Авӷусто

Лашимос, саво дэл лэ Иисусостири смэрть, авэла кати кодэлэндэ, кастэ исин лащи дружба лэ Иисусоса. О Иисусо отдя и жызня важ пэстирэ друӷоря (Иоан. 15:13). Кодэлэнди, ко жувэнас жы каринг кода, сар тэ арақадёлпэ о Иисусо и на парашэнас тэ кандэн лэ Дэвлэс, кадяжэ авэла трэбуй тэ уӷанэн пала лэстэ и тэ полюбин лэс. О Иегова рия каринг и жызня кадэлэ служытелёнэн, савэ на парашэн лэс тэ кандэн. Но дажэ лэнди трэбуй авэла тэ подружынпэ лэ Иисусоса, кай тэ жувэн вечно (Иоан. 17:3; Деян. 24:15; Евр. 11:8—12, 24—26, 31). Амэнди чалёл тэ терас ек дила лэ Иисусоса. Када тэ росԥэнас лащи весть пала Царство и тэ сытярас лэ манушэн, кай тэ ашэн ученикоря. Кала о Иисусо сас пэ ԥув, во сытярэлас лэ манушэн. Ай кала рисайля по нэбо, о Иисусо, сар барэдэр андэ собрания, на парашэл тэ диқэл пала кода, кай тэ росԥэнэн пала Дэл и тэ сытярэн лэ манушэн. Во диқэл и цэний вся, со тумэ терэн, кай май бут миро тэ уӷанэн лэс и лэстирэ Дадэс. Па чачимастэ, амэндэ на вижылоп тэ терас кадэя бути, если о Иегова и о Иисусо тэ на поможысардоп амэнди (Иоан. 15:4). w20.04 22, абз. 7, 8

Спэрва «северно царё» ԥэнэнас пэ барэ мануша, савэ правинас пэ ԥув каринг о северо и юӷо лэ Израилёстар (Дан. 10:14). Жы каринг и Пятидесятница андо 33 бэрш лэ И. Х. лэ Дэвлэстирэ народоса сас о Израилё. Но потом о Иегова дя тэ полэн, кай кодэлэ десэстар лэско народо, када лэ Иисусостирэ ученикоря, савэ кандэн лэс. Вижал, кай май бут кода, со пистромэ андо пророчество, андэ Даниила 11 ӷлава, поджал най каринг и израильтяноря, ай каринг лэ Иисусостирэ ученикоря (Деян. 2:1—4; Рим. 9:6—8; Гал. 6:15, 16). Андэ разно время, севернонэ и южнонэ царёса ашэнас разни правителя и правительства. Но всаек вонэ варисоса шонаспэ. Пэрво, кадэла царёря чи правинас котэ, кай жувэнас бут лэ Дэвлэстирэ служытеля, чи вонэ лэн ӷонинас. Дуйто, кодэлэса, сар кадэла царёря пэс андярэнас лэ Дэвлэстирэ служытелёнэнца, вонэ сыкавэнас, кай вэрыцын лэ чачунэ Дэвлэс лэ Иеговас. И трито, кадэла царёря ритярэн бари холи ек пэ еқэстэ. w20.05 3, абз. 3, 4

О Иегова ашэл кодэлэса, каса трэбуй, кай тэ стерэл кода, со загиндосардя. Кадяжэ о Иегова поможый пэстирэ найсовершэнонэ служытелёнэнди тэ ашэн кодэлэнца, каса трэбуй, кай тэ стерэн кода, со во камэл (Ис. 64:8). Вижал, нисо нэ можэт тэ на дэл лэ Иеговасти, кай тэ авэл кода, со во загиндосардя (Ис. 46:10, 11). Кала амэ ласа тэ гиндосарас пала лэстири дила и пала кода, со амэ стердям лэстирэ зорэса, амари блаӷодарность авэла инке май бари каринг амаро небесно Дад. Кала амэ гиндосарас, сар дэ драго о Иегова вся стердя, амэн када фартэ лэл лэ одестар (Пс. 8:3, 4). Ай кала амэ гиндосарас, сар амэндэ лэстирэ зорэса вижыля тэ стерас, со во камэл, тоди амэндэ ашэл инке май бари патив каринг лэстэ. Чаче, амэндэ исин и дар лэ Дэвлэстар и бари патив каринг лэстэ! Лэ Дэвлэско алав Иегова сыкавэл, савэ лашэ качестворя лэстэ, и вся кода, со во ужэ стердя и стерэла май англэ (Пс. 89:7, 8). w20.06 9, 10, абз. 6, 7

О кислородо, када о ӷазо би савэско на вижувэна ни и мануша ни и жывотни. Кай вонэ тэ жувэн пэ ԥув, трэбуй фартэ бут кислородо кажно бэрш. Ԥурдэн вонэ воздухоса, пэ саво ԥэнэн кислородо, ай виԥурдэн о уӷлекисло ӷазо. И всаек о кислородо никала на кончийпэ, ай андо воздухо на стидэлпэ фартэ бут уӷлекисло ӷазо. Васо? Важ кода кай о Иегова стердя фартэ бут растении. Када фартэ цынёне водоросли, савэ дажэ на дицон, и розбарэ витки. Вонэ залэн андэр пэстэ уӷлекисло ӷазо, ай отдэн о кислородо. Кода, кай о кислородо на кончийпэ, сыкавэл, кай о Иегова дэл всаворэнди тэ жувэн и тэ ԥурдэн, сар када дицол анда адесутно стихо. Со поможыя амэнди тэ авас инке май блаӷодарни лэ Иеговасти пала амари шукарни ԥув и пала вся, со пэр латэ? (Пс. 115:16). Например, тэ гиндосарас пала вся кода, со создал о Иегова. Если ласа пала када тэ гиндосарас, тоди амэ закамаса кажно дес тэ ԥэнас лэ Иеговасти наис важ лэстирэ подаркоря. Амари блаӷодарность лэ Иеговасти важ амари ԥув амэ сыкавас, кала подритярас о вужимос котэ, кай жувас. w20.05 22, абз. 5, 7

