Июлё

Кала амэнца ӷрубо дэн дума или на стон пар мэндэ патив, амэнди можэт тэ авэл ԥарэс. Ай инке май ԥарэс, если када амаро друӷо чи варико анда родо. Со тоди тэ терас? О примеро анда Библия пала Анна, савяти вся и время вихалас оди и дуйто хулаи латирэ хуласти, можэт бутэсти амэн тэ сытярэл (1 Самуила 1:12). Сар и Анна, амэнди трэбуй тэ на жалуисарас и время, кай тэ росԥэнас лэ Иеговасти пала амарэ пэрэжывании и состар амэ дарас. Во на аштярэл, кай андэ молитва амарэ алава вся и время авэна шукарнэ. Дэкала амэ ясвэнца можэм тэ росԥэнас лэ Иеговасти, васо амэнди ԥарэс по ди. Андэ кацави время о Иегова на цыёл амэн тэ ашунэл. Кала мангаспэ, амэ трэбуй най кати тэ росԥэнас лэ Дэвлэсти пала пэско ԥаримос, но инке трэбуй тэ на бистрас, со запистромэ андэ Филиппийцам 4:6, 7. О апостоло Павло ԥэндя, кай амэнди фартэ трэбуй андэ молитвы тэ блаӷодарисарас лэ Иеговас. И амэндэ исин бут, васо када тэ терас. Амэ можэм тэ блаӷодарисарас лэс важ и жызня, сави во амэнди дя, важ о шукаримос, саво во создал, важ лэстири любовь и важ о лашимос, саво авэла англэ. w20.02 21, 22, абз. 3, 6

Кода, кай амэ можэм тэ дас дума, када лашимос, саво амэнди дя о Иегова (Исход 4:10, 11; Откровение 4:11). Через и Библия во поможый амэнди драго тэ дас дума. Амэ вся и время трэбуй тэ авас ӷотови тэ дас дума пала о Иегова и пала лэско Царство (Матфея 24:14; Римлянам 10:14). Кадя амэ тераса сар о Иисусо. Важ лэстэ сас само ӷлавно тэ росԥэнэн о чачимос пала пэско Дад (Иоанна 18:37). Но кадяжэ трэбуй тэ диқас пала кода, сар амэ дас дума. Кала росԥэнас аврэнди важ о Дэл, амэнди трэбуй тэ терас када «ковлэ одеса» и пативалэс, тэ шас сама, со кай о мануш по ди и сар во полэл лэ Дэвлэс (1 Петра 3:15). Тоди амэндэ вижала най кати тэ подас дума лэ манушэса пала Дэл, ай инке диқаса, кай во поля, пала со жал и дума, и можэт дажэ када лэла лэс лэ одестар. И старейшыноря на трэбуй тэ ашэн мулком, кала диқэн, кай варико анда ԥрала чи ԥэя хасарэл и дружба лэ Иеговаса. Вонэ витидэна время, сави поджал важ и дума. w20.03 18, 19, абз. 2—4

Пала со амэ можэм тэ мангаспэ? Андэ молитва амэ можэм тэ мангас лэ Иеговас: «Дэ амэнди май састэс тэ патяс» (Луки 17:5; Иоанна 14:1). Тэ патяс амэнди трэбуй, важ кода кай о Сатана бишалэл о ԥаримос всаворэнди лэ Христостирэ учениконэнди (Луки 22:31). Сар кода, кай амэ патяс, можэт амэнди тэ поможый? Кала амэ стердям вся, со па амаро зор, амари вера поможыя амэнди тэ патяс лэ Иеговасти. Амэ патяс, во май драго ӷанэн, со тэ терэл, и кадэлэстар амэндэ по ди драго (1 Петра 5:6, 7). Через кода, кай амэ мангаспэ, амэндэ авэла драго по ди, саво бы ԥаримос амэндэ тэ на авэл. Акэ примеро пала ек старейшына, саво на парашэлас тэ кандэл лэ Дэвлэс, савэс ақарэн Ро́берто и лэсти пала 80 бэрш. Во росԥэнэн: «И алава анда Филиппийцам 4:6, 7 поможысардэ манди тэ пэрэжував бут ԥаримос андэ мэрни жызня. Мандэ на сас ловэ. И пэ дэсави время мэ парашэлэм тэ служысарав старейшынаса». Сар кай о Ро́берто вижал, кай лэстэ по ди тэ авэл драго? Во росԥэнэн: «Сар кати мэ полав, кай по ди ашэл найдраго, мэ сразу мангавпэ. Мэ патяв, со май бут и анда вся оди мангавпэ, со май бут лашимос ашэл андо ди». w19.04 9, 10, абз. 5—7

О нахально билажавардимос лэ бэятоса, сар и любо авэр бэзэх против мануш, када бэзэх и против о Дэл Иегова. Андэ лэ Моисеёско законо, саво о Дэл дя лэ Израилёсти, сас пистромэ, кай о мануш, саво нахально одля варисо кай пэско пашутно или обдилярдя лэс, сыкавэлас, кай во «на кандэл лэ Иеговас» (Левит 6:2—4). Точно кадя жэ о мануш анда собрания, саво стердя нахально билажавардимос лэ бэятоса и через када о бэято ля тэ дарал, кадэлэса во сыкавэл, кай на кандэл лэ Дэвлэс. О мануш, саво стердя кацаво нахальство, римой лэ Иеговаско лашо алав. Важ када амэ против любо билажавардимос, саво стердэ нахально лэ бэятонэнца и диқас пэ када, сар по баро бэзэх против о Дэл. Дэкала андэ «Сторожэво башня» и андэ «Пробудитесь!» росԥэнэнпэ, сар моӷут тэ улэн о ԥаримос пэстар па оди кодэла, каса тердэ нахально билажавардимос. И сар лэнди моӷут тэ поможын кодэла, ко паша лэндэ и кадяжэ, сар и родителя моӷут тэ фэрин пэстирэ бэятонэн. Амари арӷанизацыя драго росԥэнэн па Библия лэ старейшынонэнди, со тэ терэн, если варико андэ собрания тердя нахально билажавардимос лэ бэятоса. Время времятар и арӷанизацыя пэрэдиқэл, сар тэ розлэнпэ андэ кацави дила. w19.05 9, абз. 8, 9

