Марто

Канешно, амэ на камас, кай о миро амэн тэ вэрыцый и кадэлэстар амэнди фартэ ԥарэс. Но васо амэ всаек бахталэ? Важ кода кай лэ Иеговасти чалёл, кала амэ на парашас тэ служысарас лэсти, дажэ кала исин ԥаримос (1 Пет. 4:13, 14). Кадя амэ сыкавас пэ скати дэ фартэ патяс лэсти (1 Пет. 1:7). И кала амэ вся када виритяраса, тоди о Иегова амэн блаӷословия и дэла вечно жызня (Рим. 2:6, 7). Посли кода, сар о Иисусо рисайля по нэбо, лэстирэ апостолоря полинэ, пэ скати дэ чачунэ сас лэстирэ алава. Хоть лэн мардэ, ԥэндэ тэ на росԥэнэн пала Дэл, вонэ всаек сас лошалэ. Васо? Важ кода кай лэн мардэ важ лэ Иисусоско алав (Деян. 5:40—42). Лэндири любовь каринг о Иисусо сас май бари, чем и дар англа мануша. И када вонэ сыкадэ пэ дила. Вонэ на парашэлэ тэ сытярэн и тэ росԥэнэн пала Дэл. Адес бут ԥрала и ԥэя тожэ на парашэн тэ служын лэ Иеговасти, хоть лэндэ и бут ԥаримос андэ жызня. Вонэ ӷанэн, кай о Дэл на забистрэла лэндири любовь и со вонэ терэн важ лэстэ. w21.03 25, абз. 18, 19

И помазани христианоря на арақадёнпэ кодэлэса, кай камэн тэ жувэн по нэбо. Кадэя надежда дэл лэнди о Иегова. Вонэ гиндон пала латэ, мангэнпэ и фартэ аштярэн кодэя время, кала авэна тэ жувэн по нэбо. Вонэ на ӷанэн, сави лэндэ тила авэла по нэбо (Флп. 3:20, 21; 1 Иоан. 3:2). Но вонэ всаек фартэ аштярэн кодэя время, кала залэна пэско ҭан андэ лэ Дэвлэско Царство. Кай и авэр бакрорэ исин надежда тэ жувэн вечно андо раё пэ ԥув. Вонэ фартэ аштярэн кодэя время, кала лэна тэ поможын, кай вся и ԥув тэ ашэл раё. Лэндэ авэла пэско цэр и садо. Вонэ и лэндирэ бэяцэ будэр никала на авэна тэ насвавэн (Ис. 65:21—23). Инке вонэ смоӷут тэ диқэн, савэ исин шукарнэ плая, вэша и моря, и тэ розуӷанэн пала вся, со стердя о Иегова. Но со май важно, вонэ фартэ лошалэ кодэлэсти, кай лэндири дружба лэ Иеговаса дес десэстар авэла май састи. w21.01 18, 19, абз. 17, 18

Посли кода, сар и вавилоняноря розмардэ о Иерусалимо, кодэва, ко диқэлас ригатар пэ када вся, моӷ тэ ԥэнэн пала кадэя ԥув кати ек: «Кадэя ԥув ашэля шущи, пэр латэ нинай ни лэ манушэн, ни лэ жывотнонэн. Ла отдинэ лэ халдеёнэнди» (Иер. 32:43) Варикай через 200 бэрш посли кода, сар о Иоилё пистросардя пэско пророчество, о Иегова через о Иеремия ԥэрнадя инке варисо пала кода, кала дэна войнаса. Во ԥэндя, кай кодэла, ко лэна тэ захутилэн, лэна тэ родэн лэ израильтянонэн, савэ терэнас о найлашимос, и стерэна лэн рабонэнца. Андэ Иеремия 16:16, 18 пистромэ: «О Иегова ԥэнэн: „Мэ бишалдэм пала рыбакоря, савэн фартэ бут, вонэ лэна тэ астарэн лэн. Ай тоди мэ бишалава пала фартэ бут охотникоря, и вонэ лэна тэ охотяца пала лэндэ пэ всаворэ барэ и цынёне плая и андэ всаворэ ямы андэ плая. ...Мэ рисарава лэнди пала вся лэнго бэзэх и пала лэндирэ ӷрехоря“». И израильтяноря, савэ на каинпэ, нэ смоӷут тэ гарадён лэ вавилонсконэ воинонэндар ни андэ ӷлыбоки океаноря ни андэ ӷусти вэша. w20.04 5, абз. 12, 13

Андо важно маменто андэ пэстири жызня лэ Лотости трэбуй сас йто тэ терэл кода, со ԥэндя о Иегова. Можно тэ погиндосарас, кай о Лото сас лениво и дажэ на кандэлас лэ Дэвлэс. Но о Иегова всаек на одбанделя лэ Лотостар. «Лэ Иеговасти во ашэля жалко», важ када и анӷелоря линэ лэ вастэндар лэ Лотос и лэстирэ ерес и виандярдэ лэн анда форо (Быт. 19:15, 16). Кай о Иегова сас най ек причина, васо во поля, со по ди кай о Лото. Можэт, о Лото на грабияс тэ ужал цэрал, важ кода кай даралас лэ манушэндар, савэ жувэнас пала форо. Сас инке варисо, состар во моӷ тэ дарал. Можэт во ӷанэнас, кай андэ мал найдур лэ форостар, дуй царёря пэлинэ андэ ямы, андэ савэ сас асфальто (Быт. 14:8—12). Сар о дад и о хулай, о Лото пэрэжывал пала пэско ери. Ай инке о Лото сас барвало мануш, важ када андо Содомо, файма, лэстэ сас лашо цэр (Быт. 13:5, 6). Канешно, када вся на сыкавэл, кай о Лото на сас дошало, кай йто на кангля лэ Иеговас. Но о Иегова ԥэндя пэр лэстэ, кай во праведно мануш, хоть о Лото и домэкля ошыбка (2 Пет. 2:7, 8). w20.04 18, абз. 13, 14

