Маё

О Иисусо сас кандино бэято. Во никала на гиндояс, кай вся ӷанэн май драго пэстирэ дадэстар и пэстиря датар и кай на трэбуй сас лэс тэ сытярэн. О Иисусо полэлас, кай во барэдэр андо ери, важ кода во драго сытёлас кай пэско дад тэ терэл дила, кай лэ ерестэ тэ авэл вся, со трэбуй. О Иосифо и Мария росԥэнэнас лэ Иисусости, кай кода, сар во авеля пэ люма, сас чудо. Вонэ росԥэнэнас лэсти пала кода, со росԥэндэ и анӷелоря (Луки 2:8—19, 25—38). Но о Иисусо камэлас инке екжэно тэ уӷанэн май драго и Свынто Писания. Катар амэ када ӷанас? Кала лэсти сас 12 бэрш, и учителёря андо Иерусалимо, савэ сытярэнас лэ Дэвлэстирэ законости, фартэ удивинаспэ, сар во полэл и Писания и сар дэл атветоря (Луки 2:46, 47). Ужэ андэ кодэла бэрша о Иисусо поля анда Свынто Писания, кай лэско Дад о Иегова (Луки 2:42, 43, 49). w20.10 29, 30, абз. 13, 14

Важно тэ ӷанас и тэ патяс, кай о Иисусо рисайля каринг и жызня. Кала о апостоло Павло росԥэнэнас, кай и мануша моӷут тэ ринпэ каринг и жызня, во призындярдя трин маменторя. Када, кай о Христос муля пала амарэ ӷрехоря, кай лэс притидэ, и, сар сас ԥэндо андэ пророчества, кай по трито дес во рисайля каринг и жызня (1 Кор. 15:3, 4). Состэ амэ трэбуй тэ ӷанас, кай о Иисусо муля, кай лэс притидэ и кай во рисайля каринг и жызня? О пророко Исаия ԥэндя, кай лэ Христос умарэна и притидэна андэ кацаво ҭан, андэ саво притидэн лэ приступниконэн. Кадяжэ о Исаия ԥэндя, кай о Христос трэбуй тэ отдэл пэстири жызня важ всаворэ мануша. Кадэва пророчество стердяпэ, кала о Иисусо отдя пэстири жызня, кай тэ витинэл лэ манушэн лэ бэзэхэстар (Ис. 53:8, 9, 12; Матф. 20:28; Рим. 5:8). Кадэла трин маменторя, пала савэ ԥэндя о Павло, поможын тэ патяс, кай амэ можэм тэ авас би ӷрехоско, тэ на хасарас и жызня и тэ диқас амарэ чачен, савэ мулинэ. w20.12 2, абз. 4—6; 5, абз. 11

О апостоло Павло бутварэс росԥэнэнас пала Дэл андэ иудейско синагога. Андэ синагога андэ Фессалоника во «трин субботы дя дума... [лэ иудеёнэнца] па Писании» (Деян. 17:1, 2). О Павло на даралас тэ росԥэнэн котэ пала Дэл, важ кода кай во екжэно сас иудеё (Деян. 26:4, 5). О Павло полэлас, сар гиндон и иудеёря, важ када лэсти сас вушэро лэнца тэ дэл дума (Флп. 3: 5). Важ кода кай о Павло росԥэнэнас пала Дэл, лэс видарадэ анда Фессалоника, ай тоди и анда Верия. Во нашля андэ Афины. И котэ во упалэ ля тэ дэл дума «андэ синагога лэ иудеёнэнца и аврэ манушэнца, савэ тэлёнас лэ Дэвлэсти» (Деян. 17:17). Ай кала о Павло по базаро росԥэнэнас важ о Дэл, лэс ашунэнас авэр мануша. Дэко андар лэндэ патянас андэ мудрость кадэлэ мирости. Важ лэндэ и важ кодэла, ко найевреёря, лэ Павлостирэ алава сас, сар нэви учения. Вонэ ԥэнэнас лэсти: «Кода, со ту росԥэнэс, чудно важ амэндэ» (Деян. 17:18—20). w20.04 9, абз. 5, 6

Если тумэ старыинпэ тэ улэн варисави найлащи привычка, но дэкала на вижал, никала на гиндон, кай тумэ нисо на ашэн. Всаворэ амэ терас ошыбки, и пэстирэ зорэса нико нэ можэт тэ авэл лашо англа Дэл. Лашо мануш англа Дэл можэт тэ авэл кати блаӷодаря кодэлэсти, кай о Иисусо витиндя амэн анда бэзэх и кай о Иегова добро (Эф. 1:7; 1 Иоан. 4:10). Мангэн, кай и ԥрала и ԥэя тэ поможын тумэнди. Вонэ моӷут тэ виашунэн и тэ ԥэнэн лашо алав, саво подритярэла тумэн (Прит. 12:25; 1 Фес. 5:14). Ек ԥэй анда Нигерия, савя росԥэнэн, кай и ԥрала и ԥэя фартэ ла подритярэнас. Блаӷодаря лэнди вой поля, кай о Иегова ашундя латирэ молитвы. Ай кадяжэ вой сытеля екжэни тэ дэл зор кодэлэнди, кастэ умэкэнпэ и вас. Но дэкала и ԥрала и ԥэя на ӷанэн, кала амэнди ԥарэс по ди. Амэ можэм екжэнэ тэ пашувас каринг и ԥрала и ԥэя, савэндэ лащи дружба лэ Иеговаса, и тэ мангас лэндар помощь. w20.12 23, 24, абз. 7, 8