Анда Библия амэ уӷанас, сар андярэл пэс о Иегова, кай тэ доԥэнэн, кай кацаво, сар во, будэр нинай. Во на грабийпэ тэ холявэл, терэл вся баря мудростяса и во справедливо. Инке во бутвар сыкавэлас пэско баро зор. Ай само ӷлавно, анда вся лэстири дила дицол лэстири бари любовь (1 Иоан. 4:8). Да, о Иегова на парашэл тэ злэл о хохаимос, саво ԥэнэн пэр лэстэ. О Сатана на парашэл тэ хохавэл по лэ Дэвлэско алав Иегова. Адес во обхохавэл лэ манушэн. Во терэл вся, кай и мануша тэ на патян, кай о Дэл Всемоӷущё, справедливо, мудро и любящё. Ай кадяжэ во терэл кадя, кай вонэ тэ патян, кай о Иегова най Создателё. Ай если и мануша патян, кай исин Дэл, тоди о Сатана шол кацаво гиндо, кай лэ Дэвлэстирэ законоря фартэ ԥарэ и найсправедливи. Во дажэ заставий лэ манушэн тэ патян, кай о Иегова жэстоко и мучий лэ манушэн андо адо. Кала вонэ патяна андэ кадэва хохаимос, тоди вонэ моӷут тэ одбандён лэ Иеговастар. Пока о Иегова на умарэла лэ Сатанас, во на парашэла тэ одындярэл лэстар со май бутэ манушэн, ай кадяжэ и тут. Вижала лэстэ када? w20.06 5, абз. 13—15

Бутэнди ԥралэнди и ԥэянди андэ собрания ԥарэс тэ дэн дума пэ авэр шыб. Кадяжэ лэнди можэт тэ авэл ԥарэс тэ виԥэнэн кода, пала со гиндон. Но если амэ на ласа тэ шас сама кати пэ кода, сар вонэ дэн дума пэ амари шыб, тоди додиқаса, кай вонэ фартэ любин лэ Иеговас и камэн лэсти тэ служын. Кала амэ диқаса лэндирэ лашэ качестворя, амэ ласа тэ цэнисарас и тэ стас бари патив пэ кодэла ԥрала и ԥэя. Амэ на ԥэнаса лэнди, кай вонэ «амэнди на трэбуй» кати важ кода, кай вонэ на ӷанэн драго тэ дэн дума пэ амари шыб (1 Кор. 12:21). Амэ фартэ блаӷодарни лэ Иеговасти, важ кода кай во дя амэнди тэ служысарас андэ лэстири собрания. И всаек, мурш чи жувли, жэнати чи най, миростэ чи най, скати амэнди бэрш, пэ сави шыб дас дума, всаворэ амэ фартэ куч лэ Иеговасти и ек еқэсти (Рим. 12:4, 5; Кол. 3:10). Давайте ласа инке май драго тэ подритярас лэ ԥралэн и лэ ԥэян, тэ любисарас лэн и тэ цэнисарас. w20.08 31, абз. 20—22

Андэ Афины всаворэ мануша тэлёнас хохавнэ дэвлэнди, андярэнас пэс билажавардэс и гиндонас, сар и мануша андэ люма. Но всаек о апостоло Павло на гиндояс, кай лэнди на трэбуй тэ росԥэнэн пала Дэл. Лэ Павлос на тердярдя дажэ кода, кай вонэ ԥэнэнас пэр лэстэ найлашэ алава. О Павло жы каринг кода, сар тэ ашэл христианиноса, екжэно ӷонияс лэ манушэн, ԥэнэнас найлашэ алава по Дэл, и фартэ бут гиндояс пала пэстэ (1 Тим. 1:13). Кадя жэ, сар о Иисусо додиқля андо Павло пэстирэ ученикос, кадя и о Павло диқэлас пэ афиняноря, сар пэ пэстирэ ԥрала и ԥэя. И во най евья кадя гиндояс (Деян. 9:13—15). Андэ пэрво вико ашэнас лэ Иисусостирэ учениконэнца разни мануша. О апостоло Павло пистросардя лэ манушэнди, савэ жувэнас андо ӷреческо форо Коринфо, кай вонэ сас преступникоря чи андярэнас пэс фартэ билажавардэс. Но во инке ԥэндя: «ашэлэ вужэ» (1 Кор. 6:9—11). Ай тумэ патяёп, кай кацавэ мануша моӷут тэ парудёнпэ и тэ ашэн лэ Иисусостирэ учениконэнца? w20.04 12, абз. 15, 16

И старейшыноря на лэна тэ грабинпэ тэ сындон кодэлэн, ко парашэн тэ патян, кай служэния лэ Иеговасти анэн лашимос. Вместо кода, кай тэ сындон кацавэ манушэс, и старейшыноря трэбуй тэ старыинпэ тэ полэн, васо во кадя ля пэс тэ андярэл. Кати тоди и старейшыноря моӷут тэ подэн дума лэса па библейски стихоря, кай тэ подритярэн лэс. Кала о пророко Илья нашэлас ла Иезавелятар, лэсти сас кадя ԥарэс по ди, кай во закамля тэ мэрэл. Васо? Важ кода кай во гиндояс, кай лэстири служэния лэ Дэвлэсти сас евья (1 Цар. 19:1—3, 10). О Иегова на ля тэ сындой лэ Ильяс, ай ԥэндя лэсти, кай во най екжэно, и кай во можэт тэ патял, кай о Дэл дэла лэсти зор, и кай англэ инке бут бути. О Иегова драго ашунэлас, кала о пророко росԥэнэнас лэсти, пала со во пэрэжывает, и потом дя лэсти тэ стерэл нэви дила (1 Цар. 19:11—16, 18). Сости када амэн сытярэл? Всаворэнди амэнди, ай май фартэ лэ старейшынонэнди, трэбуй драго тэ обжаспэ лэ Иеговастирэ бакрорэнца. И старейшыноря драго виашунэн, кала о христианино росԥэнэн кода, со лэстэ по ди, дажэ если андэ лэстирэ алава исин холи чи во гиндой, кай о Иегова лэс никала на простия. Кала вонэ лэс виашундэ, вонэ старыинпэ, кай во упалэ тэ патял, кай о Иегова лэс любий. w20.06 22, 23, абз. 13, 14

