Маё

Сар о дад и дэй моӷут тэ поможын лэ бэятонэнди, кай вонэ тэ любин лэ Иеговас? Мангэн лэ Иеговас тэ поможый, сар када терэлас о Маноё. Кадяжэ сытярэн кодэлэса, сар тумэ пэс андярэн. Кода, со тумэ росԥэнэн лэ бэятонэнди важно. Но май важно важ лэндэ кода, сар тумэ пэс андярэн. Можно тэ патяс, кай о Иосифо и Мария сас важ пэстирэ бэяцэ, и важ о Иисусо, лашо примеро. О Иосифо бут терэлас дила, кай тэ проправарэл лэ ерес. Инке, сытярэлас лэ бэятонэн тэ любин лэ Иеговас и тэ служын лэсти (Второзаконие 4:9, 10). Кажно бэрш во лэлас пэстирэ ерес андо Иерусалимо пэ Патради (Луки 2:41, 42). Дэсавэ дадэнди здэласпэ, кай кацаво дром анэн фартэ бут ԥаримос, жан бут ловэ и кадяжэ залэл бут время. Но о Иосифо фартэ любияс лэ Иеговас и кадэлэсти сытярэлас лэ бэятонэн. Кадяжэ можно тэ сытювас и кай и Мария. Вой драго ӷанэнас и Писания. Пэстирэ алавэнца и пэстиря жызняса, вой сытярэлас лэ бэятонэн тэ любин лэ Дэвлэско Алав и Писания. w19.12 24, 25, абз. 9—12

О Иегова сыкадя, кай любий амэн кодэлэса, сар во пэс андярдя, кала лэстирэ бэяцэ пэ ԥув лэс на канглэ. О Адамо жыля против пэско небесно Дад. Важ када во и кодэла, ко жылэ лэстар, нэ моӷут тэ авэн андо бахтало лэ Иеговаско ери (Римлянам 5:12). Но о Иегова на ашадя лэ манушэн андэ бида. О Иегова спушля лэ Адамостар, важ кода со во стердя. Но во ԥэндя, кай поможыя кодэлэнди, ко жала лэ Адамостар. О Дэл сразу дя алав, кай и мануша, савэ лэс кандэна, упалэ авэна андэ лэско ери (Бытие 3:15; Римлянам 8:20, 21). Важ када о Иегова загиндосардя тэ отдэл пэстирэ любимонэ Шавэс, лэ Иисусос важ амэндэ. Кадэлэса о Иегова сыкадя, кай фартэ амэн любий (Иоанна 3:16). Во со май лашо Дад. Во ашунэл амарэ молитвы и заботийпэ пала вся, со амэнди трэбуй важ и жызня и кай тэ авэл лащи дружба лэса. Во сытярэл и дэл зор амэнди. Ай инке лэстэ исин важ амэндэ бут лашимос. Сар жэ драго по ди, кала полас, кай о Иегова любий и заботийпэ пала амэндэ! w20.02 6, абз. 16, 17; 7, абз. 20

Сас тумэнца кацаво чи най, кай тумэ пала варисо тэ пэрэжываете? Ай акана исин тумэндэ кацаво андо ди? Можэт тумэ пэрэжываете пала кода, кай варико тумэнди ԥэндя варисо най кадя или андярдя пэс найдраго. Ай можэт тумэнди ԥарэс по ди, важ кода кай тумэ екжэнэ варикаса динэ дума чи тердэ варисо найдраго. Ай можэт тумэ стердэ варисави ошыбка и гиндон, кай о Иегова тумэн никала на простия. Инке, тумэнди можэт тэ здэлпэ, кай если тумэ кадя фартэ пэрэжываете, тоди тумэ на допатян лэ Дэвлэсти, и вижал, кай тумэ нисо на ашэн. Уӷанам дэсавэ примероря анда Библия. И Анна, дэй лэ пророкости Самуилости, фартэ патялас лэ Дэвлэсти. И всаек вой пэрэжывала через кода, кай ек мануш анда лако ери найдраго ласа обжаласпэ (1 Самуила 1:7). О апостоло Павло кадяжэ фартэ патялас лэ Иеговасти, но во пистрояс пала пэстэ: «Мэ пэрэжываю пала всаворэ собрании» (2 Коринфянам 11:28). О царё Давидо кадяжэ патялас, кай о Иегова лэс фартэ любияс (Деяния 13:22). Но о Давидо терэлас ошыбки, через савэ нащи арақэлас пэсти ҭан (Псалом 38:4). О Иегова поможыяс и подритярэлас лэн. w20.02 20, абз. 1, 2

Со када, кала дэн алав лэ Иеговасти тэ жувэн важ лэстэ? Када, кала мангэнпэ анда вся оди лэ Дэвлэсти и ԥэнэн, кай камэн тэ служын лэсти вся и вечность. Кала дэн алав лэсти, тумэ отԥэндён тэ жувэн важ пэстэ. Кадэла времятар тумэ жувэн важ о Иегова, ай када со май бари бах (Римлянам 14:8). Тумэ ԥэнэн лэсти, кай акана и вся и время со май ӷлавно важ тумэндэ тэ служын лэсти, ай най тэ уӷодин пэсти. Кала дэн алав лэ Иеговасти, тумэ када ԥэнэн радосно и анда вся оди. О Иегова на заставий тумэн тэ дэн алав лэсти. Но сар тумэ динэ лэсти кацаво алав, тоди во лэла тэ аштярэл, кай тумэ лэс зритярэна (Псалом 116:12, 14). Кала тумэ дэн о алав тэ жувэн важ о Иегова, када ӷанэн кати о Иегова и тумэ. Ай кала болдён, када уӷанэн всаворэ. Када терэн обычно по канӷрэсо, кала диқэн авэр мануша. Кала тумэ болдён, тумэ сыкавэн аврэнди, кай ужэ динэ алав лэ Иеговасти тэ жувэн важ лэстэ. Кала болдён, кадэлэса тумэ всаворэнди ԥэнэн, кай любин пэстирэ Дэвлэс лэ Иеговас «всаворэ одеса, всаворя жызняса, всаворя годяса и всаворэ зорэса» и кай камэн тэ служын лэсти вся и вечность (Марка 12:30). w20.03 9, абз. 4, 5

