Июнё

Ла Аннати, и дэй лэ пророкости Самуилости, сас фартэ ԥарэс. Важ кода кай латэ бут бэрша на сас бэяцэ (1 Самуила 1:2). Кай и израильтяноря сас кадя, если кай и хулаи нинай бэяцэ, тоди вой бибахтали. Кацавэ жувляндэ андо ди сас, кай вонэ нисо на ашэн (Бытие 30:1, 2). Ай кай ла Аннако хулай сас инке ек хулаи, Феннана, латэ сас бэяцэ. И важ и Феннана и Анна сас соперница и вой лати «вся и время вихалас оди, и терэлас ла тэ ровэл». Май англал ла Аннати через када сас фартэ ԥарэс. Лати сас кадя ԥарэс, кай вой вся и время «ровэлас и на халас» (1 Самуила 1:7, 10). Через со ла Аннати ашэля май вушэро? И Анна анда вся оди ля тэ мангэлпэ лэ Иеговасти. Посли када вой вся росԥэндя важ пэстэ лэ само барэ рашасти лэ Илиясти. Во ԥэндя лати: «Жа Дэвлэса, и мэк о Дэл лэ Израилёско дэл тути кода, пала со ту манглян». Со ашэля ла Аннаса? Андэ Библия пистромэ, кай вой «жыля пэстирэ дромэса» и посли када «вой ля тэ хал и пэр латэ на ля тэ ровэл о муй» (1 Самуила 1:17, 18). Через кода, кай и Анна мангляпэ, лати ашэля май вушэро по ди. w20.02 21, абз. 4, 5

Йто о Иегова улэла кадэва найлашо миро. Пэ ԥув ашэнапэ кати кодэла, «кас цырдэлас каринг о чачимос, саво дэл вечно жызня» (Деяния 13:48). Важ када амэ фартэ камас, кай о чачимос тэ прилэл амаро ери. О любящё небесно Дад о Иегова «на камэл, кай варико тэ мэрэл, но камэл, кай всаворэ тэ каинпэ пала кода, со най кадя стердэ» (2 Петра 3:9). Трэбуй тэ сэрас, кай исин, сар трэбуй тэ росԥэнас и весть, ай сар на трэбуй. Лэ манушэнца, савэн амэ на ӷанас, амэ андярас пэс пативалэс. Ай лэ ереса амэ бистрас тэ дас дума пативалэс и дас дума ворта. Бут ко андэр мэндэ жалуий пала кода, сар во май англал дэлас дума лэ ереса пала чачимос. Акана амэ стердоп совсем па аврятэ. На ласа тэ бистрас лэ Павлостирэ алава анда стихо по дес, кала росԥэнас лэ ерести важ о Дэл. Тоди амэндэ вижала кадя тэ росԥэнас о чачимос, кай вонэ закамэна тэ уӷанэн, ай най тэ одмарас лэ чачимастар. w19.08 14, 15, абз. 3—5

Со тумэндэ сас по гиндо, кала уӷанглэ о чачимос пала лэ Дэвлэско Шаво? Па вся и Люма нинай нико май баро лэ Иисусостар, кати ек о Иегова. О Иисусо камэлас тэ отдэл и отдя пэстири жызня, кай тэ витинэл амэн лэ ӷрехостар. Кала тумэ пэ дила сыкавэн, кай патян, кай о Иисусо витиндя тумэн, тоди простияпэ тумаро бэзэх и тоди тумэндэ вижала тэ дружын лэ Иеговаса и тэ жувэн вечно (Иоанна 3:16). О Иисусо амаро Пэрвосвященико. Во камэл, кай амэндэ тэ авэл лашимос через кода, кай во амэн витиндя анда бэзэх и камэл, кай амэ тэ дружысарас лэ Дэвлэса (Евреям 4:15; 7:24, 25). О Иисусо Царё андэ лэ Дэвлэско Царство, и кати через лэстэ лэ Иеговаско алав авэла свынто, на авэла о найлашимос, пэ вся и ԥув авэла раё и мануша лэна тэ жувэн вечно (Матфея 6:9, 10; Откровение 11:15). О Иисусо кодэва, кастар трэбуй тэ сытювас. Во сыкадя амэнди, кай трэбуй тэ на жалуисарас пэс и тэ терас кода, со камэл о Дэл (Иоанна 4:34). Кала тумэ прилэна кадэва чачимос анда Библия пала о Иисусо, тумэ лэна тэ любин лэ Дэвлэстирэ Шавэс, саво лэсти куч. Важ када тумэ, сар и во, камэн тэ терэн кода, со камэл о Иегова. w20.03 10, абз. 12, 13

Вся о послиднё дес пэстири жызня пэ ԥув о Иисусо бут мангэласпэ. Кала о Иисусо ля тэ терэл о Вэчэро, кай тэ сэрэн пала лэстири смэрть, во мангляпэ англа кода, сар тэ пэрэдэл лэ апостолонэнди о марно, ай потом о вино (1 Коринфянам 11:23—25). О Иисусо кадяжэ мангляпэ англа кода, сар тэ вижал анда цэр, кай вонэ тердэсас и Патради (Иоанна 17:1—26). Кала вонэ авелэ по Маслично плай, во упалэ най еқвар мангляпэ (Матфея 26:36—39, 42, 44). И сар тэ мэрэл, во инке еқвар мангляпэ каринг пэско Дад (Луки 23:46). Во росԥэнэнас вся лэ Иеговасти, со терэласпэ лэса андэ кадэва важно дес. О Иисусо часто мангэласпэ. Во мангэлас, кай лэско Дад тэ поможый лэсти. Акэ, васо во виритярдя вся о ԥаримос. Ай кай лэстирэ ученикоря на вижыля тэ мангэнпэ вся и рят. Вонэ позасутэ и кала лэндэ сас ԥаримос, лэнди на хутилдя смилость (Матфея 26:40, 41, 43, 45, 56). Амэндэ вижала тэ виритярас любо ԥаримос и тэ на парашас тэ кандас лэ Дэвлэс тоди, кала амэ сытювас лэ Иисусостар и постоянно мангаспэ. w19.04 9, абз. 4, 5