Молодёжь, трэбуй авэла время, кай и взросли мануша тэ полэн, кай тумэ ужэ най бэяцэ и кай пэр тумэндэ можно тэ надеинпэ. Сэрэн, кай о Иегова диқэл най пэ кода, савэ тумэ пэса, ай пэ кода, сар тумэ пэс андярэн и со тумэ можэте тэ стерэн (1 Сам. 16:7). Терэн вся, кай тумари дружба лэ Дэвлэса тэ авэл май лащи. Тумэнди андэ када поможыя, если тумэ, сар и о Давид, лэна тэ гиндон пала кода, со создал о Иегова (Пс. 8:3, 4; 139:14; Рим. 1:20). О Давид через и тварения бут со уӷангля пала Дэл. Мангэн, кай о Иегова тэ дэл тумэнди зор, саво трэбуй, кай тэ виритярэн о ԥаримос. Например, тумэндар моӷут тэ асанпэ андэ школа, важ кода кай тумэ лэ Иеговастирэ свидетеля. Тоди мангэнпэ, кай о Иегова тэ поможый тумэнди. Прилэн и советоря анда Библия, адинон амари литература, кода со исин пэ амаро сайто, диқэн разно видео по сайто. И кажно разо кала тумэ диқэна, сар о Иегова поможый тумэнди тэ пэрэандярэн о ԥаримос, тумэ май фартэ лэна тэ патян лэсти. Если тумэ патян лэ Иеговасти, тоди пэ када шона сама авэр и полэна, кай пэр тумэндэ можно тэ надеинпэ. w21.03 4, абз. 7

Лашэ друӷонэнди чалёл тэ росԥэнэн ек еқэсти, пала со гиндон и со лэндэ по ди. Ай сар амэ можэм тэ дас дума лэ Иеговаса? Во дэл дума амэнца через и Библия. Котар амэ уӷанас пала лэстирэ гиндоря и со лэстэ по ди. Ай амэ дас дума лэ Дэвлэса, кала мангаспэ и росԥэнас лэсти кода, со никасти на росԥэндоп и кода, пала со гиндосарас. И во най просто ашунэл и молитва, ай инке и дэл атвето. Дэкала о Иегова сразу дэл атвето. Но дэкала амэнди прижалпэ тэ мангаспэ най еқвар. И всаек амэ можэм тэ патяс, кай кала поджала и время, о Дэл дэла атвето пэ амари молитва, сар май драго. Канешно, лэско атвето можэт тэ авэл най кацаво, сар амэ аштярасас. Можэт во на улэла о ԥаримос, ай дэла амэнди зор и мудрость, кай амэ када тэ пэрэандярас (1 Кор. 10:13). Сар тэ сыкавас лэ Иеговасти блаӷодарность важ и молитва, важ кадэва кучутно даро? Амэ можэм тэ приашундювас каринг кода, со пистромэ андэ Библия и тэ на парашас тэ мангаспэ (1 Фес. 5:17). w20.05 27, 28, абз. 7, 8

Кодэла, ко прастэн лунго дром, диқэн англа пэстэ, кай тэ на спотыкнинпэ. Дажэ если вонэ пэлинэ, вонэ ущен, кай тэ допрастэн о дром. Вонэ гиндон най пала кода, васо пэлинэ, ай пала кода, сар тэ допрастэн о дром и кай тэ лэн и наӷрада. Па амаро дром, саво амэ нашас, амэ можэм тэ пэрас бут разоря, тэ шылисавас андэ алава и андэ дила. Чи кодэла, ко нашэн амэнца еқэҭанэ, моӷут тэ шылинпэ и тэ стерэн амэнди дуқанэс. Амэ на удивисавас кадэлэсти. Амэ всаворэ найсовершэни и всаворэ прастас па ек «тисно дром», саво андярэл каринг и жызня. Важ када всаек дэкала амэ ласа ек еқэс тэ толкысарас и дэкала амэндэ авэла, васо тэ холявас ек пэ еқэстэ, на трэбуй тэ дас наздив, если кацаво авэла (Кол. 3:13). Чем тэ шас сама пэ кода, со амэн змардя, фэдэр тэ погиндосарас пала лашимос, саво амэн аштярэл, и на парашам тэ прастас. Если амэ холяваса и отԥэндюваса тэ служысарас лэ Иеговасти, амэ на допрастаса о дром и на ласа и наӷрада. Ай инке, если кадя тераса, амэ можэм тэ змарас аврэн ԥралэн и ԥэян, савэ старыинпэ тэ нашэн па «тисно дром», саво андярэл каринг и жызня. w20.04 26, абз. 1; 27, 28, абз. 8, 9

О пророко Даниило пистрой пала фартэ бари статуя, савятэ штар части, и вонэ стердэ анда разно металло. Кадэла части сыкавэн особи правительства, савэ парувэн ек еқэс, и пэ лэндири ԥув жувэн бут лэ Дэвлэстирэ служытеля. Кадэла правительства правинас андэ разно время. Пала послиднё мирово правительство пистромэ, кай во, сар и талпы и и ная анда састри и ӷлина. Када Англо-Американско мирово правительство и во авэла послиднё. Када сыкавэл, кай кадэва правительство всаек инке правия, кала лэ Дэвлэско Царство розмарэла всаворэ лэ манушэндирэ правительства. О апостоло Иоанно кадяжэ пистрой пала мирови правительства, кай жувэл лэ Иеговаско народо. О Иоанно ԥэнэн, кай кадэла правительства, сар зверё, савэстэ семь шэрэ. Седьмо лэ зверёско шэро, када Англо-Американско мирово правительство. Када амэ трэбуй тэ ӷанас. Важ кода кай андо пророчество на ԥэнэнпэ, кай лэ зверёстэ авэна инке авэр шэрэ. О седьмо лэ зверёско шэро инке правия андэ кодэя время, кала о Христос и лэско небесно войско, лэла тэ умарэл кадэлэ зверёс (Отк. 13:1, 2; 17:13, 14). w20.05 14, абз. 11, 12