И Библия, сар востро мечо, розделий лэ Сатанаско хохаимос и лэ Дэвлэско чачимос (Эфесянам 6:17). Лэ Дэвлэско алав сыкавэл о хохаимос пала кода, кай и мулэ моӷут тэ дэн дума лэ жундэнца (Псалом 146:4). Андэ Библия кадяжэ ԥэнэнпэ, кай кати о Иегова можэт тэ ԥэнэн точно, со авэла англэ (Исаия 46:10). Кала амэ на промэкас тэ адиносарас и Библия и тэ гиндосарас пала кода, када поможыя амэнди тэ вэрыцысарас о хохаимос, андэ саво и бэнга камэн, кай и мануша тэ патян. Важ када отԥэндёнпэ всаворэстар, со сԥангло лэ бэнгалимаса. Сар и чачунэ христианоря, амэ ритярдювас май дур всаворэстар, со сԥангло лэ бэнгалимаса. Например, амэ на ԥирас лэ манушэндэ, савэ дэн дума лэ мулэнца, кай тэ уӷанас, со лэнца и екжэнэ нисо на терас, кай тэ дас дума лэ мулэнца. Амэ нисо на терас кацаво, андэр со патян и мануша, кала о мануш мэрэл. Кадяжэ амэ на жас тэ драбатярдювас и на диқас и ӷороскопоря, кай тэ уӷанас, со авэла англэ. Амэ полас, кай кадэлэстар трэбуй тэ фэрисавас, важ кода кай кала амэ када тераса, амэ ужэ аваса сԥанглэ лэ Сатанаса и лэ бэнгэнца. w19.04 21, 22, абз. 8, 9

И мануша, савэ на гиндон, сар о Иегова, асанпэ лэ закононэндар, савэ исин андэ Библия пала кода, со трэбуй тэ авэл кати машкар хулай и хулаи и ԥэнэн, кай кадэла законоря дэлмутнэ. Дэко гиндон: «Состэ о Дэл создал лэ манушэн кадя, кай тэ камэн кода, со трэбуй тэ авэл кати машкар хулай и хулаи, ай тоди ԥэндя, кай трэбуй тэ зритярэн пэс?» Вонэ гиндон, кай если лэнди варисо камэлпэ, тоди вонэ на трэбуй пэс тэ зритярэн. Но када нэправильно, и Библия сытярэл па аврятэ. Амэнди на трэбуй тэ терас вся и время кода, со камэлпэ и амэндэ вижала тэ улас и нэправильни жылании (Колоссянам 3:5). Инке о Иегова позаботисайля пала кода, со трэбуй тэ авэл кати машкар хулай и хулаи, кай лэндэ када тэ авэл кати андо брако (1 Коринфянам 7:8, 9). И Библия сытярэл правильно тэ диқас пэ кода, со трэбуй тэ авэл кати машкар хулай и хулаи. Андэ Библия пистромэ, кай андо брако када анэн удовольствия (Притчи 5:18, 19). Кадяжэ вой сытярэл «тэ ӷанэн тэ андярэн пэс достойно и тэ зритярдёнпэ андэ кода, со камэл и тила, но со нащи. Тэ на андярэн пэс билажавардэс» (1 Фессалоникийцам 4:4, 5). w19.05 22, 23, абз. 7—9

О Дэл на домэкэла, кай и мануша па вся и ԥув тэ умарэн лэстирэ народос. Лэ Иеговастирэ служытеля абурон, кай пэр лэндэ ԥэнэн лэ Дэвлэско алав и кандэн лэс кодэлэса, кай вижан анда Вавилоно Велико (Деяния 15:16, 17; Откровение 18:4). Кадяжэ вонэ на жалуин пэско зор и поможын аврэ манушэнди тэ мэкэн и хохавнэ веры. О Иегова фэрия пэстирэ служытелёнэн, кала о Вавилоно Велико авэла розмардо. Но лэнди всаек трэбуй састи вера, кай тэ виритярэн кода, со авэла англэ (Иезекииль 38:2, 8). Посли кода, сар всаворэ хохавнэ веры ужэ на авэна, ашэлапэ ек чачуни вера, када лэ Иеговастирэ служытеля. Када фартэ холярэла лэ Сатанас. Во вишола вся пэстири холи через и «найвужэ думы лэ бэнгэндар». Вся када, кай тэ подваздэн и коалицыя нацый против лэ Иеговастирэ служытеля (Откровение 16:13, 14). Андэ Библия пэ коалицыя нацый ԥэнэнпэ «о Гого па ԥув Магого». Кала и народоря, савэ ужан андэ коалицыя нацый, жана по Дэвлэско народо бидаса, вонэ ԥэнэса, стидэнапэ по ҭан, пэ саво ԥэнэн о Армагеддоно (Откровение 16:16, анда сноска). w19.09 11, 12, абз. 12, 13

