Октябрё

Кала амэ уӷанаса май драго лэ Иисусос, амэ сможэм тэ гиндосарас и тэ терас кадя, сар во. И со май драго амэ полас, сар гиндояс о Иисусо и пэрэлас лэско гиндо, со май лащи ашэл амари дружба лэса. Сар амэ можэм тэ сытювас кай о Иисусо? Акэ ек примеро. Важ о Иисусо сас май ӷлавно тэ уӷодий най пэсти, ай аврэнди (Матф. 20:28; Рим. 15:1—3). Важ кода кай лэстэ сас кацавэ гиндоря, во камэлас бут пэр со тэ жал и тэ простий аврэн. Во на грабияс тэ холявэл, кала лэс пусавэнас лэ алавэнца (Иоан. 1:46, 47). Во на гиндояс пала мануш па кода, со во дэлмут стердя най кадя (1 Тим. 1:12—14). О Иисусо ԥэндя: «И кала машкар тумэндэ исин любовь, всаворэ ӷатярэна, кай тумэ мэрнэ ученикоря» (Иоан. 13:35). Важ када драго авелоп тэ пушас пэстар: «Терав мэ вся, со па мэрно зор, кай тэ ладисарав лэ ԥралэнца и лэ ԥэянца, сар када терэлас о Иисусо?» w20.04 24, абз. 11

Адес и мануша, савэ на полэн лэ Иеговас, на стон патив пэр лэстэ. Ай тумэ можэте тэ зашонпэ пала Иегова и тэ росԥэнэн лэнди о чачимос, кай о Иегова справедливо, добро и любящё Дэл. Тумэ можэте тэ сыкавэн, кай о Иегова тумаро правителё. И тумэ можэте тэ поможын лэ манушэнди тэ полэн, кай лэ Иеговастири правления со май лащи и кати вой можэт тэ анэн всаворэ манушэнди бах (Пс. 37:9, 37; 146:5, 6, 10). Кала амэ сытярас аврэн чачимасти анда Библия, амэ най еқвар шас сама пэ Иеговастири правления и пэ кода, кай лэстэ исин право тэ стол законоря па вся и Люма. И када драго, кай амэ кадя сытярас. Лэ манушэнди трэбуй тэ уӷанэн лэ Дэвлэстирэ законоря. Но амэнди трэбуй тэ поможысарас лэнди тэ сытён тэ любин лэ Иеговас и тэ на парашэн тэ кандэн лэс. Ай важ када трэбуй тэ шас сама пэ лашэ лэ Дэвлэстирэ качестворя и пэ кода, саво во па чачимастэ (Ис. 63:7). Тоди амэндэ вижала тэ поможысарас лэнди тэ полюбин лэ Иеговас и тэ закамэн май фартэ тэ кандэн лэс. w20.06 6, абз. 16; 7, абз. 19

О Иегова мудро стердя лэ манушэсти годи. Сар о бэято инке на арақаделяпэ, кажно минута андэ лэсти годи появинпэ фартэ бут нэвэ клетки. Сар ԥэнэн и учони мануша, андэ годи кай о взросло мануш исин варикай 100 милиардоря особи клетки, пэр лэндэ ԥэнэн нейроноря. Всаворэ вонэ стидэ андэ годи, савятэ весо май бут чем ек килаӷрамо. Ек анда кода, сар о Иегова мудро стердя амари годи, када кай амэ ӷанас тэ дас дума. Кай тэ ԥэнэн хоть ек алав, тумари годи трэбуй тэ стерэл кадя, кай варикай 100 мышц, савэ исин андо колин, андо кырло, андэ шыб и андэ вуш, тэ терэн вмести, сар трэбуй. Кай о мануш тэ дэл дума понятно, всаворэ кадэла мышцы трэбуй тэ терэн по порядку. Андо 2019 бэрш сас пистромэ, кай и бэяцэ, савэ арақаделэпэ, моӷут тэ полэн отдельни алава. Када доԥэнэн кода, со гиндонас бут учони, кай кала о мануш арақадёлпэ, во можэт тэ полэл и дума и тэ сытёл и шыб. Амэ патяс, кай кода, кай амэ ӷанас тэ дас дума, када подарко лэ Дэвлэстар. w20.05 22, 23, абз. 8, 9

О Авраамо вушэро отԥэнделя лэ лашимастар, саво лэстэ сас андо форо Уро. Васо? Важ кода кай во аштярэлас «о форо, саво авэла састо» (Евр. 11:8—10, 16). «О форо», саво аштярэлас о Авраамо, када лэ Дэвлэско Царство, андэ саво о Иисусо и 144 000 помазани христианоря. О Павло ԥэндя по лэ Дэвлэско Царство, кай када «форо лэ жундэ Дэвлэско, небесно Иерусалимо» (Евр. 12:22; Отк. 5:8—10; 14:1). О Иисусо сытярэлас пэстирэ учениконэн тэ мангэнпэ пала кадэва Царство, кай во тэ авэл и тэ стерэл кода, со камэл о Дэл, най кати по нэбо, но и пэ ԥув (Матф. 6:10). О Авраамо на ӷанэнас, сар вся авэла андэ лэ Дэвлэско Царство. Бут викоря када сас «свынто тайна» (Эф. 1:8—10; Кол. 1:26, 27). Но всаек о Авраамо ӷанэнас, кай дэсавэ анда лэстирэ потомкоря авэна царёря. Пала када лэсти дя алав екжэно о Иегова (Быт. 17:1, 2, 6). w20.08 2, абз. 2—4