О Иегова камэл, кай амэ тэ авас лошалэ, кала проандярас и время лэ ереса и лэ друӷонэнца (Пс. 133:1). Кала о Иисусо жувэлас пэ ԥув, лэстэ сас лашэ друӷоря (Иоан. 15:15). Андэ Библия шолпэ сама, сар дэ куч и лащи дружба (Пр. 17:17; 18:24). Андэр латэ кадяжэ ԥэнэнпэ, кай на трэбуй тэ дурювас аврэ манушэндар (Пр. 18:1). Бут мануша гиндон, кай через о интэрнэто виарақэна бутэ друӷонэн и тоди вонэ авэна най екжэнэ. Но кала тумэ вистон андо интэрнэто пэстирэ карточки чи видео, чи кала подпистрон каринг лэндэ варисо, трэбуй тэ авэн осторожни. И учони полинэ, кай лэ манушэндэ, савэ проандярэн бут время андо интэрнэто, ԥарэс по ди и вонэ гиндон, кай вонэ екжэнэ. Васо? Кацаво можэт тэ авэл важ кода, кай котэ и мануша вистон со май шукарнэ и май важни маменторя андэ пэсти жызня. Вонэ сыкавэн со май лашэ пэстирэ карточки, кадяжэ пэстирэ друӷонэн и со май шукарнэ ҭана, андэ савэ вонэ сас. Кала о мануш диқэл кадэла карточки, во можэт тэ гиндой, кай андэ лэстири жызня нинай нисо интересно и вой скучно. w20.07 6, абз. 12, 13

Андэ «Сторожэво башня» пэ английско шыб лэ 1 октябрёстар 1988 бэрш ԥэнэнаспэ: «И старейшыноря трэбуй тэ полэн, кай о Иисусо через пэско свынто духо можэт тэ поможый любонэ ԥралэсти анда совето старейшын, кай во тэ виарақэл библейски принцыпоря. Кадэла принцыпоря фартэ трэбуй, кай тэ ришын ԥари ситуацыя чи тэ прилэн важни ришэния (Деян. 15:6—15). О свынто духо поможый всаворэ старейшынонэнди андэ собрания, ай най кати еқэсти андар лэндэ». Если о старейшына стол патив пэ авэр ԥрала анда совето старейшын, во на лэла вся и время пэ кажно вопросо тэ дэл дума пэрво. Во на лэла бут тэ дэл дума и на лэла тэ гиндой, кай кати лэсти дума правильно. Вместо када во на гиндой пала пэстэ бут и драго виашунэл, кала дэн дума авэр старейшыноря. Ай со май ӷлавно, во лэла тэ дэл дума па библейски принцыпоря и тэ ашунэл кода, со ԥэнэн о «годявэрно и кандино рабо» (Матф. 24:45—47). Если и старейшыноря дэн дума ек еқэса пативалэс, тоди лэнца авэла о свынто духо, и во поможыя лэнди тэ прилэн правильни ришэнии (Иак. 3:17, 18). w20.08 27, 28, абз. 5, 6

Лэ Павлостирэ вороӷоря сас пэ бутэстэ май зоралэ, чем во. Часто вонэ приԥэнэнас, кай лэс тэ марэн и тэ шон андо баруно. Кадяжэ лэ Павлоса найдраго андярэнас пэс и мануша, савэ трэбуй сас лэс тэ подритярэн. Дэко анда христианоря дажэ жанас против лэстэ (2 Кор. 12:11; Флп. 3:18). Но о Павло победисардя всаворэн, ко жалас против. Сар? Во на диқэлас по ԥаримос и на парашэлас тэ росԥэнэн важ о Дэл. Кадяжэ во на парашэлас тэ любий пэстирэ ԥралэн и ԥэян, хоть через лэндэ, лэсти сас ԥарэс по ди. Но со май ӷлавно, о Павло жы каринг пэсти смэрть на парашэля тэ кандэл лэ Дэвлэс (2 Тим. 4:8). Во пэрэандярдя кадэва ԥаримос, важ кода кай во надеияспэ най пэ пэско зор, ай по Иегова. Прижылясаспэ тумэнди тэ тэрпин, кала пэр тумэндэ ԥэнэн найлашэ алава чи кода, кай тумэндэ долэнпэ? Кала и мануша жан против тумэндэ, тумэ трэбуй тэ победин и холи кодэлэса, кай поможына лэ манушэнди тэ уӷанэн пала Иегова и пала Библия. Тумэндэ када вижала, если тумэ лэна тэ заадинон атветоря анда Библия кодэлэнди, ко тумэндар варисо пушэл. Ай кадяжэ победина тоди, кала тумэ лэна тэ стон патив и драго тэ андярэн пэс кодэлэнца, ко андярэл пэс найдраго тумэнца. Ай кадяжэ если лэна тэ терэн лашимос всаворэнди, дажэ пэстирэ вороӷонэнди (Матф. 5:44; 1 Пет. 3:15—17). w20.07 18, абз. 14, 15