Андэ дэлмутни время, о Сатана камэлас, кай лэ Иеговаско народо тэ терэл билажавардимос, и во терэлас када через и хохавнэ веры. Адес о Сатана терэл кадяжэ. И хохавнэ религии диқэн по билажавардимос, сар када кадя и трэбуй, и дажэ подритярэн када. Вижал, хоть бут мануша и ԥэнэн, кай служын лэ Дэвлэсти, па чачимастэ вонэ парашэлэ тэ ритярэн о законо анда Библия, саво на мэкэл тэ терэн билажавардимос. О апостоло Павло андэ пэско письмо лэ римлянонэнди пистросардя, каринг со анэн, кала на ритярэн лэ Дэвлэско законо и терэн билажавардимос (Римлянам 1:28—31). О Павло пистросардя, кала нэправильно пэс андярэн, андэ када ужал вся о билажавардимос, ай инке, кала о мурш жувэл лэ муршэса (Римлянам 1:24—27, 32; Откровение 2:20). Амэнди, сар лэ Дэвлэстирэ служытелёнэнди, фартэ важно тэ ритярдювас кодэлэсти, сар пала када драго сытярэл и Библия. Кода, сар гиндон и мануша, савэ на патян андо Иегова, на сжалпэ лэ Иеговастирэ закононэнца, савэ праведни. Вонэ на сытярэн кадя, сар сытярэл лэ Дэвлэско духо, ай сытярэн кодэлэсти, со камэл и «ӷрешно тила» (Галатам 5:19—23). Кала кадя гиндон, тоди и мануша ашэн ӷорди, гиндон, кай май лашэ аврэндар и через када «любина кати корко пэс» (2 Тимофею 3:2—4). Кадэла качестворя на сжанпэ кодэлэса, сар сытярэл о Дэл. Во камэл тэ диқэл пэстирэ служытелёнэн, кай вонэ тэ на заваздэн о шэро (2 Самуила 22:28). w19.06 5, 6, абз. 12—14

О Илья служыяс лэ Иеговасти андэ найвушэро время и лэстэ сас бут ԥаримос. О Иегова ԥэндя лэ Ильясти тэ пэрэдэл дэсави пэстири дила лэ Елисеёсти. О Иегова дя лэ Ильясти друӷос, саво подритярдя лэс андэ ԥари время. Кадя и адес, если амэ росԥэнаса лэ друӷости, со амэндэ по ди, када поможыя амэнди тэ пэрэандярас и пэрэжывании (2 Царей 2:2). Ай если паша тумэндэ нинай кацаво мануш? Мангэн кай о Иегова тэ бишалэл кацавэ христианинос, савэстэ састи вера, кай во тэ подритярэл тумэн. О Иегова поможысардя лэ Ильясти тэ пэрэандярэл и бари пэрэжывания и во инке бут бэрша на парашэлас тэ служый. Кода, со сас лэ Ильяса поможый амэнди тэ аштярас о лашимос. Через и бари пэрэжывания можэт тэ на авэл зор и тэ авэл ԥарэс по ди. Но, если амэ надеисавас по Иегова, во дэла амэнди зор, кай амэ и май дур тэ служысарас лэсти (Исаия 40:28, 29). w19.06 15, абз. 4; 16, абз. 9, 10

Кай тэ авэл май бут смилость, трэбуй тэ росԥэнас и лащи весть пала лэ Дэвлэско Царство. Васо? Кала амэ росԥэнас важ о Иегова, амэ сытювас тэ патяс лэсти и тэ на дарас лэ манушэндар. Кала о мануш терэл зарядка, во ашэл май зорало. Точно кадяжэ, амэ аваса инке май смили, кала росԥэнас важ о Дэл па цэра чи котэ, кай и мануша терэн бути, чи аврэтэ, кай амэ сам, ай кадяжэ котэ, кай прожан бут мануша. Тоди амэ на парашаса тэ росԥэнас важ о Дэл, дажэ кала авэла запрето (1 Фессалоникийцам 2:1, 2). Амэн можэт тэ подритярэл кода, со сас амаря ԥэяса, савятэ сас фартэ састи вера. Нэнси Юэн жувэлас андо Китаё. И хоть латэ сас о росто метр епашэса, вой всаек сас фартэ смило. Вой на парашэлас тэ росԥэнэн и лащи весть пала Царство. Важ када вой пробэшля андо баруно варикай 20 бэрш. Кодэла, ко ла допушэнас, ԥэнэнас, кай андэ вся страна на сас кацави, сар вой, сави састэс тердёлас пэ пэско. w19.07 5, абз. 13, 14

Дэсавэ мануша камэн тэ уӷанэн о чачимос анда Библия, но бутэнди, кас амэ диқас, май англал можэт тэ здэлпэ, кай лэнди када на трэбуй. Тоди амэнди можэт авэла трэбуй тэ стерас кадя, кай вонэ тэ закамэн тэ уӷанэн. Кай амари служэния тэ анэн результаторя, амэнди трэбуй драго тэ погиндосарас, со тэ терас. Витидэн, пала со тэ дэн дума лэ манушэнца, кай лэнди тэ авэл интересно. Посли када витидэн, сар тэ залэс дума. Например, можно тэ ԥэнэс манушэсти: «Камав тутар тэ пушав. Па вся и ԥув кай и мануша еқэндар и проблемы. Сар ту гиндос, моӷут и правительства, савэ исин па вся и ԥув тэ улэн и проблемы?» Посли када можно тэ сыкавэс Даниил 2:44 и тэ подэс дума. Ай акэ авэр варианто. Можэш тэ пушэс: «Со поможыя драго тэ сытярэс лэ бэятос?», ай потом можэш тэ подэс дума пала кода, со пистромэ андэ Второзаконие 6:6, 7. Кода, кай амэ сытярас лэ манушэн тэ ашэн лэ Христостирэ ученикоря, анэн амэнди бари радость! w19.07 15, 16, абз. 4, 6, 7

