Июнё

Анда ди шув сама лэ манушэс, савэс сытярэс па Библия. Дик пэр лэстэ, кабута во ужэ ԥрал или ԥэй андэ собрания. Ту трэбуй тэ поможыс тэ виарақэл друӷонэн андэ собрания. Лэсти найвушэро тэ парашэл тэ дружый лэ найлашэ друӷонэнца, савэ лэстэ сас, и тэ парувэл пэстири жызня, кай тэ служый лэ Иеговасти. Важно, кай во тэ ӷанэн лэ ԥралэн и лэ ԥэян андэ собрания. Тоди во лэла тэ дружый кодэлэнца, ко служый лэ Дэвлэсти. Када поможыя лэсти тэ парувэл пэстири жызня. Кадяжэ кодэла ԥрала и ԥэя моӷут тэ поможын, кай лэстири дружба лэ Иеговаса тэ авэл май лащи, и моӷут тэ подритярэн лэс, кала авэла трэбуй (Прит. 13:20). Амэ камас, кай о изучающё тэ авэл андэ собрания сар андо ери и тэ дружый лэ ԥралэнца и лэ ԥэянца, савэ шон сама лэс анда ди. Тоди лэсти авэла май вушэро тэ парашэл тэ дружый лэ манушэнца, савэ на дэн тэ пашол каринг о Дэл. Если и друӷоря, савэ сас лэстэ раньшэ, ашавэна лэс, во ӷанэна, кай и чачунэ друӷоря лэстэ исин андэ собрания (Мар. 10:29, 30; 1 Пет. 4:4). w20.10 17, абз. 10, 11

Амэнди трэбуй лэ Иисусоса тэ дружысарас, кай амэндэ тэ авэл лащи дружба лэ Иеговаса. Васо амэ кадя ԥэнас? Пэрво, о Иисусо ԥэндя пэстирэ учениконэнди: «О дад екжэно цэний тумэн, важ кода кай тумэ цэнин ман» (Иоан. 16:27). Инке во ԥэндя: «Нико на авэл каринг мэрно Дад па аврятэ, сар кати через мандэ» (Иоан. 14:6). Дэкала о мануш камэл тэ авэл лэ Иеговаско друӷо, но лэстэ нинай лащи дружба лэ Иисусоса. Када шолпэ пэ кода, кала о мануш камэл тэ зажал андо цэр, но на ԥэрнадя и вудар. О Иисусо сыстосардя пэс вудараса важ и бакрорэ (Иоан. 10:7). Дуйто, о Иисусо андярэлас пэс точно кадя, сар лэско Дад. Во ԥэндя пэстирэ учениконэнди: «Ко диқля ман, диқля и мэрнэ Дадэс» (Иоан. 14:9). Важ кода кай май драго тэ уӷанас лэ Иеговас, трэбуй тэ уӷанас пала лэ Иисусости жызня. Со май бут амэ уӷанас пала Иисусо, со май фартэ амэ любисарас лэс. Ай со май лащи амари дружба лэ Иисусоса, со май фартэ амэ ласа тэ любисарас лэстирэ Дадэс. w20.04 21, 22 абз. 5, 6

Ай со, если тумэ нащи ущен ҭанэстар чи бэшэн андо инвалидно кресло? Со если тумэнди ԥарэс тэ ԥирэн чи вэрыто диқэн лэ яқэнца? Вижала тумэндэ еқэҭанэ тэ нашэн лэ ԥралэнца и лэ ԥэянца, савэ тэрнэ и зоралэ? Вижала! Па дром, саво андярэл каринг и вечно жызня, прастэн бут христианоря, савэ ԥурэ и савэндэ нинай зор. Вонэ на гиндон, кай пэстирэ зорэса допрастэна. Вонэ патян, кай о Иегова дэла лэнди зор, кала проашунэн, со жал пэ собрании па телефоно чи диқэн па видеосвязь. Кадяжэ вонэ терэн и дила, сави поможый лэ манушэнди тэ ашэн лэ Иисусостирэ учениконэнца, кала росԥэнэн пала Дэл лэ врачонэнди, ко лэнца терэл бути и лэ родости. Если тумэндэ слабо зор, тоди тумэ можэте тэ гиндон, кай тумэндэ нинай зор, кай тэ допрастэн о дром, саво андярэл каринг и вечно жызня. Никала на домэкэн, кай тумэндэ тэ авэн кацавэ гиндоря. О Иегова любий тумэн, важ кода кай тумэ патян лэсти и бут бэрша на парашэн лэсти тэ служын. Акана тумэнди, сар никала трэбуй, кай во тумэнди тэ поможый. И о Иегова никала на ашавэла тумэн (Пс. 9:10). Во авэла инке май пашэ каринг тумэндэ. w20.04 29, 30, абз. 16, 17

Пала со можно тэ подас дума кодэлэса, ко ужэ патял андо Дэл? Виарақэн варисо, со тумэндэ еқэндар. Можэт во патял, кай о Дэл ек, чи прижанэл, кай о Иисусо спасысардя всаворэн манушэн, чи патял андэ кода, кай о найлашимос будэр никала на авэла. Сар виарақэна кода, андэр со патян еқэндар, тоди росԥэнэн лэ манушэсти, со пала када пистромэ андэ Библия. Тоди лэсти чалёла тэ ашунэл кода, пала со тумэ лэсти росԥэнэн. Сэрэн, кай и мануша дэкала на патян андэ вся кода, сости сытярэл лэндири вера. Важ када, дажэ кала полинэ, сави вера кай о мануш, всаек уӷанэн, андэр со патял во. Ек мисианеро шутя сама, кай дэсавэ мануша ԥэнэн, кай патян андэ Троица, но на патян, кай о небесно Дад, о Шаво и о свынто духо, када ек Дэл. Во ԥэнэн: «Кала ӷанэс када, тоди май вушэро тэ виарақэс лэ манушэса пала со тэ дэс дума». Важ када трэбуй тэ стон зор, кай тэ полэн, андэр со о мануш патял. Тоди тумэндэ вижала тэ ԥэнэн пала пэстэ, сар о апостоло Павло, саво ԥэндя: «Мэ стердэм вся, со можно сас, кай тэ поможысарав разнонэ манушэнди» (1 Кор. 9:19—22). w20.04 10, 11, абз. 9, 10