Кай тэ авэн лашэ друӷонэнца трэбуй тэ проандярэн ек еқэса и время. И мануша залэн тэ дружын, кала дэн дума ек еқэса, росԥэнэн ек еқэсти пэстирэ гиндоря и кода, со по ди. Но лэ Иисусоса дэкала ԥарэс тэ ашас лашэ друӷонэнца. Ек, со на домэкэл тэ дружысарас, када, кай амэ лэса никала на диқлямпэ. Кадя сас бутэ христианонэндэ, савэ жувэнас андэ пэрво вико. Но всаек о апостоло Пётро пистросардя лэнди: «Хоть тумэ никала лэс на диқлэ, тумэ любин лэс. Тумэ и акана на диқэн лэс, но патян андэр лэстэ» (1 Пет. 1:8). Вижал, хоть амэ на диқлямпэ лэ Иисусоса, всаек амэ можэм лэса тэ ашас лашэ друӷонэнца. Авэр, со на домэкэл тэ дружысарас, када, кай амэ нэ можэм тэ дас дума лэ Иисусоса. Канешно, амэ мангаспэ через о Иисусо, но лэса амэ на дас дума. Кала амэ мангаспэ, амэ дас дума лэ Иеговаса. О Иисусо екжэно на камэл, кай амэ лэса тэ дас дума. Васо? Важ кода кай, кала о мануш мангэлпэ варикасти, када сыкавэл, кай во тэлёл лэсти. Ай тэ тэлювас трэбуй кати лэ Иеговасти (Матф. 4:10). Но всаек амэ можэм тэ сыкавас, кай любисарас лэ Иисусос. w20.04 20, абз. 1—3

Андэ дэлмутни время андэ Греция кодэлэнди, ко нашэнас пэ спортивни иӷры, трэбуй сас тэ пэрэандярэн разно ԥаримос. Вонэ цыёнас и можэт лэндэ варисо дуқалас. Но вся пэр со вонэ надеинаспэ, када сас лащи подӷотовка и лэнго зор. Амэ шаспэ лэнца кодэлэса, кай амэн кадяжэ сытярэн, сар тэ допрастас амаро дром. Но амэндэ исин кода, со лэндэ нинай. Када, кай амэ ӷанас кодэлэс, кастэ исин зор, саво никала на кончияпэ. О Иегова дэл алав амэнди, кай если амэ патяс лэсти, во най кати сытярэла амэн, но и стерэла кадя, кай амэ тэ авас састэ! Кай о Павло сас бут ԥаримос. Пэр лэстэ ԥэнэнас найлашэ алава и ӷонинас. Инке дэкала во сас би зорэско, и лэсти прижаласпэ тэ пэрэандярэл о ԥаримос, пэ саво во ԥэндя, кай када сар колючка андэ лэстири тила (2 Кор. 12:7). Но через када во на умэкля и вас. Во кадя диқэлас пэ пэско ԥаримос, кай через лэстэ во можэт тэ патял лэ Иеговасти (2 Кор. 12:9, 10). Важ када о Иегова поможыяс лэсти андэ вся лэско ԥаримос. w20.04 29, абз. 13, 14

Амэндэ исин барвалимос, када кай амэ можэм тэ терас ек дила лэ Иеговаса, лэ Иисусоса и лэ анӷелонэнца (2 Кор. 6:1). Амэ терас лэнца ек дила, кала сытярас лэ манушэн па Библия. О Павло ԥэндя пала пэстэ и пала кодэла, ко лэса терэлас ек дила, кай вонэ терэн кадэя дила лэ Дэвлэса (1 Кор. 3:9). Кадяжэ, кала амэ андэ служэния, амэ служысарас еқэҭанэ лэ Иисусоса. О Иисусо ԥэндя пэстирэ учениконэнди, кай вонэ тэ сытярэн лэ манушэн, кай кодэла тэ ашэн лэстирэ ученикоря и кай тэ сытярэн лэ манушэн па вся и ԥув. Кадяжэ о Иисусо ԥэндя кацавэ алава: «Мэ авава тумэнца» (Матф. 28:19, 20). Ай сар амэ терас ек дила лэ анӷелонэнца? Кала амэ росԥэнас лащи весть, вонэ андярэн амэн кордэ, каринг амэнди трэбуй. Сар жэ амэ кадэлэстар лошавас! (Отк. 14:6). Кала о мануш сеий и семена и вонэ попэрэн андэ лащи ԥув, и семена лэн тэ барён. Кадяжэ, кала амэ росԥэнас о чачимос важ о Царство, и мануша, кастэ лашо ди, прилэн кадэва чачимос и жувэн пар лэстэ (Матф. 13:18, 23). Ай ко дэл зор, кай кадэла семена тэ барён и тэ анэн и плодоря? О Иисусо ԥэндя пала када андо адесутно стихо. w20.05 30, абз. 14, 15

Адес милионоря еря розжанпэ. Родителя ашэн вороӷонэнца, ай и бэяцэ гиндон, кай никасти на трэбуй. Но дажэ, кала андо ери жувэн всаворэ вмести, вонэ, ԥэнэса, сар чужи ек еқэсти. Акэ, со ԥэнэн о спецыалисто, саво подԥэнэн, со тэ терэн, кай андо ери тэ авэл май драго: «Дада, дэя и бэяцэ, ашэн сар чужи ек еқэсти, важ кода кай на мэкэн анда вас планшэто, телефоно и видеоигры. Хоть вонэ жувэн андо ек цэр, ԥэнэса, кай вонэ на ӷанэн ек еқэс драго». Адес бут мануша, савэ гиндон кати пала пэстэ и савэнди всаек, со терэлпэ андэ люма. Амэ кацавэ на камас тэ авас. Амэ полас, кай трэбуй тэ любисарас лэ ԥралэн и лэ ԥэян андэ собрания кадя, сар пэстирэ ерес. (Рим. 12:10). И алава «анда вся ди любин» пэрэдэн о гиндо, кай трэбуй тэ полэн ек еқэс кадя, сар андо ери. И када поможыя, кай машкар христианоря тэ авэл ладо и тэ служысарас лэ Иеговасти кадя, сар во камэл (Мих. 2:12). w21.01 20, абз. 1, 2