По Иегова ԥэнэса, кай во найӷордо? Канешно. О Давидо прижанэнас када лэ алавэнца анда адесутно стихо (Пс. 18:35). Кала во ԥэндя кадэла алава, файма, о Давидо гиндояс пала дес, кала андэ лэстирэ дадэско цэр авеля о пророко Самуило. О Дэл ԥэндя лэ Самуилости тэ витидэл, ко авэла нэвэ царёса андо Израилё. Анда всаворэ ԥрала, савэн сас восемь, о Давидо сас само цыкно. Но о Иегова витидя лэс, кай во тэ авэл царёса вместо Сауло (1 Сам. 16:1, 10—13). О Давидо авелоп соӷласно кодэлэса, со пистросардя пала Иегова, ек анда псалмопевцоря: «Во тэлёл, кай тэ диқэл по нэбо и пэ ԥув, тэ ваздэл лэ чорорэс анда лэско ԥаримос. Во ваздэл кодэлэс, ко слабо... кай во тэ бэшэл лэ ашунглэ манушэнца анда лэско народо» (Пс. 113:6—8). Кай о Иегова найӷордо дицол андэ кода, сар во пэс андярэл пэстирэ служытелёнэнца, савэ найсовершэни. Во най кати домэкэл тэ служысарас лэсти, но и диқэл пар мэндэ, сар пэ пэстирэ друӷоря (Пс.. 25:14). Во стердя пэрво шаго, кай амэ лэса тэ дружысарас. О Иегова отдя пэстирэ Шавэс пала амарэ ӷрехоря. Сар дэ драго, кай амэндэ кацаво Дэл, саво жалуий и полэл, со амэндэ по ди! w20.08 8, абз. 1—3

О Иегова ужэ витидя о дес и о часо, кала улэла и люма, савяса правий о Сатана (Матф. 24:36). Ай жы каринг кодэя время во лэла тэ аштярэл. Канешно, во фартэ камэл тэ рий кодэлэн, ко муля, но на лэла када тэ терэл, пока на пашол май лащи время (Иов 14:14, 15). Во аштярэл, кай тэ рий лэн каринг и жызня (Иоан. 5:28). Амэ блаӷодарни лэ Иеговасти, важ кода кай во ӷанэн тэ аштярэл. Блаӷодаря кадэлэсти бутэ манушэндэ, ай кадяжэ и амэндэ, исин время тэ каисавас. О Иегова камэл со май бутэ манушэнди тэ дэл вечно жызня. Ласа тэ блаӷодарисарас лэс важ кода, кай во ӷанэн тэ аштярэл. Сар када тэ терас? Трэбуй тэ стас вся о зор, кай тэ виарақас кодэлэн, кас цырдэл «каринг о чачимос, саво дэл вечно жызня», и тэ поможысарас лэнди тэ полюбин лэ Иеговас и тэ служын лэсти (Деян. 13:48). Тоди вонэ, сар и амэ, екжэнэ полэна, пэ скати дэ куч кода, кай о Иегова ӷанэн тэ аштярэл. w20.08 18, абз. 17

О Иисусо росԥэнэнас о чачимос анда Библия кадя, кай и мануша драго лэс полэнас. Ай инке лэстири дума дожалас андо ди, и важ када и мануша камэнас тэ ашэн лэстирэ ученикоря (Луки 24:15, 27, 32). И амэ можэм тэ сытювас лэстар. Кода, со о мануш уӷанэн пэ изучения, трэбуй тэ дожал каринг оди. Кати тоди во закамэла тэ терэл кадя, сар уӷангля. Важно, кай о изучающё тэ полэл, кай о Иегова чаче исин и лэса можно тэ дружый. Поможысар, кай во тэ полэл, кай о Иегова можэт тэ авэл важ лэстэ Дэл, небесно Дад и Друӷо (Пс. 25:4, 5). Нэ важно сави тема тумэ прожан пэ изучения, шув сама пэ кода, саво о Иегова (Исх. 34:5, 6; 1 Пет. 5:6, 7). Поможысар, кай о изучающё тэ цэний, кай о Иегова любящё, добро и кода, кай во жалуий. О Иисусо ԥэндя, кай «пэрво и само баро законо», када тэ любисарас «пэстирэ Дэвлэс лэ Иеговас всаворэ одеса» (Матф. 22:37, 38). Поможысар, кай о мануш, саво изучает, тэ полюбий лэ Иеговас всаворэ одеса. w20.10 10, абз. 12

О Иисусо столас патив пэ жувля (Иоан. 4:27). Пэ жувля, савэ терэнас кода, со чалёл лэстирэ Дадэсти, во столас бари патив. О Иисусо андярэлас пэс лэнца, сар ԥэянца. И вонэ лэсти сас кадяжэ куч, сар и мурша андэ лэ Иеговастири собрания (Матф. 12:50). О Иисусо кадяжэ сас лашо друӷо. Погиндосарам, сави лэстэ сас дружба ла Марфаса и ла Марияса, савэ на сас миростэ (Луки 10:38—42). Ла Марияти и ла Марфати сас драго паша Иисусо. Еқвар и Мария на дарайля тэ бэшэл паша лэ Иисусостирэ пэрнэ, кай тэ сытёл лэстар. Ай и Марфа на дарайля тэ росԥэнэн лэ Иисусости, кай вой холинатири пэ пэсти ԥэй, кай кодэя на дя лати помощь. О Иисусо росԥэндя лэ ԥэянди, кай авелоп драго тэ полэн, со андэ жызня май важно. И важ кода кай о Иисусо часто лэндэ авэлас и вонэ дружынас, именно лэстэ и Мария и Марфа манглэ помощь, кала занасвайля лэнго чачо ԥрал о Лазарё, саво жувэлас лэнца (Иоан. 12:1—3; Иоан. 11:3, 5). w20.09 20, абз. 3; 21, абз. 6