О Иегова вэрыцый о бэнгалимос. Акэ, со во ԥэндя лэ израильтянонэнди: «Нико тутэ на трэбуй тэ проандярэл лэ шавэс чи ла щя через и яг, на трэбуй тэ драбатярэл, тэ залэлпэ кадэла диласа, тэ видиқэл и приметы, тэ калдуий, тэ подтерэл аврэнди, тэ виақарэл лэ бэнгэн, тэ ԥэнэн, со авэла англэ и тэ пушэл варисо лэ мулэндар. Всаворэ, ко када терэн, гряца лэ Иеговасти» (Второзаконие 18:10—12). И чачунэ христианоря на трэбуй тэ жувэн па кодэва Законо, саво о Дэл дясас лэ Израилёсти. Но кай о Дэл о гиндо каринг о бэнгалимос на паруделя и амэ када драго ӷанас. О Иегова фэрий амэн лэ бэнгалимастар, важ кода кай ӷанэн, кай о Сатана кадэлэса камэл тэ стерэл лэ манушэнди вэрыто. Через лэстэ о Сатана терэл кадя, кай всаворэ тэ ӷанэн лэско хохаимос. Например, о хохаимос, кай посли кода, сар о мануш мэрэл, во всаек варикай жувэл (Экклезиаст 9:5). Ай инке через о бэнгалимос во терэл, кай и мануша тэ даран и старыийпэ тэ одындярэл лэн лэ Иеговастар. Во камэл, кай кодэла, ко залэлпэ лэ бэнгалимаса, тэ патян най лэ Иеговасти, ай лэ бэнгэнди. w19.04 21, абз. 5, 6

Кала терэн нахально билажавардимос лэ бэятонэнца, када фартэ баро бэзэх. О бэято фартэ патял лэ нахальникости, но во терэл лэ бэятости фартэ бари дук. Посли када о бэято дарал и ужэ никасти на патял. Лэ бэятонэн трэбуй тэ фэрисарас кацавя бидатар, ай кадяжэ тэ жалуисарас и тэ подритярас кодэлэн, каса када тердэ (1 Фессалоникийцам 5:14). О христианино, саво стердя нахально билажавардимос лэ бэятоса, лажаварэл и собрания (Матфея 5:16; 1 Петра 2:12). Кала о мануш терэл найлашимос и на каийпэ, кадэлэса во шол чик пэ собрания и нэ можэт тэ ашэлпэ лэ Иеговастирэ свидетелёса. Если о мануш анда собрания жал против о законо, например, терэл нахально билажавардимос лэ бэятоса, во терэл бэзэх против о законо. (Диқэн Деяния 25:8.) Кай и старейшыноря нинай власть тэ наказывают кодэлэн, ко жал против о законо. Но вонэ на фэрин лэ рандар кодэлэн, ко тердя кадэва билажавардимос. w19.05 9, абз. 4—7

Амэ можэм тэ виарақас ришэния андэ любо ԥаримос, важ кода кай о Иегова амаро само Баро Учителё (Исаия 30:20, 21). Андэ лэско Алав исин мудри советоря, па савэ, если кажно андар мэндэ жувэла, тоди сможэт вся тэ полэл и андэ вся тэ ӷанэн тэ терэл лашимос (2 Тимофею 3:17). Кода, сости сытярэл и Библия поможый амэнди тэ авас май мудри кодэлэндар, ко патял андэ «мудрость кадэлэ миростири» (Псалом 119:97—100). Ԥарэс тэ диқас, кай и мудрость кадэлэ миростири сытярэл тэ терас кода, со камэл и ӷрешно тила. Важ када дэкала амэнди трэбуй тэ стас бут зор, кай тэ на сытювас кодэлэсти, сар гиндон и сар жувэн бут мануша. Най евья андэ Библия ԥэнэнпэ: «Диқэн, кай нико тэ на залэл тумэн андо рабство через и мудрость кадэлэ миростири и через хохавни и йвутни дума. Вся када ритярдёл пэ традицыи, пэ принцыпоря кадэлэ мирости, ай най пэ кода, сости сытярэл о Христос» (Колоссянам 2:8). Сар и ԥэнэнаспэ андэ Библия, андэ послидни деса и мануша «любина тэ терэн кати кода, со лэнди чалёл» (2 Тимофею 3:4). Инке ашэля фартэ бут насвалимос, саво пэрэдэлпэ через кода, кай терэн билажавардимос, када СПИДО и авэр насвалимос. Вся када инке еқварэс сыкавэл, кай и мудрость кадэлэ миростири, када дилимос (2 Петра 2:19). w19.05 21, абз. 1, 2; 22, абз. 4, 5