Кала и мануша драго полэн ек еқэс, тоди лэнди май вушэро тэ вицэлэн. Тэ служын лэ Иеговасти тумэндэ вижала, сар кай лащи команда, если тумарэ гиндоря, кода, со камэлпэ и кода, со по ди, авэна еқэндар. Сэрэн, кай о Сатана фартэ камэл, кай тумаро ди тэ на авэл лэ Иеговаса. Во камэл, кай тумарэ гиндоря, кода, со камэлпэ и кода, со по ди, тэ на сжалпэ лэ Иеговастирэ законоса. Тумэнди жэ трэбуй тэ служын лэ Иеговасти всаворэ одеса (Матф. 22:36—38). Никала на домэкэн, кай о Сатана тэ одындярэл тумэн лэ Иеговастар! Сар о Давидо, мангэнпэ лэ Иеговасти: «Поможысар манди всаворэ одеса тэ дарав тутар». Терэн вся, кай тэ жувэн кадя, сар ԥэнэнпэ андэ кадэя молитва. Мэк тумарэ ришэнии, важни и най фартэ важни, кажно дес сыкавэн, кай тумэ стон фартэ бари патив по Дэл Иегова. Кадя амэ, лэ Иеговастирэ свидетеля, терас, кай лэ Дэвлэско алав тэ авэл инке май ашунгло (Прит. 27:11). Кадя жэ, сар о пророко Михеё, амэ ԥэнаса: «Амэ кандаса лэ Иеговас, амарэ Дэвлэс вся и вечность» (Мих. 4:5). w20.06 13, абз. 17, 18

Кала дэла о северно царё и авэр правительства по лэ Дэвлэско народо, када фартэ холярэла лэ Иеговас. Тоди залэлапэ и война Армагеддоно (Отк. 16:14, 16). И лэ севернонэ царёсти и аврэ народонэнди, пэ савэ андэ Библия ԥэнэнпэ о Гого анда Магого, авэла конец, и нико на поможыя лэнди (Дан. 11:45). О пэрво стихо анда 12 ӷлава, кай запистромэ кадэва пророчество Даниила, поможыя амэнди май бут тэ уӷанас, сар авэна умардэ о северно царё и авэр правительства. Ай кадяжэ пала кода, сар амэн спасына. Пала со дэлпэ дума андэ кадэва стихо? О Михаило, када инке ек алав лэ Иисусоско, амарэ царёско, саво правий. Во «зашолпэ» пала лэ Дэвлэско народо лэ 1914 бэршэстар, кодэла времятар, кала ашэля царёса андо небесно Царство. Йто во упалэ зашолапэ пала лэ Дэвлэско народо андэ война Армагеддоно, кала умарэла всаворэн пэстирэ вороӷонэн. Посли кадэя война кончияпэ само ԥари время, сави сас андэ лэ манушэндири жызня, пала сави и пистросардя о Даниило (Отк. 6:2; 7:14). w20.05 15, абз. 15—17

Кала о Иосифо сас андо баруно и сас рабоса, во нисо нэ моӷ тэ парувэл андэ пэстири жызня. Умэкля во кадэлэстар и вас? Най, на умэкля. Во терэлас вся, со андэ лэско зор и терэлас, со моӷ андэ кодэва маменто, кай о Иегова андэ лэстири жызня тэ авэл по пэрво ҭан. Вся када о Дэл диқэлас, и важ када блаӷословияс лэс (Быт. 39:21—23). Сости када амэн сытярэл? Через кода, со сас лэ Иосифоса, амэ полас, кай и люма фартэ жэстоко и нэсправедливо. Дажэ амарэ ԥрала и ԥэя, савэ андэ собрания, моӷут тэ стерэн, кай амэнди тэ авэл ԥарэс по ди. Но если амэ сэрас, кай о Иегова кодэва, ко спасый и фэрий, амэ на умэкаса и вас и на парашаса лэсти тэ служысарас (Пс. 62:6, 7; 1 Пет. 5:10). Шон сама, кай лэ Иосифости инке на сас 17 бэрш, кала во диқля и сунэ, савэ лэстэ сас лэ Иеговастар. Анда када дицол, кай о Иегова патял кодэлэнди, ко служый лэсти андэ тэрнэ бэрша. Адес кадяжэ бут шавэ и щея служын лэ Иеговасти, и дэсавэ андар лэндэ дажэ бэшэн андо баруно пала кода, кай патян андо Иегова (Пс. 110:3). w20.12 16, абз. 3; 17, абз. 5, 7

О апостоло Пётро и о Иоанно сас лошалэ, кай лэн ӷонинас пала кода, кай вонэ сас лэ Иисусостирэ ученикоря и кай росԥэнэнас пала лэстэ (Деян. 4:18—21; 5:27—29, 41, 42). Лэ христианонэнди най васо сас тэ лажан кодэлэстар, андэр со вонэ патян. Хоть и мануша на стонас патив пэ кадэла христианоря, вонэ всаек поможысардэ аврэнди май бут, чем кодэла, ко лэн ӷонинас. Например, и книӷи анда Библия, савэ пистросардэ дэсавэ кадэла христианоря, идоси поможын милиононэ манушэнди тэ патян и тэ аштярэн англэ о лашимос. О Царство, пала саво вонэ росԥэнэнас, ужэ исин акана. И йто во лэла тэ правий понад всаворэ мануша (Матф. 24:14). Ай о зорало римско правительство, саво сас, и саво ӷонияс лэ христианонэн, лэс ужэ дэлмут нинай. И инке, кодэла лэ Иисусостирэ ученикоря, савэ на парашэнас лэс тэ кандэн, акана ашэлэ царёря по нэбо, ай кодэла, ко лэн ӷонинас, мулинэ. И дажэ, если о Дэл рия каринг и жызня кодэлэн, ко лэн ӷонияс, вонэ лэна тэ жувэн тала лэ Дэвлэсти правления. Ай кадэя правления подритярэнас кодэла, кас вонэ ӷонинас (Отк. 5:10). w20.07 15, абз. 4