Лэ Иисусостирэ ученикоря гиндонас, кай йто авэла кацаво Царство, саво стерэла, кай о римско правительство парашэла тэ правий лэ иудеёнэнца. И амэ аштярас кодэва дес, кала лэ Дэвлэско Царство улэла вся о найлашимос и стерэла, кай пэ ԥув тэ авэл раё, кай жувэна мануша, савэ кандэн лэ Дэвлэс (2 Пет. 3:13). Ай пока амэ трэбуй тэ аштярас и время, кала о Иегова стерэла када. Погиндосарам, сар о Иегова сытярэл амэн, кай амэ тэ ӷанас, сар тэ аштярас. О Иегова дя лэ Ноёсти время, сави лэсти хутилдоп, кай во тэ строий о ковчеӷо и тэ росԥэнэн лэ манушэнди, кай авэла конец важ кадэя найлащи люма (1 Пет. 3:20; 2 Пет. 2:5). О Иегова виашунэлас лэ Авраамос, кала во ԥэнэнас, кай пэрэжывает, кай о Иегова умарэла билажавардэ манушэн анда Содомо и Гоморра (Быт. 18:20—33). О Иегова бут время аштярэлас, кай и израильтяноря, савэ най еқвар парашэнас лэс тэ кандэн, тэ парудён (Неем. 9:30, 31). Кадя жэ и адес амэ диқас, кай о Иегова ӷанэн тэ аштярэл. Во дэл время всаворэ манушэнди, савэ камэн тэ ашэн лэстирэ друӷоря, кай вонэ «тэ каинпэ пала кода, со най кадя стердэ» (2 Пет. 3:9; Иоан. 6:44; 1 Тим. 2:3, 4). Кода, кай о Иегова ӷанэн тэ аштярэл, сытярэл амэн тэ андярас пэс кадя жэ, сар во, кала росԥэнас лэ манушэнди пала Царство и сытярас лэн па Библия. w20.09 10, 11, абз. 8, 9

Кала о Иегова лэла тэ рий лэ манушэн каринг и жызня, вонэ лэна тэ сэрэн кода жэ, со и сэрэнас, и вонэ авэна кацавэ жэ, савэ и сас. Кати погиндон, саво о Иегова! Во кадя фартэ амэн любий, кай сэрэл всаворэ амарэ гиндоря, алава, дила и вся, со амэндэ сас по ди. Важ када, если авэла трэбуй тэ рий лэ манушэс каринг и жызня, о Иегова вушэро рия лэс кацавэса, саво во и сас. О царё Давидо ӷанэнас, пэ скати дэ драго о Иегова ӷанэн кажнонэс андар мэндэ (Пс. 139:1—4). Со амэндэ по ди кодэлэстар, кай о Иегова амэн кадя драго ӷанэн? На трэбуй тэ пэрэжываем пала кода, кай о Иегова вся пала амэндэ ӷанэн. Васо? Важ кода кай о Иегова фартэ амэн любий и кажно андар мэндэ лэсти куч. Во сэрэл вся, со сас андэ амари жызня и полэл, васо амэ ашэлям кацавэ, савэ исин акана. Сар дэ драго када тэ ӷанас! Погиндон, о Иегова вся и время пашэ и камэл тэ поможый (2 Лет. 16:9). Вижал, амэ никала на ашасапэ екжэнэ. w20.08 17, абз. 13, 14

О Иегова радостяса сытярэл пэстирэ служытелёнэн. Амаро небесно Дад камэл, кай амэ тэ ӷанас лэс, тэ любисарас и тэ жувас вечно. Важ када амэнди трэбуй тэ уӷанас пала лэстэ (Иоан. 17:3). Андо пэрво вико о Иегова сытярэлас пэстирэ служытелёнэн через и собрания (Кол. 1:9, 10). Кадяжэ андэ када фартэ поможыяс о свынто духо, пала саво ԥэндя о Иисус Христос (Иоан. 14:16). Лэ Иеговаско свынто духо поможыяс лэ Иисусостирэ учениконэнди май драго тэ полэн и Свынто Писания и тэ сгиндон, со терэлас и ԥэнэнас о Иисусо. Потом када вся запистросардэ андэ Евангелия. Кода со уӷанэнас кодэла христианоря, терэлас лэндири дружба лэ Иеговаса май лащи и поможыяс, кай вонэ инке май фартэ тэ любин лэс, лэстирэ Шавэс и ек еқэс. О Иегова ԥэндя, кай «андэ послидни деса» и мануша анда всаворэ народоря жана каринг лэско «плай». Када сыкавэл, кай вонэ лэна тэ служын лэсти (Ис. 2:2, 3). Амэ диқас, сар када терэлпэ пэ амарэ яқа. w20.10 24, 25, абз. 14, 15

Васо амэ можэм тэ на приашундювас каринг о совето, саво дэл амэнди о друӷо? Через и ӷордость. Ӷордо мануш на любий тэ прилэл и советоря, ай любий тэ ашунэл кати кода, со лэсти камэлпэ тэ ашунэл (2 Тим. 4:3, 4). Кацавэ мануша фартэ бут гиндон пала пэстэ и гиндон, кай лэнди на трэбуй тэ подԥэнэн. Но о апостоло Павло пистросардясас кацавэ алава: «Сар варико гиндой, кай во варисо ашэл, тоди сар во нисо на ашэл, во хохавэл корко пэс» (Гал. 6:3). Ай о царё Соломоно ԥэндясас: «Фэдэр чороро, но годявэрно тэрно мануш, чем ԥуро, но най годявэрно царё, саво на камэл тэ приашундёл каринг о совето» (Эккл. 4:13). Сгиндосарам, сар о апостоло Пётро андярдя пэс, кала о апостоло Павло ворта ԥэндя лэсти, со во терэл най кадя. О Пётро моӷ тэ холявэл по Павло, важ кода кай во ворта и англа всаворэ када ԥэндя (Гал. 2:11—14). Но о Пётро сас годявэрно мануш. Во приашунделя каринг о Павло и на ля тэ холявэл пэр лэстэ. Потом во дажэ ԥэндясас по Павло, кай во ԥрал, саво лэсти куч (2 Пет. 3:15). w20.11 21, абз. 9, 11, 12

