ԥув, ужана по нэбо, кай тэ марэнпэ андэ война Армагеддоно (Матфея 24:31; Откровение 2:26, 27). Када сыкавэл, кай Руководящё совето ужэ на авэла амэнца пэ ԥув. И всаек, амэндэ андэ собрания авэла порядко. Тэ диқэн пала народо лэна и ԥрала, савэ драго када ӷанэн тэ терэн. Вонэ анда авэр бакрорэ. Амэ сыкаваса, кай подритярас лэ ԥралэн, кала кандаса лэн, и терас кода, со ԥэнэн лэнди о Дэл. Кадэлэстар дицола, жуваса амэ чи най. w19.10 17, абз. 13, 14

И Ноеминь фартэ любияс лэ Иеговас и на парашэлас тэ служый лэсти. Посли кода, сар муля лако хулай и латирэ дуй шавэ, вой ԥэндя, кай пэр латэ тэ ԥэнэн Мара, када сыкавэл «заровди» (Руфь 1:3, 5, 20 сноска, 21). Латири бори и Руфь сас паша латэ андэ всаворэ биды. И Руфь най кати поможыяс, но и подритярэлас пэстиря сасуя лашэ алавэнца анда оди и ԥэнэнас, кай вой ла любий и никала на ашавэла (Руфь 1:16, 17). Кала варикастэ анда христианоря мэрэл о хулай чи и хулаи, лэсти трэбуй, кай лэс тэ подритярас. О хулай и хулаи, можно тэ ԥэнэс, сар дуй витки, савэ барён рядом. Прожан бэрша и лэндирэ корнёря пэрэплетинпэ, ай кала ек витка виӷанавэн, тоди авэр можэт тэ римойпэ. Кадяжэ, кала мэрэл о хулай чи и хулаи, аврэсти фартэ ԥарэс и када можэт тэ авэл долӷо. w19.06 23, абз. 12, 13

Амэнди трэбуй драго тэ диқас най кати пала кода, савэ развличении амэ витидас, ай инке пала кода, скати время амэ пэ када хасарас. Кай тэ на вижал, кай пэ развличении амэндэ ужал май бут время, чем пэ служэния лэ Иеговасти. Спэрва трэбуй тэ полас, скати время амэндэ ужал пэр лэндэ па чачимастэ. Васо тэ на подадиносарас, скати время пэ када ужал важ о курко? Шам сама, скати время амэ проандярас паша телевизоро, диқас варисо андо интэрнэто чи цэлас андо телефоно. Если поласа, кай пэ када ужал фартэ бут время, стерам ӷрафико. Пэ пэрво ҭан стам и важни дилы, ай тоди ужэ и развличении. Мангам, кай о Иегова тэ поможый амэнди тэ жувас кадя, сар пистросардям андо ӷрафико. Кадя амэндэ авэла время и зор тэ сытювас па Библия, тэ сытярас лэ ерес па Библия важ и собрания, и тэ жас тэ росԥэнас и лащи весть, и кадяжэ тэ сытярас па Библия. Ай инке амэ на ласа тэ дошалярас пэс, кай евья хасарас и время. w19.10 30, 31, абз. 14, 16, 17