Амэ можэм тэ на дарас кодэлэстар, со авэла англэ. Важ кода кай о Даниило и о Иоанно запистросардэ, кай андэ само бари бида о Иегова и о Иисусо спасына пэстирэ служытелёнэн. О Даниило ԥэндя, кай «спасыяпэ кажно, ко запистромэ андэ книӷа». Со амэнди трэбуй тэ терас, кай амаро алав тэ авэл запистромэ андэ кадэя «книӷа»? Амэ трэбуй тэ доԥэнас, кай амэ патяс андо Иисусо, андэ лэ Дэвлэско Бакроро (Иоан. 1:29). Амэнди трэбуй тэ дас алав лэ Иеговасти тэ жувас важ лэстэ и тэ болдювас (1 Пет. 3:21). Ай инке амэ трэбуй тэ подритярас ла диласа лэ Дэвлэско Царство и тэ терас вся, кай тэ поможысарас аврэнди тэ уӷанэн пала Иегова. Акана само вой и время, кай тэ терас вся, кай май фартэ тэ патяс лэ Иеговасти и лэстиря арӷанизацыяти. Акана время тэ сыкавас пэ дила, кай подритярас лэ Дэвлэско Царство. Кати кадя амэ сможэм тэ спасысавас, кала о Царство лэла тэ умарэл лэ севернонэ и южнонэ царёнэн. w20.05 16, абз. 18, 19

О Адамо и Ева ӷанэнас, кай лэ Дэвлэс ақарэн Иегова. Вонэ ӷанэнас ӷлавно чачимос пала лэстэ. Када, кай во Создателё, саво подарисардя лэнди и жызня, совершэно тила, лашо и райкано ҭан, кай тэ жувэн, ай кадяжэ дя райканэ хулас и ла хулая́ (Быт. 1:26—28; 2:18). Но сас важ лэндэ куч кода, со стердя о Иегова? Сас лэндэ андо ди чачуни любовь и блаӷодарность каринг о Иегова? Када вся дицэля, кала лэнца задя дума лэ Дэвлэско вороӷо. Через о сап о Сатана пушля ла Еватар: «Чаче о Дэл ԥэндя, кай тумэнди нащи тэ хан па всаворэ витки андо садо?» (Быт. 2:16, 17, 3:1). Андэ кадэва вопросо сас хохаимос пала Дэл, саво сас, сар ядо, через саво и Ева ля найдраго тэ гиндой пала Дэл. Но о Дэл ԥэндя лэ Адамости и ла Евати, кай вонэ моӷут тэ хан и плодоря па всаворэ витки, ай кати па ек нащи сас тэ хан (Быт. 2:9). О Иегова фартэ бут со важ лэндэ стердя и приԥэндя лэнди тэ на хан кати па ек витка. О Сатана вистодя када кадя, кабута о Дэл гаравэл лэ манушэндар варисо важно. Файма, и Ева погиндосардя: «Ай со, если када чаче?» w20.06 3, 4, абз. 8, 9

Дэсавэ лэ Иеговастирэ служытелёнэнди, ашэля ԥарэс по ди через кода, со стердя о ԥрал чи ԥэй андэ собрания. О апостоло Павло прижангля, кай дэкала амэндэ исин кода, васо тэ холявас пэ авэр христианино. Можэт дажэ амэнца обжылэпэ кадя, сар амэ на затердям. Если амэ на шас сама пэ кода, кай холяйлям, и холи можэт тэ авэл инке май бари. Ай кала о мануш фартэ холявэл, во можэт тэ отжал лэ Дэвлэстирэ народостар. По Пабло анда Южно Америка, варико хохадя и дошалярдя лэс, кай во стердя варисо най кадя. О Пабло на сас дошало. Но и старейшыноря ришыли, кай во дошало и залинэ лэстар почотно дила андэ собрания. Сар во пэс андярдя? О Пабло росԥэнэн: «Мэ фартэ холяйлэм и по набут отжылэм ла собраниятар». Если варико стердя баро ӷрехо, во можэт инке долӷо тэ гиндой, кай во дошало. Во можэт тэ гиндой, кай на ашэл, кай о Дэл лэс тэ любий. Хоть кацаво христианино каисайля, во всаек можэт тэ гиндой, кай лэсти нинай ҭан машкар лэ Дэвлэско народо. Ай со тумэ гиндон пала кацавэ ԥрала и ԥэя, пала савэ дям дума? w20.06 19, абз. 6, 7