Кала о мануш, савэ изучает и Библия, авэла пэ собрания, во май драго полэла и Библия, май фартэ патяла и май фартэ полюбия лэ Дэвлэс (Деян. 15:30—32). Кадяжэ варико анда вазвещятелё пэ собрания можэт тэ росԥэнэн лэсти, кай со май фартэ лэлас тэ любий лэ Иеговас, со май фартэ лэсти камэласпэ тэ жувэл па лэстирэ законоря (2 Кор. 7:1; Флп. 4:13). Кадяжэ во ԥэнэн, кай если во мэкля тэ цырдэл, мэкэла и кадэва мануш. Кала о изучающё уӷанэн разнонэ ԥралэн и ԥэян андэ собрания, во май драго полэл, сар тэ терэл кадя, сар приԥэндя о Иисусо. Када тэ любий лэ Дэвлэс и лэ манушэн (Иоан. 13:35; 1 Тим. 4:12). Кала во май бут уӷанэна лэ ԥралэн и лэ ԥэян, савэндэ сас кацаво жэ ԥаримос сар и лэстэ, тоди полэла, кай и во можэт тэ парудёл и тэ ашэл лэ Иисусоско ученико (Втор. 30:11). Кажно вазвещятелё андэ собрания можэт тэ поможый, кай лэ манушэстэ, саво изучает и Библия, тэ авэл лащи дружба лэ Иеговаса (Матф. 5:16). w20.11 5, абз. 10—12

Можэт, о апостоло Павло камля тэ ԥэнэн, кай лэсти па чачимастэ прижаласпэ тэ фэрийпэ лэ зверёнэндар, савэ сас по стадионо андо Эфесо (2 Кор. 1:8; 4:10; 11:23). Ай можэт, зверёря во ԥэнэнас пэ мануша, савэ камэнас лэс тэ умарэн (Деян. 19:26—34; 1 Кор. 16:9). Када моӷли тэ авэн иудеёря и авэр мануша. Кай о Павло сас бут ԥаримос и во дажэ моӷ тэ мэрэл. Но во ӷанэнас, кай англэ лэс аштярэлас о лашимос (1 Кор. 15:30, 31;2 Кор. 4:16—18). Амэ жувас андэ фартэ ԥари время. Дэсавэ ԥралэнца и ԥэянца и мануша андярэн пэс фартэ жэстоко. Дэсавэ жувэн андэ кацавэ ҭана, кай жан войны, ай авэр ԥрала и ԥэя жувэн котэ, кай амари служэния лэ Дэвлэсти заԥандадэ, и лэнди на дэн тэ росԥэнэн пала Дэл кадя, сар камлоп. Важ кода кай вонэ патян андо Иегова, лэн моӷут тэ бэшарэн или дажэ тэ умарэн. Но всаек амарэ ԥрала и ԥэя на парашэн тэ служын лэ Иеговасти, и амэ можэм лэндар андэ када тэ сытювас. Вонэ точно ӷанэн, дажэ если вонэ хасарэна акана и жызня, о Иегова ла рия лэнди андо раё пэ ԥув. w20.12 9, абз. 3, 4

Можэт тумэнди дэкала ԥарэс кодэлэстар, кай и мануша на камэн тэ ашунэн пала лэ Дэвлэско Царство. Или тумэ пэрэжываете важ кода, кай лэ манушэн цэрэ никала нинай. Но со тэ терэн, кай тэ на хасарэн и радость андэ служэния? И со тэ терэн, кай и радость тэ авэл май бут? Важно тэ полас, васо амэ ԥирас андэ служэния. Трэбуй тэ на бистрас, кай со май важно важ амэндэ, када тэ росԥэнас лэ манушэнди важ о Дэл и важ лэско Царство. О Иисусо ԥэндя, кай о дром, саво андярэл каринг и вечно жызня, най всаворэ виарақэн (Матф. 7:13, 14). Андэ служэния амэ терас лэ Дэвлэстири дила, и амэнца терэл кадэя дила о Иегова, о Иисусо и анӷелоря (Матф. 28:19, 20; Отк. 14:6, 7). О Иегова родэл кодэлэн, ко камэл лэсти тэ служый (Иоан. 6:44). И можэт тэ авэл кадя, кай адес о мануш на ашунэна пала Дэл, ай кала аваса лэстэ пэ авэр разо, во закамэла амэн тэ ашунэл. Ек ԥэй ԥэндя, кай кала амэ умэкас и вас, через када о Сатана можэт тэ змарэл амэн па правильно дром. Но о Иегова пэ бутэстэ май зорало, чем о Сатана и всавори лэстири оружыя. w20.12 26, абз. 18, 19; 27, абз. 21

Бут лэ Дэвлэстирэ служытеля, савэ на парашэн лэс тэ кандэн, цыло дес терэн бути, кай тэ проправарэн пэс и пэстирэ ерес. Но кадяжэ вонэ терэн вся, кай тэ подритярэн и дила андэ лэ Дэвлэстири арӷанизацыя. Варико поможый котэ, кай сас ураӷано, землетрясении и авэр варисо андэ природа. Ай варико терэл дила пэ строительни проекторя. Вся када вонэ терэн важ кода, кай любин лэ Дэвлэс и лэ манушэн. Кадяжэ, кажно христианино можэт тэ дэл ловэ, кай тэ терэн и дила важ о Дэл па вся и ԥув. Всаворэ амэ кажно курко сыкавас, кай любисарас лэ ԥралэн и лэ ԥэян, кала авас пэ собрании. Амэ авас андо Зало Царства, дажэ кала цыелям. Дас каминтарии, дажэ кала пэрэжываем. И подритярас аврэн, дажэ кала екжэнэнди ԥарэс (Евр. 10:24, 25). Амэ фартэ блаӷодарни амарэ ԥралэнди и ԥэянди пала вся, со вонэ терэн! w21.01 10, абз. 11