Кадэла алава драго сыкавэн, кай о Дэл када кодэва, кастар жал най кати и жызня, но и любовь. О Иегова амэн любий! Через лэстири любовь амэ лошалэ и бахталэ, ай кадяжэ амэндэ драго по ди. Трэбуй кай о христианино тэ авэл любовь? Канешно! О христианино на витидэл можэт во тэ любий чи най. Кадя камэл о Дэл. И пала када пистромэ андэ дуй со май важни законоря (Матф. 22:37—40). Амэнди найԥарэс тэ ритярас о пэрво законо, андэ саво ԥэнэнпэ: «Любисар лэ Дэвлэс». Важ кода кай о Иегова совершэно, во любий амэн и добро каринг амэндэ. Ай тэ ритярас о дуйто законо най кадя вушэро. Васо? Важ кода кай амэнди шолпэ андэ яқа кода, со най кадя терэн амарэ ԥрала и ԥэя. Дэкала вонэ моӷут тэ на шон сама, чи тэ холярэн амэн алавэнца чи диласа. О Иегова ӷанэнас, кай через када авэла ԥарэс и ԥэндя дэсавэ пэстирэ служытелёнэнди тэ запистрон андэ Библия, васо трэбуй тэ любисарас ек еқэс и сар када тэ терас. Ек анда кацавэ служытеля сас о апостоло Иоанно (1 Иоан. 3:11, 12). w21.01 8, абз. 1, 2

Залям амэ тэ служысарас лэ Иеговасти дэлмут чи найдэлмут, амэнди трэбуй тэ пушас корко пэстар: «Терав мэ вся, кай тэ на парашав тэ авав всаворэ одеса лэ Иеговаса, хоть о Сатана бут со терэл, кай кадя тэ на авэл?» Со тумэ терэн, кала дэзначай андо интэрнэто чи по телевизоро попэрдёлпэ пэ яқа кода, состар лэнпэ билажавардэ гиндоря? О мануш можэт тэ ԥэнэн пэсти, кай кода, со во диқэл, найворта билажавардимос. Ай со если о Сатана через када камэл, кай о мануш тэ парашэл тэ кандэл лэ Дэвлэс всаворэ одеса? Кала о товэр замарэн андо каш, кай во тэ росԥадёл, када можно тэ сыстосарас кодэлэса, кала о мануш диқэл кода, пэр со на ԥэнэса, кай када ворта билажавардимос. Кала лэ товэрэса дэсдап пэрво разо, о каш на росԥадёл. Но кала дэсдап до дуйто, до трито разо, о каш роспэрэлпэ. Кадяжэ, и кала о мануш диқэл кацавэ картинки. Лэсти можэт тэ здэлпэ, кай андэ када нинай нисо вэрыто. Но через када во всаек ӥто можэт тэ стерэл бэзэх. Тоди лэско ди парашэла тэ авэл лэ Иеговаса и во ашавэла лэс. Важ када на домэкэн, кай андэ тумаро ди тэ попэрэл варисаво билажавардимос! Мэк тумаро ди всегда авэла лэ Иеговаса, кай тэ на парашэн тэ даран лэстар и тэ стон патив пэр лэстэ! w20.06 12, абз. 14, 15

Амэ трэбуй тэ подритярас кодэлэ ԥралэн и ԥэян, кас амэ виарақлям и, ко парашэля тэ служый лэ Дэвлэсти. Кай о шаво анда лэ Иисусостири притча, саво рисайля цэрэ, долӷо дуқалас оди. Кацаво жэ можэт тэ авэл и лэндэ (Луки 15:17—24). И важ кода кай вонэ сас андэ лэ Сатанастири люма, лэндири дружба лэ Иеговаса ашэля най кацави, сар сас. Амэнди трэбуй тэ поможысарас лэнди, кай вонэ май фартэ тэ патян лэ Иеговасти. Андэ притча пала бакроро, саво хасарделя, о Иисусо росԥэнэн, сар о пастухо лэл лэс и пэ пэстирэ пиқэ андярэл палпалэ андо стадо. О пастухо ужэ стодя бут зор и время, кай тэ виарақэл лэс. Но во полэл, кай лэ бакрорэс трэбуй тэ доандярэл палпалэ андо заӷоно, важ кода кай лэстэ екжэнэстэ пэ када нинай зор (Луки 15:4, 5). Амэнди трэбуй бут время и зор, кай тэ поможысарас лэ ԥралэнди и лэ ԥэянди, савэ ашэлэ неактивни, тэ улэн кода, со на дэл лэнди тэ служын лэ Иеговасти. Но через и Библия, через о свынто духо и через и библейско литература амэндэ вижала тэ поможысарас кодэлэнди, ко отжыля ла собраниятар, кай лэндэ упалэ тэ авэл лащи дружба лэ Иеговаса. Ай со если и старейшыноря мангэна тут тэ сытярэс лэ манушэс, саво парашэля тэ служый лэ Иеговасти? Ту трэбуй тэ авэс радо кадэлэсти. w20.06 28, 29, абз. 14, 15