О Сатана диляримаса застависардя лэн тэ патян, кай если вонэ камэн, кай лэндэ тэ авэл вся драго, лэнди трэбуй тэ сытён тэ жувэн сар авэр народоря. Кадэла народоря патянас, кай и дэвла бишалэн пэ ԥув брышында кати посли кода, сар и мануша терэна варисавэ обрядоря. И израильтяноря, савэ най фартэ патянас андо Иегова, гиндонас, кай кати када поможыя лэнди тэ на авэл засуха. Важ када вонэ линэ тэ терэн обрядоря важ о Ваало. О Сатана кадяжэ стердя кадя, кай и израильтяноря тэ камэн о найлашимос. Кала авэр народоря тэлёнас пэстирэ дэвлэнди, вонэ терэнас билажавардимос. Андэ када ужалас, кала андо храмо и мурша и жувля битинэнас корко пэс, кай тэ терэн билажавардимос. О мурш тэ жувэл лэ муршэса, ай и жувли ла жувляса, када найпросто домэкэнас, но када сас нармально! (Второзаконие 23:17, 18; 1 Царей 14:24). Кадэла народоря патянас, кай через кадэла обрядоря лэндирэ дэвла стерэна, кай пэ ԥув тэ авэл бут уражаё. Кадэла обрядоря чалелэ бутэ израильтянонэнди и вонэ линэ тэ тэлён лэ хохавнэ дэвлэнди. w19.06 2, абз. 3; 4, абз. 7, 8

Кай тысячи вефильцоря и авэр полновременни служытеля акана авэр назначения. Кадэлэ ԥралэнди и ԥэянди сас найвушэро тэ ашавэн и служэния, сави лэнди чалёлас. Если кацаво тердяпэ и тутэ, сар тути тэ присытёс тэ жувэс па аврятэ? Фэрисар и дружба лэ Иеговаса, адиносар и Библия кажно дес и драго гиндосар пала кода, со адиносардян. Кадяжэ бут росԥэн важ о Дэл ла нэвя собранияса. О Иегова сэрэл всаворэн, ко на парашэл лэсти тэ служый, и дажэ кодэлэн, ко ужэ на служый кадя, сар служыяс варикала. Жувэн по простому. На домэкэн, кай через «и пэрэжывании, савэ исин андэ кадэя люма», тумэ тэ парашэн тэ камэн тэ терэн и дила важ о Иегова (Матфея 13:22). На жан пэ кода, со анда оди подԥэнэн и друӷоря и о родо, кай тумэндэ тэ авэл барвалимос андэ лэ Сатанастири люма (1 Иоанна 2:15—17). Патян лэ Иеговасти, саво дэл алав, кай кала авэла трэбуй, во позаботияпэ пала вся кода, со тумэнди трэбуй, пала кода кай тумари вера тэ авэл май састи и тэ авэл май вушэро по ди (Евреям 4:16; 13:5, 6). w19.08 20, абз. 4; 21, 22, абз. 7, 8

Можэт акана тумэ жувэн андэ найвушэро время. Тоди погиндон, сар о Иегова полэл амарэ пэрэжывании. Во ӷанэн, со па амаро зор, ай со най. Во ӷанэн дажэ, со амэ гиндосарас и со амэндэ по ди (Псалом 103:14; 139:3, 4). Если амэ надеисавас по Иегова, во поможыя амэнди тэ пэрэандярас о ԥаримос, саво одлэл амэндар о зор. Кала тутэ барэ пэрэжывании, кадэлэстар ту лэс тэ загиндоспэ и умэкэс и вас. Андэ кацаво маменто важно тэ сэрэс, кай о Иегова поможыя тэ улэс кадэла пэрэжывании. Сар? Во ԥэнэн тэ росԥэнэс лэсти пала пэстирэ пэрэжывании. И во ашунэла тирэ молитвы (Псалом 5:3; 1 Петра 5:7). Важ када на параш тэ мангэспэ лэ Иеговасти и росԥэн, пала со ту пэрэжываеш. Канешно, ту на ашунэса лэско ӷолосо, но во лэла тэ дэл дума туса через и Библия и через пэстири арӷанизацыя. Кала ту адинос и Библия, када тут подритярэл и ту лэс тэ аштярэс о лашимос, саво авэла англэ. Кадяжэ, тут моӷут тэ подритярэн и ԥрала и ԥэя, савэнца патяс андо ек Дэл (Римлянам 15:4; Евреям 10:24, 25). w19.06 16, абз. 7, 8

Андэ время, кала ӷонин мангэнпэ лэ Иеговасти «ясвэнца, росԥэнэн вся, со тумэндэ по ди», пала тумари дар и пала всаворэ пэрэжывании лэ небеснонэ Дадэсти, саво тумэн любий (Плач Иеремии 2:19). Со май часто тумэ лэна лэсти тэ росԥэнэн вся, со тумэн дэ по ди, со май пашэ ашэна каринг о Иегова (Римлянам 8:38, 39). Патян, кай о лашимос через лэ Дэвлэско Царство авэла (Числа 23:19). Если тумэ на допатян андо алав, саво о Дэл дя важ о лашимос, тоди лэ Сатанасти и лэстирэ помошниконэнди авэла май вушэро тэ пэрэдаравэн тумэн (Притчи 24:10; Евреям 2:15). Кала сытён па Библия, уӷанэн май бут пала лэ Дэвлэстирэ обещянии, и саво лашимос анэна лэско Царство. Инке трэбуй тэ полэн, васо тумэ патян, кай када авэла и сар кода, со тумэ уӷанэн поможыя тумэнди? Уӷанам пала ек ԥрал, савэс ақарэн Стэнли Джоунзо, саво бэшля семь бэрш андо баруно важ пэстири вера. Со поможысардя лэсти тэ на ашавэл лэ Дэвлэс? Во росԥэнэнас: «Мэрни вера сас састи, важ кода кай мэ ӷанавас пала лэ Дэвлэско Царство и пала кода, со во стерэла. Мэ никала на парашавас тэ патяв андэ када. И важ када ман нико нэ моӷ тэ одмарэл лэ Иеговастар». Если тумэ фартэ патян андэ лэ Дэвлэстирэ обещянии, тумэн никала на пэрэдаравэна (Притчи 3:25, 26). w19.07 2, абз. 1; 3, абз. 6, 7