Акэ со ԥэнэн ек вазвещятелё, саво росԥэнэн важ о Дэл лэ манушэнди, савэ жувэн андэ ек страна по Дальнё Востоко и ԥэнэн, кай на патян андо Дэл. Во росԥэнэн: «Кала и мануша, савэ катэ жувэн ԥэнэн: „Мэ на патяв андо Дэл“, када сыкавэл, кай вонэ на патян андэ дэвла андэ веры, савэ котэ исин. Важ када мэ вся и время шав сама пэ кода, кай и дэвла най чачунэ, важ кода кай лэн вигиндосардэ и стердэ и мануша. И часто заадиносарав Иеремия 16:20 и пушав: „Сар можно тэ полэс, кай о чачуно Дэл, ай кай кодэва дэл, савэс стердэ и мануша?“ Мэ драго виашунав, со ԥэнэна, ай тоди проадиносарав Исаия 41:23: „Росԥэнэн пала кода, со авэла май англэ и амэ поласа, кай тумэ дэвла“. Посли када мэ сыкавав, сар исполнисайля ек анда лэ Иеговастирэ пророчества». Ай акэ со росԥэнэн авэр ԥрал: «Мэ сыкавав, савэ годявэрнэ советоря исин андэ Библия, мэ росԥэнав пала пророчества, савэ исполнисайлэ, инке росԥэнав пала природа, пала ԥув, пала черӷая и пала планеты. Посли када мэ росԥэнав лэнди, сар вся када сыкавэл лэ Дэвлэстири мудрость. И кала о мануш хоть набут патял андо Дэл, мэ сыкавав лэсти, со ԥэнэнпэ андэ Библия пала Иегова». w19.07 23, 24, абз. 14, 15

Со ужал андэ кадэла алава «со май фартэ трэбуй»? Када, кай лэ Иеговаско алав тэ авэл свынто, тэ терас лэстири дила, тэ подритярас, кай тэ авэл ладо и тэ гиндосарас, сар ек андэ собрания (Матфея 6:9, 10; Иоанна 13:35). Если када само ӷлавно андэ амари жызня, тоди амэ па чачимастэ любисарас лэ Иеговас. О Павло кадяжэ ԥэндя, кай амэнди трэбуй тэ авас вужэ англа Дэл. Кай тэ авас вужэ англа лэ Дэвлэстирэ яқа, када на сыкавэл, кай трэбуй тэ авас совершэни. Англа лэ Иеговастирэ яқа аваса вужэ, если амэ тераса вся, кай амари любовь тэ ашэл май бари, и тэ уӷанас, со май фартэ трэбуй. Ек, сар тэ сыкавас амари любовь, када, кай тэ на змарас па правильно дром амарэ ԥралэн и ԥэян. Пэ кадэла алава фартэ трэбуй тэ шас сама. Через со авэр моӷут тэ змардён па правильно дром? Кода, савэ амэ витидас развличении, сави пар мэндэ йда и дажэ, сави амэндэ бути. Можэт дажэ андэ кода, со амэ витидас нинай нисо вэрыто. Но если через кода, со амэ витидям, варикас хал и совесть, тоди када фартэ найдраго (Матфея 18:6). w19.08 10, абз. 9—11

Лэ 1935 бэршэстар, лэ Иеговастирэ свидетеля линэ тэ полэн, кай и фартэ бут мануша анда лэ Иоанностири видения, када и христианоря, савэ на парашэн тэ кандэн лэ Иеговас, и савэ надеинпэ тэ жувэн вечно пэ ԥув (Откровение 7:9, 10). Кай тэ пэрэжувэн и само бари бида, лэнди трэбуй тэ уӷанэн пала Иегова и тэ тэлён лэсти жы каринг кода, сар авэла лэ Христоско Тысячелетнё царство. Лэнди кадяжэ трэбуй тэ сыкавэн пэ дила пэстири састи вера, кай вонэ «тэ обжан вся, со трэбуй тэ авэл» англа кода, кала о Иисусо залэла тэ правий тысяча бэрш (Луки 21:34—36). И христианоря, пэ савэ ԥэнэн и фартэ бут мануша, вонэ фартэ лошалэ, кай аштярэн о лашимос, саво авэла пэ ԥув. Вонэ полэн, кай о Иегова екжэно витидэл, ко анда кодэла, ко лэс на парашэл тэ кандэл, лэла тэ жувэл по нэбо, ай ко пэ ԥув. О Иегова, кадя фартэ любий лэ манушэн, кай отдя пэстирэ шавэс лэ Иисусос, кай тэ витинэл лэ манушэн (Римлянам 3:24). И памазаникоря и кодэла, пэр кастэ ԥэнэн и фартэ бут мануша ӷанэн, кай кати важ када вонэ получина пэстири наӷрада. w19.09 28, абз. 10; 29, абз. 12, 13

Если тумэндэ нэви назначения, тумэ можэте бут со тэ стерэн андэ нэви собрания. На гиндон, кай тумэндэ нисо на вижыля, и нэви назначения тумэнди динэ, важ кода кай тумэ нисо на ашэн. Старыинпэ тэ диқэн лэ Иеговаско вас андэ тумари жызня и на парашэн тэ росԥэнэн важ лэстэ. Сытён кай и пэрви христианоря, савэ жувэнас андэ пэрво вико. Со бы тэ на терэлпэ, вонэ «жанас и май дур тэ росԥэнэн и лащи весть» (Деяния 8:1, 4). Кода, со тумэ терэн, на авэла евья. И пианероря, савэн видарадэ анда ек страна, пэрэлаглэ андэ авэр страна, кай сас трэбуй мануша, савэ дэнас дума пэ кодэя жэ шыб, сар дэнас дума и пианероря. Прожылэ набут шона и котэ ашэлэ нэвэ ӷруппы, андэ савэ ашэнас май бут мануша. Родэн радость кай о Иегова. На парашэн тэ дружын лэ Иеговаса и бандён каринг лэстэ пала совето, кай во тэ подритярэл тумэн и тэ авэл май вушэро по ди. На бистрэн, кай и назначения, сави сас, чалеля тумэнди важ кода, кай камэнас анда вся оди тэ поможын лэ манушэнди. Терэн анда вся оди, вся со трэбуй андэ нэви назначения и тоди вой лэла тэ чалёл тумэнди. О Иегова андэ када поможыя тумэнди (Экклезиаст 7:10). w19.08 24, 25, абз. 15, 16