Всаворэндэ амэндэ трэбуй тэ авэл любовь, па сави ӷатярэн лэ чачунэ христианонэн. Но кадяжэ амэнди трэбуй май драго тэ уӷанас и май драго тэ полас кода, андэр со патяс (Флп. 1:9). Если амэ када на тераса, тоди амэ ласа тэ патяс лэ манушэнди, савэ хохавэн, и лэ отступниконэнди. Тоди амэн, сар балваляса лэла тэ шувидэл андэ рига (Эф. 4:14). Андо пэрво вико бут ученикоря ашадэ лэ Иисусос. Ай о апостоло Пётро анда оди ԥэндя лэ Иисусости: «Тутэ и алава пала вечно жызня» (Иоан. 6:67, 68). Хоть о Пётро най вся полэлас, сости сытярэлас о Иисусо, всаек во на парашэлас тэ кандэл пэстирэ Учителёс, важ кода кай поля, кай о Иисусо, када и исин о Христос. Тумэ кадяжэ можэте инке май фартэ тэ патян андэ кода, сости сытярэл и Библия. Тоди со бы тэ на авэл, тумэ на парашэна тэ патян лэ Дэвлэсти и поможына аврэнди май фартэ тэ патян лэсти (2 Иоан. 1, 2). w20.07 8, абз. 2; 13, абз. 18

Кай тэ поможысарас лэ ԥралэнди и лэ ԥэянди тэ ашэнпэ лэ Иеговаса, амэнди трэбуй тэ полас и тэ жалуисарас лэн (1 Иоан. 3:10, 11, 16—18). Тэ любисарас ек еқэс трэбуй най кати, кала вся драго, но и кала терэлпэ бида. Если варико андэ собрания хасардя чаче манушэс, можэте тумэ тэ подритярэн лэс чи варисар тэ поможын лэсти? Ай можэт тумэ уӷанглэ, кай амарэ ԥрала и ԥэя мучинпэ через и бида андэ природа. Можэте тумэ тэ поможын лэнди тэ виваздэн палпалэ и цэра и Залоря Царства? Пэстири любовь и кай полас и жалуисарас лэн, амэ сыкавас най кати лэ алавэнца, но со май важно, амари любовь дицол пэ дила. Если амэ любисарас амарэ ԥралэн и ԥэян, тоди амэ шаспэ пэ амаро небесно Дад (1 Иоан. 4:7, 8). Ай кай тэ любисарас, трэбуй тэ простисарас ек еқэс. Если амэн варико холярдя, амэнди трэбуй тэ простисарас кадэлэ манушэс и будэр тэ на сэрас пала када. Кадя амэ сыкаваса, кай любисарас лэс (Кол. 3:13). w20.07 24, 25, абз. 14, 15

Ласа амэ тэ сытярас па Библия кодэлэн, ко рисайля каринг и жызня по ек мануш, сар адес сытярас, чи сразу бутэн? Ԥэнэна лэнди, кай вонэ трэбуй тэ ԥирэн андэ собрания? Лэна вонэ тэ сытён тэ сытярэн аврэн, ко рияпэ каринг и жызня посли лэндэ? Кала пожуваса, тоди диқаса. Но амэ ӷанас, тоди, кала парашэла тэ правий о Иисусо тысяча бэрш, «пала Иегова уӷанэна па вся и ԥув» (Ис. 11:9). Амэ тераса фартэ бут интересно бути андэ кадэя тысяча бэрш! Кала о Иисусо правия тысяча бэрш, всаворэ лэ Иеговастирэ служытеля, савэ жувэна пэ ԥув, на парашэна тэ стон зор, кай тэ парудёнпэ. Вонэ када терэна, важ кода кай тэ радуин лэ небеснонэ Дадэс. Амэнди авэла трэбуй тэ подритярас кодэлэн, ко ринапэ каринг и жызня, кала вонэ лэна тэ парудён и кала лэна тэ улэн найлашэ гиндоря. И кадяжэ ласа тэ поможысарас лэнди, кай вонэ тэ жувэн па лэ Иеговастирэ законоря (1 Пет. 3:8). Вонэ додиқэна, кай лэ Иеговастирэ служытеля на гиндон пала пэстэ бут, на парашэн тэ парудёнпэ и «домардён, кай тэ спасынпэ». Важ када вонэ закамэна еқэҭанэ амэнца тэ тэлён лэ Дэвлэсти (Флп. 2:12). w20.08 16, абз. 6, 7

Если амэ терас кадя, сар ԥэндя о Павло, и на сыстосарас пэс аврэнца, тоди амэ сможэм тэ полас, кай амэндэ исин кода, со амэндэ драго вижал тэ терас. Например, кала ек старейшына сытярэл па сцэна, лэстирэ алава можэт най кадя тэ лэн лэ одестар. Но лэстэ драго вижал тэ сытярэл аврэн манушэн па Библия. Ай можэт лэстэ най кацаво порядко андэ дила, сар кай и авэр старейшыноря. Но всаворэ ӷанэн, кай во старейшына, саво полэл аврэн и каринг лэстэ вушэро тэ пашос, кай тэ дэл библейско совето. Чи можэт во радо тэ прилэл пэстэ цэрэ лэ мирос (Евр. 13:2, 16). Если амэ полас, кай амэндэ исин кода, со амэндэ драго вижал тэ терас, тоди амэнди авэла май вушэро тэ додиқас, кай и амэ можэм тэ терас бут лашимос андэ собрания. Тоди амэндэ на авэла зависть каринг амарэ ԥрала и ԥэя, кастэ май драго вижал варисо тэ терэн. Кажнонэсти трэбуй тэ сытёл май драго тэ служый и тэ сытярэл аврэн па Библия. w20.08 23, абз. 16—18