О Авраамо фартэ патялас андэ кода, пала со лэсти дя алав о Иегова, ԥэнэса, во диқэлас лэ Памазаникос, чи лэ Христос, саво трэбуй сас тэ ашэл Царёса андэ лэ Дэвлэско Царство. Акэ васо о Иисусо ԥэндя лэ иудеёнэнди: «О Авраамо, тумаро дад, фартэ радосавэлас, кала аштярэлас тэ диқэл мэрно дес, и во додиқля лэс и обрадосайля» (Иоан. 8:56). Драго дицол, кай о Авраамо ӷанэнас, кай лэстирэ потомкоря лэна тэ правин андо Царство, саво стодя о Иегова. И во сас ӷотово тэ аштярэл, кала о Дэл зритярэла пэско алав. Сар о Авраамо сыкавэлас, кай аштярэл «о форо», када лэ Дэвлэско Царство? Андо любо царство, саво сас пэ ԥув, во жувэлас, сар чужо. Во жувэлас андэ катуны и пэрэладэлас еқэ ҭанэстар пэ авэр ҭан. Во никала на присытёлас тэ жувэл пэ ек ҭан и никала на подритярэлас лэ царёнэн, савэ правинас пэ кадэя ԥув. Ай инке о Авраамо на камэлас тэ стерэл кадя, кай лэстэ тэ авэл пэско царство. Во кандэлас лэ Иеговас и аштярэлас, кала во зритярэла пэско алав. Кадя о Авраамо сыкавэлас, кай фартэ патял лэ Иеговасти. w20.08 3, абз. 4, 5

О Иегова дэл алав, кай кала о Иисусо правия тысяча бэрш, нико на ԥэнэна, кай лэстэ варисо дуқал (Ис. 33:24). Вижал, всаворэ кодэла, ко ринапэ каринг и жызня, авэна здорови. Но када на сыкавэл, кай вонэ сразу авэна совершэни. Тоди лэндирэ чаче лэн на ӷатярдоп. Кала о Иисусо правия тысяча бэрш, и мануша ашэна совершэни най сразу. И кала о Царство стерэла, со камэл о Иегова, ай кадяжэ стерэла, кай и мануша тэ авэн совершэни, тоди о Иисусо рия о Царство пэстирэ Дадэсти (1 Кор. 15:24—28; Отк. 20:1—3). Со тумэндэ авэла по ди, кала упалэ додиқэна пэстирэ чачен, савэн заля и смэрть? Можэт тумэ лэна радостятар тэ асан, ай можэт лэна тэ ровэн радостятар? Ай можэт лэна тэ дилабэн важ о Иегова? Но можно тэ ԥэнас точно, кай тумэ лэна инке май фартэ тэ любин тумарэ небеснонэ Дадэс, саво заботийпэ пала тумэндэ, ай кадяжэ лэстирэ Шавэс, саво бут пэр со жыля важ тумэндэ. Блаӷодаря лэнди кодэла, ко мулинэ смоӷут упалэ тэ жувэн. w20.08 16, 17, абз. 9, 10

О апостоло Павло ԥэнэнас лэ христианонэнди тэ погиндон, моӷут вонэ тэ служын лэ Иеговасти и тэ на жан миростэ и тэ на жэнинпэ, чи нэ моӷут? (1 Кор. 7:7, 8). Драго дицол, кай о Павло на гиндояс пала кодэла, ко наймиростэ чи ко найжэнато, кай вонэ май хужэ аврэндар. Во дя лэ Тимофеёсти, саво сас найжэнато, тэ терэл важно дила важ о Дэл (Флп. 2:19—22). Важ када авелоп нэ правильно тэ гиндосарас, кай о ԥрал, саво жэнато, ӷотово тэ терэл почотно дила андэ собрания, ай кодэва, саво найжэнато, нэ ӷотово (1 Кор. 7:32—35, 38). Амэ полям, кай о Иисусо и о Павло на ԥэнэнас пала кода, кай и христианоря трэбуй тэ жан миростэ чи тэ жэнинпэ чи наоборот, тэ на жан миростэ и тэ на жэнинпэ. Акэ со ԥэнэнаспэ андэ «Сторожэво башня» лэ 1 октябрёстар 2012 бэршэстар: «[И кода, кай жэнинпэ или жан миростэ, чи наоборот на жэнинпэ и на жан миростэ] пэ вся када можно тэ ԥэнас, кай када подаркоря лэ Дэвлэстар. [...] О Иегова на гиндой, кай если найжэнати чи наймиростэ, трэбуй тэ лажан кадэлэстар и трэбуй тэ авэл ԥарэс по ди». Ай если када кадя, тоди амэнди трэбуй тэ стас патив пэ ԥрала, савэ найжэнати, и пэ ԥэя, савэ наймиростэ. w20.08 28, 29, абз. 8, 9