Амэ трэбуй тэ на ашунас кода, сости сытярэн и отступникоря. Сар кати появисайля и христианско собрания, о Сатана стол зор, кай лэ Дэвлэстирэ служытеля, савэ на парашэн тэ кандэн, тэ на допатян лэ Дэвлэсти. Важ када трэбуй тэ ӷанас, сар тэ полас, кай о чачимос, ай кай о хохаимос. Амарэ вороӷоря через интэрнэто и социальни сети розындярэн о хохаимос, кай амэ тэ на допатяс лэ Иеговасти и най кадя фартэ тэ любисарас лэ ԥралэн. Сэрэн, ко тердён пала кадэва хохаимос и на патян кадэла хохаимасти, саво лэ Сатанастар! (1 Иоан. 4:1, 6; Отк. 12:9). О Сатана камэл тэ дэл пар мэндэ, кай тэ змарэл амэн па лэ Дэвлэско дром. Но кай тэ виритярас, амэнди трэбуй май фартэ тэ патяс лэ Иисусости и андэ кода, сар о Иегова через о Иисусо терэл кода, со загиндосардя. Кадяжэ трэбуй тэ патяс лэ годявэрнэ и кандинэ рабости и тэ патяс, кай кати через лэстэ о Иегова диқэл пала пэстири арӷанизацыя (Матф. 24:45—47). Амэ ласа май фартэ тэ патяс андэ када, если на ласа тэ промэкас тэ сытювас па Библия. Тоди амари вера андо Дэл авэла, сар витка, савятэ и корнёря ужан фартэ дур андэ ԥув. Кацаво жэ гиндо ԥэндя о апостоло Павло андэ алава андо стихо по дес. w20.07 24, абз. 11, 12

Важ кода кай амэ всаворэ найсовершэни, амэ присытелям тэ гиндосарас пала мануш кати па кода, саво во пар пэстэ (Иоан. 7:24). Но хэба можно тэ полас, саво о мануш па чачимастэ, кати па кода, саво во пэса? Диқам примеро. Дажэ о годявэрно и опытно врачо на ԥэнэна, со лэ манушэстэ лэ зорэса, сар кати подиқэла пэр лэстэ. Кай тэ полэл, со лэ зорэса, лэ врачости трэбуй драго тэ виашунэл лэ манушэс, кай тэ уӷанэн, со сас най кадя лэстирэ зорэса и со акана лэстэ дуқал. О врачо можэт дажэ тэ ԥэнэн, кай во тэ стерэл о ренгенто. Если во вся када на уӷанэна, во нэ сможэт драго тэ личий лэ манушэс. Кадя жэ и амэ. Амэ на поласа амарэ ԥралэн и ԥэян, если ласа тэ шас сама кати пэ кода, со амэнди дицол. Амэ трэбуй тэ полас и кода, со на дицол, савэ вонэ па чачимастэ. И всаек, амэ можэм тэ сытювас лэ Иеговастар. Во виашунэл лэн. Во шол сама пэ вся, со сас лэндэ андэ жызня и со исин акана. Во полэл, со по ди лэндэ. w20.04 14, абз. 1—3

И мануша, савэ ӷорди «гиндон пала пэстэ фартэ бут» (Рим. 12:3). Лэнди чалёл тэ споринпэ и вонэ гиндон кати пала пэстэ. Кодэлэстар, сар вонэ гиндон и сар андярэн пэс, найдраго и лэнди и кодэлэнди, ко паша лэндэ. Если вонэ на парашэн кадя тэ гиндон, тоди и о Сатана на парашэла тэ римой лэндирэ гиндоря (2 Кор. 4:4; 11:3). Ай о мануш, саво на заваздэл о шэро, на гиндой пала пэстэ бут. Во на гиндой, кай во со май лашо и полэл, кай авэр моӷут бут андэр со тэ авэн май лашэ лэстар (Флп. 2:3). Во ӷанэн, кай «о Дэл против кодэла, ко заваздэл о шэро, ай кодэлэнди, ко на гиндой пала пэстэ бут, дэл лашимос» (1 Пет. 5:5). Важ када, если амэ на камас, кай о Иегова тэ авэл амарэ вороӷоса, амэ трэбуй тэ на гиндосарас пала пэстэ бут. Кай тэ на гиндосарас пала пэстэ бут, амэнди трэбуй тэ на бистрас пала совето, саво запистромэ андэ Библия: «Парувэн пэс и ашавэн и найлащи дила и ашэн аврэ манушэса» (Кол. 3:9, 10). Амэнди трэбуй май бут тэ уӷанас пала Иисусо и тэ старысавас май драго тэ терас кадя, сар во (1 Пет. 2:21). w20.07 7, абз. 16, 17

Сави дэ бари бах тэ авас андэ лэ Иеговастири собрания! Кала амэ служысарас еқэҭанэ лэ ԥралэнца и лэ ԥэянца, амэндэ по ди мирно и радосно. И када на сыстоса нисоса. Ай со о Иегова дя тути тэ терэс андэ собрания? О апостоло Павло сыстосардя и собрания манушэстиря тиласа. Ай пэ христианоря во ԥэндя, кай вонэ, сар разни части андэ тила (Рим. 12:4—8; 1 Кор. 12:12—27; Эф. 4:16). Кода, пала со ԥэндя о Павло, поможый амэнди тэ полас, кай кажно андар мэндэ куч андэ лэ Иеговаско ери. О Павло залэл тэ пистрой о письмо кацавэ алавэнца: «Сар андэ ек тила исин бут части, и вонэ всаворэ терэн разно дила, кадя и амэ, хоть амэн и бут, амэ ек тила, важ кода кай амэ терас и гиндосарас, сар о Христос, и амэ кадяжэ трэбуй ек еқэсти, сар и разни части андэ тила» (Рим. 12:4, 5). Со о Павло камля тэ ԥэнэн кадэлэ алавэнца? Кадэлэса о Павло камля тэ ԥэнэн, кай андэ собрания кажнонэстэ разно дила, но кажно андар мэндэ куч важ о Иегова. w20.08 20, абз. 1, 2, 4