О Сатана терэл, кай и мануша по набут тэ парашэн тэ полэн, ко када о Иегова. Посли кода, сар мулинэ и апостолоря, дэко, ко ԥэнэнас пэр пэстэ христианоря, линэ тэ сытярэн лэ хохаимасти (Деяния 20:29, 30). Кодэла, ко отжылэ, линэ тэ пэрэбандярэн о чачимос пала Дэл. Например, кала вонэ пэрэпистронас и библейски рукописи, вонэ вилэнас лэ Дэвлэско алав и парувэнас лэс пэ титулоря, кацавэ сар «Ӷосподо» и «Дэл». Через када лэ манушэнди сас ԥарэс тэ полэн, соса о Иегова отличаеца аврэ «дэвлэндар» (1 Коринфянам 8:5). И отступникоря ԥэнэнас Ӷосподо и по Иегова и по Иисусо, и лэ манушэнди сас ԥарэс тэ полэн, кай о Иегова и лэско Шаво када най ек, и лэндэ разни возможности (Иоанна 17:3). Важ кадэя путаница линэ тэ патян андэ Троица, пала сави андэ Библия нисо най пистромэ. Тоди о Дэл важ бут мануша ашэля тайна, сави никала на уӷанэса. Кадэлэса о Сатана жэстоко дилярдя лэ манушэн (Деяния 17:27). w19.06 5, абз. 11

Со поможыя амэнди, кай май бут тэ служысарас? Амэнди трэбуй вся и время тэ сытювас, кай май драго тэ служысарас (Притчи 1:5; 1 Тимофею 4:13, 15). «Амэ, терас лэ Дэвлэса ек дила», и када фартэ бари патив! (1 Коринфянам 3:9). Кала амэ полас, «со май фартэ трэбуй», и кала и служэния амэндэ пэ пэрво ҭан, тоди амэнди авэла май бут радость (Филиппийцам 1:10; Псалом 100:2). Сар лэ Дэвлэстирэ служытеля, амэ можэм тэ патяс, кай о Иегова дэла амэнди зор тэ росԥэнас важ лэстэ, дажэ кала амэндэ исин ԥаримос (2 Коринфянам 4:1, 7; 6:4). И нэ зависит кодэлэстар, скати амэ терас важ лэ Дэвлэско Царство, амэндэ исин, васо тэ лошавас, кала амэ терас када анда вся оди (Галатам 6:4). И кай служысарас лэ Иеговасти, амэ сыкавас пэстири любовь каринг о Иегова и каринг кодэла, ко паша амэндэ. Кала кадя терас, амэ спасысарас и пэс и кодэлэн, ко амэн ашунэн (1 Тимофею 4:16). w19.04 6, 7, абз. 15, 17

Лэ Сатанасти и лэ бэнгэнди фартэ чалёл о бэнгалимос. Кодэла, ко кадэлэса залэлпэ, вонэ ԥэнэн, кай ӷанэн кода, со авэр мануша на ӷанэн. И вонэ моӷут тэ ԥэнэн, сар вонэ ԥэнэна, кадя и авэла. Дэко ԥэнэн, кай вонэ ӷанэн тэ росԥэнэн, со авэла англэ через кода, кай драбатярэн и через и ӷороскопоря. Ай дэкасти здэлпэ, кай вонэ дэн дума лэ мулэнца. Ай исин кодэла, ко врыжын и терэн териматэ. Вонэ кадяжэ моӷут када тэ терэн любонэ манушэсти. Сар сыкадя кода, кай роспушлэ андэ 18 страны андэ Латинско Америка и Карибско бассейно, варикай трито часть манушэн, савэндар роспушлэ пала када, ԥэндэ, кай патян андо драбатяримос, андэ териматэ и почти кадяжэ бут патян, кай можно тэ дэс дума лэ мулэнца. Ай кала инке роспушлэ андэ 18 африкански страны, полинэ, кай май бут чем епаш, кастар роспушлэ, кадяжэ патян, кай андэ териматэ исин зор. Кай бы амэ тэ на жувас, амэнди трэбуй тэ фэрисавас лэ бэнгалимастар. w19.04 21, абз. 3, 4

О Иегова нэнавидит о найлашимос андэ вся (Псалом 5:4—6). Сар жэ дэ фартэ о Иегова холявэл, кала нахально терэн билажавардимос лэ бэятонэнца! Када фартэ найлащи и гряцаливо бида. Амэ полас, со по ди кай о Дэл, важ кода кай амэ лэстирэ свидетеля и андэ вся сытювас лэстар. Амэ никала на тэрписараса кацаво найлашимос андэ христианско собрания (Римлянам 12:9). Любо нахальство лэ бэятонэнца фартэ жал против «лэ Христоско законо» (Галатам 6:2). Кадэва законо (када вся, сости сытярэлас о Иисусо и сыкавэлас пэ дила), ритярдёл пэ любовь и сытярэл тэ терэн справедливо. Кала жувэнас па кадэва законо и чачунэ христианоря, вонэ обжанаспэ лэ бэятонэнца кадя, кай и бэяцэ тэ полэн, кай лэн па чачимастэ любин и фэрин, кай лэн нико нэ обидет. Кала терэн нахально билажавардимос лэ бэятонэнца, када жэстоко бида, через сави и бэяцэ парашэн тэ патян, кай лэн фэрин и любин. Ԥарэс тэ ашунас, но кадэя бида на обжал и лэ чачунэ христианонэн. Андо миро бут «найлашэ и хохавнэ мануша» и дэко андар лэндэ авэн андэ собрания (2 Тимофею 3:13). Ай инке дэко, хоть и сас болдо чи некрещённо вазвещятелё, тердя нахально билажавардимос лэ бэятоса, важ кода кай лэсти чалёлас кадэва найлашимос. w19.05 8, 9, абз. 1—3