Андо 1935 бэрш по канӷрэсо андо Вашингтоно сас речь, сави ԥэндя о ԥрал Рутерфордо. Вой называлась «Фартэ бут мануша». Андэ пэстири речь о ԥрал Рутерфордо росԥэндя, ко авэна кодэла «фартэ бут мануша», пала савэ ԥэнэнпэ андэ Откровение 7:9. Жы кай кодэва канӷрэсо гиндонас, кай кадэла мануша жана по нэбо, хоть вонэ най кацавэ дэ преданни, сар и 144 000. Но о ԥрал Рутерфордо драго сыкадя па Библия, кай и фартэ бут мануша, када лэ Христостирэ «авэр бакрорэ», савэ пэрэжувэна и «само бари бида» и жувэна вечно андо раё пэ ԥув (Отк. 7:14). О Иисусо ԥэндя: «Мандэ исин и авэр бакрорэ, най анда кадэва заӷоно. Лэн мэ тожэ трэбуй тэ анав. Вонэ ашунэна мэрно ӷолосо, и авэла ек стадо и ек пастухо» (Иоан. 10:16). И мануша, савэн о Иисусо сыстосардя лэ бакрорэнца, када лэ Иеговастирэ свидетеля, савэндэ исин надежда тэ жувэн вечно андо раё пэ ԥув (Матф. 25:31—33, 46). w21.01 14, 15, абз. 1, 2

Если тумэ камэн тэ виритярэн до конца и тэ дотерэн и дила, сави тумэнди динэ, тумэнди кадяжэ трэбуй тэ стон зор важ када (Матф. 28:19, 20). Лэ манушэнди чалёл тэ терэн кода, со май вушэро. Дэкала исин дила, сави фартэ важно, но ла ԥарэс тэ стерэн. Тоди всаек трэбуй тэ стон зор, кай тэ стерэн кода, со трэбуй, хоть и на камэлпэ. И о Иегова поможыя андэ када через пэско свынто духо (Гал. 5:22, 23). О апостоло Павло столас зор, кай тэ терэл и дила, сави лэсти трэбуй. Во прижанэлас, кай лэсти, ԥэнэса, прижаласпэ тэ марэл екжэно пэс, кай тэ терэл правильно (1 Кор. 9:25—27). Во ԥэнэнас аврэ христианонэнди, кай вонэ кадяжэ тэ стон зор, кай тэ терэн и дила, сави трэбуй, и тэ авэл када сэжо и па порядко (1 Кор. 14:40). Амэнди кадяжэ трэбуй тэ стас зор, кай тэ на парашас тэ служысарас лэ Иеговасти, тэ росԥэнас пала лэстэ и тэ сытярас аврэн манушэн па Библия (Деян. 2:46). w20.09 6, абз. 15—17

Андэ бут страны амарэ ԥралэнди и ԥэянди на заԥэнэн тэ росԥэнэн пала Дэл, и вонэ бут со терэн андэ служэния лэ Иеговасти. Если тумэ жувэн андэ кацави страна, тоди пушэн пэстар, вижал тумэндэ тэ служын май бут лэ Иеговасти, пока спокойно время? Амэ жувас андэ послидни деса. И андэ кадэя время амэ терас фартэ важно дила. Амэ росԥэнас лэ манушэнди пала Дэл и сытярас лэн па Библия, кай вонэ тэ авэн ученикоря. Адес када само бари дила. Со трэбуй тэ терас, пока амэ можэм спокойно тэ служысарас лэ Дэвлэсти? (2 Тим. 4:2). Амэ трэбуй тэ гиндосарас, со тэ парувас андэ пэстири жызня, кай май бут тэ служысарас лэ Иеговасти. Или дажэ тэ служысарас, сар пианероря. Щяс най вой и время, кай тэ затерас май бут ловэ и мищимос, важ кода кай о барвалимос на спасыя амэн, кала авэла и само бари бида (Прит. 11:4; Матф. 6:31—33; 1 Иоан. 2:15—17). Бут ԥрала и ԥэя висытелэ тэ дэн дума пэ авэр шыб, кай тэ поможын аврэнди тэ уӷанэн пала Иегова. И андэ када лэнди поможый лэ Дэвлэстири арӷанизацыя. Вой вимэкэл и библейско литература май бут чем пэ 1 000 шыба! w20.09 16, абз. 9—11

О лашо воино анда вся зор марэлпэ, кай тэ фэрий кодэлэс, кас любий или кода, со лэсти куч. Важ када о Павло ԥэндя лэ Тимофеёсти, кай во трэбуй тэ стол зор, кай инке май фартэ тэ любий лэ Дэвлэс (1 Тим. 4:7). Со май фартэ ласа тэ любисарас лэ Дэвлэс и кандаса лэс, со май фартэ амэ камаса тэ фэрисарас кода, со амэнди динэ (1 Тим. 4:8—10; 6:6). О лашо воино кадяжэ трэбуй тэ пристол бут зор, кай тэ авэл ӷотово тэ жал тэ марэлпэ. Кадя жэ и о Тимофеё пристолас бут зор, хоть када сас и найвушэро, кай тэ фэрий и дружба лэ Иеговаса. Инке о Павло ԥэндя лэсти, тэ на камэл, со на чалёл лэ Дэвлэсти и тэ андярэл пэс кадя, сар камэл о Дэл, и тэ дружый лэ ԥралэнца и лэ ԥэянца анда собрания (2 Тим. 2:22). И амэнди трэбуй тэ улас пэстар о найлашимос, дажэ кала када найвушэро тэ стерас (Рим. 7:21—25). И инке амэнди трэбуй тэ парудювас (Эф. 4:22, 24). Дэкала посли бути амэ фартэ цыенэ и нинай зор тэ тидаспэ, кай тэ жас пэ собрания. И андэ када амэ тожэ трэбуй тэ пристас зор (Евр. 10:24, 25). w20.09 28, абз. 9—11