Дада и дэя, сар тумэ можэте тэ сытён кай о Иегова? Дэкала можно тэ пушэн лэ бэятонэндар, сар па лэндирятэ авелоп фэдэр тэ стерэн варисави дила. Если вонэ ԥэнэн лашо гиндо, стерэн кадя. Кадяжэ о Иегова сыкавэл лашо примеро андэ кода, сар во на грабийпэ тэ холявэл пэ пэстирэ служытеля, дажэ кала вонэ пативалэс ԥэнэн лэсти, кай на допатян, кай кода, со во камэл тэ стерэл, правильно. Кала о Авраамо пэрэжывал, кай о Иегова камэл тэ сԥабарэл о Содомо и Гоморра, о Дэл драго лэс виашундя (Быт. 18:22—33). Ай сэрэн, сар о Иегова андярдя пэс ла Авраамостиря хулаяса, ла Сарраса? Вой розасаяпэ, кала ашундя, кай о Иегова дя алав, кай андэ ԥурэ бэрша латэ арақадёлапэ шаво. Но о Иегова на холяйля пэр латэ (Быт. 18:10—14). Во стодя патив пэ Сарра. Дада и дэя, ай кадяжэ и старейшыноря, сости тумэ сытён кай о Иегова? Сар тумэ андярэн пэс, кала лэ бэятонэнди чи лэ ԥралэнди и лэ ԥэянди анда собрания на чалёл кода, со тумэ витидэ тэ терэн? Тумэ сразу доԥэнэн, кай тумэ прави? Чи тумэ камэн тэ полэн, васо лэнди на чалёл кода, со тумэ витидэ? Если кодэла, кастэ исин власть андо ери чи андэ собрания, сытён кай о Иегова, када анэна лашимос кажнонэ ерести и андэ всаворэ собрании. w20.08 10, абз. 7—9

Сар кати амэ уӷанглям лэ Дэвлэстирэ служытелёнэн, амэ самас лошалэ, кала амэнди поможынас. Важ кода кай поласас, кай амэ инке бут со на ӷанас анда Библия и амэнди трэбуй бут со тэ полас (1 Кор. 3:1, 2). Ай сар акана? Ԥэнаса, амэ служысарас лэ Иеговасти бут бэрша и бут со ӷанас тэ терас. Тоди амэнди можэт и тэ на камэлпэ тэ прилас и помощь. И май фартэ кодэлэндар, ко болделя посли амэндэ. Но о Иегова часто подритярэл амэн через и ԥрала и ԥэя (Рим. 1:11, 12). Амэнди трэбуй када тэ полас, если камас, кай о Иегова тэ на парашэл тэ дэл амэнди пэско зор. Ӷлавно най кода, катар о мануш, скати лэстэ зор, сави образования чи скати лэстэ ловэ. Ай ӷлавно кода, кай о мануш тэ надеийпэ по Иегова и тэ на гиндой пала пэстэ бут. Тоди лэстэ вижала тэ стерэл бут лащи дила. Ласа тэ сэрас кадэла важни гиндоря. Пэрво, трэбуй тэ надеисавас по Иегова. Дуйто, трэбуй тэ сытювас кодэлэндар, пала кастэ пистромэ андэ Библия. И трито, тэ прилас и помощь лэ ԥралэндар и лэ ԥэяндар. Тоди, сар бы амэнди ԥарэс тэ на авэл, о Иегова дэла амэнди пэско зор тэ виритярас вся! w20.07 14, абз. 2; 19, абз. 18, 19

Дэкала найвушэро тэ аштярас и тэ на холявас, кала амэ росԥэнас пала Дэл лэ родости, савэ на патян амэнца андо ек Дэл. Тоди амэнди поможын и алава анда Экклезиаст 3:7: «Исин время тэ ашэс мулком, ай исин время тэ дэс дума». Амэ можэм тэ росԥэнас амарэ родости пала Дэл би алавэнго. Када кала амэ драго пэс андярас. И андэ кодэя жэ время, амэ трэбуй всегда тэ авас ӷотови тэ росԥэнас, андэр со амэ патяс (1 Пет. 3:1, 2). Канешно, амэ камас анда вся оди тэ росԥэнас пала Дэл и тэ сытярас лэ манушэн па Библия. Но амэ трэбуй тэ сэрас, кай всаворэнца, ай кадяжэ амарэ родоса, трэбуй тэ авас терпеливи. Амэ кадяжэ можэм тэ сытювас кай о пророко Аввакумо, кай о апостоло Павло и кай авэр лэ Иеговастирэ служытеля, тэ аштярас и тэ на холявас. О Аввакумо, хоть и фартэ камэлас, кай тэ кончийпэ вся о найлашимос, ӷанэнас тэ аштярэл. Во ԥэндя, кай лэла тэ аштярэл и тердёла котэ, кай тердёл о сторожо (Авв. 2:1). Ай о Павло всаворэ одеса служыяс пэ ԥув, но камэлас тэ получий и наӷрада по нэбо. Во на парашэлас тэ аштярэл и драго тэ росԥэнэн пала Дэл (Деян. 20:24). w20.09 12, абз. 12—14