Андэ дэсавэ страны и мануша фартэ камэн тэ ашунэн, со росԥэнэнпэ андэ Библия. Ай андэ авэр страны лэ манушэнди най фартэ интересно, ко када о Дэл и со запистромэ андэ Библия. Ай котэ, кай тумэ жувэн, и мануша камэн тэ ашунэн пала Дэл чи най? Сар бы тэ на авэл, о Иегова камэл, кай амэ тэ росԥэнас пала лэстэ, пока во на ԥэнэна хутила. О Иегова ужэ витидя время, кала парашэна тэ росԥэнэн пала лэстэ, и «тоди авэла конец» (Матф. 24:14, 36). О Иисусо росԥэндя, со авэла, сар пашола о конец кадэла люмати, савяса правий о Сатана. О Иисусо ӷанэнас, кай через кода, со авэла андэ люма, лэстирэ ученикоря моӷут тэ парашэн тэ росԥэнэн пала Дэл. Важ када во и ԥэндя лэнди: «Вся время терэн кода, со камэл о Дэл» (Матф. 24:42). Кода, со на дэлас лэ манушэнди андэ лэ Ноёсти время тэ приашундён, можэт тэ на дэл и амэнди (Матф. 24:37—39; 2 Пет. 2:5). Важ када важ амэндэ трэбуй тэ авэл со май ӷлавно тэ терас и дила, сави дя о Дэл. w20.09 8, абз. 1, 2; 9, абз. 4

Андэ Библия пистромэ, кай о Сатана акана «фартэ холинако» (Отк. 12:12). Если амэ гиндосарас, кай када вся обжала амэн ригаса, тоди амэ хохавас корко пэс. Ужэ фартэ йто кажнонэстэ авэла кацаво ԥаримос, саво сыкавэла, пэ скати дэ фартэ амэ патяс лэ Иеговасти. Йто па вся и люма авэла «само бари бида», сави никала на сас и никала будэр на авэла (Матф. 24:21). Можэт амаро родо жала против амэндэ, ай можэт андэ амари страна запретина тэ росԥэнас важ о Дэл (Матф. 10:35, 36). Тоди лэна тумэ тэ патян, кай о Иегова поможыя и фэрия тумэн, кадя жэ сар патялас о царё Аса? (2 Лет. 14:11). Амэнди най со тэ дарас, важ кода кай о Иегова сытярэл амэн, сар тэ пэрэандярас кода, со авэла англэ. Через «о годявэрно и кандино рабо» о Иегова дэл амэнди вся, со трэбуй, кай кала авэла ԥаримос, амэ тэ на парашас тэ кандас лэс (Матф. 24:45). Но и амэ трэбуй пэстиря ригатар тэ терас вся, кай инке май фартэ тэ патяс лэ Иеговасти (Евр. 10:38, 39). w20.09 18, абз. 16—18

О Иегова дэл лэ манушэнди, савэндэ исин власть, пэско свынто духо, кала када трэбуй, кай вонэ тэ терэн кода, со во камэл. И мануша проӷанавэн дроморо, кай о паи тэ жал кордэ каринг трэбуй. Кадяжэ и о Иегова пэстирэ свынтонэ духоса можэт тэ терэл кадя, кай и правителя тэ прилэн кацавэ ришэнии, савэ анэна лашимос лэстирэ народости. (Диқэн Ездра 7:21, 25, 26.) Ай со можэм тэ терас амэ? Амэ можэм тэ мангаспэ пала вса́ворэ, кастэ исин власть, кала вонэ прилэн ришэния, сави можэт тэ парувэл и жызня и служэния кай лэ Иеговастирэ служытеля (1 Тим. 2:1, 2; Неем. 1:11). Сар и христианоря андо пэрво вико, амэ анда вся оди мангаспэ лэ Иеговасти пала амарэ ԥрала и ԥэя, савэ бэшэн андо баруно (Деян. 12:5; Евр. 13:3). w20.11 15, абз. 13, 14

Если о мануш, савэс ту сытярэнас па Библия, болделя, то наверно ту фартэ лошало! (1 Фес. 2:19, 20). Кала о изучающё болдёл, када сыкавэл кай о мануш, саво сытярэлас лэс па Библия, стодя бут зор, но най кати во, ай вся и собрания (2 Кор. 3:1—3). Када роздраго, кай важ и послидни штар бэрш па вся и ԥув, кажно шон варикай 10 милионоря мануша изучают и Библия. Но кажно бэрш болдён кати варикай 280 тысяч. Сар тэ поможысарас лэ манушэнди, савэ сытён па Библия, кай вонэ тэ болдён? Амэнди трэбуй тэ терэс вся, со па амаро зор, кай вонэ тэ закамэн май йто тэ стерэн када. О Иегова инке аштярэл и дэл время, кай вонэ тэ ашэн лэстирэ служытеля. Но время ашэляпэ набут! (1 Кор. 7:29а; 1 Пет. 4:7). w20.10 6, 7, абз. 1, 2

О царё Сауло всаек на кангля лэ Иеговас. И кала о пророко Самуило ԥэндя лэсти пала када, во на прижанделя, кай дошало, и дажэ ля тэ отԥэндёлпэ и тэ пэрэшол пэстири дош пэ авэр (1 Сам. 15:13—24). О Сауло най еқвар кадя терэлас (1 Сам. 13:10—14). Во на закамля тэ парувэл пэско гиндо, важ када о Иегова и отбанделя лэстар. Амэ на камас тэ терас кадя, сар о Сауло. Важ када трэбуй тэ пушас пэстар акэ со: «Со мэ терав, кала адиносарав и Библия и полав, кай трэбуй тэ парудював? Прижанав мэ пэстири дош чи гиндосарав, кай мэ ни андэр со най дошало или най дошали? Гиндосарав мэ, кай если на кандава лэ Дэвлэс, манди вся обжалапэ? Ай если тердэм варисо най кадя, дошалярав мэ андэ када аврэн?» Если амэндэ исин хоть ек кацаво гиндо, тоди трэбуй тэ парудювас. Ай если на тераса кадя, тоди амэ можэм тэ ашас ӷорди, и хасараса и дружба лэ Иеговаса. w20.11 20, абз. 4, 5