Васо трэбуй тэ сытярас лэ манушэн, кай тэ ашэн лэ Христостирэ ученикоря? Важ кода кай кати лэ Христостирэ ученикоря моӷут тэ авэн лэ Дэвлэсти друӷоря. Ай инке, кодэла, ко терэл сар о Христос, ужэ акана парувэн пэстири жызня, кай тэ авэл май лащи и аштярэн о лашимос, саво авэла англэ, кай тэ жувэн вечно (Иоанна 14:6; 17:3). Канешно, и дила, сави дя амэнди о Иисусо, вой фартэ трэбуй, но амэ ла на терас екжэнэ. Акэ со о апостоло Павло пистросардя важ пэстэ и важ авэр христианоря: «Амэ терас лэ Дэвлэса ек дила» (1 Коринфянам 3:9). Сави бари патив стодэ пар мэндэ о Иегова и о Иисусо! Кадяжэ, кода, кай амэ сытярас лэ манушэн тэ ашэн лэ Христостирэ ученикоря, анэн амэнди бари радость. Када залас кодэлэстар, кай родас кодэлэн, савэ камэн тэ уӷанэн важ о Иегова. Кала амэ росԥэнас важ о Иегова, амэ сыкавас, кай амэ па чачимастэ лэ Иеговастирэ свидетеля. Ай кала терас и дила, сави дя о Христос тэ росԥэнас важ о Дэл, амэ сыкавас, кай амэ чачунэ христианоря. w19.07 14, 15, абз. 3—5

Бутэ манушэнди чалёл кода, кай и Библия поможый всаворэнди. Акэ, со росԥэнэн ек ԥэй, сави андо Нью-Йорко росԥэнэн важ о Дэл лэ китайцонэнди: «Мэ старысавав анда вся оди тэ уӷанав пала лэндэ и тэ виашунав. Если вонэ найдэлмут авелэ андэ амари страна, мэ пушав: „Сар тумэнди катэ? Ужэ арақлэ бути? Тумэнца катэ драго обжанпэ?“» Кала вой кадя терэл, када поможый лати тэ росԥэнэн варисавэ гиндоря анда Библия. Если када поджал и ԥэй пушэл: «Со па тумарятэ поможый тэ ладин аврэнца? Если можно мэ проадиносарава алава анда Библия: „Сар залэлпэ о споро, када кадяжэ, сар прошындёл о паи. Ужа май йто, пока во на ашэла май баро“. Сар тумэнди здэлпэ, поможыя кадэва совето тэ ладин аврэнца?» (Притчи 17:14). Кала кадя дас дума, када поможый тэ арақас кодэлэн, ко камэла амэнца тэ подэл дума инке еқвар. w19.07 23, абз. 13

Кодэлэнди, ко пэрэлагля через и нэви назначения, май фартэ трэбуй, кай лэн тэ полэн, ай най тэ жалуин. Лэнди можэт тэ авэл фартэ ԥарэс через кода, со тердяпэ лэндирэ зорэса чи лэндирэ родостирэ зорэса. Ай можэт лэнди ԥарэс, кай лэндэ муля варико, ко лэнди сас фартэ куч. Кадяжэ лэнди фартэ на хутилэл лэ друӷонэн анда собрания, савэн вонэ ашадэ, хоть вонэ ворта важ када и на дэн дума. Лэнди трэбуй время, кай лэндар тэ отжал кадэва ԥаримос анда оди. Кодэлэнди, ко пэрэлагля, важно тэ сытён тумэндар и инке лэнди трэбуй, кай тумэ лэн тэ подритярэн. Акэ со росԥэнэн ек ԥэй, сави бут бэрша служыяс пала ӷраница: «Май англал мэ кажно дес сытяравас па Библия, ай по нэво ҭан мандэ на вижалас дажэ тэ проадиносарав стихо анда Библия чи тэ сыкавав видео. Но и вазвещятеля, савэ катэ жувэн, ақарэнас ман пэса, кала жанас кай и мануша до дуйто или кала сытярэнас варикас па Библия. Кода, со мэ сытювавас кай кадэла смили ԥрала и ԥэя, савэ бут со терэнас важ о Иегова и драго сытярэнас аврэн па Библия, поможысардя манди тэ диқав пэ мэрни тиритория май драго. Мэ сытелэм тэ залав дума катутнэ манушэнца. Через када мэ упалэ ашэлэм лошали». w19.08 22, абз. 10; 24, абз. 13, 14

Амэнди, сар ла Еводияти и ла Синтихияти, можэт тэ авэл ԥарэс тэ любисарас лэ ԥралэн и лэ ԥэян, важ кода кай май бут шас сама пэ кода, кала и мануша терэн варисо най кадя. Всаворэ амэ кажно дес терас варисо най кадя. Если амэ нащи вишас анда шэро аврэндирэ ошыбки, тоди амэ лэн най кадя ласа тэ любисарас. Ԥэнаса, варисаво ԥрал бистэрдя, кай трэбуй сас тэ дэл помощь тэ прилас андо зало, кай тидэнпэ лэ Иеговастирэ свидетеля, и амэ пэр лэстэ холяйлям. Если тэ сэрас ек лэстирэ ошыбки, амари холи лэла кати тэ ашэл май бари, ай и любовь тэ ужал. Сас тумэнца варисо кацаво? Тоди погиндон акэ пала со. О Иегова диқэл, со амэ терас най кадя, и кадяжэ диқэл, со терэл най кадя кадэва ԥрал. Но всаек о Дэл на парашэл тэ любий амэн и лэс. Важ када амэнди трэбуй тэ сытювас кай о Иегова, тэ диқас андэ мануша ек о лашимос. Если амэ стас вся о зор и старысавас тэ любисарас лэ ԥралэн и лэ ԥэян, тоди амэ ласа тэ гиндосарас еқэндар (Филиппийцам 2:1, 2). w19.08 9, 10, абз. 7, 8