Амэнди трэбуй тэ кандас лэ Иеговас, кай во амаро Создателё. Важ када во можэт тэ приԥэнэн амэнди, со трэбуй тэ терас (Откровение 4:11). Амэндэ исин ӷлавно, васо лэс тэ кандас, када, кай во само лашо правителё. Важ вся и время сас бут разни правителя, но нико андар лэндэ и пашэ на сыстойпэ лэ Иеговаса андэ лэстири мудрость, любовь, кай во жалуий анда оди и полэл, со аврэндэ по ди (Исход 34:6; Римлянам 16:27; 1 Иоанна 4:8). Сар тэ сыкавас, кай амэ кандас лэ Иеговас? Амэнди трэбуй анда вся зор тэ старысавас тэ кандас лэс и тэ борисавас кодэлэса, кай камэлпэ тэ терас вся па пэстирятэ (Притчи 3:5). Амэнди авэла май вушэро тэ кандас лэ Иеговас, кала амэ май бут уӷанаса пала лэстэ. Васо? Кай о Дэл всаворэ качестворя лашэ, важ када во терэл лашэ дилы (Псалом 145:9). Со май драго амэ уӷанас лэ Иеговас, со май пашэ амэ ашас каринг лэстэ. Кала любис варикас на трэбуй нисаво списко, васо ту лэс любис, со можно тэ терэс, ай со нащи. w19.09 14, 15, абз. 1, 3

О Сатана терэл кадя, кай лэ манушэнди тэ авэл фартэ ԥарэс. Например, во камэл, кай амэ тэ патяс, кабута о Иегова никала амэн на простия и на полюбия. Када фартэ ԥаро ӷамо и баро хохаимос! (Иоанна 8:44). Но па чачимастэ, кала амэ авас каринг о Христос, амарэ ӷрехоря простинпэ (Матфея 11:28). Ай о чачимос андэ кода, кай о Иегова кажнонэс андар мэндэ фартэ любий (Римлянам 8:32, 38, 39). О ԥаримос, саво мангля о Иисусо тэ андярас, на шолпэ ни пэ нисаво авэр ԥаримос. Например, посли кода, сар цыло дес тердэ бути, бутэндэ нинай зор и найлошалэ нисости. Ай кала ԥирас пэ служэния и росԥэнас пала Иегова и пала Иисусо, амэ фартэ бахталэ и лошалэ. Дэкала амэ кадя цыювас, кай вэчэром прижалпэ через о зор тэ жас пэ собрания. Но май часто, кала амэ авас цэрэ посли собрания, амэнди ашэл май вушэро по ди и амэ полас, кай лям нэво зор. Кадяжэ и посли кода, сар жылям тэ росԥэнас важ о Дэл, и кала сытювас екжэнэ па Библия. Кала амэ стас зор кай тэ стерас када, амэ полас, кай ашас май зоралэ и май бахталэ. w19.09 20, абз. 1; 23, 24, абз. 15, 16

Ашэляпэ совсем набут время, кай тэ залэлпэ лэ Иеговаско дес. Важ када о Иегова аштярэл, кай амэ май бут ласа тэ отдас время, кай тэ росԥэнас важ лэстэ. Амэнди трэбуй тэ пушас пэстар: «Ай мэ бут терав дила, сави „терэл о Ӷосподо“?» (1 Коринфянам 15:58). О Иисусо росԥэндя, со лэла тэ терэлпэ андэ послидни деса и ԥэндя: «И всаворэ́ манушэнди, май англал трэбуй тэ авэл росԥэнди и лащи весть» (Марка 13:4, 8, 10; Матфея 24:14). Кати погиндон, кажно разо, кала тумэ жан андэ служэния, кадэлэса тумэ подритярэн, кай тэ исполнийпэ кадэва библейско пророчество! Кажно бэрш май бут мануша па вся и ԥув ашунэн и лащи весть. Погиндон пала кода, пэ скати дэ бут ашэлэ вазвещятеля Царства андэ послидни деса. Андо 1914 бэрш андэ 43 страны сас 5 155 вазвещятеля. Ай акана андэ 240 страны и тиритории служын 8,5 милионоря вазвещятеля! Но и дила инке на дотердям. Амэнди трэбуй и май дур тэ росԥэнас лэ манушэнди, кай кати лэ Дэвлэско Царство улэла вся ԥаримос лэ манушэндар (Псалом 145:11—13). w19.10 8, 9, 10, абз. 3, 7, 8

О царё Давидо и лэстирэ мануша сас «боқалэ и цыенэ» и камэнас тэ пэн паи, кала нашэнастар лэ Авессаломостар, лэ Давидостирэ шавэстар. Тоди о Иегова поможысардя лэнди через о Верзеллиё. Кадэва ԥуро мануш, кадяжэ сар всаворэ, рискуияс пэстиря жызняса, кай лэ Давидостэ и лэстирэ манушэндэ тэ авэл вся, со трэбуй. О Верзеллиё на гиндояс, кай во ужэ ԥуро и важ када нисо нэ можэт тэ стерэл важ о Иегова. Но во фартэ бут дя лэ Дэвлэстирэ служытелёнэнди анда кода, со лэстэ сас (2 Самуила 17:27—29). Со анда када амэ сытювас? Скати тэ на авэл амэнди бэрш, о Иегова можэт через амэндэ тэ поможый лэ ԥралэнди и лэ ԥэянди, савэндэ нинай кода, со трэбуй важ и жызня. И всаек, анда амари страна вонэ чи пала ӷраница (Притчи 3:27, 28; 19:17). Дажэ кала амэндэ на вижал тэ авас, кай тэ поможысарас лэнди, амэ можэм тэ дас ловэ пэ дила, сави терэн па вся и ԥув, кай лэ Дэвлэстири арӷанизацыя тэ поможый лэ ԥралэнди котэ, кай када трэбуй (2 Коринфянам 8:14, 15). w19.10 21, 22, абз. 6