Кала лэ манушэсти фартэ ԥарэс, лэсти дэкала найвушэро тэ мангэлпэ. Лэсти можэт тэ здэлпэ, кай во на ашэл кода, кай тэ дэл дума лэ Иеговаса. Кай тэ подритярэс кацавэ манушэс, можно тэ ԥэнэс, кай тэ мангэспэ лэса. Авелоп драго андэ молитва тэ ԥэнэс лэско алав. Можно тэ ԥэнэс лэ Иеговасти, сар ту любис кадэлэ манушэс и сар лэс любин всаворэ андэ собрания. Кадяжэ можно тэ мангэс лэ Иеговас, кай тэ поможый лэсти тэ пэрэандярэл о ԥаримос и тэ подритярэл пэстирэ кучутнэ служытелёс. Кацавэ молитвы моӷут тэ улэн лэстири дук. Гиндосар англа кода, сар варисо тэ ԥэнэс. Кала на гиндос, со дэс дума, када шынэл, сар шуряса. Ай и годявэрнэ алава дэн зор (Притчи 12:18). Важ када манг лэ Иеговас, кай во тэ поможый тути тэ виарақэс лашэ алава, кай тэ подритярэс. На бистэр, кай нинай май зоралэ алава, чем кодэла, савэ ԥэндя о Иегова. Кадэла алава запистромэ андэ Библия (Евреям 4:12). Кала амэ подритярас лэ ԥралэн и лэ ԥэян, кадэлэса амэ сыкавас, кай о Дэл лэн любий. Ай инке, амэнди на трэбуй тэ бистрас, кай о Иегова, када Дэл, саво сындой справедливо. Ни ек нахальство на угаравэна лэ Иеговастар. Во диқэл вся и спушэла кажнонэстар, ко на каийпэ (Числа 14:18). w19.05 18, абз. 18; 19, абз. 19, 21

О Сатана камэл, кай амэ тэ ашавас лэ Иеговас. Важ када во терэл вся, кай тэ хулаий амарэ гиндонэнца и кай тэ гиндосарас кадя, сар лэсти чалёл. Во камэл амэн тэ обхохавэл, кай амэ тэ жас пала лэстэ. О Сатана ӷанэн, соса амэн можэт тэ заманий и када лэстэ драго вижал (Колоссянам 2:4). Чаче, о Сатана можэт амэн тэ обхохавэл? Да. И алава, савэ о Павло пистросардя андэ Колоссянам 2:8 сас важ и помазани христианоря (Колоссянам 1:2, 5). Вонэ трэбуй сас тэ фэринпэ тоди, ай адес амэнди трэбуй тэ фэрисавас инке май фартэ (1 Коринфянам 10:12). Васо? Важ кода кай о Сатана сас сшуто пэ ԥув и акана во камэл тэ обхохавэл лэ Дэвлэстирэ служытелёнэн (Откровение 12:9, 12, 17). Кадяжэ амэ жувас андэ кодэя время, кала и «найлашэ и хохавнэ» мануша терэна май найдраго и найдраго (2 Тимофею 3:1, 13). w19.06 2, абз. 1, 2

Кала и Иезавель солахадя тэ умарэл лэ Ильяс, во фартэ пэрэдарайля и унашля андэ Вирсавия. Лэсти кадя сас ԥарэс, кай во «ля тэ мангэл пэсти смэрть». Васо? Важ кода кай о Илья сас найсовершэно мануш и лэстэ по ди сас «кацаво жэ, сар и амэндэ» (Иакова 5:17). Можэт, через кода кай лэстэ сас бари пэрэжывания и на сас зор, во умэкля и вас. Файма, о Илья гиндояс, кай вся, со во тердя, кай тэ рий лэ израильтянонэн каринг о Иегова, сас евья. Инке во гиндояс, кай андо Израилё нисо на ашэля май фэдэр и во екжэно служый лэ чачунэ Дэвлэсти (1 Царей 18:3, 4, 13; 19:10, 14). О Иегова полэлас лэ Ильяс и на ля тэ дошалярэл лэ пророкос важ лэстирэ алава. Во поможысардя лэсти упалэ тэ лэл зор (1 Царей 19:5—7). Посли када о Иегова, сыкадя лэ Ильясти пэско баро зор, и ковлэс поможысардя лэсти тэ парувэл пэстирэ гиндоря. Потом о Иегова ԥэндя, кай андо Израилё исин инке 7 000 мануша, савэ отԥэнделэ тэ тэлён лэ Ваалости (1 Царей 19:11—18). Кадя о Иегова сыкадя лэ Ильясти, кай любий лэс. w19.06 15, 16, абз. 5, 6