Шавэ и щея, витидэн, касти тэ служын. Тумэнди трэбуй драго тэ полэн, ко када о Иегова, со во камэл тэ стерэл май англэ и сар кадэлэстар парудёла тумари жызня (Рим. 12:2). Тоди тумэ сможэте тэ витидэн со май важно андэ тумари жызня, када тэ служын лэ Иеговасти. Если тумэ кажно дес адинона и Библия, тоди тумари любовь каринг о Иегова авэла май бари и тумэ инке май фартэ патяна лэсти. Мэк важ тумэндэ и служэния лэ Иеговасти авэла со май важно. Андэ лэ Сатанастири люма и мануша ԥэнэн, кай если лэса тэ жувэс кати важ пэстэ, тоди авэса бахтало. Но по чачимастэ када най кадя. Кала и мануша жувэн кати важ кода, кай май бут тэ затерэн ловэ, кадэлэстар авэла ек о ԥаримос (1 Тим. 6:9, 10). Ай если кандэн и служын лэ Иеговасти, тоди авэна бахталэ и лэна тэ терэн годявэрнэс (Иис. Н. 1:8). w20.10 30, 31, абз. 17, 18

Андо пэрво вико важ када кай о Иисусо росԥэнэнас лэ манушэнди пала Царство, лэ манушэндэ сас пэр со тэ надеинпэ. Во приԥэндя пэстирэ учениконэнди тэ на парашэн тэ терэн и дила, сави во заля тэ терэл, када тэ росԥэнэн важ о Царство «пэ вся и ԥув» (Деян. 1:8). Канешно, лэндэ на вижылоп тэ стерэн када вся пэстирэ зорэса. Трэбуй сас о свынто духо, саво поможысардоп лэнди. И вонэ получисардэ лэс, сар и дя алав о Иисусо (Иоан. 14:26; Зах. 4:6). Пэ Иисусостирэ ученикоря сжыля о свынто духо андэ Пятидесятница андо 33 бэрш лэ И. Х. Через о свынто духо вонэ линэ тэ росԥэнэн пала Царство, и важ набут время андэ собрания авелэ тысячи мануша (Деян. 2:41; 4:4). Кала лэ учениконэн линэ тэ ӷонин, вонэ манглэ помощь кай о Иегова и на пэрэдарайлэ. Андэ молитва лэ Иеговасти вонэ ԥэндэ: «Дэ тирэ рабонэнди тэ росԥэнэн пала тиро алав би дарако». Пэр лэндэ сжыля о свынто духо, и вонэ линэ смило тэ росԥэнэн пала Дэл (Деян. 4:18—20, 29, 31). w20.10 21, абз. 4, 5

Со точно доԥэнэн, кай о Иегова рисардя лэ Иисусос каринг и жызня? Кала о Иисусо рисайля каринг и жызня, лэс диқлэ бут мануша (1 Кор. 15:5—7). Пэрво, ко лэс додиқля, када о Кифа, пэ саво инке ԥэнэнас Пётро. Пала када ԥэндэ инке дэсавэ ученикоря (Луки 24:33, 34). Потом о Павло пистросардя, кай о Иисусо авеля каринг и 12 апостолоря. Потом лэ Иисусос диқлэ май бут чем 500 мануша, савэ сас лэстирэ ученикоря. Можэт о апостоло Павло камля тэ ԥэнэн пала кодэва маменто, кала вонэ диқлэпэ андэ Галилея, и пала када запистромэ андэ Матфея 28:16—20. Кадяжэ о Иисусо авеля каринг о Иаково, каринг пэско чачо ԥрал па дэй. Во на патялас, кай о Иисусо, када о Христос. Но кала о Иаково додиқля, кай о Иисусо рисайля каринг и жызня, во патяя андэр лэстэ (Иоан. 7:5). О Павло пистросардя пэско письмо варикай андо 55 бэрш лэ И. Х. Тоди бут мануша, савэ диқлэ лэ Иисусос, кала во рисайля каринг и жызня, сас инке жундэ. Важ када, если варико на допатялас, андэ кадэва чачимос, во моӷ тэ уӷанэн када лэ манушэндар, савэ диқлэсас, сар о Иисусо рисайля каринг и жызня. w20.12 3, абз. 5, 7, 8

Кала най мишто или амэндэ исин насвалимос, саво бут бэрша на виличийпэ, тоди амэнди авэла ԥарэс тэ лошавас. Важ када родэн помощь кай о Иегова. И хоть о Иегова акана на виличий лэ манушэн, во всаек подритярэл амэн и дэл зор, кай амэ тэ пэрэандярас о ԥаримос. (Пс. 94:19). О Иегова можэт тэ поможый через и ԥрала и ԥэя. Вонэ моӷут тэ авэн, тэ дэн зор амэнди, тэ поприлэн па цэр, тэ жан андо маӷазино, кала када трэбуй, или тэ мангэнпэ амэнца. Ай кадяжэ во можэт тэ подритярэл амэн через пэско алав и Библия. Котэ амэ можэм тэ проадиносарас и стихоря, кай англэ амэн аштярэл о лашимос и авэла кацави время, кай на авэла о ԥаримос и на авэла нико насвало (Рим. 15:4). И всаек амэ можэм тэ умэкас и вас через кода, кай на служысарас лэ Иеговасти, сар варикала, важ кода кай о зор ужэ най во. Акэ со сас еқа ԥьяса, савя ақарэнас Лорел. Вой 37 бэрш пропашлеля андо саструно аппарато. Через лэстэ вой моӷла тэ ԥурдэл. Латэ сас найлашо насвалимос и вой пэрэандярдя бут операцыи. Ай кадяжэ латэ на прожалас о насвалимос па тила. Но вой на парашэлас тэ росԥэнэн пала лэ Дэвлэско Царство лэ врачонэнди, савэ авэнас латэ по цэр. И блаӷодаря лати лэ Иеговастирэ свидетеля ашэлэ май бут чем 17 мануша! w20.12 24, абз. 9, 12