Анда вся, со создал о Иегова, о Иисусо со май зорало. Но во на гиндой пала пэстэ май бут чем трэбуй. Лэ Иеговастирэ служытеля, савэ на гиндон пала пэстэ бут, терэн бут со, кай и мануша андэ собрания тэ любин ек еқэс. Ай о Иисусо ԥэндя, кай лэстирэ учениконэн ӷатярэна па кода, кай вонэ любин ек еқэс (Луки 9:48; Иоан. 13:35). Но со тэ терэс, сар тути здэлпэ, кай андэ собрания варисо най кадя, ай и старейшыноря пэ када на шон сама, сар трэбуй? На сыкав, кай тути када на чалёл. Фэдэр на ав ӷордо и подритяр кодэлэн, ко диқэл пала собрания (Евр. 13:17). Со поможыя тути кадя тэ терэс? Пуш пэстар: «Чачимаса кода, со манди здэлпэ най кадя андэ собрания, кадя важно, кай трэбуй тэ ришын када? Можэт най вой и время, кай тэ дав дума? Ай можэт када най мэрни дила? И васо мэ камав тэ подав дума? Важ кода кай пэрэжываю, кай андэ собрания тэ авэл вся драго, чи камав, кай просто тэ шон сама пэр мандэ?» Важ о Иегова май куч кода, кай амэ на заваздас о шэро, чем кода, кай амэндэ драго вижал варисо тэ терас. Ай кадяжэ важ лэстэ май важно, кай амэ тэ авас, ек пала еқэстэ, чем кода, кай амэ ӷанас тэ терас йто и бут дила. Сар амэ тераса кадя, тоди амэ поможысараса, кай андэ собрания всаворэ тэ авэн ек пала еқэстэ (Эф. 4:2, 3). w20.07 4, абз. 9—11

О Иисусо цэнияс кода, со терэнас важ лэстэ и жувля, савэ даранас лэ Дэвлэстар и савэ заботинаспэ пала лэстэ (Луки 8:1—3). Во росԥэнэнас лэнди и гиндоря, савэ сас найвушэро тэ полэн. О Иисусо росԥэндя лэнди, кай во мэрэла, ай потом рияпэ каринг и жызня (Луки 24:5—8). Кадяжэ сар и лэ апостолонэн, во сытярдя лэн, сар тэ виритярэн о ԥаримос, саво лэндэ авэла (Мар. 9:30—32; 10:32—34). Кадяжэ можэм тэ шас сама, кала лэ Иисусос астардэ, лэстирэ апостолоря ашадэ лэс и занашлэ. Ай дэсавэ жувля сас паша лэстэ, тоди кала во мэрэлас по столбо (Матф. 26:56; Мар. 15:40, 41). Пэрви, ко додиқля лэ Иисусос, кала во рисайля каринг и жызня, сас и жувля. Во ԥэндя лэнди, кай вонэ тэ росԥэнэн када лэ апостолонэнди (Матф. 28:5, 9, 10). Кадяжэ андэ Пятидесятница андо 33 бэрш лэ И. Х. машкар христианоря, пэ савэ сжыля о свынто духо, файма, сас и и жувля, и всаворэ, ко сас котэ, сас помазани свынтонэ духоса, диқлэ чуда и линэ тэ дэн дума пэ разни шыба и тэ росԥэнэн «пала бари лэ Дэвлэстири дила» (Деян. 1:14; 2:2—4, 11). w20.09 23, абз. 11, 12

О Иисусо ԥэндя пэстирэ учениконэнди: «Жан... сытярэн лэ манушэн, кай вонэ тэ авэн ученикоря. Болэн лэн» (Матф. 28:19, 20). Амэ ӷанас, кай о мануш можэт тэ спасыйпэ, если болдёла. Но ко камэл тэ болдёл, трэбуй тэ патял, кай спасыяпэ кати через лэ Иисусости смэрть. Акэ васо о апостоло Пётро ԥэндя: «Инке исин, со шолпэ пэ кода, со фэрий тумэн акана. Када, кай тумэ болдён... через кода, кай о Иисус Христос рисайля каринг и жызня» (1 Пет. 3:21). Вижал, кала о мануш болдёл, во лэл тэ жал па правильно дром, саво анэна лэс каринг и вечно жызня. Кала поможыс лэ манушэсти тэ ашэл лэ Иисусоско ученико, ту трэбуй тэ гиндос, сар май драго тэ сытярэс. (2 Тим. 4:1, 2). О Иисусо ԥэндя: «Жан, сытярэн лэ манушэн, кай вонэ тэ авэн ученикоря». Кацаво жэ гиндо ԥэндя о апостоло Павло лэ Тимофеёсти: «Кала кадя терэса, фэриса и пэс и кодэлэн, ко тут ашунэл».w20.10 14, 15, абз. 1, 2