Амэ трэбуй тэ розласпэ андэ кода, сар амэ отцыювас, савэ амэндэ развличении и со амэ диқас (Евр. 5:14). Важ кода кай щяс андэ проӷраммы и андо кино сыкавэн, кай и мануша андярэн найлащи жызня. Кадэлэса вонэ лажаварэн лэ Дэвлэс, ай кадяжэ кадэлэстар ԥарэс и лэнди и аврэнди. Важ када амэндэ трэбуй тэ на авэн кацавэ развличении, через савэ амэ парашаса тэ любисарас лэ Дэвлэс (Эф. 5:5, 6). Амэ кадяжэ трэбуй тэ полас, сави бида можэт тэ авэл, если амэ ашунаса лэ отступниконэн, важ кода кай вонэ старыинпэ тэ стерэн кадя, кай амэ тэ парашас тэ патяс лэ ԥралэнди и кодэлэсти, со ԥэнэн лэ Иеговастири арӷанизацыя (1 Тим. 4:1, 7; 2 Тим. 2:16). Через када амэ можэм тэ парашас тэ патяс лэ Иеговасти. Кацави хохавни дума розындярэн и мануша, савэндэ андо шэро ек о хохаимос и андэр лэндэ ни ӷрама нинай чачимос. Вонэ камэн, кай амэ тэ спорисавас, тэ на полас ек еқэс, тэ патяс андэ лэнго хохаимос и тэ парашас тэ патяс амарэ ԥралэнди (1 Тим. 6:4, 5). w20.09 29, абз. 13; 30, абз. 15

О хулай и хулаи трэбуй тэ полэн и тэ стон патив пэ ек еқэстэ (Эф. 5:33). Андэ Библия ԥэнэнпэ: «Май бари бах, кала дас, чем кала лас» (Деян. 20:35). Со поможыя лэ хуласти и ла хулаяти тэ любин и тэ полэн ек еқэс? Поможыя кода, кай вонэ на лэна тэ гиндон пала пэстэ бут. Кала о хулай и хулаи на заваздэн о шэро, када поможый лэнди тэ авэн май бахталэ андо ери. Акэ со ԥэнэн о ԥрал, савэс ақарэн Стивено: «Если тумэ ладин и полэн ек еқэс, тумэ вся лэна тэ терэн дуйжэнэ, особенно тоди, кала ԥарэс. Вместо кода, кай тэ гиндон: „Сар авэла манди май фэдэр?“, тумэ лэна тэ гиндон: „Сар авэла амэнди май фэдэр?“». Лэсти хулаи и Стефани гиндой кадяжэ. Вой ԥэнэн: «Никасти на камэлпэ тэ жувэл кацавэ манушэса, саво вся и время камэл тэ авэл па лэстирятэ. Кала амэ на дополас ек еқэс, амэ старысавас тэ полас, васо амэндэ кадя. Потом амэ мангаспэ, родас андэ амари литература библейски советоря и дас дума, со тэ терас, кай тэ полас ек еқэс. Амэ терас вся, кай тэ на спорисавас, ай тэ ладисарас». О хулай и хулаи, савэндэ нинай ек англа еқэстэ ӷордость, па чачимастэ бахталэ. w20.07 4, абз. 5, 6

Кала служысарас лэ Иеговасти, нащи тэ гиндосарас, кай вся стераса кати пэстирэ зорэса и кодэлэса, кай амэндэ вся драго вижал. О апостоло Павло сас ӷрамотно мануш. Лэс сытярэлас о Гамалиило, саво сас ек анда ашунглэ барэ мануша, савэ драго полэнас андэ иудейско вера (Деян. 5:34; 22:3). И сас время, кала по Павло стонас бари патив и иудеёря (Деян. 26:4). Но о Павло на надеияспэ кати пэр пэстэ. О Павло сас лошало тэ ашавэл вся, через со во сас ашунгло машкар миро (Флп. 3:8). Во бут со пэрэандярдя, кай тэ ашэл лэ Иисусостирэ ученикоса. Лэс нэнавидели и мануша анда лэско народо (Деян. 23:12—14). Ай кодэла, каса лэстэ сас ек ӷражданство, марэнас лэс и стонас андо баруно (Деян. 16:19—24, 37). Во кадяжэ фартэ пэрэжывал, кай лэстэ дэсо на вижалас тэ терэл правильно (Рим. 7:21—25). Но о Павло на домэкэлас, кай через кода, кай лэстэ най вся вижалас драго тэ терэл и через и вороӷоря лэстэ тэ умэкэнпэ и вас. Во всаек лошавэлас, хоть лэсти и на хутилэлас зор. Васо? Важ кода кай, кала лэсти на хутилэлас зор, во диқэлас, сар лэсти поможыяс о Дэл (2 Кор. 4:7; 12:10). w20.07 16, 17, абз. 7, 8

Адес важ амэндэ со май ӷлавно, тэ росԥэнас важ о Царство. О Иисусо ԥэндя, кай посли кода, сар во мэрэла, лэстирэ ученикоря на парашэна тэ росԥэнэн пала Царство и дажэ росԥэнэна май бутэнди, чем кала во сас пэ ԥув. Посли кода, сар о Дэл рисардя и жызня лэ Иисусости, о Иисусо стердя чуда. Во стердя кадя, кай лэстирэ ученикоря тэ астарэн фартэ бут маще. Посли када во дя дума лэнца, кай со май важно дила, када тэ росԥэнэн пала Царство (Иоан. 21:15—17). Англа кода, сар о Иисусо вазгляпэ по нэбо, во ԥэндя лэ учениконэнди, кай кадэя дила лэна тэ терэн най кати андо Израилё (Деян. 1:6—8) Сар прожылэ бут бэрша, о Иисусо стердя кадя, кай о апостоло Иоанно тэ диқэл видения пала кода, со лэла тэ терэлпэ андэ лэ Ӷосподоско дес. О Иоанно додиқля кода, состар лэсти ашэля драго по ди. Во додиқля, кай лэ анӷелостэ сас лащи новость важ «кажно нацыя, ери, народо и шыб» (Отк. 1:10; 14:6). Вижал, адес о Иегова камэл, кай амэ тэ росԥэнас пала Царство па вся и ԥув, пока вся кадэя дила на авэла стерди. w20.09 9, абз. 5