Лэ манушэнди, савэ ӷорди, ԥарэс тэ хвалин аврэн. Лэнди май фартэ чалёл, кала лэн екжэнэн хвалин. Вонэ часто сыстон пэс аврэнца и камэн тэ авэн май лашэ. О ӷордо мануш часто гиндой, кай трэбуй тэ стерэл вся екжэно, важ кода кай па лэстирятэ авэр на стерэна када драго. Ӷордо мануш часто камэл тэ авэл май важно и завидуий аврэнди. Если амэ полям, кай амэ ашас ӷорди, амэнди трэбуй фартэ тэ мангаспэ лэ Иеговасти, кай во тэ поможый амэнди тэ парудювас и тэ гиндосарас па аврятэ. Тоди амэ уласа и ӷордость и вой на мэкэла и корнёря андэ амаро ди (Рим. 12:2). Сар жэ амэ блаӷодарни лэ Иеговасти пала кода, сар во пэс андярэл пэстирэ служытелёнэнца! (Пс. 18:35). Амэ диқас, кай во ковлэс андярэл пэс лэнца, и амэ камас лэстар тэ сытювас. Инке амэ камас тэ сытювас кай кодэла лэ Дэвлэстирэ служытеля, савэ жувэнас андэ дэлмутни время и савэ на сас ӷорди. Вся и время ласа тэ прославляем амарэ Дэвлэс, важ кода кай во када ашэл (Отк. 4:11). w20.08 13, абз. 19, 20

О Дэл загиндосардя важ и мануша, кай лэ муршэстэ тэ авэл хулаи, ай ла жувлятэ тэ авэл хулай. Но акана всаворэ мануша найсовершэни (1 Иоан. 1:8). Важ кода андэ Библия ԥэнэнпэ, кай андо ери авэла «ԥаримос». О Иегова камэл кай о хулай тэ заботийпэ пала ери, кай лэндэ всаворэндэ тэ авэл лащи дружба лэ Иеговаса и тэ авэл вся, со трэбуй важ и жызня, ай кадяжэ, кай лэнди тэ авэл драго по ди (1 Тим. 5:8). Но ла хулаяти тожэ важно, кай вой екжэни кажно дес тэ адиной и Библия и тэ гиндой пала кода, со адиной. Кадяжэ лати трэбуй тэ мангэлпэ лэ Иеговасти. Пэ вся када можэт тэ на хутилэл время и зор. Но всаек лати трэбуй тэ витидэл время пэ када, и када фартэ важно. Васо? Важ кода кай о Иегова камэл, кай кажнонэ манушэстэ тэ авэл пэстири дружба лэса (Деян. 17:27). Но дэкала ла хулаяти найвушэро тэ терэл кода, со лати приԥэндя о Иегова. Када тэ кандэл пэстирэ найсовершэнонэ хулас. Лати авэла май вушэро тэ кандэл лэ хулас, если вой полэла и принцыпоря анда Библия, савэ сыкавэн, васо вой трэбуй када тэ терэл, и тэ прилэл лэн каринг пэстэ. w21.02 9, абз. 3, 6, 7

О ԥаримос шолпэ пэ кода, кала о састри росԥабарэн, ай потом резко стон андо шудро паи, кай во тэ авэл май састо. Кадяжэ и амэ, кала пэрэандярас о ԥаримос, ашас май састэ, кай тэ фэрисарас амари дружба лэ Дэвлэса. Важ када о Иаково пистросардя: «Виритярэн о ԥаримос до конца, кай тумэ тэ ашэн совершэни и свынти и кай андэр тумэндэ тэ на авэл нисаво нэдостатко» (Иак. 1:4). Кала амэ диқас, кай виритярас о ԥаримос, тоди амэ лас май фартэ тэ патяс лэ Иеговасти и на парашас тэ радосавас. Андэ пэско письмо о Иаково пистросардя, кай через о ԥаримос амэ можэм тэ хасарас и радость и тэ парашас тэ лошавас. Ек анда кацаво ԥаримос можэт тэ авэл, кала на ӷанас, со тэ терас. Кала амэндэ исин ԥаримос, и амэ на ӷанас, со тэ терас, амэ трэбуй тэ мангас мудрость кай о Иегова. Трэбуй тэ мангас, кай во тэ поможый амэнди тэ терас кадя, сар чалёл лэсти, и тэ поможый амэнди тэ на парашас лэс тэ кандас. Ай кадяжэ, кай када тэ анэн лашимос лэ ԥралэнди и лэ ԥэянди (Иер. 10:23). Амэнди трэбуй мудрость, кай тэ ӷанас, сар тэ андярас пэс и сар тэ дас дума кодэлэнца, ко вороӷуин пар мэндэ. Но если амэ на ӷанас, со тэ терас, тоди амэ ласа фартэ тэ пэрэжываем, амэнди авэла ԥарэс по ди и амэ хасараса и радость. w21.02 28, абз. 7—9

О Иегова сыкавэл амэнди лашо примеро. Во фартэ любий пэстирэ служытелёнэн и никала на парашэла лэн тэ любий! (Рим. 8:38, 39). О ӷреческо алав, саво пэрэандярдёл андэ кадэва стихо «фартэ», пэрэдэл о гиндо, кай о мануш трэбуй тэ пристол бут зор, кай варисо тэ подцырдэл или тэ вицырдэл. И чаче, дэкала, кай драго тэ обжаспэ лэ ԥралэнца и лэ ԥэянца андэ собрания, трэбуй бут зор. И всаек амэнди трэбуй тэ авас терпеливи, тэ любисарас лэн, дажэ кала вонэ амэн холярэн. «На парашэн тэ гиндон и тэ терэн, сар ек, кай тэ ладин ек еқэса» (Эф. 4:1—3). Амэ на аваса тэ шас сама пэ кода, со лэндэ най кадя вижал и пэ лэндирэ ошыбки, ай ласа тэ терас вся, кай тэ обжаспэ лэнца кадя, сар о Иегова (1 Сам. 16:7; Пс. 130:3). Дэкала и найвушэро ковлэс тэ обжаспэ лэ ԥралэнца и лэ ԥэянца, особенно, кала диқас андэр лэндэ кода, со на чалёл амэнди. Кадя сас андэ христианско собрания андо пэрво вико кай и Еводия и Синтихия. Важ када о апостоло Павло ԥэнэнас лэнди, кай тэ «на парашэн тэ гиндон еқэндар пала Ӷосподо» (Флп. 4:2, 3). w21.01 22, 23, абз. 10, 11