О апостоло Пётро залэласпэ лэ мащеса, най кати ек важ кода, кай тэ проправарэл лэ ерес. Во любияс кадэя дила (Иоан. 21:3, 9—15). Во кадяжэ полюбисардя и дила, сави лэсти дя о Иисусо, «тэ родэл лэ манушэн», када тэ росԥэнэн пала Дэл. О Иегова подритярэлас лэ Петрос, и важ кода лэстэ фартэ драго вижалас тэ терэл кадэя дила (Деян.2:14, 41). Амэ росԥэнас пала Иегова, важ кода кай любисарас лэс, и када само ӷлавно. Кадэя любовь поможыя амэнди тэ улас и гиндоря, кай амэндэ на хутилэла зор тэ стерас лэ Дэвлэсти дила. Кала о Иисусо ԥэндясас лэ Петрости «тэ родэл лэ манушэн» кадя, сар во астарэлас о мащё, во кадя жэ ԥэндясас лэсти: «На дар» (Луки 5:8—11). О Пётро пэрэдарайля най кодэлэстар, со авэла, кала во ашэла лэ Иисусостирэ ученикоса. Во пэрэдарайля, кай о Иисусо поможысардя лэсти и лэстирэ амалэнди тэ астарэн кадя дэ бут мащё. Во полэлас, кай када сас чуда, и гиндояс, кай во на ашэл кода, кай тэ терэл дила еқэҭанэ лэ Иисусоса. Тумэндэ кадяжэ можэт тэ авэл дар. Можэт тумэ даран кодэлэстар, со тумэн аштярэл, кала тумэ лэна тэ служын лэ Иеговасти. Тоди терэн вся, кай инке май фартэ тэ любин лэ Иеговас, лэ Иисусос и лэ манушэн. Када поможыя тумэнди тэ терэн кадя, сар ԥэндясас о Иисусо, «тэ родэн лэ манушэн» (Матф. 22:37, 39; Иоан. 14:15). w20.09 3, 4, абз. 4, 5

Амэ баря радостяса отдас и время, о зор и ловэ, кай тэ виарақас кодэлэн, кас цырдэл «каринг о чачимос, саво дэл вечно жызня» (Деян. 13:48). Кадя амэ терас, сар о Иисусо, саво ԥэндя: «Мэрно хамос, тэ терав вся, со камэл кодэва, ко ман бишалдя и тэ дотерав и дила, сави во манди дя» (Иоан. 4:34; 17:4). Амэ тожэ камас анда вся оди тэ дотерас и дила, сави амэнди динэ (Иоан. 20:21). Ай кадяжэ амэ камас, кай андэ кадэя дила вмести амэнца тэ росԥэнэн пала Дэл и ԥрала и ԥэя, савэ ашэлэ неактивни (Матф. 24:13). Канешно, тэ терас кадэя дила, сави амэнди дя о Иисусо, найвушэро. Но амэ най екжэнэ. О Иисусо дя алав, кай поможыя амэнди. Ай инке амэн подритярэл о Иегова, важ кода кай «амэ терас лэ Дэвлэса ек дила» (1 Кор. 3:9). И када сыкавэл, кай амэндэ вижала тэ дотерас кадэя дила и тэ поможысарас аврэнди. Сави када бах и радость! (Флп. 4:13). w20.11 7, абз. 19, 20

Кода, со витидэн о дад и дэй важ пэсти бэяцэ, фартэ влияет пэ лэндири жызня. И если вонэ нэ правильно витидэна, тоди када можэт тэ анэн проблемы лэ бэятонэнди. Ай если вонэ витидэна правильно, тоди када можэт тэ анэн лащи и бахтали жызня лэ бэятонэнди. Но и бэяцэ тожэ трэбуй тэ ӷанэн тэ витидэн тэ жан па правильно дром. Со май лашо дром, саво о мануш можэт тэ витидэл, када тэ служый лэ Иеговасти (Пс. 73:28). О Иосифо и Мария пристонас вся пэско зор, кай тэ поможын лэ Иисусости и аврэ пэстирэ бэятонэнди. Вонэ камэнас, кай лэндирэ бэяцэ тэ служын лэ Иеговасти. Вонэ кандэнас лэ Иеговас. Па кода, со вонэ витидэнас, дицолас, кай андэ лэндири жызня о Иегова по пэрво ҭан (Луки 2:40, 41, 52). О Иисусо тожэ прилэлас годявэрнэ ришэнии, и када поможысардя лэсти тэ стерэл и дила, сави дя лэсти о Иегова (Матф. 4:1—10). Во вибареля лашо и смило мануш, саво на парашэлас тэ кандэл. Кажно дад и дэй, савэ любин лэ Иеговас, абуросардоп кацавэ бэятоса. w20.10 26, абз. 1, 2

Погиндосарам пала трин примероря, со можэт тэ авэл кай и христианоря. Например, и ԥэй, сави андэ бэршэндэ сэрэл пала лашимос, саво сас андэ латири жызня. И хоть акана латэ андэ жызня май бут ԥаримос, вой всаек на парашэл тэ терэл андэ служэния лэ Иеговасти вся, со па лако зор (1 Кор. 15:58). Кажно дес вой гиндой пала кода, кай пашол и время, кала вой авэла андо раё пэ ԥув, и паша латэ авэна всаворэ латирэ чаче. Авря ԥья варикала холярдэ андэ собрания. Но вой на ля тэ ритярэл и холи (Кол. 3:13). Ай о ԥрал нащи бистрэл пэстирэ ошыбки, савэ стердясас варикала. Но во старыийпэ фартэ тэ на гиндой пала лэндэ, ай тэ терэл вся, со можэт, кай тэ на парашэл тэ кандэл лэ Иеговас (Пс. 51:10). Со еқэндар, кай кадэла трин мануша? Всаворэ вонэ сэрэн, со лэнца сас варикала, но вонэ на гиндон кати ек пала када. Лэндирэ «яқа диқэн англэ». Васо амэнди важно тэ гиндосарас пала кода, со авэла англэ? О мануш нэ можэт тэ жал па дром ворта, если во вся и время обдиқэлпэ палпалэ. Кадяжэ и амэ нэ сможэм тэ служысарас лэ Иеговасти анда вся оди, если вся и время ласа тэ гиндосарас пала кода, со амэнца сас варикала (Луки 9:62). w20.11 24, абз. 1—3