Андо ери кай о Авраамо сас ԥаримос. Лэстиря хулаятэ, савя во любияс, на сас бэяцэ. Бут бэрша лэнди сас ԥарэс кадэлэстар. Потом и Сарра отдя лэ Авраамости пэстиря служанка, ла Агаря, кай вой тэ анэн лэнди бэятонэн. И кала латэ сас трэбуй тэ арақадёлпэ о Измаило, вой ля тэ гиндой, кай вой май лащи, чем латири ӷоспожа и Сарра. Ла Саррати кадэлэстар сас фартэ ԥарэс, и вой стердя кадя, кай и Агарь тэ унашэлтар латар (Быт. 16:1—6). Прожыля время, и Сарра доаштярделя и бах и вой андя лэ Авраамости шавэс, савэсти во дя алав Исаако. О Авраамо любияс лэ́дуен пэстирэ шавэн, лэ Измаилос и лэ Исаакос. Но о барэдэр шаво найдраго обжаласпэ лэ цыкнэдэрэса. И важ када лэ Авраамости прижыляпэ тэ видаравэл лэ Измаилос и ла Агаря (Быт. 21:9—14). Прожылэ бут бэрша и о Иегова мангля лэ Авраамос тэ анэн андэ жэртва лэ Исаакос (Быт. 22:1, 2; Евр. 11:17—19). Андэ кадэла лэдуй маменторя лэ Авраамости трэбуй сас фартэ тэ патял лэ Иеговасти, кай во зритярэла пэско алав, саво во лэсти дя. w20.08 4, абз. 9, 10

Мануша, савэ упалэ лэна тэ жувэн, фартэ лошавэна кодэлэсти, кай линэ тэ парудён, кай тэ жувэн па лэ Дэвлэско законо. Лэнди о Иегова дэла вечно жызня пэ ԥув. Ай кодэлэнди, ко на закамэла тэ парудёнпэ, во на дэла, кай вонэ тэ терэн варисо, кай тэ на авэл мирно пэ ԥув, и на домэкэла, кай вонэ тэ ашэнпэ андо раё (Ис. 65:20; Иоан. 5:28, 29). Лэ Дэвлэско Царство лэла тэ правий пэ ԥув, и тоди всаворэ лэ Дэвлэстирэ служытеля додиқэна, кай кода, со пистромэ андэ Притчи 10:22, када чачимос. Котэ пистромэ: «Лэ Иеговастири блаӷословения дэл бут лашимос, и во каринг када на дэл дук». Блаӷодаря кодэлэсти, кай о Иегова дэл пэско свынто духо, кай лэстирэ служытеля авэла инке май лащи дружба лэса. Ай кадяжэ вонэ лэна тэ андярэн пэс, сар о Иисусо, и када лэндэ вижала май драго и май драго (Иоан. 13:15—17; Эф. 4:23, 24). Дес десэстар лэнго зор авэла май лашо, ай кадяжэ лэндэ вижала май драго тэ сыкавэн пэстирэ лашэ качестворя. Сави дэ бахтали жызня тоди лэндэ авэла! (Иов 33:25). w20.08 17, абз. 11, 12

Амэнди трэбуй тэ сэрас, кай дэсавэ ԥрала и ԥэя екжэнэ витидэ тэ на жан миростэ чи тэ на жэнинпэ. Авэр камлоп тэ жан миростэ чи тэ жэнинпэ, но пока на додиқлэ кодэлэ манушэс, саво лэнди поджал. Ай исин андэ собрания кодэла, ко хасардя лэ хулас чи ла хулая. Сар бы тэ на авэл, трэбуй амэ тэ пушас кай кацавэ христианоря, васо вонэ би хуласко чи би хулаяко? Чи тэ поможысарас лэнди тэ виарақэн пэсти хулас чи хулая? Канешно, дэко андар лэндэ можэт екжэно пала када тэ мангэл. Но со если тумэн на манглэ пала када? Со авэла по ди лэ ԥралэстэ чи ла ԥьятэ, савэнди тумэ ԥэнэн, кай виарақэна хулас чи хулая? (1 Тим. 5:13). Кодэла ԥрала, савэ найжэнати, чи ԥэя, савэ наймиростэ, авэна амэнди блаӷодарни, если важ амэндэ май ӷлавни авэна лэндирэ лашэ качестворя, ай най кода, исин чи нинай лэндэ хулай чи хулаи. Тоди амэ на аваса важ лэндэ кодэла, ко ԥэнэн: «Тумэ манди на трэбуй» (1 Кор. 12:21). Вонэ ӷанэна, кай андэ собрания лэн цэнин и стон пэр лэндэ патив. w20.08 29, абз. 10; 30, абз. 14

Потом о Иисусо авеля и каринг о апостоло Павло, тоди пэр лэс ԥэнэнас Савло (1 Кор. 15:8). Кала о Павло жалас анда Дамаско, во ашундя лэ Иисусоско ӷолосо и додиқля лэс по нэбо (Деян. 9:3—5). Кадэва маменто, сыкавэл, кай о Иисусо па чачимастэ рисайля каринг и жызня (Деян. 26:12—15). Кай о Павло росԥэнэн пала Иисусо, када фартэ важно. Важ кода кай во раньшэ ӷонияс лэ манушэн, савэ линэ тэ патян андо Иисусо. Ай кала о Павло патяя, кай о Иисусо рисайля каринг и жызня, во ля тэ росԥэнэн пала када аврэнди, кай и вонэ андэ када тэ патян. Лэ Павлос марэнас, бэшарэнас андо бар, и во най еқвар чуть на тасыля по кораблё (1 Кор. 15:9—11; 2 Кор. 11:23—27). О Павло кадя патялас, кай о Иисусо рисайля каринг и жызня, кай дажэ сас ӷотово тэ мэрэл важ кода, кай росԥэнэнас пала када аврэнди. Кода, со ԥэнэнас лэ Дэвлэстирэ служытеля андо пэрво вико, поможый тэ патяс, кай о Дэл рисардя лэ Иисусос каринг и жызня. И хэба через када амэ на лас тэ патяс май фартэ, кай кодэла, ко мулинэ, моӷут тэ ринпэ каринг и жызня? w20.12 3, абз. 8—10