Тэрнэ ԥрала, амэнди фартэ чалёл тэ служысарас вмести тумэнца лэ Иеговасти (Соф. 3:9). Амэнди чалёл, кала тумэ анда вся оди терэн дила андэ собрания. Тумэ фартэ куч важ амэндэ! Тэрнорэ ԥрала, никала на бистрэн, кай о Иегова любий тумэн и патял тумэнди. Во ԥэндясас, кай андэ послидни деса авэна фартэ бут тэрнэ мануша, савэ лэна тэ служын лэсти анда вся оди. Во ӷанэн, кай тумэ любин лэс и камэн тэ терэн андэ служэния вся, со па тумаро зор (Пс. 110:1—3). На грабин тэ холявэн пэ авэр, фартэ на дошалярэн пэс, кала стердэ варисо най кадя. Ай если стердэ ошыбка, приашундён каринг и советоря, савэ тумэнди дэн, и старыинпэ тэ прилэн лэн каринг пэстэ. Можно тэ ԥэнэн, кай кадэла советоря тумэнди дэл екжэно о Иегова (Евр. 12:6). Кадяжэ драго терэн и дила, сави дэн тумэнди. И само ӷлавно, тумэ трэбуй тэ жувэн кадя, кай тумаро Дад о Иегова тэ абурой тумэнца вся и время (Прит. 27:11). w21.03 7, абз. 17, 18

Амэндэ можэт тэ авэл ԥарэс по ди бут состар. Еқэндэ дуқал оди кодэлэстар, кай вонэ терэн ошыбки. Аврэндэ кодэлэстар, кай лэндэ найлашо зор или кай лэнди на дэн почотно дила андэ собрания. Ай дэкасти ԥарэс, кай лэн на ашунэн андэ служэния. Амэ най совершэни и терас ошыбки, через када амэндэ моӷут тэ умэкэнпэ и вас и амэ можэм тэ гиндосарас, кай нисо на ашас. Кадя тэ гиндосарас нэправильно. Андэ Библия ԥэнэнпэ, кай кати о Иисусо совершэно (Рим. 3:23). И о Иегова на аштярэл, кай амэ тэ авас идеальни. Во заботийпэ, любий амэн и камэл тэ поможый. Во полэл пэ скати амэнди ԥарэс тэ парудювас и тэ улас пэстар и найлашэ привычки, ай кадяжэ полэл, сар амэнди дэ ԥарэс тэ парашас тэ гиндосарас, кай амэ нисо на ашас. И во камэл амэнди андэ када тэ поможый (Рим. 7:18, 19). w20.12 22, абз. 1—3

Всаворэ амэ жас па дром, саво андярэл каринг и вечно жызня андо раё пэ ԥув, андэ саво лэла тэ правий амаро заботливо Дэл о Иегова. Па кадэва дром амэ жас кажно дес. Но о Иисусо ԥэндя, кай дэкала пар лэстэ найвушэро тэ жас, важ кода кай во вусько (Матф. 7:13, 14). Амэ най совершэни, и важ када амэн можэт бут со тэ змарэл па кадэва правильно дром (Гал. 6:1). Кай тэ на парашас тэ жас па вусько дром, саво андярэл каринг и вечно жызня, амэнди трэбуй тэ камас тэ парувас пэско гиндо и сар пэс андярас. Ай кадяжэ тэ парудювас, если амэнди чалёл кода, со на чалёл лэ Дэвлэсти. О апостоло Павло ԥэнэн амэнди: «Вся и время... парудён». Амаро ди можэт тэ хохавэл амэн. Важ када амэнди ԥарэс тэ полас, каринг во можэт тэ одындярэл (Иер. 17:9). И дэкала найвушэро тэ полас, со амэндэ андо ди. Важ када амэ можэм тэ хохавас корко пэс (Иак. 1:22). Кай кадя тэ на авэл, трэбуй тэ адиносарас и Библия. И алава андар латэ поможына тэ полас савэ амэ, ай кадяжэ тэ полас пэстирэ гиндоря и со амэндэ андо ди (Евр. 4:12, 13). w20.11 18, абз. 1—3

Кала о мануш на гиндой пала пэстэ бут, када анэн радость. Васо? Если амэ полас, кай най вся можэм тэ терас екжэнэ, тоди амэ аваса блаӷодарни, кала амэнди поможына авэр. Сэрэн, со сас, кала о Иисусо виличисардя дэшэн манушэн, кастэ тернёлас и тила? Кати ек андар лэндэ рисайля тэ поблаӷодарий лэ Иисусос, важ кода кай полэлас, кай екжэно никала на виличисайлоп пэстирэ насвалимастар. Кодэва мануш, саво на гиндояс пала пэстэ бут, сас блаӷодарно пала помощь и андя слава лэ Дэвлэсти (Луки 17:11—19). Кодэлэ манушэнди, савэ на гиндон пала пэстэ бут, май вушэро тэ ладин аврэнца. Ай кадяжэ кацавэ манушэндэ исин лашэ друӷоря. Васо? Важ кода, кай кацавэ мануша патян аврэнди и ӷотови тэ прижанэн, кай аврэ манушэндэ исин лашэ качестворя. Вонэ лошавэн, кала кай и ԥрала и кай ԥэя варисо драго вижал андэ служэния, вонэ анда оди хвалин и стон пэр лэндэ патив. w20.08 12, 13, абз. 17, 18