Варикай андо 55 бэрш лэ И. Х. и христианоря андо Коринфо закамлэ тэ терэн важно дила. Кала уӷанглэ, кай лэ ԥралэнди андо Иерусалимо и андэ Иуда фартэ ԥарэс и трэбуй ловэ вонэ закамлэ тэ стидэн и ловэ, кай тэ поможын лэнди (1 Коринфянам 16:1; 2 Коринфянам 8:6). Но кала прожылэ варисавэ шона, о апостоло Павло уӷангля, кай и коринфяноря кадя и на стидэ ловэ, савэ ԥэндэ тэ стидэн. Важ када лэндэ на вижыля тэ стидэн кода, со камлэ тэ дэн каринг кодэя время, кала андо Иерусалимо пэрэдэнас и ловэ анда авэр собрании (2 Коринфянам 9:4, 5). И коринфяноря витидэ тэ терэн лащи дила. И о Павло похвалисардя лэн, кай лэндэ састи вера и кай вонэ фартэ камэн тэ поможын аврэнди. И кадяжэ ԥэндя лэнди тэ дотерэн и дила, сави линэ тэ терэн (2 Коринфянам 8:7, 10, 11). Кода, со сас лэ коринфянонэнца сытярэл амэн кодэлэсти, кай дажэ лэ чачунэ христианонэнди можэт тэ авэл найвушэро тэ приритярдён каринг кода, со витидэ тэ терэн. Васо? Важ кода кай амэ найсовершэни, амэ можэм вся и время, вся тэ отстас, со камас тэ терас. Ай инке кода, со амэ закамлям тэ терас, амэндэ можэт тэ на вижал через кода, кай варисо можэт тэ терэлпэ (Экклезиаст 9:11). w19.11 26, 27, абз. 3—5

Сар о баро щито фэрияс лэ воиности почти вся и тила, тумари вера кадяжэ фэрий тумэн лэ найлашимастар, саво исин андэ люма, када лэ билажавардимастар, тэ на авас жэстоки и всаворэстар, со на сжалпэ лэ Дэвлэстирэ законоса. И христианоря марэнпэ андэ война, и амарэ вороӷоря, када и бэнга (Эфесянам 6:10—12). Амэ можэм тэ диқас пала кода, саво амэндэ щито, када амари вера. Сар тэ полас, кай амари вера фартэ састи и виритярэла о ԥаримос? Пэрво, трэбуй тэ мангаспэ лэ Дэвлэсти, кай тэ поможый амэнди. Дуйто, трэбуй тэ родас совето андэ Библия, саво поможыя тэ диқас пэр пэстэ кадя, сар диқэл о Дэл (Евреям 4:12). Андэр латэ пистромэ: «Патя лэ Иеговасти всаворэ тирэ одеса и на патя кодэлэсти, сар ту полэс» (Притчи 3:5, 6). Кала сэрэн пала кадэла алава, погиндон, со тумэ найдэлмут витидэ тэ терэн. Можэт тумэнди сас фартэ ԥарэс кодэлэстар, кай нинай ловэ? Сэрэнас тумэ о алав, саво дя о Иегова, саво запистромэ андэ Евреям 13:5: «Никала на ашавава тут и никала на мэкава тут»? Если кадэлэ алавэндар тумэ линэ тэ патян, кай о Иегова поможыя тумэнди, када сыкавэл, кай тумаро щито, када и вера, фартэ лашо. w19.11 14, 15, абз. 1, 4

Кажнонэ бэятости трэбуй, кай о дад и дэй тэ отдэн лэсти бут время и зор. Лэсти када фартэ трэбуй. Важ када, если андо ери най ек цынёнё бэято, лэ дадэсти и ла дати можэт тэ авэл найвушэро тэ виарақэл время важ кажно. Дэсавэ дад и дэй, савэндэ най ек цынёнё бэято, ԥэнэн, кай лэндэ фартэ бут дила. И дэй можэт тэ вимардёл анда зор. Латэ можэт тэ на авэл зор, кай тэ сытёл па Библия, тэ мангэлпэ и тэ ԥирэл пэ служэния. Кадяжэ латэ нинай зор, кай вой драго тэ ашунэл пэ собрания. Канешно, о хулай, саво полэл пэстиря хулая, старыияпэ тэ поможый ла хулаяти тэ заботийпэ пала бэяцэ пэ собрания, ай кадяжэ и цэрэ. Во кадяжэ лэла тэ старыийпэ тэ на промэкэл тэ сытярэл лэ ерес па Библия, кай кадэлэстар тэ авэл лашимос всаворэ ерести. И кадяжэ дад христианино витидэла время, кай тэ росԥэнэн важ о Дэл лэ ереса. w19.12 24, абз. 8