Кажно трэбуй тэ пушэл пэстар, адиной во и Библия кажно дес? Если исин ери, стидэлпэ во кажно курко, кай лэ ереса тэ сытёл па Библия? Ай если нинай ери, витидэл во время, кай кажно курко екжэно тэ сытёл пар латэ? Терэл во вся па пэско зор, кай тэ росԥэнэн пала Дэл и тэ сытярэл лэ манушэн па Библия? Ай кадяжэ трэбуй тэ пушэл пэстар, на промэкэл во и собрания? Када важно, важ кода кай пэ собрания амэ лас зор, кай тэ на парашас тэ служысарас лэ Иеговасти, и котэ амэн подритярэн и ԥрала и ԥэя (Матф. 11:28). Васо амэ трэбуй тэ пушас пэстар када? Важ кода кай амэ трэбуй тэ полас, со амэндэ андо ди. Если амэ додиқаса, кай амэнди трэбуй тэ парувас пэстирэ гиндоря, амэнди трэбуй тэ мангаспэ пала када лэ Иеговасти. О Иегова ӷанэн, со амэндэ андо ди и савэ амэндэ гиндоря (1 Лет. 28:9) Важ када во поможыя амэнди тэ парудювас. w20.09 19, абз. 19, 20

О Иисусо еқвар росԥэндя лэ манушэнди, савэ камэн тэ ашэн лэстирэ ученикоря, со вонэ трэбуй тэ терэн. Важ када во призындярдя дуй примероря. Пэрво примеро, пала мануш, саво строий о цэр, ай, о дуйто примеро, пала царё, саво тидэлпэ тэ жал пэ война. Пэрво мануш бэшэл и подадиной, скати лэстэ пэ када жана ловэ. Ай дуйто мануш, када о царё, саво тидэлпэ тэ жал пэ война. Хэба май англал во на бэшэла и на подэла дума аврэнца, вижала лэстэ тэ победий чи най? (Луки 14:27—32). Кадэла примероря поджан и каринг о мануш, саво камэл тэ ашэл лэ Иисусоско ученико. Во трэбуй драго тэ погиндой, сар кадэлэстар парудёла лэстири жызня. Амэ поможысараса андэ када лэ манушэсти, если ласа тэ шас сама, кай трэбуй тэ изучаем кажно курко. Если ту сытярэс лэ манушэс па Библия, тоди кажно разо драго ӷотовься каринг изучения. Погиндосар, сар ту можэш тэ росԥэнэс и тема лэ манушэсти кадя, кай во тэ полэл ла, и тэ терэл, сар уӷангля анда Библия (Неем. 8:8; Прит. 15:28а). w20.10 7, абз. 5; 8, абз. 7

О Иисусо ворта ԥэндя, со амэнди тэ терас. Амэ трэбуй тэ поможысарас лэ манушэнди, кай вонэ тэ терэн кадя, сар сытярэлас о Иисусо. Но трэбуй тэ на бистрас пала фартэ важно маменто. О Иисусо на ԥэндя: «Жан... сытярэн лэ манушэн, кай вонэ тэ авэн ученикоря, и сытярэн лэн всаворэсти, со мэ тумэнди приԥэндэм». Най, о Иисусо ԥэндя акэ сар: «Жан... сытярэн лэ манушэн, кай вонэ тэ авэн ученикоря, и сытярэн лэн тэ терэн вся, со мэ тумэнди приԥэндэм». И алава «терэн вся, со приԥэндо» сыкавэн, кай трэбуй андэ вся тэ кандас. Пэ изучения ту росԥэнэс лэ манушэсти, со лэстар аштярэл о Дэл. Но када най вся. Инке ту трэбуй тэ поможыс, кай во вся, со уӷанэн анда Библия, тэ прилэл андэ пэстири жызня (Иоан. 14:15; 1 Иоан. 2:3). Кода, сар ту пэс андярэс, поможыя лэ манушэсти, савэса изучаеш, тэ жувэл па библейски принцыпоря, кала во андэ школа, пэ бути или кала отцыёл. Кадяжэ ту можэш англа лэстэ тэ мангэспэ лэ Иеговасти, кай о свынто духо тэ поможый лэсти годявэрнэс тэ витидэл варисо андэ пэстири жызня (Иоан. 16:13). w20.11 2, 3, абз. 3—5

Кай лэ Иисусостирэ ученикоря сас ԥаримос. Андэ кодэя время сас мало свиткоря, анда савэ вонэ моӷли тэ адинон и Свынто Писания. И инке лэндэ на сас нисо анда кода, пар со амэ акана сытярас лэ манушэн. Хоть лэндэ сас бут ԥаримос, вонэ всаек на парашэнас анда вся ди тэ служын лэ Иеговасти. Вонэ стердэ када, хоть можэт и здэласпэ, кай лэндэ када на вижала. Но прожыля варикай 30 бэрш и пала Дэл «росԥэндэ всаворэнди пэ вся люма» (Кол. 1:6, 23). Адес о Иегова на парашэл тэ диқэл пала пэстирэ служытеля и тэ дэл зор, кай вонэ тэ стерэн лэстири дила. Во сытярэл амэн через пэско алав и Библия. Котэ можно тэ проадиносарас пала лэ Иисусостири служэния и пала кода, сар во приԥэндя пэстирэ учениконэнди тэ на парашэн тэ терэн и дила, сави во лэнди дя (Матф. 28:19, 20). О Иегова ԥэндя, кай пала Царство лэна тэ росԥэнэн «андэ кажно нацыя, ери, народо и шыб» (Отк. 14:6, 7). И во камэл, кай пала лэстэ тэ ашунэн всаворэ. w20.10 21, абз. 6—8