Кандэн, со ԥэнэн. Кала амэ ласа тэ кандас лэ ԥралэн, савэн стодя о Иегова, амэндэ на авэна проблемы, савэ амэнди на трэбуй. Диқам, со сас. Андэ страна, кай пэ амари дила запрето, и ԥрала, савэн стодя о Иегова, ԥэндэ, кай тэ на ашавэн печатно литература кодэлэнди, касти росԥэнэн важ о Дэл. Но ек пианеро погиндосардя, кай во ӷанэн май драго и росԥэнэнас важ о Дэл, сар варикала. Каринг со када андя? Еқварэс во и дэсавэ авэр вазвещятеля росԥэнэнас важ о Дэл. Кати вонэ закончили тэ служын, каринг лэндэ поджылэ рая. Дицол, кай пала лэндэ слединас и рая и андэ лэндирэ вас попэля и литература, сави вонэ ашадэ лэ манушэнди. Сости амэн када сытярэл? Трэбуй андэ вся тэ кандас лэ ԥралэн, дажэ кала амэнди здэлпэ, кай май фэдэр авэла тэ стерас па аврятэ. О Иегова всегда амэн блаӷословий, кала амэ кандас кодэлэн, кас во стодя андэ пэсти арӷанизацыя (Евреям 13:7, 17). w19.07 12, 13, абз. 17

О Иисус Христос андэ рят англа пэстири смэрть ԥэндя акэ со андэ молитва лэ Иеговасти. Во ԥэндя, кай всаворэн, ко закамэна тэ ашэн лэстирэ ученикоря, лэна тэ вэрыцын (Иоанна 17:14). Жы кай амари время и мануша, савэ на тэлён лэ Иеговасти, лэна тэ ӷонин лэ чачунэ христианонэн. Со май набут ашэлпэ время ла люмати, савяса правий о Сатана, со май фартэ лэна тэ тасавэн пар мэндэ амарэ вороӷоря (Матфея 24:9). Со тэ терас, кай тэ авас ӷотови, кала лэна тэ ӷонин? На трэбуй тэ гиндос пала вся кода, со можэт амэнца тэ авэл. Васо? Важ кода кай и дар и пэрэжывания можэт тэ одлэл о зор. Если амэ ласа тэ гиндосарас пала кода, со амэнца можэт тэ терэлпэ, амэ можэм тэ парашас тэ служысарас лэ Иеговасти дажэ жы каринг кода, кала лэна тэ ӷонин (Притчи 12:25; 17:22). И дар, када лэ Сатанастири оружыя, савяса во жал пар мэндэ (1 Петра 5:8, 9). Важ када фартэ важно тэ терас вся, кай амари дружба лэ Иеговаса тэ авэл май састи акана. w19.07 2, абз. 1—3

Кати погиндон, савэ лошалэ сас и апостолоря, кала о Иисусо, саво рисайля каринг и жызня, ақардя лэн по плай андэ Галилея (Матфея 28:16). Файма, тоди лэс «диқлэ май бут чем пятьсот ԥрала сразу» (1 Коринфянам 15:6). Состэ о Иисусо лэн кордэ ақардя? Во дя лэнди бари дила и ԥэндя: «Жан кай всаворэ народоря, сытярэн лэ манушэн, кай вонэ тэ авэн ученикоря» (Матфея 28:18—20). И ученикоря, савэ ашундэ кадэла алава, ашэлэ пэрви, ко сас андэ христианско собрания андэ пэрво вико. Ӷлавно цэль ла собранияти сас андэ кода, кай тэ сытярэн лэ манушэн, кай тэ ашэн нэвэ лэ Христостирэ ученикоря. Адес па вся и ԥув бут христиански собрании, и лэндири цэль на паруделя. w19.07 14, абз. 1, 2

Ек разъездно надзирателё, саво служый андэ Норвегия шутя сама, кай и мануша на камэн тэ дэн дума важ о Дэл, ай часто лэнди чалёл тэ дэн дума пала кода, со терэлпэ андэ люма. Во доровкыийпэ манушэса и пушэл: «Сар ту гиндос, доаштяраса амэ и лащи время? Ко стерэла амари жызня май лащи, и политикоря, учони чи инке варико?» Кала во драго виашундя о атвето, во заадиной или просто росԥэнэн о стихо, андэ саво ԥэнэнпэ, саво лашимос авэла англэ. Дэсавэ удивинпэ, кала уӷанэн анда Библия, кай и ԥув авэла вся и время и лашэ мануша жувэна пэр латэ вечно (Псалом 37:29). Авелоп драго андэ служэния тэ дэс дума по разному. Васо? Важ кода кай кода, со авэла интересно еқэсти, аврэсти можэт тэ авэл совсем най интересно. Варико най против тэ дэл дума важ о Дэл чи важ и Библия, ай варикаса фэдэр авэла тэ залэс дума дурал. Но всаек трэбуй тэ родас возможность тэ дас дума разнонэ манушэнца (Римлянам 1:14—16). Трэбуй тэ на бистрас, кай кати о Иегова поможый, кай о мануш май драго тэ полэл о чачимос, саво любий и праведность (1 Коринфянам 3:6, 7). w19.07 22, 23, абз. 10, 11

Через кода, кай полас, кай о Дэл фартэ любий амэн, амэ камас тэ любисарас лэ ԥралэн и лэ ԥэян (1 Иоанна 4: 20, 21). Можэт амэ гиндосарас, кай тэ любисарас лэ ԥралэн и лэ ԥэян авэла вушэро, важ кода кай амэ служысарас лэ Иеговасти и камас, кай амэндэ тэ авэн кацавэ жэ качестворя сар лэстэ. Кадяжэ амэ сытювас лэ Иисусостар, саво любий амэн кадя фартэ, кай отдя пэстири жызня важ амэндэ. И всаек амэнди дэкала найвушэро тэ ритярас о законо тэ любисарас ек еқэс. Кай и Еводия и Синтихия ԥаболас оди тэ служын лэ Дэвлэсти. Вонэ служынас вмести лэ Павлоса. Но сас кадя, кай вонэ спорисайлэ, важ кода кай лэндэ сас разно характеро. Андэ пэско письмо о Павло пистросардя ла собранияти, андэ сави служынас Еводия и Синтихия. Во фартэ шутя сама пэ кадэла дуй ԥэя и ворта дя совето, кай тэ на парашэн «тэ гиндон еқэндар» (Филиппийцам 4:2, 3). О Павло ришыл, кай трэбуй сас тэ пистрой всаворэнди андэ собрания: «Терэн вся би холяко и би спороско» (Филиппийцам 2:14). w19.08 9, 10, абз. 6, 7