Со лэнди анэнас кадэва особенно бэрш? Ԥэнаса, о израильтянино сас трэбуй важ о вужылимос тэ битинэл пэстири ԥув. Ай андэ кадэва особенно бэрш кадэя ԥув рияспэ лэ хуласти. Кадя во моӷ тэ рийпэ «пэ пэстири ԥув» и тэ пэрэдэл и ԥув пэстирэ бэятонэнди. Или ԥэнаса, варисавэ манушэстэ сас фартэ баро вужылимос, кай лэсти прижыляпэ тэ битинэл андо рабство пэс чи пэстирэ бэятос. Андэ кадэва особенно бэрш лэ рабос трэбуй сас тэ освободин и тэ рин андо ери (Левит 25:10). Када сыкавэл, кай нико на ашэлапэ рабоса пэ вся и жызня и на авэла кадя, кай о рабо тэ на аштярэл лашимос! Васо инке трэбуй сас кадэва особенно бэрш? О Иегова ԥэндя: «Машкар тумэндэ на трэбуй тэ авэн чорорэ, важ кода кай о Иегова блаӷословия тумэн пэ ԥув, сави тумаро Дэл о Иегова дэл тумэнди, кай вой тэ авэл тумари» (Второзаконие 15:4). Сар када на шолпэ пэ кода, со терэлпэ акана андэ люма, андэ сави и барвалэ барвадён, ай и чорорэ ашэн инке май чорорэ! w19.12 8, 9, абз. 3, 4

Кала лэ Иисусости ашэля ԥарэс, во «анда вся ӷолосо и ясвэнца мангэласпэ» лэ Иеговасти (Евреям 5:7). Лэстирэ молитвы, савэ сас анда вся оди, сыкавэнас, кай во никала на ашавэла лэ Иеговас и поможынас лэсти, кай во инке май фартэ тэ кандэл. Важ о Иегова лэ Иисусостирэ молитвы сас, сар лашо запахо, саво жалас, кала ԥабарэнас и смесь, сави драго қандэл. О Иисусо пэстиря жызняса анэнас лэ Иеговасти ек и радость и доԥэнэнас, кай лэ Иеговастири правления со май лащи. Со амэ сытювас кай о Иисусо? Амэнди трэбуй анда вся о зор тэ старысавас тэ кандас лэ Иеговас и никала тэ на ашавас лэс. Амэ камас тэ радосарас лэ Иеговас и важ када, кала амэндэ ԥаримос, анда оди тэ мангас, кай во тэ поможый амэнди. Кадэлэса амэ подритярас лэ Иеговастири правления. Амэ полас, если амэ терас кода, со на чалёл лэ Иеговасти, во на прилэла амарэ молитвы. Если амэ терас кадя, сар камэл о Иегова, амэ патяс, кай амарэ молитвы, савэ анда оди, чалён лэсти кадяжэ, сар и о лашо запахо, саво жалас, кала ԥабарэнас и смесь, сави драго қандэл. Амэ драго полас кода, кай амэ кандас лэ Иеговас и никала на ашаваса лэс, када радуий лэс, амарэ небеснонэ Дадэс. w19.11 21, 22, абз. 7, 8