О царё о Давидо любияс лэ Дэвлэско законо, ай о Сауло най (Пс. 1:1—3). Еқвар во взвисайля каринг о Иегова кацавэ алавэнца: «Най ӷордонэн ту спасыс, ай кодэлэн, ко заваздэл о шэро, ту сындос и тэлярэс». Кала о Давидо полэлас, кай терэл най кадя, сар пистромэ андэ лэ Дэвлэско законо, во парудёлас. Во пистросардя: «Мэ лава тэ хвалисарав лэ Иеговас, саво дэл манди совето. Дажэ и рятэ мэрнэ гиндоря, савэ андэ мэрно ди, парувэн ман» (Пс. 16:7). Если амэ най ӷорди, амэ ласа тэ приашундювас каринг кода, со пистромэ андэ Библия. И ласа тэ парувас пэско гиндо, важ кода кай нэправильни гиндоря анэн каринг и нэправильно дила. Андэ Библия запистромэ лэ Дэвлэстирэ алава: «Акэ дром, жан пар лэстэ». Кадя во подԥэнэн амэнди, кай тэ на ашавас лэско дром (Ис. 30:21). Если амэ ласа тэ кандас лэ Иеговас, када анэна амэнди ек о лашимос (Ис. 48:17). Тоди амэнди на прижалапэ тэ лажас, кала варико подԥэнэн, кай стердям варисо най кадя. И амэндэ авэла инке май лащи дружба лэ Иеговаса, важ кода кай поласа, кай амэ важ лэстэ, сар бэяцэ (Евр. 12:7). w20.11 20, абз. 6, 7

Кацави мышления, можэт, повлияло пэ дэсавэ христианоря анда Коринфо (1 Кор. 15:12). Авэр христианоря гиндонас, кай о мануш кабута «най жундо», если во терэлас бэзэх. Ай кала о мануш ашэлас христианино, во кабута «жундёлас», важ кода кай лэско бэзэх простияспэ. Сар тэ на авэл, кода, андэр со патянас кодэла христианоря, сар ԥэндя о Павло, сас евья. Если о Дэл на рисардя лэ Иисусос каринг и жызня, вижал во и на витиндя амэн лэ бэзэхэстар, ай если на витиндя лэ бэзэхэстар, тоди амаро бэзэх на простийпэ. Важ када кацавэ манушэнди най пэр со сас тэ надеинпэ (1 Кор. 15:13—19; Евр. 9:12, 14). О апостоло Павло пэстирэ яқэнца диқля, кай о Иисусо рисайля каринг и жызня. Дэлмут о Иегова ужэ рияс каринг и жызня кодэлэн, ко муля. Но всаек вонэ потом упалэ мэрэнас. Но о Иисусо рисайля каринг и жызня най сар всаворэ. О Павло ԥэндя: «О Христос рисайля пэрво каринг и жызня». Во сас пэрво, ко рисайля каринг и жызня сар анӷело, и вазгляпэ по нэбо (1 Кор. 15:20; Деян. 26:23; 1 Пет. 3:18, 22). w20.12 5, абз. 11, 12

Андо пэрво вико и ԥрала, савэ сас анда руководящё совето андо Иерусалимо, вмести терэнас дила, кай андэ лэ Дэвлэско народо тэ авэл мирно и тэ авэл порядко (Деян. 2:42). Но варикай андо 49 бэрш лэ И. Х. и христианоря машкар пэстэ заспорисайлэ пала обрезания. О руководящё совето через о свынто духо роздиқля кадэва вопросо. Если вонэ тэ на ришысардоп кадэва вопросо, можэт и мануша парашэлоп тэ росԥэнэн пала Дэл. Хоть и старейшыноря и и апостолоря андо Иерусалимо сас евреёря, пэ лэндири ришэния нэ повлияли ни и иудейски традицыи ни и мануша, савэ лэн ритярэнас. Тэ прилэн и ришэния лэ ԥралэнди поможыяс и Свынто Писания и о свынто духо (Деян. 15:1, 2, 5—20, 28). Саво лашимос када андя? О Иегова блаӷословисардя и ришэния, сави приля о руководящё совето. И христианоря линэ тэ ладин и вмести на парашэнас анда вся ди тэ росԥэнэн пала Дэл (Деян. 15:30, 31; 16:4, 5). Адес андэ лэ Иеговасти арӷанизацыя всегда старыинпэ, кай тэ авэл мирно и порядко. w20.10 22, 23, абз. 11, 12

Можэт тэ авэл кацаво, кай тути нэ моӷут тэ дэн почотно теократическо дила. Можэт тутэ найдраго лэ зорэса или ту андэ ԥурэ бэрша, или инке важ варисо. Тоди на бистэр пала Давидо, саво фартэ камэлас тэ ваздэл о храмо. О Иегова лэсти ԥэндя, кай най во строия лэс, ай лэско шаво. И о Давидо подритярдя лэ Иеговастири ришэния. Во дажэ отдя фартэ бут сомнак и руп, кай тэ строин кадэва храмо. Амэ тожэ можэм тэ сытювас лэ Давидостар, саво сыкадя амэнди райкано примеро! (2 Сам. 7:12, 13; 1 Лет. 29:1, 3—5). Ек ԥрал анда Франция, савэс ақарэнас Андрий, парашэля тэ служый старейшынаса. Лэстэ ашэля найдраго лэ зорэса, и во дажэ нисо нэ моӷ тэ терэл па цэр. Лэсти сас фартэ ԥарэс через када. Во умэкля и вас и гиндояс, кай нисо на ашэл. Но потом во поля, кай трэбуй тэ парувэл варисо. Во ля тэ радуийпэ, кай можэт варисо тэ стерэл андэ служэния лэ Иеговасти. И лэсти андэ када поможысардя о примеро пала Гедеоно и пала лэстирэ воиноря. Вонэ на парашэнас тэ марэнпэ пэ война, хоть фартэ сас цыенэ! (Суд. 8:4). w20.12 25, абз. 14, 15