О Иегова любий кодэлэн, ко на заваздэл о шэро. Кати кодэлэндэ, ко па чачимастэ на заваздэл о шэро, можэт тэ авэл лащи дружба лэ Иеговаса. Ай кодэлэн, «ко ӷорди [во] дажэ на камэл тэ ӷанэн». Амэ всаворэ камас тэ радосарас лэ Иеговас и тэ полас, сар во амэн любий. Важ када кажнонэсти андар мэндэ трэбуй тэ сытювас тэ на заваздас о шэро. Кала о мануш на заваздэл о шэро, тоди во найӷордо, и на гиндой, кай во май лашо аврэндар. Сар пистромэ андэ Библия, о мануш, саво на заваздэл о шэро, драго полэл со за ҭан во залэл англа о Иегова и англа мануша. Инке во полэл, кай кажно мануш андэ варисостэ май лашо лэстар (Филиппийцам 2:3, 4). Дэсавэ мануша здэлпэ, кай на заваздэн о шэро. Можэт лэндэ жэ бэятостар спокойно характеро или андэ лэндири культура трэбуй тэ дэн дума лэ манушэнца пативалэс и тэ обжанпэ драго. Но, файма, варикай андо ди вонэ фартэ ӷорди. Прожала время и кода, со исин андо ди, дицола (Луки 6:45). w19.09 2, абз. 1, 3, 4

Андэ «лащи весть пала амаро Ӷосподо Иисусо» ужал вся о чачимос, савэсти во сытярэлас. Амэ терас кадя, сар ԥэнэн и лащи весть, кала жувас па кадэва чачимос. Амэ сыкавас, кай кандас, кала стас пэ пэрво ҭан и служэния лэ Иеговасти, и жувас па лэстирэ лашэ законоря и росԥэнас пала лэско Царство (Матфея 6:33; 24:14). Кадяжэ трэбуй тэ подритярас лэ Христостирэн ԥралэн, савэ помазани, андэ кодэя важно дила, сави лэнди динэ тэ терэн (Матфея 25:31—40). Йто кай лэ Дэвлэстирэ помазани служытеля авэла возможность тэ отблаӷодарин «аврэн бакрорэн» важ и вся, со вонэ важ лэндэ стердэ (Иоанна 10:16). Сар? Англа кода, сар тэ залэлпэ и война о Армагеддоно, кодэла памазаникоря, савэ ашэлэпэ анда 144 000, жана по нэбо, сар анӷелоря. Всаворэ памазаникоря авэна андэ лэ Дэвлэстирэ небесни войскоря, савэ розмарэна лэ Гогос и фэрина «фартэ бутэ манушэн», лэ Дэвлэстирэ служытелёнэн (Откровение 2:26, 27; 7:9, 10). Сар жэ лошалэ авэна кодэла ԥрала и ԥэя, савэ на парашэнас тэ кандэн лэ Дэвлэс, кай подритярэнас лэ Иеговастирэ памазаниконэн, кала вонэ инке жувэнас пэ ԥув! w19.09 12, 13, абз. 16—18

Васо через и дила, сави амэнди дя о Иисусо, ашэл май вушэро по ди? Пэрво, амэндэ со май лашэ надзирателё. Кай о Иегова само бари власть. Но во никала на андярэл пэс ӷрубо и найблаӷодарно. Во цэний кода, со амэ терас (Евреям 6:10). И во дэл амэнди зор скати трэбуй, кай амэ тэ стерас и дила, сави амэнди динэ (2 Коринфянам 4:7; Галатам 6:5). Амаро царё о Иисусо лашо примеро, сар амэ тэ андярас пэс аврэнца (Иоанна 13:15). Ай старейшыноря терэн сар о Иисусо, саво «само баро пастырё» (Евреям 13:20; 1 Петра 5:2). Кала вонэ сытярэн амэн, вонэ терэн вся, кай драго тэ обжанпэ амэнца, кай тэ дэн зор и кай амэ тэ авас смили. Дуйто, амэндэ со май лашэ друӷоря. Будэр никастэ нинай кацаво андо ди, сар амэндэ, кай любисарас ек аврэс и терас ек дила. Кати погиндон, амэ терас дила лэ манушэнца, савэ жувэн па законо, но вонэ на гиндон, кай май лашэ аврэндар. Амэ важ лэндэ найпросто мануша, савэнца терэн и дила, ай чачунэ друӷоря. И амари дружба лэнца фартэ састи, кай вонэ ӷотови тэ отдэн пэстири жызня важ амэндэ! w19.09 20, абз. 1; 23, абз. 12—14