Кала ту поможыс лэ манушэсти, трэбуй тэ на грабис лэс, кай во тэ болдёл. Но ту трэбуй тэ полас, чаче во камэл тэ служый лэ Иеговасти? Стол во зор, кай тэ терэл кадя, сар сытярэлас о Иисусо? Чи лэсти просто чалёл тэ уӷанэн варисо нэво анда Библия? Кала о мануш сытёл па Библия ту трэбуй тэ полэс акэ со. Дэл дума во пала кода, кай о Иегова лэсти куч? Мангэлпэ во лэсти? (Пс. 116:1, 2). Чалёл лэсти тэ адиной и Библия? (Пс. 119:97). На промэкэл во и собрания? (Пс. 22:22). Парудя во ужэ варисо андэ пэстири жызня? Росԥэнэн во ужэ лэ родости чи лэ друӷонэнди пала кода, со уӷанэн анда Библия? (Пс. 9:1). И со май ӷлавно, камэл во тэ ашэл лэ Иеговаско служытелё? (Пс. 40:8). Ай если ту полэс, кай лэ манушэстэ нинай дружба лэ Иеговаса, тоди ковлэс пуш, васо кадя. Потом ворта, но ковлэс подэ дума лэса пала када. w20.10 18, 19, абз. 14, 15

Лэ Иисусости андя кати лашимос кода, со важ лэстэ витидэнас о Иегова, о Иосифо и Мария. Но кала о Иисусо вибареля, лэсти трэбуй сас екжэнэсти тэ витидэл, сар тэ жувэл (Гал. 6:5). О Иисусо моӷ тэ жувэл важ пэстэ, но во на ля кадя тэ терэл. Во витидя тэ жувэл важ о Иегова, важ кода кай и дружба лэ Дадэса важ лэстэ сас со май важно (Иоан. 8:29). Кала о Иисусо поля, сави дила дя лэсти о Иегова, во сразу заля ла тэ терэл (Иоан. 6:38). Хоть во и полэлас, кай лэс авэна тэ вэрыцын и лэсти кадэлэстар авэла ԥарэс по ди, во всаек вся и время кандэлас пэстирэ небеснонэ Дадэс. Кала о Иисусо болделя андо 29 бэрш, во ля тэ терэл и дила, сави дя лэсти о Иегова, и када сас важ лэстэ со май ӷлавно (Евр. 10:5—7). И дажэ кала во мэрэлас по столбо, во ӷанэнас, кай со май важно, када тэ стерэл, со камэл о Иегова (Иоан. 19:30). w20.10 29, абз. 12; 30, абз. 15

Ӷанэн тумэ варикас, кастэ андэ собрания найлашо зор, или исин авэр ԥаримос, чи варико хасардя чаче манушэс? Ай можэт тумэ уӷанглэ, кай варикасти трэбуй помощь. Тоди мангэн лэ Иеговас тэ поможый тумэнди тэ ԥэнэн или тэ стерэн кадэлэ манушэсти лашимос. Тумарэ алава и дила моӷут тэ поможын лэ ԥралэсти или ла ԥьяти (1 Пет. 4:10). Всаворэнди амэнди на трэбуй тэ дарас лэ ԥаримастар, важ кода кай амэнца о Иегова. Во поможый амэнди через о Иисусо и анӷелоря. Инке о Иегова, кала трэбуй, можэт тэ поможый через и мануша, савэндэ исин власть. Ай кадяжэ о Иегова поможый через пэско свынто духо, кай авэр ԥрала и ԥэя тэ поможын амэнди. Важ када амэ, сар и о апостоло Павло, можэм па чачимастэ тэ ԥэнас: «О Иегова мэрно помошнико, на авава тэ дарав. Со стерэла манди о мануш?» (Евр. 13:6). w20.11 17, абз. 19, 20

Кода, кай о Иегова подритярэлас лэ апостолонэн, дицолас андэ кода, кай вонэ моӷли тэ терэн чудеса (Деян. 5:12—16; 6:8). Адес и христианоря на терэн чудеса, но через и Библия, о Иегова дэл алав, кай хоть амэ виритярас о ԥаримос важ и праведность, амэ можэм тэ авас бахталэ, важ кода кай амэ радуисарас лэско ди и во дэл пэско свынто духо (1 Пет. 3:14; 4:14). Важ када на трэбуй пэрэжывать, виритяраса амэ кода, кай лэна преследовать чи най. Фэдэр ужэ акана тэ терас вся, кай тэ патяс, кай о Иегова можэт амэн тэ подритярэл и тэ спасый. Амэ трэбуй тэ патяс лэ Иисусостирэ алавэнди. Во ԥэндя: «Мэ дава тумэнди кацавэ алава и мудрость, через савэ всаворэ тумарэ враӷоря нэ смоӷут ни тэ жан против, ни тэ ԥэнэн варисо против тумэндэ». Инке о Иисусо дэл алав: «Тумэ фэрина пэстири жызня кодэлэса, кай виритярэна о ԥаримос» (Луки 21:12—19). Кадяжэ о Иегова сэрэл вся пала пэстирэ служытеля, савэ на парашэнас лэс тэ кандэн, и рия лэн каринг и жызня. w21.01 4, абз. 12