Фартэ драго, кай бут собрании и кажно вазвещятелё анда вся зор старыинпэ тэ поможын кодэлэнди, ко служый полновременно, май долӷо тэ ашэнпэ андэ пэстири служэния. Вонэ ԥэнэн лэнди, кай тэ на ашавэн и дила, сави лэнди динэ и подритярэн лэн всаворэса, со лэнди трэбуй. Кадяжэ вонэ подритярэн лэн лэ ловэнца, ай инке вонэ диқэн пала лэнго родо, савэ жувэн дур. Если андэ тумари собрания авелэ тэ служын полновременно кодэла, кастэ сас май англал авэр назначения, на гиндон, кай лэндэ варисо на вижыля или вонэ варисо стердэ най кадя, кай лэн одбишалдэ. Старыинпэ тэ подритярэн лэн, кай лэнди тэ авэл май вушэро, важ кода кай вонэ пэрэлаглэ пэ авэр ҭан. Сыкавэн, кай тумэ лэнди лошалэ. Хвалин лэн анда вся оди, пала кода со вонэ терэн, дажэ если лэндэ нинай зор тэ терэн кадя, сар терэнас варикала. Уӷанэн лэн май драго. Сытён лэндар, важ кода кай вонэ бут со ӷанэн и бут со стердэ андэ служэния лэ Иеговасти! Часто кодэлэнди, ко пэрэладэл, кадяжэ трэбуй цэр, машына, бути и вся, со трэбуй важ и жызня. Васо бы тэ на поможысарас лэнди? w19.08 23, 24, абз. 12, 13

О Гого надеияпэ пэ «манушэско зор», када пэ пэстирэ халавдэнго зор (2 Летопись 32:8). Ай амэ надеисаваса пэ амаро Дэл о Иегова. Но лэ народонэнди када здэлапэ дилимос, важ кода кай вонэ диқэна, кай и дэвла, савэ сас андо зорало Вавилоно Велико, никас на спасысардэ лэ «зверёстар» и лэ «дэшэ роӷонэндар» (Откровение 17:16). Важ када о Гого лэла тэ гиндой, кай вушэро победия. Во дэла по Иеговаско народо, «сар туча, кай тэ ушаравэл и ԥув». Но фартэ йто о Гого полэла, кай заӷонисардя пэс андэ ловушка. Лэсти, сар варикала лэ фараоности паша Лоли моря, прижалапэ тэ прижанэл, кай во марэлпэ лэ Иеговаса (Исход 14:1—4; Иезекииль 38:3, 4, 18, 21—23). О Иисусо и лэсти небесни войскоря фэрина лэ Иеговаско народо и розмарэна лэ Гогостирэ халавдэн (Откровение 19:11, 14, 15). Ай со авэла лэ само ӷлавнонэ лэ Дэвлэстирэ вороӷоса, лэ Сатанаса, саво пэстиря хохавня думаса заставия лэ народонэн тэ дэн пэ Дэвлэстирэ служытеля андэ война Армагеддоно? О Иисусо шола лэ Сатанас и лэ бэнгэн андо баруно, кай вонэ пробэшэна тысяча бэрш (Откровение 20:1—3). w19.09 12, абз. 14, 15

Амэ фартэ аштярас кода, пала со о Иегова дя алав. Но кала амэ долӷо варисо аштярас, ай када идоси нинай, тоди на камэлпэ нисо тэ терэс. Амэ дажэ можэм тэ умэкас и вас (Притчи 13:12). Кадя и тердясаспэ, кала заляпэ о 20 вико. Андэ кодэя время бут помазани христианоря гиндонас, кай лэндэ авэла и небесно наӷрада андо 1914 бэрш. Но када кадя на ашэля. Со поможысардя лэ чачунэ христианонэнди тэ пэрэандярэн кацави пэрэжывания? Вонэ на умэклэ и вас, важ кода кай важ лэндэ сас май куч тэ терэн лэ Дэвлэстири дила, ай най тэ получин и наӷрада. Вонэ витидэ важ пэстэ тэ виритярэн любо ԥаримос и тэ допрастэн пэско дром. Тумэ, канешно, фартэ камэн тэ диқэн, сар о Дэл злэла о хохаимос па пэско алав и доԥэнэна, кай лэстири правления, со май лащи и стерэла вся, пала со дясас алав. Патян, кай када авэла андэ кодэя время, сави стодя о Иегова. Ай пока май бут служысарам лэ Дэвлэсти, и на домэкам, кай через кода, со долӷо аштярас, ай када идоси нинай, тэ умэкас и вас и май набут тэ служысарас. w19.08 4, 5, абз. 9, 10