Андэ пэско письмо о апостоло Павло ԥэнэн пала «лэ Иеговаско дес» (1 Фессалоникийцам 5:1—6). Андэ кадэла стихоря по Иеговаско дес ԥэнэн, кай во залэлапэ андэ кодэя время, кала дэна по Вавилоно Велико, када пэ хохавнэ веры пэ вся и ԥув, и кончияпэ андо Армагеддоно (Откровение 16:14, 16; 17:5). Лэ Павлостирэ алава поможын амэнди тэ авас ӷотови каринг «лэ Иеговаско дес». Амэ на трэбуй «тэ совас, сар всаворэ». Ай «ласа тэ гиндосарас годявэрнэс» и тэ терас вся и время кода, со камэл о Дэл, кай тэ на ӷамисавас андэ дилы, савэ исин андэ политика и тэ на залас варикастири риг. Если амэ ӷуляса, тоди амэ тераса кадя, сар всаворэ мануша андэ люма, савяса правий о Сатана (Иоанна 15:19). Амэ патяс, кай па чачимастэ авэла мирно кати тоди, кала лэ Дэвлэско Царство када стерэла. Амэнди кадяжэ трэбуй тэ поможысарас аврэнди тэ уӷанэн важ о Дэл и тэ росԥэнас лэнди пала библейски пророчества па амари время. Кала залэлапэ и само бари бида, тэ бандён каринг о Иегова авэла ужэ фартэ поздно. Акэ васо фартэ трэбуй тэ росԥэнас важ о Дэл акана! w19.10 8, 9, абз. 3, 5, 6

Кала допистросардэ о свитко, о Иеремия дя лэ Варухости тэ проадиной лэс лэ народости (Иеремия 36:5, 6). О Варухо смило стердя кадэя опасно дила. О Иеремия фартэ абурояс кодэлэса, кай о Варухо смило зажыля андэ лэ храмости града и проадиносардя англа всаворэ лэ Иеговастирэ алава (Иеремия 36:8—10). Иудейски князёря ашундэ, со стердя о Варухо и ԥэндэ, кай во лэнди кадяжэ тэ проадиной кадэва свитко (Иеремия 36:14, 15). Вонэ закамлэ тэ росԥэнэн, со сас пистромэ андо свитко лэ царёсти лэ Иакимости. Кала о царё Иоакимо ашундя алава, савэ запистросардя о Иеремия, о царё фартэ холяйля, кай сԥабардя о свитко и приԥэндя тэ астарэн лэ Иеремияс и лэ Варухос. Но Иеремия ля авэр свитко, дя лэс лэ Варухости и упалэ ԥэндя тэ пистрой и алава, савэ пэрэдя лэсти о Иегова. Ай о Варухо запистросардя «всаворэ алава анда книӷа, сави о царё Иоакимо анда Иуда сԥабардя андэ яг» (Иеремия 36:26—28, 32). w19.11 3, 4, абз. 4—6

О Иегова можэт тэ ашэл кодэлэса, каса трэбуй, кай тэ стерэл кода, со во загиндосардя. Например, во можэт тэ ашэл Учителё, кодэва, ко фэрий и кодэва, ко росԥэнэн о чачимос. И када инке най вся, каса во можэт тэ ашэл (Исаия 48:17; 2 Коринфянам 7:6; Галатам 3:8). Тоди, кала во терэл кода, со загиндосардя, во ақарэл, кай лэсти тэ поможын и мануша (Матфея 24:14; 28:19, 20; 2 Коринфянам 1:3, 4). Любонэсти андар мэндэ о Иегова можэт тэ дэл мудрость и зор, кай амэ тэ ашас кодэлэнца, ко лэсти трэбуй андэ кадэя время. Вся када, сар гиндон дэсавэ учони, савэ полэн и Библия, сжалпэ кодэлэса, со сыкавэл о алав Иегова. Всаворэ амэ камас, кай амэндар тэ авэл толко андэ служэния лэ Иеговасти. Но дэко гиндой, кай нэ моӷут тэ стерэн, скати вонэ камэн через пэстирэ бэрша, кай нинай возможности чи гиндон, кай лэндэ най фартэ вижала. Авэр гиндон, кай вонэ ужэ бут со стердэ андэ служэния и май бут ужэ на камэн тэ терэн. w19.10 20, абз. 1, 2

Через кода, кай цырдаспэ каринг о барвалимос, амари вера можэт тэ ашэл май слабо и амэ май набут ласа тэ ԥирас андэ служэния. О апостоло Павло ԥэндя: «Ни ек воино на залэлпэ пэстиря диласа, кай тэ затерэл ловэ, если камэл тэ чалёл кодэлэсти, ко ля лэс пэ военно служба» (2 Тимофею 2:4). Лэ римсконэ халавдэн на мэкэнас тэ залэнпэ авря диласа. Амэнди трэбуй тэ на бистрас и ӷлавно цэль, када кай амэн тэ хвалин и Военачальникоря, о Иегова и о Христос. Амэ патяс, кай када май куч всаворэстар, чем кода, со можэт тэ дэл и люма, савяса правий о Сатана. Амэ старысавас тэ виарақас время и зор, кай тэ служысарас лэ Иеговасти и тэ заботисавас пала щито, када пала амари вера, и пала авэр йда, андэ сави марэнпэ. Амэнди вся и время трэбуй тэ авас ӷотови каринг и война. Васо? О апостоло Павло камля тэ фэрий и ԥэндя, кай «кодэла, ко закамлэ тэ барвадён», вонэ «ашадэ лэ Дэвлэс» (1 Тимофею 6:9, 10). w19.11 17, 18, абз. 12, 14, 15