О апостоло Павло сас най пэрво мануш, саво дэлас дума, кай и мануша, савэ мулинэ, ринапэ каринг и жызня. Пала када дэлас дума и о Иово. Во патялас, кай о Дэл на бистрэла пала лэстэ и рия лэс каринг и жызня (Иов 14:7—10, 12—15). Если амэ патяс, кай и мануша ринапэ каринг и жызня, када ек анда кода ӷлавно андэр со амэ патяс, и када сар фундаменто важ амари вера андо Дэл (Евр. 6:1, 2). О Павло росԥэнэн пала када андэ 15 ӷлава андо Пэрво письмо лэ коринфянонэнди. Лэстирэ алава придинэ зор лэ христианонэнди, када придэла зор и амэнди. Кадяжэ лэстирэ алава поможын инке май фартэ тэ патяс, кай и мануша ринапэ каринг и жызня. И дажэ если амэ аштярас када ужэ на ек бэрш. Через кода, кай о Иисусо муля и рисайля каринг и жызня, амэ патяс, кай и амарэ чаче, савэ мулинэ, упалэ лэна тэ жувэн. Кай о Иисусо рисайля каринг и жызня, када сас ек анда кода, пала со о Павло росԥэнэнас лэ коринфянонэнди (1 Кор. 15:1, 2). Во пистросардя, кай если лэ Дэвлэско служытелё на патял, кай о Иисусо рисайля каринг и жызня, тоди лэстири вера андо Дэл, нисо на ашэл (1 Кор. 15:17). w20.12 2, абз. 2—4

Со поможысардя лэ Петрости, тэ улэл о ԥаримос па ди? Лэсти поможынас лэ Иисусостирэ алава, савэ во на бистрэлас: «Мэ фартэ манглэмпэ пала тутэ и пала кода, кай ту тэ на парашэс тэ патяс». О Иегова ашундя лэстири молитва и подритярдя лэ Петрос. Кала о Иисусо рисайля каринг и жызня, во авеля каринг о апостоло Пётро, кай тэ подритярэл лэс (Луки 22:32; 24:33, 34; 1 Кор. 15:5). Потом во авеля каринг авэр апостолоря, кала вонэ вся и рят нащи астарэнас о мащё и лэнца тоди сас о Пётро. Андэ кадэва маменто о Пётро ԥэндя, пэ скати дэ фартэ во лэс любий. О Иисусо простисардя лэс и дя тэ терэл инке май бут дила андэ служэния (Иоан. 21:15—17). О Иисусо полэлас и жалуияс лэ Петрос анда вся оди, ай амэ ӷанас, кай о Иисусо андэ вся шолпэ по пэско Дад, по Иегова. Вижал, кала амэ терас ошыбка и каисавас о Иегова амэн простия. Амэ на трэбуй тэ гиндосарас, кай о Иегова амэн никала на простия, важ кода кай када о Сатана камэл, кай амэндэ тэ авэн кацавэ гиндоря. Трэбуй тэ диқас пэр пэстэ, ай кадяжэ пэ авэр кадя, сар диқэл о Иегова, када тэ полас и тэ жалуисарас анда вся оди аврэн (Пс. 103:13, 14). w20.12 20, абз. 17—19

Амэ можэм тэ гиндосарас пала кода, со сас кодэлэнца, ко на ашэляпэ спокойно и на патялас лэ Иеговасти, кай тэ на терас кадя, сар вонэ. Кала ля тэ правий о Аса, во мангэлас помощь кай о Иегова, но потом во парашэля кадя тэ терэл (2 Лет. 16:1—3, 12) Кода, кай о Аса банделя пала помощь кай и сирийцоря, здэласпэ, годявэрнэс, но о лашимос, саво кадэлэстар вижыля, сас най пэ долӷонэстэ. О Иегова ԥэндя лэсти через пэско пророко, васо кадя вижыля: «Ту патяян лэ сирийсконэ царёсти, ай най тирэ Дэвлэсти лэ Иеговасти» (2 Лет. 16:7). Амэ трэбуй тэ сэрас, кай амэндэ вижала тэ улас пэско ԥаримос, кати если ласа тэ родас помощь андэ Библия. Дажэ тоди, кала ӥто трэбуй тэ прилас ришэния, амэнди трэбуй тэ авас спокойни и тэ патяс лэ Иеговасти. Тоди во поможыя амэнди тэ стерас вся правильно. w21.01 6, абз. 13—15

Через кода, кай адес жан войны и мануша умардёнпэ машкар пэстэ, кай нинай ловэ и ԥарэс тэ затерэс, кай дэсавэ лэ Иеговастирэ служытеля нинай, со тэ хан. Ай дэсавэ бэшэн андо баруно пала пэстири вера. Но вонэ всаек бахталэ, важ кода кай патян, кай пэрэжувэна кадэя лэ Сатанастири люма. И вонэ никала на авэна боқалэ и лэндэ авэла кода, со трэбуй важ и дружба лэ Иеговаса. О апостоло Иоанно пистрой: «И жара и о қам на ԥабарэла лэн». Када сыкавэл, кай, кала о Иегова улэла лэ Сатанастири найлащи люма, во фэрия кажнонэ пэстирэ служытелёс (Отк. 7:17). Кати погиндон, сави дэ лащи надежда кай кодэла, ко пэрэжувэла о Армагеддоно. О Иисусо андярэла лэн каринг о паи, саво дэл вечно жызня. Пэ ԥув жувэнас милионоря мануша и вонэ мэрэнас, но кадэла мануша никала на мэрэна! (Иоан. 11:26). Авэр бакрорэ блаӷодарни лэ Иеговасти и лэ Иисусости важ кадэя лащи надежда. w21.01 17, абз. 11, 12