О апостоло Павло попэля андэ бида. Варикай андо 56 бэрш лэ И. Х., кала во авеля андо Иерусалимско храмо, лэс астардэ и мануша, вицырдэ анда храмо и камлэ тэ умарэн. Пэ авэр дес во тердёлас англа сындомаря андо Синедрионо, и вороӷоря камэнас лэс тэ росшынэн (Деян. 21:30—32; 22:30; 23:6—10). Можэт, о Павло погиндосардя: «Скати инке мэ трэбуй тэ тэрписарав?» Сави помощь получисардя о Павло? Андэ рят, кала лэ Павлос бэшардэ, о Иисусо терделя паша лэстэ и ԥэндя: «На дар! Важ кода кай ту драго росԥэнэсас пала мандэ андо Иерусалимо, ту трэбуй тэ росԥэнэс пала мандэ и андо Римо» (Деян. 23:11). Сар жэ вовремя о Иисусо ԥэндя кадэла алава! Во похвалисардя лэ Павлос, важ кода кай во анда вся оди и драго росԥэнэнас пала лэстэ андо Иерусалимо. Кадяжэ о Иисусо дя алав, кай о Павло драго доладэла андо Римо и лэла котэ тэ росԥэнэн пала лэстэ. Сар лэ бэятости драго пэ вас кай о дад, кадя сас и лэ Павлости драго, кала во ашундя кадэла алава, кай лэсти най состар тэ дарал. w20.11 12, абз. 1, 3, 4

И надежда по Царство, «сар якорё важ оди», вой поможый, кала ԥаримос, тэ авэс спокойно. Со важ када трэбуй тэ терэс? Гиндосар пала время, андэ сави, сар ԥэндя о Иегова, на авэна пэрэжывании (Ис. 65:17). Представляй пэс андо раё пэ ԥув, кала на авэла нисаво ԥаримос по ди (Мих. 4:4). Тэ патяс май фартэ, кай авэла о лашимос, кадяжэ поможыя кода, кала росԥэнэс аврэнди пала лэстэ. Присто вся о зор, кай тэ росԥэнэс лащи новость и тэ сытярэс лэ манушэн, кай вонэ тэ авэн ученикоря. И тоди тутэ вижала састэс тэ патяс и тэ аштярэс о лашимос до конца (Евр. 6:11). Со май пашэ и время кадэла найлащя люмати, со май ԥарэс авэла и со май бут пэрэжывании. Амэ сможэм тэ виритярас када, если ашаспэ спокойни и надеисавас по Иегова, ай най пэр пэстэ. Давайте тэ сыкавас пэ дила, кай патяс кодэлэсти, со ԥэндя о Иегова: «Тумаро зор андэ кода, кай тэ ашэнпэ спокойни и тэ сыкавэн, кай патян» (Ис. 30:15). w21.01 7, абз. 17, 18

Шон сама, со ԥэнэнпэ андэ Иакова 5:11 пала кода, кай о Иегова фартэ любий и жалуий анда вся оди (Исх. 34:6). Важ кода кай о Иегова жалуий амэн анда вся оди, во простий амарэ ошыбки (Пс. 51:1). Анда Библия амэ уӷанас, кай тэ жалуий анда вся оди, када най кати тэ простий и ошыбки, андэ када ужал май бут. Када фартэ бари чуства, через сави камэлпэ тэ поможыс кодэлэсти, ко попэля андэ бида. О Иегова ԥэнэн, кай май фартэ амэн жалуий, чем и дэй пэстиря бэятос (Ис. 49:15). Важ када во камэл кажно разо тэ поможый амэнди, кала амэнди ԥарэс (Пс. 37:39; 1 Кор. 10:13). Кала амэ простисарас амарэ ԥралэн и ԥэян, амэ сыкавас, кай жалуисарас лэн анда вся оди и на холявас пэр лэндэ, дажэ если вонэ амэн варисоса холярдэ (Эф. 4:32). Амэ поможысарас лэ ԥралэнди и лэ ԥэянди, кала лэнди ԥарэс, важ кода кай жалуисарас лэн анда вся оди. Кала амэ пэс кадя андярас, амэ терас, сар о Иегова, саво любий и жалуий анда вся оди (Эф. 5:1). w21.01 21, абз. 5

О хулай андо ери трэбуй тэ на бистрэл, со ӷлавно андэ жызня. Во на трэбуй тэ домэкэл, кай и бути тэ мишыий лэсти тэ заботийпэ, кай лэ ерестэ тэ авэл лащи дружба лэ Дэвлэса и лэнди тэ авэл драго по ди. О хулай трэбуй тэ сытярэл пэстирэ ерес. О Иегова сытярэл и подԥэнэн, важ кода кай камэл важ амэндэ ек о лашимос (Евр. 12:7—9). О Иисусо тожэ терэлас кадя, сар лэско Дад. Во сытярэлас и подԥэнэнас пэстирэ учениконэнди, и терэлас када ковлэс, важ кода кай любияс лэн (Иоан. 15:14, 15; Матф. 20:24—28). Во полэл, кай амэ най совершэни и можэм тэ терас варисо най кадя (Матф. 26:41). О хулай андо ери, саво камэл тэ терэл кадя, сар о Иегова и о Иисусо, полэл, кай и хулаи и бэяцэ моӷут тэ терэн варисо най кадя. Во на андярэл пэс лэнца ӷрубо (Кол. 3:19). Ай терэл кадя, сар запистромэ андэ Галатам 6:1 и «ковлэс» поможый пэстиря хулаяти и лэ бэятонэнди тэ парудён. Во полэл, кай во тожэ най совершэно. О хулай полэл, кай фэдэр тэ сытярэл пэстирэ ерес кодэлэса, кай тэ андярэл пэс сар о Иисусо, кай вонэ лэстар тэ сытён (1 Пет. 2:21). w21.02 6, абз. 16—18