Можэт амэнди найвушэро тэ росԥэнас аврэнди, со амэндэ по ди, важ кода кай варикала кадэлэстар амэнди сас фартэ ԥарэс (Притчи 18:19). Или можэт амэнди здэлпэ, кай амэндэ нинай время и зор варикаса тэ дружысарас. На гиндосар кадя. Если амэ камас, кай амарэ ԥрала анда собрания тэ подритярэн амэн, кала авэла ԥарэс, амэнди трэбуй ужэ акана тэ сытювас тэ патяс лэнди андэ вся и тэ росԥэнас, со амэндэ по ди и со гиндосарас. Када фартэ важно, кай тэ авэл чачуни дружба (1 Петра 1:22). О Иисусо фартэ патялас пэстирэ друӷонэнди, и када дицол анда кода, кай во нисо лэндар на гаравэлас (Иоанна 15:15). Амэ можэм тэ терас сар во, тэ росԥэнас аврэнди, сости амэ лошавас, со за амэндэ ԥаримос и пала со амэ пэрэжываем. Драго виашунэн кодэлэн, ко паша тумэндэ, и тумэ диқэна, кай тумэ лэнца бут андэр со шонпэ. Лэндэ кацавэ жэ гиндоря, кацаво жэ по ди и кацави жэ дила. Если тумэ лэна тэ дэн дума аврэнца анда оди, тоди тумэ авэна май пашэ каринг лэндэ (Притчи 27:9). w19.11 4, 5, абз. 8, 9

Андэ кодэя время, сар авэла и само бари бида, амэ ласа тэ росԥэнас ужэ авэр весть. Акана амэ росԥэнас лащи весть пала лэ Дэвлэско Царство и родас нэвэ учениконэн. Но тоди ласа тэ росԥэнас и весть, савятар авэла найдраго, сар лэ ӷрадостар (Откровение 16:21). Файма, амэ ласа тэ росԥэнас, кай точно авэла конец кодэлэсти, соса правий о Сатана. Прожала время и амэ поласа, пала со авэла кадэя весть и сар амэ ласа ла тэ росԥэнас. Ласа амэ и май англэ тэ росԥэнас и весть кадяжэ, чи най? Или ласа тэ росԥэнас па аврятэ? Поаштярам и диқаса. Со бы тэ на авэл, амэ всаек ласа смило тэ росԥэнас пала лэ Иеговаско сындо! (Иезекииль 2:3—5). Амари весть можэт тэ холярэл лэ народос. Вонэ лэна тэ тасавэн пар мэндэ, кай амэ будэр никала тэ на росԥэнас кадэя весть. Амэ и акана нэ моӷли бы тэ служысарас би лэ Иеговастирэ зорэско. Кадяжэ и андэ кодэя время амэ на обжасапэ би лэстирэ зорэско. Амэ патяс, кай амаро Дэл, дэла амэнди зор тэ стерас кода, со во камэл (Михей 3:8). w19.10 16, абз. 8, 9

О алав «ашадэ» сыкавэл пэ кода, со амэн можэт тэ одбандярэл. Када, кай амэ камас тэ тинас варисо, со амэнди на трэбуй. Через када андэ амаро ди можэт тэ авэл «кода, со найгодявэрно и вэрыто, када анэн лэ манушэн каринг и смэрть» (1 Тимофею 6:9). Амэ нащи кацаво тэ домэкас, важ кода кай када лэ Сатанастири оружыя, сави во бишалэл пар мэндэ, кай амэндэ тэ авэл май слабо вера. Амэндэ исин ловэ, кай бут со тэ тинас, со амэнди чалёл, но со най фартэ трэбуй. Када драго? Най фартэ. Погиндон акэ пала со. Дажэ если амэндэ вижал тэ тинас пэсти варисо, со амэнди чалёл, авэла амэндэ время и зор, кай тэ пользуисавас кодэлэса, со тиндям, тэ следисарас чи тэ терас ремонто? На ласа амэ фартэ тэ цырдаспэ пала кода, со амэндэ исин? На тераса амэ кадя, сар кодэва тэрно мануш, саво отԥэнделя тэ кандэл лэ Иисусос и тэ терэл май бут андэ служэния лэ Дэвлэсти? (Марка 10:17—22). Фэдэр тэ андярас просто жызня и тэ отдас пэстири время и о зор, кай тэ терас кода, со камэл о Дэл. w19.11 17, 18, абз. 15, 16

О Дэл дэла «тумэнди зор тэ терэн дила» и тэ дотерэн кода, со тумэ камэн (Филиппийцам 2:13). Важ кода, кай тумэндэ тэ авэл зор, саво трэбуй, мангэн кай о Иегова свынто духо. На парашэн тэ мангэнпэ дажэ, кала тумэнди здэлпэ, кай тэ аштярэн о атвето прижалпэ фартэ долӷо. О Иисусо ԥэндя: «На парашэн тэ мангэн [свынто духо] и тумэнди дэна» (Луки 11:9, 13). Кадяжэ трэбуй тэ полэн, со тэ терэн. Кай тэ терэн варисави дила, май англал трэбуй тэ полэн, со трэбуй тэ терэн, ай тоди ужэ тэ залэн варисо тэ терэн. Кадяжэ и ришэния, сави витидэн, трэбуй тэ ӷанэн, со ласа тэ терэн и када поможыя тэ дотерэн, со камэн. Если тумэнди трэбуй тэ стерэн ԥари дила, терэн ла по набут. И сар тумэ лэна по набут тэ терэн, тоди на диқэна, кала тумэ ла стерэна. Кадя авэла май вушэро тэ диқэн, сар тумэндэ када вижал. О апостоло Павло ԥэндя лэ коринфянонэнди фэдэр тэ отстон ловэ кажно, скати камэн андэ «пэрво дес андо курко», чем тэ аштярэн, кала во авэла, и тоди кати тэ стидэн всаворэ ловэ (1 Коринфянам 16:2). Кадяжэ, кала розделин бари дила пэ май цынёне дилы, тумэнди авэла май вушэро тэ стерэн кода, со тумэ камлэ. w19.11 29, абз. 13, 14