Пушэн пэстар: «Пала мандэ гиндон, кай мандэ ковло ди и кай мэ на заваздав о шэро? Анда вся оди мэ служысарав аврэнди и терав и бути, сави на дицол и сави найпочотно? Драго мэ обжавпэ аврэнца?» О Иисусо ӷанэнас тэ терэл кадя, кай лэ манушэнди, савэ сас пашэ лэстэ, тэ авэл драго по ди и во анда оди лэн сытярэлас (Луки 10:1, 19—21). О Иисусо пушэлас лэндар, со вонэ гиндон. Во камэлас тэ уӷанэн, со вонэ гиндон (Матфея 16:13—16). И ученикоря росцветинас, сар и цветочкоря андэ теплица. Вонэ прилэнас вся, сости сытярэлас лэн о Иисусо, и анэнас и плодоря, када лэндири лащи дила. Исин тумэндэ власть пэ варикастэ? Если да, пушэн пэстар. Сар мэ андярав пэс пэ бути чи цэрэ? Старысавав мэ тэ на парашав тэ ладисарав аврэнца? Вушэро мандар пала варисо тэ пушэн? Анда оди мэ варикас виашунав? Давайте на аваса, сар и фарисеёря, савэ холявэнас, кала лэндар варисо пушэнас, и савэ терэнас ԥарэс лэ манушэнди, савэ гиндонас па аврятэ (Марка 3:1—6; Иоанна 9:29—34). w19.09 20, абз. 1; 23, абз. 9—11

Дэкала и барэ мануша анда политика ԥэнэн кацавэ алава, кала дэн дума, кай старыинпэ тэ авэл мирно машкар и народоря. Но кала лэна тэ дэн дума, пала со сас пистромэ андэ Библия, кай ашэля «мирно и безопасно», када авэла совсем авэр. Васо? Андэ кадэя время лэ манушэнди здэлапэ, кай и барэ мануша анда политика стердэ вся, кай па вся и ԥув тэ авэл май безопасно. Но па чачимастэ и бида дэла пэр лэндэ, кала вонэ на аштярэн (Матфея 24:21). Амэ на ӷанас, васо вонэ када ԥэнэна. На ӷанас, сар вонэ лэна када тэ ԥэнэн. На ӷанас, вонэ када ԥэнэна еқварэс чи бут разоря. Но ек амэ драго ӷанас, кай на трэбуй тэ патяс и тэ гиндосарас, кай и лэ барэ манушэндэ анда политика чаче вижала тэ стерэн, кай тэ авэл мирно па вся и ԥув. Лэндирэ алава сыкавэна, кай лэ Иеговаско дес йто, йто авэла (1 Фессалоникийцам 5:2). w19.10 8, 9, абз. 3, 4

Вся, со исин андэ лэ Сатанастири люма, фартэ страшно кончияпэ андэ война Армагеддоно. Но амэнди най состар тэ дарас, важ кода кай када авэла лэ Иеговастири война (Притчи 1:33; Иезекииль 38:18—20; Захария 14:3). Сар кати о Иегова ԥэнэна, о Иисус Христос лэ небеснонэ войскоса залэла тэ марэлпэ. Лэса еқэҭанэ лэна тэ марэнпэ и памазаникоря, савэ рисайлэ каринг и жызня и фартэ бут милионоря анӷелоря. Вонэ всаворэ лэна тэ марэнпэ лэ Сатанаса и лэ бэнгэнца и лэ халавдэнца, савэ пэ ԥув (Откровение 6:2; 17:14). О Иегова дэл алав: «Ни ек оружыя, сави стердэ против тутэ, на вицэлэла» (Исаия 54:17). «И фартэ бут мануша» пэрэжувэна и «само бари бида». Кадэла служытеля, савэ на парашэна тэ кандэн лэ Иеговас, кадя и лэна тэ служын (Откровение 7:9, 13—17). И Библия дэл амэнди тэ патяс андо лашимос, саво авэла англэ! Амэ ӷанас, кай «о Иегова фэрий кодэлэн, ко на парашэл лэс тэ кандэл» (Псалом 31:23). Всаворэ, ко любин и прославляют лэ Иеговас, лэна фартэ тэ радуинпэ, кала во стерэла, кай лэско свынто алав тэ авэл вужо лэ хохаимастар (Иезекииль 38:23). w19.10 18, 19, абз. 17, 18

Со май пашэ о конец ла люмако, савяса правий о Сатана, со май драго полас, кай амэндэ авэла ԥаримос (2 Тимофею 3:1). Например, андэ ек западноафриканско страна посли кода, сар сас и выборы, заляпэ война. Май бут чем епаш бэрш амарэ ԥрала и ԥэя нэ моӷли вольно тэ ԥирэн па вулицы, важ кода кай жалас и война. Со поможысардя лэнди тэ пэрэжувэн кадэя ԥари время? Дэсавэ гарадёнас андэ цэра кай и ԥрала и ԥэя, савэ жувэнас котэ, кай сас май спокойно. Ек ԥрал росԥэндя: «Сар мэ сымас лошало, кай паша мандэ и друӷоря! Амэ моӷли тэ подритярас ек аврэс». Кала авэла и «само бари бида», амэ на обжасапэ би кодэлэско, кай амэн тэ подритярэн и друӷоря, савэ амэн любин (Откровение 7:14). Важ када акана трэбуй тэ терас вся, кай май драго тэ дружысарас аврэнца (1 Петра 4:7, 8). Васо када кадя важно? Амарэ вороӷоря лэна тэ терэн вся через о хохаимос, кай тэ на дружысарас. Вонэ закамэна тэ подваздэн амэн, кай амэ тэ авас против ек еқэстэ. Но лэндэ нисо на вижала. Лэндэ на вижала тэ розмарэн амари любовь. w19.11 2, абз. 1, 2; 7, абз. 19