О Голиафо, саво сас зорало воино, гиндояс, кай лэ Давидостэ слабо зор. И понятно васо. О Голиафо сас май баро лэстар, лэстэ сас май лащи оружыя и во ӷанэнас май драго тэ марэлпэ. Насупротив лэстэ о Давидо здэласпэ бэятоса, саво совсем на ӷанэнас тэ марэлпэ и савэстэ на сас оружыя. Но о Давидо надеияспэ по Иегова, и во поможысардя лэсти тэ победий лэ вороӷос (1 Сам. 17:41—45, 50). Кай о Давидо сас инке авэр ԥаримос, через саво лэстэ сас фартэ ԥарэс по ди. Во на парашэлас анда вся оди тэ служый лэ Саулости, савэс о Иегова стодя царёса андо Израилё. Спэрва о Сауло столас патив по Давидо. Но потом во ля тэ завидуий лэсти через пэстири ӷордость. О Сауло ля вэрыто пэс тэ андярэл лэса и дажэ камэлас тэ умарэл лэ Давидос (1 Сам. 18:6—9, 29; 19:9—11). О Давидо на парашэлас тэ стол патив по Сауло, савэс о Иегова стодя царёса, хоть во и андярэлас пэс лэ Давидоса кадя, сар во на затердя (1 Сам. 24:6). Во надеияспэ по Иегова и патялас, кай во дэла лэсти зор тэ пэрэандярэл кадэва ԥаримос (Пс. 18:1 и кода, со пистромэ англа пэрво стихо). w20.07 17, абз. 11—13

Бут анда кода, со пистромэ андэ кадэва пророчество пала северно и южно царёря, ужэ стердяпэ. Важ када можно тэ патяс, кай стерэнапэ и авэр алава анда кадэва пророчество. Кай тэ полас о пророчество анда Даниила 11 ӷлава, амэ трэбуй тэ сэрас, со андэр лэстэ пистромэ. Андэр лэстэ росԥэнэнпэ пала кодэла правителя и правительства, савэндэ со май бари власть и савэ ӷонин лэ Дэвлэстирэ народос. Хоть лэ Дэвлэстирэ служытелёнэн най кадя бут, сар аврэн манушэн пэ люма, всаек лэн со май фартэ ӷонин. Васо? Важ кода кай о Сатана и лэско миро камэн тэ стерэн вся, кай кодэлэн, ко служый лэ Иеговасти и лэ Иисусости, никала тэ на авэл (Быт. 3:15; Отк. 11:7; 12:17). Инке о пророчество, саво запистромэ андэ Даниила, трэбуй тэ сжалпэ аврэ пророчествонэнца анда Библия. Амэ правильно поласа о пророчество кати тоди, кала сыстосараса лэс аврэ стихонэнца анда Библия. w20.05 2, 3, абз. 1, 2

Кажнонэ манушэстэ пэско гиндо пала кода, со авэла лэ манушэса, сар во мэрэла. Сости сытярэл и Библия? Кала о мануш мэрэл, лэсти тила тернёл. Но о Дэл, саво создал вся и ԥув, можэт тэ рий лэ манушэс каринг и жызня (Быт. 1:1; 2:7). О апостоло Павло призындярдя о примеро пала зэрно, кай тэ полас, андэ сави тила ринапэ каринг и жызня по нэбо. Во ԥэндя, кай кала о зэрно попэрэл андэ ԥув, андар лэстэ вибарёл растения, сави совсем на шолпэ по зэрно. Через кадэва примеро о Павло сыкадя, кай о Дэл можэт тэ дэл лэ манушэсти кацави «тила, сави во камэл». Кадяжэ о Павло пистросардя, кай исин тила, кай тэ жувэл по нэбо, ай исин тила, кай тэ жувэл пэ ԥув. Со во кадэлэса камля тэ ԥэнэн? Кай кодэлэндэ, ко жувэл пэ ԥув, и тила анда рат и мурцы. Ай кодэлэндэ, ко жувэл по нэбо, авэла кацави тила, сар кай и анӷелоря. (1 Кор. 15:36—41). w20.12 10, абз. 7—9

Всаворэ амэ камас тэ жувас тихо и спокойно. Но дэкала амэнди прижалпэ пала варисо тэ пэрэжываем, и амэ пушас кай о Дэл кода жэ, со пушля и о Давидо андо адесутно стихо (Пс. 13:2). Амэндэ исин пэрэжывании через кода, со най па амаро зор тэ парувас. Например, када, кай барёл и цэмин по хамос, пэ ӥда, пэ цэра. Кадяжэ и мануша, савэнца амэ терас бути, или однокласникоря тасавэн пар мэндэ, кай амэ тэ хохавас или тэ терас билажавардимос. Тэ улас и преступность котэ, кай амэ жувас, амэ тожэ нэ можэм. Амэндэ исин кадэва ԥаримос, важ кода кай амэ жувас андэ люма, кай и мануша на жувэн кадя, сар пистромэ андэ Библия. О Сатана, саво хулаий кадэла люмаса, ӷанэн, кай дэсавэ мануша через и пэрэжывании на лэна тэ служын лэ Иеговасти (Матф. 13:22; 1 Иоан. 5:19). Акэ васо и мануша кадя бут пэрэжывают. w21.01 2, абз. 1, 3