Андэ Евангелия лэ Иоанностар и алава «любовь» и «тэ любисарас» май часто пистромэ, чем андэ авэр трин Евангелия. И библейски книӷи, савэ пистросардя о апостоло Иоанно, сытярэн, со кай и христианоря андэ всавори дила трэбуй тэ дицол и любовь (1 Иоан. 4:10, 11). Но екжэно о Иоанно кадэлэсти най сразу сытеля. Кала о Иоанно сас тэрно, во най вся и время сыкавэлас пэстири любовь. Подам дума пала дуй маменторя, савэ сас андэ лэстири жызня. Еқварэс о Иисусо пэстирэ учениконэнца жалас анда Иерусалимо через и Самария. Котэ и мануша анда ек гав на закамлэ лэн тэ прилэн пэстэ. О Иоанно ԥэндя лэ Иисусости: «Ӷосподо, камэс амэ ԥэнаса, кай па нэбо тэ сжал и яг и тэ сԥабарэл лэн?» (Луки 9:52—56). Ай акэ инке ек маменто. О Иоанно и лэско ԥрал о Иаково манглэ лэ Иисусос через пэстири дэй, кай во тэ дэл лэнди май лашо ҭан андэ лэ Дэвлэско Царство. Кала пала када уӷанглэ и апостолоря, вонэ фартэ холяйлэ пэр лэндэ (Матф. 20:20, 21, 24). Хоть о Иоанно пэс кадя андярэлас, о Иисусо всаек лэс фартэ любияс (Иоан. 21:7). w21.01 9, абз. 3, 4

Кала о Иегова прилэл ришэнии, во спэрва гиндой, кай кадэлэстар тэ авэл драго аврэнди. Во дя амэнди и жызня най важ кода, кай лэсти варисо кадэлэстар тэ авэл. Во камля, кай амэ тэ радосавас ла жызняти. И нико нэ моӷ тэ заставий лэ Иеговас, кай во тэ отдэл пэстирэ Шавэс важ амарэ ӷрехоря. Во екжэно приля кадэя ришэния, важ кода кай камэлас важ амэндэ ек о лашимос. Кадяжэ и о Иисусо, кала прилэлас и ришэния, дицолас, кай во заботийпэ пала авэр мануша. Например, кай тэ росԥэнэн важ лэ Дэвлэско Царство, во най еқвар отԥэндёлас кодэлэстар, кай тэ отцыёл (Мар. 6:31—34). О хулай андо ери полэл, кай тэ прилэл годявэрнэ ришэнии най вушэро, но када важно. И важ када во на грабий тэ прилэл ришэнии, если во холяйля или умэкля и вас. Кадяжэ во на прилэл ришэнии кати важ кода, кай лэстэ исин пэ када право. Наоборот, во старыийпэ тэ полэл, со лэстар аштярэл о Иегова (Прит. 2:6, 7). Кадэлэстар авэла драго и лэсти и аврэнди (Флп. 2:4). Если о хулай старыийпэ тэ сытёл кай о Иегова и кай о Иисусо, лэстэ вижала драго тэ диқэл пала пэско ери. w21.02 7, абз. 19—21

Кала о царё Аса сас тэрно, во сас смило и найӷордо мануш. Када дицэля, кала во ля тэ правий посли пэско дад. Пэрво со во стердя, када приԥэндя пэстирэ манушэнди, кай тэ розмарэн лэ хохавнэ дэвлэн и вся сости тэлёнас и мануша. Кадяжэ «во приԥэндя лэ иудеёнэнди тэ родэн лэ Иеговас, лэндирэ папонэндирэ Дэвлэс и тэ ритярэн лэско законо» (2 Лет. 14:1—7). Еқвар против лэндэ вижыля о эфиопско царё Зара. Лэстэ сас фартэ баро войско, милионо мануша. И о Аса андярдя пэс фартэ годявэрнэс. Во мангля помощь кай о Иегова. Во ԥэндя: «Иегова, ту можэш тэ поможыс и кодэлэсти кастэ исин зор, и кодэлэсти ко би зорэско. Поможысар амэнди, амаро Дэл Иегова, важ кода кай амэ патяс тути». Анда кадэла алава дицол, кай о Аса патялас лэ Иеговасти, кай во можэт тэ поможый лэсти тэ фэрий о народо. О Аса патяя лэ Иеговасти, и о Иегова поможысардя лэсти тэ вицэлэл андэ война (2 Лет. 14:8—12). О царё Аса патялас лэ Иеговасти и важ када, дажэ кала пэр лэстэ жанас милионоря мануша, во лэн победияс. w21.03 5, 6, абз. 12, 13