О Сатана «дад лэ хохаимаско», и через кодэла, ко тала лэско вас, во росԥэнэн о хохаимос важ о Иегова и важ амарэ ԥрала (Иоанна 8:44). Например, и отступникоря росԥэнэн через о интэрнэто, телевизоро и через авэр варисо о хохаимос или пэрэбандярэн о чачимос важ лэ Иеговастири арӷанизацыя. Када ек анда лэ Сатанастирэ «стрелы ягаса». Со амэ терас, кала ашунас кацаво хохаимос? Амэ на ласа када тэ ашунас! Васо? Важ кода кай амэ патяс лэ Иеговасти и амарэ ԥралэнди, амэ никала на ласа тэ дас дума лэ отступниконэнца. Мэк нико и нисо (дажэ кода, кай камас бут со тэ ӷанас) на заставий амэн тэ ашунас лэ отступниконэн или тэ доԥэнас лэнди. А то амари вера можэт тэ римойпэ. Вижыля тумэндэ тэ боринпэ кодэлэса, кай тэ на ашунэн лэ отступниконэн чи тэ на доԥэнэн лэнди? Если када кадя, тоди када драго. Но трэбуй тэ фэринпэ, важ кода кай лэ Сатанастэ исин авэр оружыя, сави во можэт тэ мэкэл пар мэндэ. w19.11 15, абз. 8; 16, абз. 11

Кала трэбуй тэ витидэн, полэн, васо тумэ кадя камэн тэ терэн. О Иегова камэл, кай амэ ни андэр со тэ на хохавас. Важ када, кала амэ камас варисо тэ терас, амэ трэбуй тэ на хохавас пэс и аврэн андэ кода, васо амэ када камас тэ терас. Если када най кадя, тоди тути авэла ԥарэс тэ приритярдёс кодэлэсти, со ту камэс тэ терэс. Подам дума пала ек ԥрал. О тэрно ԥрал витидя тэ ашэл пианеро. Но прожыля время и лэсти ашэл найвушэро тэ росԥэнэн кодэя время, пэ скати во дя лэ Дэвлэсти алав и служэния ужэ най фартэ анэн лэсти радость. Можэт во и гиндояс, кай во ашэля пианероса через кода, кай во камэлас тэ радуий лэ Иеговас. Но, файма, ӷлавно через со во ашэля пианеро, када, кай тэ радуий лэ родителёнэн или инке варикас, ко лэсти куч? Погиндосар, о мануш заля тэ сытёл па Библия и ришыл тэ мэкэл тэ цырдэл. Май англал во дуй курте борийпэ кодэлэса, кай тэ на лэл цыӷарка, но потом на виритярэл и зацырдэл. Но потом всаек лэстэ вижал тэ мэкэл кадэя найлащи привычка! Андэ када лэсти поможый и любовь каринг о Иегова и кай камэл лэс тэ радуий (Колоссянам 1:10; 3:23). w19.11 27, 29, абз. 9, 10

О апостоло Павло патялас, кай допрастэла о дром до конца, и домардёла кода, каринг со прастэлас. Важ кода кай во сас памазано христианино, во надеияспэ, кай лэстэ авэла о «лашимос, саво камэл тэ дэл о Дэл, тэ жувэн по нэбо». Но во полэлас, кай важ када лэсти трэбуй тэ стол бут зор (Филиппийцам 3:14). Андэ пэско письмо лэ христианонэнди андэ Филиппы, о Павло призындярдя лашо примеро, саво сас трэбуй тэ поможый лэнди тэ на бистрэн кода, каринг со вонэ жанас. О Павло поможысардя лэ филиппийцонэнди тэ на бистрэн, кай лэнго ӷражданство по нэбо (Филиппийцам 3:20). Васо сас трэбуй пала када тэ на бистрэн? Андэ кодэя время римско ӷражданство фартэ цэнияспэ. Но о ӷражданство лэ памазанонэ христианонэнго сас пэ бутэстэ май куч. Через кадэва ӷражданство вонэ моӷли май бут варисо тэ стерэн, и о римско ӷражданство, паша кадэва на ашэлас нисо. Адес и помазани христианоря роздраго сыкавэн, сар тэ домардён и наӷрада. w19.08 6, 7, абз. 14, 15

И свобода сас пэ бутэстэ май лащи, чем кодэя, сави моӷла тэ авэл кай израильтяноря варикала (Левит 25:8—12). Например, о мануш, савэс освободинас андо особенно бэрш, моӷ упалэ тэ попэрэл андо рабство. И дажэ, если кацаво на авелоп, во всаек варикала мулиноп. Андэ Пятидесятница андо 33 бэрш лэ И. Х. о Иегова помазал лэ свынтонэ духоса лэ апостолонэн и аврэ муршэн и жувлян, савэ на парашэнас лэс тэ кандэн. Во приля лэн, сар пэстирэ бэятонэн. Васо? Кай май англэ, кала вонэ мэрэна, вонэ тэ ринпэ каринг и жызня, кай тэ жувэн по нэбо и тэ правин еқэҭанэ лэ Иисусоса (Римлянам 8:2, 15—17). Кадэла христианоря сас пэрви, касти динэ свобода, пала сави росԥэндясас о Иисусо андэ синагога андо Назарето (Луки 4:16—19, 21). Вонэ парашэлэ тэ авэн рабонэнца лэ традицыенди, савэ против и Библия, и кодэлэсти, сости сытярэнас и барэ мануша анда иудейски хохавнэ веры. Англа лэ Дэвлэстирэ яқа вонэ ашэлэ свободни лэ бэзэхэстиря властятар, сави андярэл каринг и смэрть. Важ и христианоря бэрш, андэ саво о Иегова дэл свобода, заляпэ андо 33 бэрш, кала во помазал лэ Христостирэ учениконэн, и кончияпэ, кала о Иисусо парашэла тэ правий и Тысяча бэрш. w19.12 11, 12, абз. 11, 12