Кала амэ ԥэнас, кай о мануш ӷанэн пала Иегова, амэ полас, кай во драго ӷанэн лэ Дэвлэско алав, лэстирэ законоря и лэстирэ дилы. Но кай май пашэ тэ ӷанэс лэ Иеговас, када на хутилэла. Трэбуй тэ витидэс время, кай май драго тэ уӷанэс лэ Иеговас и лэстирэ лашэ качестворя. Кати тоди амэндэ вижала тэ полас, васо во кадя терэлас, кала варисо ԥэнэнас или варисо терэлас. Када поможыя амэнди тэ полас, чалёл лэсти, сар амэ гиндосарас, со амэ витидас тэ терас, и кода, со ужэ стердям чи най. Ай кала полас, со амэндар о Иегова аштярэл, кадя трэбуй и тэ терас. Дэсавэ мануша моӷут тэ асанпэ амэндар, важ кода кай амэ камас тэ служысарас лэ Иеговасти. Вонэ моӷут тэ авэн против амэндэ инке май фартэ, кала амэ залас тэ ԥирас пэ собрании. Если амэ патяс лэ Иеговасти, во никала амэн на ашавэла. Када само ӷлавно, кай тэ авэл лащи дружба лэ Иеговаса, кадэя дружба пэ вся и жызня. Ай вижала кай и найсовершэни мануша тэ авэн пашутнэ друӷоря лэ Дэвлэса чи най? Вижала! w19.12 16, 17, абз. 3, 4

Дэкала лэ дадэсти и ла дати можэт тэ здэлпэ, кай тэ сытярэн лэ бэятонэн фартэ ԥарэс. Но лэнди трэбуй тэ сэрэн, кай и бэяцэ, када подарко лэ Иеговастар и во вся и время поможый. Во драго виашунэл лэ дадэстирэ и ла датирэ молитвы и дэл атвето через и Библия и через амари литература. Ай инке атвето пэ молитва можэт тэ авэл через кода, сар подԥэнэна и христианоря, савэ ужэ вибарярдэ пэстирэ бэятонэн. Канешно, о дад и дэй пэ вся и время ашэнапэ дадэса и даса. Но фартэ часто можно тэ ашунэс, кай тэ вибарярэс лэ бэятос, трэбуй 20 бэрш. Вся со май лашо, со о дад и дэй моӷут тэ дэн лэ бэятонэнди важ кадэя время, када и любовь, время и кай тэ ашэн лашэ христианоря. Кажно бэято прилэл када по разному. Но бут анда кодэла, ко вибареля андо ери, кай любин лэ Иеговас, ԥэнэн, кай лэндэ по ди кацаво жэ, сар кай и Джоанна-Мэй анда Азия: «Мэ блаӷодарисарав мэрнэ дадэс и ла да, кай вонэ ман драго барярдэ и сытярдэ тэ любисарав лэ Иеговас! Вонэ найпросто подарисардэ манди и жызня, ай стердэ вся, кай андэ мэрни жызня тэ авэл о Иегова» (Притчи 23:24, 25). Кадяжэ моӷут тэ ԥэнэн милионоря ԥрала и ԥэя па вся и ԥув. w19.12 27, абз. 21, 22

Амэнди найԥарэс тэ додиқас, кас анда ԥрала и ԥэя трэбуй тэ подритярас и тэ дас зор. Амэнди трэбуй тэ подритярас аврэн, дажэ кала амэ варисостар дарас. Например, амэ дарас, кай на ӷанас, со тэ дас дума, кай тэ подритярас манушэс, савэстэ тердяпэ бида. Чи на ӷанас, сар андэ кадэя время пэс тэ андярас. Но кай тэ подритярэс манушэс трэбуй тэ сыкавэс, кай во тути куч, и во тэ патял андэ када. Со май пашэ о концо ла люмати, савяса правий о Найвужо, со май ԥарэс авэла андэ люма и авэла ԥарэс тэ жувас (2 Тимофею 3:13). Амэнди кадяжэ трэбуй авэла, кай амэн тэ подритярэн ԥрала и ԥэя, важ кода кай амэ найсовершэни и часто шылисавас. Ек васо о апостоло Павло на парашэля тэ кандэл лэ Дэвлэс, када, кай паша лэстэ сас христиански друӷоря. Кадя амэ поможысараса амарэ ԥралэнди и лэ ԥэянди, кай вонэ тэ на парашэн тэ служын лэ Иеговасти (1 Фессалоникийцам 3:2, 3). w20.01 12, 13, абз. 17—19

И памазаникоря на гиндон, кай лэн трэбуй май фартэ тэ шон сама, чем аврэн (Филиппийцам 2:2, 3). И памазаникоря ӷанэн, кала о Иегова дэл о свынто духо лэнди, во на ԥэнэн пала када аврэнди. Важ када и памазаникоря на удивинпэ, кай дэсавэ христианоря на патян, кай вонэ лэна тэ жувэн по нэбо. Вонэ сэрэн о совето анда Библия, саво важ и христианоря, кай тэ на грабин тэ патян, кала варико ԥэнэн, кай о Дэл лэн витидя важ особо дила. Кай тэ на шон фартэ бут сама пэр пэстэ, и помазани христианоря на лэна тэ росԥэнэн, сар кати варикас диқэн пэрво разо, кай вонэ аштярэна лашимос тэ жувэн по нэбо. И канешно, вонэ на лэна тэ абурон, кай лэн витидя о Дэл (1 Коринфянам 4:7, 8). И памазаникоря на родэн аврэн памазаниконэн, кай тэ подэн дума лэнца пала лашимос, саво авэла лэндэ по нэбо. Вонэ на стидэнпэ кацавэ манушэнца, сар вонэ, кай еқэҭанэ тэ уӷанэн май драго и Библия (Галатам 1:15—17). Кадэлэса вонэ роздилисардоп и собрания и жылоп против о свынто духо, савэстар мирно и ладно андэ лэ Дэвлэско народо (Римлянам 16:17, 18). w20.01 28, абз. 6, 7