Анда Библия амэ уӷанас, кай и нэсовершэни мануша вижалас тэ авэн лашэ друӷонэнца. Подам дума пала Ионафано и Давидо. Андэ 1 Самуила 18:1 ԥэнэнпэ: «Посли кода, сар о Давидо подя дума лэ Саулоса, о Давидо и о Ионафано ашэлэ пашутнэ друӷоря. О Ионафано полюбисардя лэс всаворэ одеса». Через дэсави время посли кода, сар о Давидо сас помазано, кай тэ авэл царёса вместо Сауло, о Сауло ля лэс тэ вэрыцый и камля тэ умарэл. Ай о Ионафано, лэ Саулоско шаво, на подритярэлас пэстирэ дадэс, ай любияс лэ Давидос. О Давидо и о Ионафано динэ солах ек еқэсти, кай ашэнапэ друӷоря пэ вся и жызня (1 Сам. 20:42). Кода, кай о Ионафано и о Давидо дружынас, сас нэобычно. И вонэ бут со пэрэандярдэ. Хоть о Ионафано сас барэдэр пэ 30 бэрш лэ Давидостар, о Ионафано на гиндояс, кай лэсти авэла най интересно тэ проандярэл и время лэ Давидоса, важ кода кай о Давидо сас пэ бутэстэ май тэрно, чем о Ионафано, и кай во май набут полэлас андэ жызня, чем во. Но во всаек столас патив по Давидо. w21.01 21, 22, абз. 6, 7

О Иисусо ԥэндя, кай кала амэ ласа тэ служысарас лэ Дэвлэсти, амэ аваса па чачимастэ бахталэ, но кадяжэ во ԥэндя, кай амэндэ авэла и о ԥаримос (Матф. 10:22, 23; Луки 6:20—23). Амэ лошалэ тэ служысарас лэ Дэвлэсти. Но кала о родо на дэл амэнди тэ служысарас лэсти или и власти амэн вэрыцын, кай амэ патяс андо Иегова, кадэлэстар амэнди можэт тэ авэл ԥарэс по ди. Кадяжэ ԥарэс можэт тэ авэл кала тасавэн пар мэндэ и мануша пэ бути или и однокласникоря и камэн, кай амэ тэ стерас варисо нэправильно англа Дэл. Кала лэ манушэндэ исин ԥаримос андэ жызня, лэнди ԥарэс тэ лошавэн. Андэ Библия ԥэнэнпэ, кай андэ жызня можэт тэ авэл ԥаримос, но всаек андо ди трэбуй тэ авэл радость. И о Иаково пала када пистросардясас, кай тэ на парашас тэ лошавас, дажэ если исин ԥаримос (Иак. 1:2, 12). Ай о Иисусо ԥэндясас кацавэ алава: «Бахталэ тумэ, кала через мандэ пэр тумэндэ ԥэнэн найлашэ алава [и] ӷонин» (Матф. 5:11). О Иегова через пэско свынто духо дя лэсти гиндо, кай во тэ пистрой советоря лэ ԥралэнди и лэ ԥэянди, сар вонэ тэ на хасарэн и радость дажэ кала исин ԥаримос. w21.02 26, абз. 1, 2; 27, абз. 5

Андэ лэ Тимофеёсти время дэсавэ христианоря парашэлэ тэ цэнин, кай терэн ек дила лэ Иеговаса. Машкар лэндэ о Димасо, о Фигелло, о Ермогено, о Именеё, о Александро и о Филито (1 Тим. 1:19, 20; 2 Тим. 2:16—18). Спэрва кадэла мануша любинас лэ Иеговас, но потом парашэлэ тэ цэнин кода, со дя лэнди о Дэл. Со терэл о Сатана, кай амэ тэ парашас тэ цэнисарас кода, со доверил амэнди о Иегова? Во ԥэнэн пэстирэ гиндоря через о телевизоро, через и киноря, через и ӷазеты, журналоря и книжки. Кадя во камэл, кай амэ тэ парашас тэ патяс андо Иегова. Во камэл, кай амэ тэ дарас, со пала амэндэ гиндона и мануша или кай ӷонина амэн, кай амэ тэ парашас тэ проповедуем. Ай инке во хытрияса камэл тэ подмарэл амэн, кай амэ тэ патяс андо хохаимос, саво ԥэнэн и отступникоря. Если амэ на ласа тэ диқас пала кода, сар амэ пэс андярас, тоди амэ можэм по набут тэ парашас тэ цэнисарас о чачимос анда Библия. (1 Тим. 6:21). w20.09 27, абз. 6—8

Ай со если варико анда ери или анда тумарэ друӷоря стердэ, кай тумэнди тэ авэл фартэ ԥарэс по ди? Тоди тумэнди поможыя кода, со андэ Библия пистромэ пала Давид. Лэско шаво о Авессаломо придя лэс (2 Сам. 15:5—14, 31; 18:6—14). Англа кода, сар тэ проадинос пала Давид, спэрва росԥэн лэ Иеговасти пала вся, со тутэ по ди и сар туса обжылэпэ авэр (Пс. 6:6—8). Акана погиндосар, со сас по ди кай о Давид андэ кодэя время. Во фартэ любияс пэстирэ шавэс и фартэ цэнияс пэстирэ друӷос лэ Ахитофелос. Но кадэла мануша лэс придинэ. Лэсти сас фартэ ԥарэс по ди кадэлэстар, и инке май ԥарэс сас кодэлэстар, кай вонэ камэнас лэс тэ умарэн. О Давид моӷ бы тэ парашэл тэ патял пэстирэ аврэ друӷонэнди и тэ гиндой, кай вонэ тожэ моӷут лэс тэ придэн. Во моӷ тэ гиндой, кай ашэляпэ екжэно и тэ надеийпэ трэбуй кати пэр пэстэ. Или во моӷ бы совсем тэ умэкэл и вас через када. Вместо када о Давид мангэлас помощь кай о Иегова и кай пэстирэ друӷоря. Во сразу терэлас кадя, сар приля ришэния. Во на парашэля тэ патял лэ Иеговасти и пэстирэ друӷонэнди. w21.03 15, абз. 7, 8; 17, абз. 10, 11