Кай тэ на хулаий пар мэндэ о Сатана, о апостоло Иоанно пистросардя, кай амэнди нащи тэ вэрыцысарас лэ ԥралэн и лэ ԥэян (1 Иоан. 2:11). Кацаво жэ сас кай дэсавэ христианоря, савэ жувэнас андо пэрво вико. О Сатана терэлас вся, кай лэ Дэвлэстирэ служытеля тэ на ладин и тэ вэрыцын ек еқэс. Каринг кодэя время, кала о Иоанно пистросардя пэстирэ письморя, андэ собрания ужэ сас мануша, савэ камэнас тэ терэн кода жэ, со и о Сатана. Ек анда кацавэ мануша сас о Диотрефо, через саво и ԥрала андэ собрания на линэ тэ ладин. Во на столас патив пэ ԥрала, савэн бишалэлас о Руководящё совето андэ собрания. Во дажэ камэлас тэ видаравэл анда собрания лэ христианонэн, ко прилэлас пэстэ кодэлэ манушэн, савэ лэсти на чалёнас (3 Иоан. 9, 10). Пэ скати жэ во дэ наӷло! О Сатана и адес терэл вся, кай машкар лэ Дэвлэстирэ служытеля тэ вэрыцын ек еқэс. Давайте на домэкаса, кай лэстэ када тэ вижал! w21.01 11, абз. 14

Андэ Пэрво мирово война о немецко, кадяжэ и о британско правительство, ӷонинас лэ Дэвлэстирэ служытелёнэн, савэ отԥэндёнас тэ жан пэ война. Ай о правительство андэ США бэшарэлас андо баруно лэ ԥралэн, савэ диқэнас пала проповедническо дила. Кадя исполнисайля о пророчество анда Откровение 11:7—10. Потом, андэ 1930 бэрша, о северно царё ля фартэ жэстоко тэ ӷоний лэ Дэвлэстирэ народос, и со май фартэ андо Дуйто мирово война. О Гитлеро и лэстирэ мануша запретисардэ лэ Дэвлэстири дила. Сотни лэ Иеговастирэ служытелёнэн умардэ, ай тысячи побэшардэ андэ концлаӷерёря. О северно царё запретисардя проповедническо дила. Кадэлэса во сыкадя, кай на стол нисави патив по храмо, и стердя кадя, кай тэ парашэн тэ анэн и жэртвы лэ Иеговасти (Дан. 11:30б, 31а). О Гитлеро дажэ солахадя, кай умарэла всаворэн лэ Дэвлэстирэ манушэн андэ Германия. w20.05 6, абз. 12, 13

Котэ, кай любин анда вся оди и ковлэс обжанпэ аврэнца, нинай кацаво, кай тэ домардён, кай тэ авэн пэрви. Вспомним лэ Ионафаноско и лэ Давидоско примеро. О Ионафано на завидуияс лэ Давидости и на камэлас тэ борийпэ лэса, кай тэ авэл царёса (1 Сам. 20:42). Амэ кадяжэ на борисавас амарэ ԥралэнца и ԥэянца и на завидуисарас, кала лэндэ варисо вижал май драго, чем амэндэ. Наоборот, амэ на заваздас о шэро, ай гиндосарас, кай авэр май лашэ амэндар (Флп. 2:3). Давайте на аваса тэ бистрас, кай андэ собрания кажно мануш куч. Если амэ на аваса ӷорди, када поможыя амэнди тэ шас сама пэ кода, со кай амарэ ԥрала и ԥэя драго вижал, и тэ сытювас лэндар (1 Кор. 12:21—25). Кала амэ любисарас ек еқэс и полас, амэ терас, кай тэ авэл мирно андэ лэ Дэвлэско народо. Ай инке и мануша, кастэ искреннё ди, диқэн, кай амэ лэ Христостирэ чачунэ ученикоря и камэн тэ служын амарэ Дэвлэсти. И инке, со май ӷлавно, кадя амэ прославляем лэ Иеговас, «саво полэл и жалуий анда вся оди и... саво терэл [кай тэ авэл] май вушэро по ди» (2 Кор. 1:3). w21.01 24, абз. 14; 25, абз. 16

Адес дэсавэ мануша на стон патив пэ Иеговастирэ свидетеля и гиндон пала лэндэ, кай вонэ на полэн нисо. Васо? Важ кода кай амэ на терас кадя, сар терэн бут мануша. Амэ стас зор, кай тэ на гиндосарас пала пэстэ бут и кай тэ авэл амэндэ ковло ди. Ай лэ манушэнди, савэ на ӷанэн лэ Иеговас, чалён и ӷорди мануша. И инке, андэ сави страна амэ тэ на жудоп, амэ на ӷуляс андэ политика и на служысарас андэ халавдэ. Амэ на шаспэ пэ мануша, савэ на полэн лэ Иеговас, и важ када вонэ на стон патив пар мэндэ (Рим. 12:2). Хоть о миро на стол патив пар мэндэ, о Иегова всаек через амэндэ терэл фартэ бари дила. Адес пэ ԥув росԥэнэнпэ пала Дэл кадя бут, сар никала. Пала кадэя дила диқэл о Иегова. Лэстирэ служытеля вимэкэн и журналоря, савэ пэрэандярэн пэ само бут шыба. И вимэкэн лэн май бут, чем любо авэр журнало андэ люма. Кадяжэ вонэ через и Библия поможын лэ манушэнди, кай и жызня лэндэ тэ авэл май бахтали. Кати лэ Иеговастирэ зорэса и мануша моӷут тэ стерэн кацави бари дила. w20.07 15, 16, абз. 5, 6