Спэрва ԥэнэна «мирно и безопасно», ай тоди залэлапэ «лэ Иеговаско дес» (1 Фессалоникийцам 5:1—6). Лэ «Иеговаско дес», пала саво пистромэ андэ 1 Фессалоникийцам 5:2, када «само бари бида» (Откровение 7:14). Сар тэ полас, кай амэ тердювас ворта паша само бари бида? Андэ Библия пистромэ, кай ворта англа када ашунаса фартэ нэобычно новость. Када и сыкавэла, кай залэлпэ само бари бида. «Мирно и безопасно», када и исин кодэя новость, пала сави сас пистромэ андэ Библия. Ай и барэ мануша анда веры жана вмести кодэлэнца, ко ԥэнэна кадэя новость? Файма, жана. Сар бы тэ на авэл кода, кай лэна тэ ԥэнэн «мирно и безопасно», када инке ек хохаимос, пала саво тердён и бэнга. Но кадэва хохаимос анэна со май бари бида. Через кадэва хохаимос и мануша гиндона, кай лэнди най состар тэ даран ворта англа кода, сар залэлапэ само бари бида. Сар пистромэ андэ Библия, «тоди пэр лэндэ резко дэла и бида. Када, сар кай и жувли, сави трэбуй тэ арақавэл, резко залэнпэ и схватки». Ай со авэла кодэлэнца, ко на парашэл тэ кандэл лэ Дэвлэс? Файма, вонэ удивинапэ кодэлэсти, сар резко залэлапэ лэ Иеговаско дес, но вонэ када аштярэнас. w19.09 9, 10, абз. 7, 8

Кала трэбуй тэ витидэн, полэн, со тумэ точно камэн тэ терэн. Если тумэ точно ӷанэн, со камэн тэ терэн, тоди тумэнди авэла май вушэро када тэ стерэн. Ԥэнаса, тумэ закамлэ май часто тэ адинон и Библия. Если тумэндэ нинай ӷрафико, кай тэ адинон, тоди тумэндэ на вижала када тэ стерэн. Или, ԥэнаса, и старейшыноря ришыли май часто тэ зажан кай и вазвещятеля анда собрания, кай тэ подритярэн лэн. Но время жал и вся ашэлпэ кадяжэ. Кай тэ домардён кода, со вонэ камэн тэ стерэн, вонэ трэбуй тэ пушэн пэстар: «Витидям амэ, касти анда ԥрала и анда ԥэя фартэ трэбуй, кай лэн тэ подритярас? Витидям амэ точно время, кала лэндэ тэ жас?» Кадяжэ на аштярэн пэстар, кай стерэна вся, со камэн. Никастэ нинай скати время и зор, кай тэ терэл вся, со камэл. Важ када авэн годявэрнэ и на аштярэн пэстар фартэ бут. Если када трэбуй, пэрэдиқэн кода, со тумэ витидэ, если нинай зор када тэ стерэн. w19.11 29, абз. 11, 12

О пророчество пала кода, сави жызня авэла андо раё пэ ԥув, можно тэ проадинос андэ Исаия 65:21—23. Андо раё на лэна вся и время ек кати тэ отцыён. Андэ Библия пистромэ, кай андэ кодэя время лэ Дэвлэско народо лэла тэ терэл бут лащи дила, савятар авэла радость и вушэро по ди. Амэ патяс, кала кончияпэ и тысяча бэрш «кай и тварения одмэкэна анда рабство, андэ саво тернён, и лати дэна райкани свобода, андэ сави нинай рабство, сави исин кай лэ Дэвлэстирэ бэяцэ» (Римлянам 8:21). Андэ дэлмутни время о Иегова заботияспэ пала кода, кай и израильтяноря годявэрнэс тэ диқэн пэ бути и пэ кода, сар тэ отцыён. Кадяжэ во стерэла важ пэско народо и андэ кодэя время, кала о Христос правия Тысяча бэрш. Амэ адес бахталэ, важ кода кай тэлювас лэ Дэвлэсти, и кадяжэ авэла андэ кодэя время, кала авэла о раё пэ ԥув. Кати погиндон, скати лашимос амэнди анэна, кала о Христос лэла тэ правий Тысяча бэрш. Ай скати лашимос амэ сможэм тэ стерас андэ лэ Иеговастири дила! w19.12 12, 13, абз. 15, 17, 18

Еврейско алав, саво пэрэандярдо, сар «сытярэн», можэт тэ сыкавэл, кай трэбуй тэ ԥэнэс «най еқвар» и «тэ доԥэнэс». Важ када лэ дадэсти и ла дати трэбуй вся и время тэ проандярэн и время пэстирэ бэятонэнца. Дэкала тумэ можэте тэ холявэн, кай тумэнди трэбуй най еқвар тэ ԥэнэн лэ бэятонэнди. Важ када на холявэн, ай прилэн када, сар лашо способо тэ поможын лэ бэятонэнди тэ полэн лэ Дэвлэско Алав, и Библия и кай тэ терэн кадя андэ жызня. Полэн, со трэбуй тумарэ бэятонэнди. Андэ 127 Псалмо лэ бэятонэн сыстон лэ стрелэнца (Псалом 127:4). И стрелы разни па размеро и стердэ по разному. Всаворэ бэяцэ разни, важ кода лэ дадэсти и ла дати трэбуй тэ полэн, сар тэ сытярэн кажнонэ бэятос. Ек ери анда Израилё, савэ драго вибарярдэ дуе бэятонэн, росԥэнэн, со лэнди поможысардя: «Амэ сытярасас па Библия кажнонэ бэятос отдельно». Канешно, кажно хулай андо ери екжэно трэбуй тэ витидэл, поджал лэсти чи най, кай кадя тэ сытярэл лэ ерес. w19.12 26, 27, абз. 18—20