Родителя, поможын лэ бэятонэнди тэ арақэн лашэ друӷонэн. Лэ дадэсти и ла дати трэбуй тэ ӷанэн, каса лэндирэ бэяцэ проандярэн и время и со вонэ терэн. О дад и дэй трэбуй тэ ӷанэн, каса и бэяцэ бэшэн андо интэрнэто и дэн дума па телефоно. Вся када можэт фартэ тэ парувэл лэндирэ гиндоря и кода, сар вонэ пэс андярэн. Бут дада и дэя терэн вся, со можно, кай лэндирэ бэяцэ тэ проандярэн май бут время кодэлэнца, ко терэл бут дила андэ служэния лэ Иеговасти. Например, о Н’Дени и Бомина, ери, саво жувэл андо Кот-д’Ивуаро, часто ақарэнас лэ раёнонэс тэ пожувэл лэндэ, кала во авэлас андэ лэндири собрания. О Н’Дени росԥэнэн: «Када фартэ драго дицэля па амаро шаво. Во ашэля пианеро и акана служый, сар заместителё кай о раёно надзирателё». Со май раньшэ тумэ лэн сытярэна, со май фэдэр авэла (Притчи 22:6). Погиндосарам пала Тимофеё. Лэ Тимофеёстири дэй и Евника и лэстири баба и Лоида сытярэнас лэс «жы цынёнестар» (2 Тимофею 1:5; 3:15). w19.12 25, абз. 14; 26, абз. 16, 17

Амэ можэм тэ авас важ авэр лашэ друӷоря. Например, амэ най просто дас алав, кай поможысараса лэ ԥралэнди и лэ ԥэянди, но и терас кода, пала со дям алав (Матфея 5:37; Луки 16:10). Если кодэла, ко мангэн амэндар помощь, ӷанэн, кай пар мэндэ можно тэ надеинпэ, када лэн па чачимастэ подритярэл. Ек ԥэй росԥэнэн, васо када дэл зор: «Кала ӷанэс, кай о мануш, саво дя алав, зритярэла пэско алав, тоди тутэ драго по ди». Кодэла, кастэ исин варисаво ԥаримос, лэнди важно тэ ӷанэн, кай вонэ моӷут тэ патян лэ друӷости, саво на ашавэл. Но кай тэ авэс лашо друӷо, савэсти можно тэ патян, трэбуй тэ ӷанэс тэ аштярэс и тэ виашунэс. Кала ла Жаннатар ужыля лако хулай аврятэ, ла подритярдя кода, кай вой моӷла тэ росԥэнэн, со латэ по ди, пэстирэ лашэ друӷонэнди. Вой росԥэнэн: «Вонэ драго ашунэнас ман и на холявэнас, хоть мэ, файма, вся и время росԥэнавас лэнди ек и ек». Если ту ӷанэс тэ виашунэс, тутэ кадяжэ авэна лашэ друӷоря. w20.01 10, 11, абз. 9—11

Андэ Библия бут пистромэ пала лэ Дэвлэстирэ служытеля, савэ на парашэнас лэс тэ кандэн, и савэнди о Дэл дя о свынто духо. Но вонэ на сас памазаникоря. Например, лэ Дэвлэско духо поможыяс лэ царёсти лэ Давидости (1 Самуила 16:13). Во поможыяс лэсти тэ полэл май драго чачимос важ о Иегова и подԥэнэнас лэсти тэ пистрой дэсо андэ Писания (Марка 12:36). И всаек андэ Пятидесятница о Пётро росԥэндя, кай о Давидо «на вазгляпэ по нэбо» (Деяния 2:34). Кадяжэ и по Иоанно Крестителё сас о свынто духо (Луки 1:13—16). О Иисусо ԥэндя, кай «машкар кодэла, кас арақадэ и жувля, на сас май баро чем о Иоанно Крестителё». Но инке во ԥэндя, кай о Иоанно на зажала андо небесно Царство (Матфея 11:10, 11). О Иегова дэлас кодэлэ служытелёнэнди о свынто духо важ кода, кай вонэ тэ терэн удивительни дилы, ай най важ кода, кай вонэ тэ жувэн по нэбо. Сыкавэл када чи най, кай вонэ май набут кандэнас, чем и памазаникоря? Най. Када просто сыкавэл, кай о Иегова рия лэн каринг и жызня тэ жувэн андо раё пэ ԥув (Иоанна 5:28, 29; Деяния 24:15). w20.01 25, абз. 15

О Иегова ақардя амэн тэ авас андэ лэско ери кай лэстирэ служытеля. Андэ кадэва ери кати кодэла, ко дя алав тэ жувэл важ о Дэл и ко патял андэ кода, кай лэско Шаво отдя пэстири жызня пала амэндэ. Амаро ери бахтало. Амэ лошалэ, кай амэ полас, васо жувас и аштярас время, кала ласа тэ жувас вечно по нэбо чи пэ ԥув. О Иегова дя амэнди тэ авас андэ лэско ери, важ кода кай фартэ любий амэн. И важ када во фартэ куч потиндя важ амэндэ (Иоанна 3:16). Во «потиндя и цэмин» (1 Коринфянам 6:20). Через кода, кай о Иисусо амэн витиндя, амэ можэм тэ дружысарас лэ Иеговаса. Амэнди випэля бари бах тэ ԥэнас пэ кодэва, ко Хулай пэ вся и люма, Дад. О Иегова со май лашо Дад. Можэт амэ, сар и о псалмопевцо, пушас пэстар: «Со тэ дав лэ Иеговасти пала вся лашо, со во важ мандэ стердя?» (Псалом 116:12). Амэ нисо нэ можэм тэ дас амарэ небеснонэ Дадэсти. Но амэ лэс фартэ любисарас, важ кода кай во амэн любий. w20.02 8, абз. 1—3