Андэ послиднё дес андэ пэстири жызня о Иисусо гиндояс пала ԥаримос, саво авэла кай лэстирэ ученикоря. Во любияс пэстирэ друӷонэн важ када во мангэлас пэстирэ Дадэс, кай во тэ фэрий лэн лэ Сатанастар (Иоан. 17:14, 15). О Иисусо ӷанэнас, кай о Сатана на парашэла тэ жал войнаса пэ всаворэ, ко камэл тэ служый лэ Иеговасти. Важ када лэ Дэвлэстирэ служытелёнэнди трэбуй сас, кай лэн тэ фэрий о Иегова. Акана, андэ амари время, амэнди фартэ трэбуй, кай о Иегова амэн тэ фэрий, важ кода кай о Сатана сас сшуто па нэбо и во «фартэ холинако» (Отк. 12:12). О Сатана стердя кадя, кай и мануша тэ гиндон, кай вонэ терэн «свынто служэния лэ Дэвлэсти», кала на дэн амэнди тэ служысарас лэ Иеговасти (Иоан. 16:2). Ай кодэла, ко на патян андо Дэл вэрыцын амэн, важ кода кай амэ най кацавэ, сар и мануша андэ кадэя люма. Но сар бы тэ на авэл, амэ на дарас лэндар. Васо? Атвето исин андо адесутно стихо. w21.03 26, абз. 1, 3

Вся, со терэл о Иегова, во терэл, важ кода кай любий. О Иегова дэл амэнди вся, со трэбуй важ и жызня. О Иегова отдя пэстирэ Шавэс, важ кода кай любий амэн. О Иисусо тожэ сыкадя пэстири любовь каринг амэндэ, кала соӷласисайля тэ отдэл пэстири жызня важ амэндэ (Иоан. 3:16; 15:13). О Иегова и о Иисусо никала на парашэна тэ любин кодэлэн, ко лэн на ашавэл (Иоан. 13:1; Рим. 8:35). Кадяжэ и о хулай трэбуй тэ любий лэ ерес. И када фартэ важно. Пала када пистросардясас о апостоло Иоанно, кай кодэва, ко на любий пэстирэ ԥралэс, савэс диқэл, или можно тэ ԥэнэс, пэстирэ ерес, сар во можэт тэ любий лэ Дэвлэс, савэс на диқэл? (1 Иоан. 4:11, 20). Если о хулай любий пэстирэ ерес и камэл тэ сытёл лэ Иеговастар и лэ Иисусостар, во лэла тэ заботийпэ, кай лэстирэ ерестэ тэ авэл лащи дружба лэ Иеговаса и тэ авэл вся, со трэбуй важ и жызня, и кай лэнди тэ авэл драго по ди кодэлэстар, кай во лэн любий (1 Тим. 5:8). Во кадяжэ трэбуй тэ сытярэл пэстирэ бэятонэн. Инке во шол сама, кай лэстирэ ришэнии тэ радуин лэ Иеговас и тэ анэн лашимос лэ ерести. w21.02 5, 6, абз. 12, 13

О Иегова ӷанэн, сар пар амэндэ влияет кода, со сас варикала, и васо амэ кадя найдраго гиндосарас пала пэстэ. Но о Иегова можэт тэ додиқэл андо мануш кода, со амэ екжэнэ андэр пэстэ нэ можэм тэ додиқас. (1 Иоан. 3:19, 20). Варико бэршэнца старыийпэ тэ улэл пэстар варисави найлащи привычка. И кала лэстэ на вижал када, во можэт тэ умэкэл и вас и лэсти тэ авэл ԥарэс кадэлэстар. И инке во можэт тэ лэл тэ гиндой, кай во нисо на ашэл (2 Кор. 7:10). Када драго, кала кацаво мануш полэл, кай дошало и стердя бэзэх. Но во на трэбуй фартэ пала када тэ загиндойпэ и тэ гиндой, кай во само найлашо мануш пэ люма. Через кацавэ гиндоря во можэт тэ парашэл тэ служый лэ Иеговасти. Кацавэ манушэсти трэбуй тэ рий пэстири дружба лэ Иеговаса, ай важ када лэсти трэбуй тэ мангэлпэ, кай о Иегова тэ простий лэс (Ис. 1:18). Кала о Иегова додиқэла, кай во анда вся оди каийпэ, о Иегова лэс простия. Кадяжэ во трэбуй тэ поджал каринг и старейшыноря. Вонэ поможына, кай лэстири дружба лэ Иеговаса упалэ тэ авэл лащи (Иак. 5:14, 15). w20.12 23, абз. 5, 6

О Иисусо столас патив пэ жувля. Во на гиндояс кадя, сар и фарисеёря, савэ на стонас патив пэ жувля. Вонэ на дэнас дума лэнца англа миро и на дэнас дума лэнца пала Свынто Писания. Ай о Иисусо росԥэнэнас о чачимос анда Свынто Писания, саво най кажно моӷ тэ полэл, сар лэ муршэнди, кадя и лэ жувлянди (Луки 10:38, 39, 42). Кадяжэ во домэкэлас, кай и жувля тэ поможын лэсти тэ терэл лэ Дэвлэстири дила (Луки 8:1—3). И дэсавэнди андар лэндэ во ԥэндя, кай вонэ тэ жан и тэ росԥэнэн лэ апостолонэнди, кай во рисайля каринг и жызня (Иоан. 20:16—18). О апостоло Павло, кала пистросардя пэско письмо лэ Тимофеёсти, ԥэндя пэ скати дэ важно тэ стол патив пэ жувля. О Павло кадяжэ ԥэндя, кай пэрво, ко поможысардя лэ Тимофеёсти тэ уӷанэн и Свынто Писания, када лэстири дэй и лэстири баба (2 Тим. 1:5; 3:14, 15). Ай андэ пэско письмо, саво о Павло пистросардя лэ христианонэнди андо Римо, каринг и ԥэя о Павло взвисайля па алавэстэ. Во най просто пистросардя, скати дила вонэ стердэ андэ служэния лэ Дэвлэсти, но и похвалисардя лэн важ када (Рим. 16:1—4, 6, 12; Флп. 4:3). w21.02 15, абз. 5, 6