Кала амэндэ терэлпэ бида, амэ блаӷодарни лэ ԥралэнди и лэ ԥэянди, савэ авэн тэ поможын андэ кодэя время. О Райано, савэстэ найдэлмут муля о дад, росԥэнэн: «Исин бут дилы, савэ трэбуй тэ терэс кажно дес. И пэ дэсавэ на хутилэл зор тэ терэс, важ кода кай тутэ бида. Любо, дажэ найбари помощь, фартэ подритярэл». На гиндон кадя, кай тумари лащи дила нисо на ашэл, сави бы вой цынёни тэ на авэл. Вой па чачимастэ можэт тэ подритярэл и тэ дэл зор аврэнди. О христианино андэ пэрво вико, о Марко терэлас бут дила андэ служэния. И всаек во виарақля время, кай тэ подритярэл лэ апостолос лэ Павлос. О Павло ӷанэнас, кай можэт тэ надеийпэ ек пэ лэстири помощь. И Анджела, савятэ умардэ ла баба, сас блаӷодарно лэ ԥралэнди и лэ ԥэянди, савэ камэнас лати тэ поможын. Вой росԥэнэн: «Кала и друӷоря анда оди камэн тэ поможын, каринг лэндэ вушэро тэ бандёс пала варисо. Лэн на трэбуй пала када фартэ тэ мангэс. Вонэ вся и время камэн тэ поможын». Пушам пэстар: «Ӷанэн ман чи най, сар кодэлэс, ко камэл тэ поможый, тэ подритярэл и тэ дэл зор?» w20.01 11, 12, абз. 14—16

Со можэт тэ терэлпэ, кай о памазанико лэл тэ хал о марно и тэ пэл о вино по Вэчэро, кай сэрэн лэ Иисусостири смэрть, и тэ ашэлпэ «дошало»? Кацаво можэт тэ терэлпэ, если во андэ кодэя время на жувэл па лэ Иеговастирэ законоря (Евреям 6:4—6; 10:26—29). И памазаникоря полэн, если вонэ камэн, кай лэнди тэ дэн «наӷрада, сави дя о Дэл, через о Иисус Христос», кай тэ жувэн по нэбо, лэнди трэбуй тэ на парашэн тэ кандэн лэ Иеговас (Филиппийцам 3:13—16). Лэ Иеговаско духо поможый лэ христианонэнди, кай вонэ тэ на гиндон пала пэстэ бут и тэ на заваздэн о шэро (Эфесянам 4:1—3; Колоссянам 3:10, 12). Важ када и памазаникоря на гиндон, кай вонэ май лашэ аврэндар. Вонэ полэн, кай о Иегова на дэл май бут свынто лэнди, чем кодэлэнди, ко лэла тэ жувэл андо раё пэ ԥув. Вонэ на ԥэнэн, кай вонэ май бут полэн о чачимос анда Библия. И вонэ на ԥэнэн аврэнди, кай кодэла тожэ памазаникоря и вонэ кадяжэ трэбуй тэ хан о марно и тэ пэн о вино по Вэчэро. Вонэ полэн, кай кати о Иегова витидэл, ко анда мануша лэла тэ жувэл по нэбо. w20.01 27, 28, абз. 4, 5

О Иегова камэл, кай амэ тэ дас дума лэса и тэ авас лашэ друӷоря. Во камэл, кай амэ тэ на парашас тэ мангаспэ и вся и время амэн ашунэл (Римлянам 12:12). Во никала нэ бывает цыёно, кай тэ виашунэл амэн. Амаря ригатар амэ можэм тэ ашунас лэс, кала адиносарас и Библия, ай кадяжэ и литература, сави дэл ла тэ полас. Инке амэ ашунас лэс, кала драго ашунас пэ собрании. Кала вся и время мангаспэ лэ Иеговасти, када поможый амэнди тэ на парашас тэ дружысарас лэса. О Иегова камэл, кай амэ тэ ԥэрнавас лэсти пэско ди андэ молитва (Псалом 62:8). Драго авелоп тэ пушас пэстар: «Кала мэ мангавпэ, мэ ԥэнав ек и ек алава вся и время чи росԥэнав лэ Иеговасти, со мандэ по ди?» Тумэ, канешно, фартэ любин лэ Иеговас и камэн тэ авэн лэса лашэ друӷоря. Ай важ када трэбуй тэ на парашэн лэса тэ дэн дума. Патян лэсти. Росԥэнэн лэсти, состар тумэ лошалэ и васо пэрэжываете. Патян, кай тумэ андэ любо время можэте тэ мангэн лэстар помощь. w20.02 9, абз. 4, 5

О Иегова дя лэ старейшынонэнди тэ заботинпэ пала пэско народо. И старейшыноря моӷут тэ сытён кай о Неемия, сар тэ обжанпэ лэ Иеговастирэ народоса. О Неемия правияс андэ Иуда и лэстэ сас бари власть (Неемия 1:11; 2:7, 8; 5:14). Лэстэ кадяжэ сас ԥаримос, саво лэсти прижаласпэ тэ пэрэандярэл. О Неемия уӷангля, кай и иудеёря анэнас андо храмо кода, со нащи и кадэлэса на стонас патив по Иегова. Ай инке вонэ на подритярэнас лэ левитонэн кадя, сар сас пистромэ андэ лэ Иеговаско законо. Вонэ на ритярэнас и суббота, ай дэсавэ лэнас пала пэстэ манушнян анда авэр народоря, савэ на тэлёнас лэ Иеговасти. Лэсти сас трэбуй кадэлэса варисо тэ терэл (Неемия 13:4—30). О Неемия на столас лэ Дэвлэстирэ народости пэстирэ законоря, важ кода кай лэстэ сас власть. Ай анда оди мангэлас лэ Иеговас тэ поможый лэсти тэ сытярэл лэ манушэн лэ Дэвлэстирэ Законости (Неемия 1:4—10; 13:1—3). Кадяжэ о Неемия на заваздэлас о шэро и терэлас дила аврэ иудеёнэнца и дажэ поможыяс лэнди упалэ тэ ваздэн и стины андо Иерусалимо (Неемия 4:15). w19.09 15, 16, абз. 9, 10