Андо ек маменто и мануша лэна тэ холявэн, важ кода кай диқэна, кай лэ Иеговастирэ свидетеля на парашэн тэ служын лэ Дэвлэсти, ай лэндирэ веры будэр нинай. Кати прецставьте, сар вонэ лэна тэ холявэн и лэна када тэ ԥэнэн андо интэрнэто и па телевизоро. О народо и лэнго правителё о Сатана, вэрыцына амэн пала кода, кай амэ, лэ Иеговастирэ свидетеля, на парашас тэ служысарас лэ Дэвлэсти. Вонэ полэна, кай на домарделэ кода, со камлэ, када кай пэ ԥув тэ на авэл ни ек вера. Важ када вонэ всаворэ шона и сама ек пар мэндэ. Тоди, андэ кодэя время, и народоря ашэна Гого анда Магого. Вонэ стидэнапэ, кай анда вся холи и анда вся зор тэ дэн по Иеговаско народо (Иезекииль 38:2, 14—16). Канешно, сар кати ласа пала када тэ гиндосарас, амэ ласа пэрэжывать, важ кода кай на ӷанас, сар вся када авэла. Но амэ ӷанас ек, кай на трэбуй тэ дарас ла само баря бидатар. О Иегова ԥэнэна амэнди, со тэ терас, кай тэ спасысавас (Псалом 34:19). w19.10 16, 17, абз. 10, 11

Амэ найпросто блаӷодарни андо ди, но и сыкавас, када алавэнца и пэ дила. Кадэлэса амэ на шаспэ пэ мануша, савэ жувэн адес. Амэ жувас машкар о миро, саво на цэний вся кода, со терэл важ лэндэ о Дэл. Ек анда кода, со авэла андэ послидни деса, када, кай авэна найблаӷодарни (2 Тимофею 3:1, 2). Тэ на авас амэ кацавэ никала! О Иегова камэл, кай всаворэ лэстирэ бэяцэ тэ ладин ек еқэса. Любовь, сави исин машкар амэндэ, сыкавэл, кай амэ чачунэ христианоря (Иоанна 13:35). Амэндэ по ди кацаво жэ, со сас кай о псалмопевцо, саво пистросардя: «Саво лашимос и сар дэ драго по ди кодэлэстар, кала и ԥрала жувэн еқэҭанэ и драго полэн ек еқэс!» (Псалом 133:1). Амэ сыкавас лэ Иеговасти, кай любисарас лэс, если амэ любисарас лэ ԥралэн и лэ ԥэян (1 Иоанна 4:20). Сар жэ амэ лошалэ тэ авас андэ кацаво ери, андэ саво всаворэ ԥрала и ԥэя «терэн ек аврэсти лашимос, полэн и жалуин»! (Эфесянам 4:32). w20.02 9, абз. 6, 7

О ԥаримос кай и Анна сразу на ужыля. Вой кадяжэ жувэлас андо ек цэр ла Феннанаса. И андэ Библия най пистромэ, кай и Феннана ля пэс тэ андярэл па аврятэ ла Аннаса. Файма, и Анна всаек кадяжэ и тэрпияс ла Феннанатар алава, савэнца вой пусавэлас ла. Но акана и Анна пэ када на шолас сама. Вой отдя вся андэ лэ Иеговастирэ вас и нэ пэрэжывала кадя, сар варикала. И Анна домэкля, кай о Иегова лати тэ дэл зор и тэ подритярэл. Ай кала прожыля время, о Иегова ашундя латири молитва и латэ арақаделяпэ бэято! (1 Самуила 1:2, 6, 7, 17—20). Амэндэ можэт тэ авэл спокойно по ди, дажэ, если амаро ԥаримос на ужал. Хоть амэ мангаспэ анда оди и ԥирас пэ собрании, дэсаво ԥаримос кадя и ашэлпэ. Но кода, со сас ла Аннаса, сытярэл амэн, кай дажэ андэ кацави время о Иегова амэнди дэл зор и кай тэ авэл драго по ди. О Иегова амэн никала на бистрэла и всаек блаӷословия амэн, важ кода кай на парашас лэс тэ кандас (Евреям 11:6). w20.02 22, абз. 9, 10

И старейшыноря ворта сыкавэн и принцыпоря анда Библия, савэ поможына тэ андярэн пэс годявэрнэс. Васо и старейшыноря трэбуй тэ ԥэнэн аврэнди, кай вонэ варисо терэн найдраго? Роздиқам лэ Илияско примеро. Кай о само баро рашай кай о И́лиё сас дуй шавэ. Во лэн фартэ любияс, ай вонэ на стонас нисави патив по Дэл. Лэнди випэля бари бах тэ служын, сар рашая андэ свынто бари катуна. Но вонэ на цэнинас када и най пативалэс андярэнас пэс, кала варико анэнас и жэртвы и «совэнас лэ жувлянца, савэ служынас паша свынто бари катуна» (1 Самуила 2:12—17, 22). Па лэ Моисеёско Законо лэ Илиёстирэ шавэн трэбуй сас тэ умарэн. Но И́лиё на шолас сама пэ лэндирэ ӷрехоря и кати ковлэс сытярэлас лэн, и домэкэлас, кай вонэ тэ служын андэ свынто бари катуна (Второзаконие 21:18—21). Сар пэ када диқля о Иегова? Во ԥэндя лэ Илиёсти: «Васо тути май куч тирэ шавэ, чем мэ?» О Иегова ԥэндя, кай умарэла кодэлэ дуен найлашэ шавэн (1 Самуила 2:29, 34). w20.03 19, абз. 4, 5