Андо 1919 бэрш о Иисусо стодя дэсавэн манушэн памазаниконэн, кай вонэ тэ авэн «кандино и годявэрно рабо». Кадэва рабо диқэл пала кода, кай тэ жал и дила важ и проповедь и тэ дэл лэ Христостирэ учениконэнди «о хамос, кала када трэбуй». Дицол амэнди андэ када, кай о Дэл подритярэл лэ кандинэс и годявэрнэс рабос чи най? О Сатана и люма, савяса во правий, терэн вся, кай о кандино и годявэрно рабо тэ на терэл и дила, сави дя лэсти о Христос. Если о Иегова тэ на подритярдоп лэ кандинэ и годявэрнэ рабос, лэстэ на хутилдоп зор када тэ терэл. Сас дуй мирови войны, андэ всаворэ страны сас ԥарэс лэ ловэнца, на парашэнас тэ ӷонин лэ чачунэ христианонэн и найдраго лэнца обжанас. Но кандино и годявэрно рабо на парашэлас тэ дэл вся, со трэбуй, кай тэ авэл лащи дружба лэ Дэвлэса. Погиндон, дэ бут амэндэ адес библейско литература. Ла вимэкэн май бут чем пэ 900 шыба, и кажно можэт тэ лэл ла би ловэнго. Амэ всаворэ драго полас, кай вся када подритярэл о Иегова! Инке ек, со сыкавэл, кай о Иегова подритярэл лэ кандинэс и годявэрнэс рабос, када кай на парашас тэ росԥэнас и лащи весть. И лащи весть па чачимастэ росԥэнэн «па вся и ԥув» (Матфея 24:14). w19.11 24, 25, абз. 15, 16

Кажно бэрш, андо Дес, кала витинэн лэ бэзэхэстар, о само баро рашай трэбуй сас тэ сԥабарэл и смесь, сави драго қандэл, жы каринг кода, сар тэ анэн андэ жэртва лэ жывотнонэн. Через када во патялас, кай о Иегова анда оди прилэла лэстири жэртва. Кадяжэ, и о Иисусо англа кода, сар тэ отдэл пэстири жызня, кай тэ витинэл всаворэн, трэбуй сас тэ стерэл варисо май важно, чем просто тэ спасый лэ манушэн. Кай о Иегова тэ прилэл лэстири жэртва, о Иисусо трэбуй сас вся и жызня тэ ашэлпэ вужо англа лэстэ и вся и время тэ кандэл. Кадэлэса о Иисусо сыкадоп, кай тэ терэл кода, со камэл о Иегова, кай када ек чачуно дром и доԥэндоп, кай кати лэ Иеговастири правления само справедливо. Вся пэстири жызня о Иисусо андэ вся кандэлас лэ Иеговас. О Сатана камэлас, кай о Иисусо тэ стерэл варисо найдраго англа Дэл. Но дажэ ни о ԥаримос, ни мучительно смэрть, сави лэстэ сас трэбуй тэ авэл, нэ смоӷли тэ стерэн кадя, кай о Иисусо тэ на доԥэнэн, кай кати лэ Иеговастири правления со май лащи (Филиппийцам 2:8). w19.11 21, 22, абз. 6, 7

Вся и время, скати о Иисусо служыяс, и апостолоря сас важ лэстэ чачунэ друӷоря. Кадэлэса вонэ сыкадэ о чачимос анда библейско притча: «Но исин друӷо, саво май пашэ, чем о ԥрал» (Притчи 18:24). Важ о Иисусо кадэя дружба сас фартэ куч. Важ и вся и время, скати во служыяс пэ ԥув, нико анда лэстирэ ԥрала на патяе андэр лэстэ (Иоанна 7:3—5). Еқвар вонэ гиндосардэ, кай во жыля па годятэ (Марка 3:21). Ай лэстирэ апостолоря, савэ на парашэнас лэс тэ кандэн, подритярэнас лэс. Важ када и рят англа пэстири смэрть о Иисусо ԥэндя и алава, савэ запистромэ андо стихо по дес. Дэкала и апостолоря на терэнас кода, со камэлас о Иисусо. Но во най фартэ шолас сама пэ кода, со вонэ най кадя терэнас, ай сэрэлас, кай вонэ патян андэр лэстэ (Матфея 26:40; Марка 10:13, 14; Иоанна 6:66—69). И рят англа пэстири смэрть, во ԥэндя лэ апостолонэнди, савэ на парашэнас лэс тэ кандэн: «Мэ ԥэнав пэр тумэндэ друӷоря, важ кода кай мэ росԥэндэм тумэнди вся, со ашундэм мэрнэ Дадэстар» (Иоанна 15:15). Чаче, и друӷоря фартэ подритярэнас лэ Иисусос. w19.04 11, абз. 11, 12