О Иегова отдя лэ Иисусос пала всаворэ, ко андэ собрания, ай кадяжэ пала кодэла, ко патяла андо Иисусо (Мар. 10:45; Деян 20:28; 1 Кор. 15:21, 22.). Важ када о Иегова и стодя лэ Иисусос, саво отдя пэстири жызня важ авэр, кай во тэ авэл хулай пэ собрания. И через када лэс трэбуй тэ кандэл вся и собрания, кажно ери, ай кадяжэ кажно ԥэй и ԥрал андэ собрания. Инке лэстэ исин право тэ диқэл, кай и ԥрала и ԥэя тэ жувэн па лэ Дэвлэско законо (Гал. 6:2). Но о Иисусо най просто приԥэнэн, ко со тэ терэл. Во любий кажнонэс андар мэндэ и анда вся оди заботийпэ пала кажно (Эф. 5:29). И ԥэя стон патив по Христос, кала кандэн, со ԥэнэн и ԥрала андэ собрания, савэн стодя о Иегова, кай тэ заботинпэ пала лэндэ. И ԥрала, савэ драго полэн о принцыпо, саво стодя о Иегова, ко, кас трэбуй тэ кандэл, стон патив и цэнин лэ ԥэян. Кала всаворэ амэ полас и стас патив по лэ Дэвлэско принцыпо, ко кас трэбуй тэ кандэл, тоди андэ собрания авэла мирно и драго. И со май важно, кадя амэ ласа тэ прославляем амарэ любящёнэ небеснонэ Дадэс, лэ Иеговас (Пс. 150:6). w21.02 18, абз. 14—17

Еқвар, кала о Давид ашадя лэ ерес и жыля пэстирэ воинонэнца тэ марэлпэ лэ вороӷонэнца, во и лэстирэ мануша рисайлэ, вонэ полинэ, кай лэндирэ еря андо плено. О Давид моӷ екжэно тэ ришый, сар тэ вилэл лэ манушэн анда плено, важ кода кай во сас годявэрно и лашо воино. Но во пушля кай о Иегова, со лэсти тэ терэл. О Давидо пушля лэ Иеговастар: «Тэ ӷонисавав мэ пала бандиторя? Доӷонисарава мэ лэн?» О Дэл ԥэндя лэсти: «Прастэ пала лэндэ и ту доӷониса лэн и одмэкэса кодэлэн, кас вонэ линэ андо плено» (1 Сам. 30:7—10). Сости тумэ можэте тэ сытён анда кода, сар андярдя пэс о Давид? Англа кода, сар тэ прилэн варисави ришэния пушэн, со пала када гиндон тумарэ родителя. Кадяжэ мангэн совето кай и старейшыноря, савэ ужэ най ек бэрш служын лэ Иеговасти. Кадэла ԥрала надёжни и о Иегова лэнди патял. И тумэ можэте пэр лэндэ тэ надеинпэ, важ кода кай кадэла ԥрала андэ собрания, сар подаркоря лэ Иеговастар (Эф. 4:8). Если тумэ лэна тэ сытён лэндар и тэ приашундён, со вонэ ԥэнэн, тоди тумэ сможэте тэ прилэн лащи ришэния андэ пэстири жызня. w21.03 4, 5, абз. 10, 11

Сар ԥэндя о Иисусо, если амэ на прилас андэ пэстири жызня када, со уӷанас анда Библия, тоди амэ шаспэ по мануш, саво строисардя пэско цэр по писко. Васо во кадя ԥэндя? Важ кода кай кодэва мануш столас бут зор, кай тэ строий, но када вся сас евья, важ кода кай кала жыля брышын, дя о паи, вазгляпэ и балвал и вся када дя пэ кодэва цэр, во пэля и лэстар нисо на ашэляпэ (Матф. 7:24—27). Кадя и амэ, если амэ на терас кадя, сар уӷанас, тоди амэ евья хасарас и время. Кала амэндэ авэла ԥаримос или варисави ԥари ситуацыя, тоди амэ нэ сможэм тэ виритярас, важ кода кай тоди амэ када на прилям андэ пэстири жызня. Амэ дажэ можэм тэ хасарас амари дружба лэ Иеговаса и тэ парашас тэ патяс андэр лэстэ. Ай кала прилас андэ пэстири жызня, вся, со уӷанас анда Библия, тоди амэ приласа лашэ ришэнии, амэнди авэла драго по ди и амари дружба лэ Иеговаса авэла инке май лащи (Ис. 48:17, 18). Кай тэ на парашас тэ кандас лэ Иеговас, хоть амэндэ можэт тэ авэл ԥаримос андэ жызня, амэнди трэбуй тэ патяс лэсти и вся и время тэ мангаспэ. Кадяжэ важно тэ на промэкас тэ проандярас лично изучения, и со май ӷлавно, амэнди трэбуй никала тэ на бистрас, кай важ амэндэ важно тэ прославляем лэ Иеговас. Кадяжэ амэ точно ӷанас, кай о Иегова амэн никала на ашавэла, и нисо нэ можэт тэ стерэл кадя, кай о Дэл тэ на любий амэн (Евр. 13:5, 6). w21.03 15, абз. 6; 18, абз. 20