Сар о христианино полэл, кай во лэла тэ жувэл по нэбо? Атвето можно тэ виарақас андэ лэ Павлостирэ алава, савэ во ԥэндя кодэлэнди, кас о Дэл «витидя тэ авэн свынти». Кроме и алава, савэ амэ адиносарас андо стихо по дес, о Павло кадяжэ пистросардя лэнди: «Тумэнди на динэ духо, сар рабонэнди, савэстар тумэ упалэ тэ даран. Но тумэнди динэ духо, саво приля тумэн, сар пэстирэ шавэн. Через кадэва духо тумэ ԥэнэн: „А́вва, Дадэ!“» (Римлянам 1:7; 8:15). Вижал, о Иегова через пэско свынто духо дэл лэ памазаниконэнди, кай вонэ драго тэ полэн, кай жувэна по нэбо (1 Фессалоникийцам 2:12). И памазаникоря фартэ патян, кай жувэна по нэбо, важ кода кай о Иегова када дэл лэнди драго тэ полэн (1 Иоанна 2:20, 27). Канешно, лэ памазаниконэнди, сар и всаворэнди, трэбуй тэ сытён кай о Иегова и тэ цэнин кода, кай во лэн сытярэл через и собрания. Но лэнди на трэбуй, кай варико авэр тэ доԥэнэн, кай вонэ памазаникоря. Кай о Иегова исин о свынто духо, када само баро зор андэ люма. Через лэстэ во дэл лэ христианонэнди драго тэ полэн, кай вонэ жувэна по нэбо! w20.01 22, абз. 7, 8

«Лэ Христоско законо» ритярдёл пэ любовь, по само лашо «фундаменто» (Галатам 6:2). Андэ вся, со терэлас о Иисусо, дицолас лэстири любовь. Во жалуияс лэ манушэн и кадэлэса сыкавэлас, кай любий. Лэ Иисусости сас жалко лэ манушэн и важ када во сытярэлас всаворэн, ко авэлас лэстэ. Во исцэлияс лэ насвалэн, праварэлас лэ боқалэн и рияс каринг и жызня кодэлэн, ко муля (Матфея 14:14; 15:32—38; Марка 6:34; Луки 7:11—15). Канешно, вся када залэлас кай о Иисусо фартэ бут время и зор, но о Иисусо вся и время жалуияс лэ манушэн май фартэ, чем пэс. Ай инке, во отдя важ и мануша пэстири жызня. И кадэлэса во сыкадя, сар дэ фартэ во лэн любий. Амэ терас сар о Иисусо, кала май бут жалуисарас и любисарас аврэн и кала гиндосарас май бут пала авэр мануша, чем пала пэстэ. Через када амэ камас тэ росԥэнас лэ манушэнди пала лащи весть и тэ сытярас лэ чачимасти анда Библия. Кадэлэса амэ ритярас лэ Христоско законо. w19.05 4, абз. 8—10

Лэ Дэвлэско Шаво авеля пэ ԥув, кай тэ поможый лэ манушэнди, кай лэндэ тэ авэл свобода. Пэрво, када, во ԥэрнадя о дром лэ манушэнди, кай тэ освободинпэ лэ хохаимастар, саво росԥэнэн и барэ мануша анда хохавнэ веры. Бут иудеёря андэ кодэя время, сас андо рабство кай традицыи и кай хохавнэ веры (Матфея 5:31—37; 15:1—11). Кодэла, ко камэнас тэ авэн барэ манушэнца андэ веры, кай тэ диқэн пала аврэндэ, па чачимастэ сас, сар корэ. Вонэ отԥэндёлэ лэ Христостар и кодэлэстар, сости во сытярэлас, и важ када вонэ ашэлэпэ андэ тэмнота и андэ лэ бэзэхэстири власть (Иоанна 9:1, 14—16, 35—41). Кала о Иисусо сытярэлас лэ чачимасти и сытярэлас кодэлэса, сар во пэс андярэлас, кадэлэса во поможыяс кодэлэнди, кастэ ковло ди, кай тэ авэн свободни лэ хохаимастар (Марка 1:22; 2:23—3:5). Дуйто, кай о Иисусо вижала тэ одмэкэл лэ манушэн анда лэ бэзэхэско рабство, саво пэрэдяпэ лэнди лэ Адамостар. Через кода, кай о Иисусо отдя пэстири жызня важ всаворэ мануша, о Дэл можэт тэ простий бэзэх кодэлэнди, ко патял андэ кода, кай о Иисусо амэн витиндя и сыкавэл када пэстиря диласа (Евреям 10:12—18). w19.12 10, абз. 8; 11, абз. 10, 11

О Иегова через пэско свынто духо дэл всаворэнди, ко ашэл памазаниконэнца, драго тэ полэн, кай во лэн витидя. Через о свынто духо лэндэ исин ӷарантия чи залоӷо (завдатко) кодэлэсти, кай май англэ вонэ лэна тэ жувэн вечно по нэбо, ай най пэ ԥув (2 Коринфянам 1:21, 22). Если по христианино сжыля о свынто духо, сыкавэл када чи най, кай лэстэ ужэ исин и наӷрада по нэбо? Най. Кацаво христианино патял, кай о Иегова витидя лэс, кай тэ жувэл по нэбо. Но лэсти всаек трэбуй тэ на бистрэл кадэла алава: «Важ када, ԥрала, стон инке май бут зор, кай май драго тэ ритярдён кодэлэсти, каринг со тумэн ақардэ и витидэ. Кала терэна кадя, тумэ никала на змардёна па правильно дром» (2 Петра 1:10). Хоть лэ памазаникос и витидэ тэ жувэл по нэбо, лэстэ када авэла кати тоди, если во на парашэла тэ кандэл лэ Дэвлэс (Филиппийцам 3:12—14; Евреям 3:1; Откровение 2:10). w20.01 21, 22, абз. 5, 6

Васо кодэла, важ кастэ о Иово гиндояс, кай вонэ лэстирэ друӷоря, на жалуисардэ лэс? Ек причина, када, кай вонэ на камлэ тэ розлэнпэ андэ кода, со кай о Иово тердяпэ. Важ када вонэ грабисайлэ лэс тэ дошалярэн и холяса линэ тэ доԥэнэн, васо лэстэ кадя. Сар тэ на терас кадя, сар вонэ? На бистрэн, кай кати о Иегова диқэл и ситуацыя всаворэ ригэндар. Драго виашунэн кодэлэс, ко попэля андэ бида. Старыинпэ тэ полэн, сар лэсти ԥарэс. Кати тоди дицола, кай тумэ па чачимастэ фартэ жалуин лэс. Кала амэ фартэ варикас жалуисарас, амэ на ласа тэ андярас сплетни, пала ԥаримос, саво лэндэ исин. Кадэлэстар авэла мирно андэ собрания, и на роздилия ла (Притчи 20:19; Римлянам 14:19). Кодэва, ко андярэл сплетни, можэт тэ анэн инке май бут ԥаримос кодэлэсти, касти и кадя ԥарэс (Эфесянам 4:31, 32). Давайте тэ диқас андо мануш ек о лашимос, и тэ гиндосарас пала кода, сар тэ поможысарас лэсти тэ пэрэандярэл о ԥаримос. w19.06 22, абз. 8, 9