О Иисусо кандэлас лэ Иеговас най важ кода, кай во варисо на ӷанэн или на полэл. Андэ кода, сар о Иисусо сытярэлас аврэ манушэн, дицолас, кай во сас фартэ годявэрно (Иоан. 7:45, 46). О Иегова цэнияс, кай лэско Шаво драго ӷанэн вся тэ терэл, и важ када о Иисусо поможыяс лэ Иеговасти, кала во создавал и ԥув (Прит. 8:30; Евр. 1:2—4). Посли кода, сар о Иисусо рисайля каринг и жызня, о Иегова стодя лэс хуласа «па вся нэбо и па вся ԥув» (Матф. 28:18). Но всаек о Иисусо вся и время пушэл совето лэ Иеговастар. Васо? Важ кода кай во любий пэстирэ Дадэс. И хулая́ трэбуй тэ шон сама, кай о Иегова ԥэндя, кай и жувля тэ кандэн пэстирэ хулан най важ кода, кай вонэ май хужэ лэндар. Во дажэ стердя кадя, кай машкар кодэла, ко лэна тэ правин лэ Иисусоса по нэбо, авэна и жувля (Гал. 3:26—29). Инке о Иегова фартэ патял пэстирэ Шавэсти, важ када во лэсти дя власть. Кадяжэ можэт тэ терэл и о мудро хулай. Во можэт тожэ тэ дэл дэсави власть андо ери пэстиря хулаяти. w21.02 11, абз. 13, 14

И Библия, сар юнглинда. Вой поможый амэнди тэ полас, со амэ терас най кадя и тэ парудювас (Иак. 1:23—25). Например, амэ ӥто вижас андар пэстэ. Но кала адиносарас и Библия, амэ полас, кай амэнди трэбуй тэ пристас зор, кай тэ ритярас пэс андэ вас. И о Иегова поможый амэнди, тэ на вижас андар пэстэ, кала варико или варисо холярэл амэн. Блаӷодаря кадэлэсти амэ май драго поласа, со тэ терас и сар тэ прилас лащи ришэния (Иак. 3:13). Пэ скати жэ дэ важно тэ ӷанас и Библия! Дэкала амэ сытювас пэ пэстирэ ошыбки, но авелоп май мудро тэ сытювас лэ лашэ манушэндар и тэ на терас кадя, сар терэн и найлашэ мануша. О Иаково най евья ԥэндясас кай трэбуй тэ шас сама и тэ сытювас кай о Авраамо, и Раав, о Иово и кай о Илья (Иак. 2:21—26; 5:10, 11, 17, 18). Кадэла служытеля, кандэнас лэ Иеговас, вонэ виритярдэ о ԥаримос и на парашэлэ тэ лошавэн. И амэндэ вижала тэ виритярас любо ԥаримос, важ кода кай и амэнди поможый о Иегова. w21.02 30, абз. 12, 13

Канешно, май бут поможый лэ манушэсти кодэва, ко проандярэл и изучения. Но на бистэр, кай ту тожэ можэш тэ поможыс, кала тут ақарэн варикастэ пэ изучения (Эккл. 4:9, 10). Но со ту можэш тэ стерэс? Подӷотовься каринг и изучения. Ту можэш тэ мангэс, кай о ԥрал или и ԥэй набут тэ росԥэнэн тути пала мануш, саво изучает. Ту можэш тэ пушэс, каса тумэ авэна тэ проандярэн изучения, и со тумэ лэна тэ прожан. Андэр со именно ту можэш тэ поможыс? Кадяжэ ту можэш тэ пушэс, кай о вазвещятелё, сости во камэл тэ сытярэл лэ манушэс пэ кадэя изучения. Инке можно тэ пушэс, пала со трэбуй тэ дэс дума, ай пала со на трэбуй. И со именно ту можэш тэ росԥэнэс пэ изучения, кай када тэ лэл лэ манушэс лэ одестар и кай лэстэ тэ авэл май лащи дружба лэ Иеговаса? Канешно, о ԥрал чи и ԥэй, савэ ақардэ тут пэ изучения, на лэна тэ росԥэнэн пала лэ манушэстири лично жызня. Ай росԥэнэна кати кода, со поможыя тути тэ подӷотовишся каринг кадэя изучения. И мисианерка, савя ақарэн Джой росԥэнэн, кай кала вой дэл дума лэ ԥралэнца и лэ ԥэянца пала пэско изучающё, тоди и ԥрала и ԥэя май драго полэн, пала со вонэ лэна тэ дэн дума пэ изучения. w21.03 9, абз. 5, 6

Дэкала пар мэндэ кадяжэ шон вэрыцыя, важ кода кай амэ старысавас тэ жувас кадя, сар пистромэ андэ Библия. И совсем на терас кадя, сар терэн и мануша андэ кадэя люма. И мануша ԥэнэн, кай кала авэр терэн билажавардимос андэ када нинай нисо вэрыто. Но важ о Дэл када гряца, и када дицолас, кала во умардя всаворэ билажавардэ манушэн, савэ жувэнас андэ фороря Содомо и Гоморра (Иуды 7). И мануша андэ кадэя люма вэрыцын и асан амэндар, важ кода кай амэ на терас кадя сар вонэ. Амэ вэрыцысарас о билажавардимос, каринг саво вонэ присытелэ, и жувас кати па лэ Дэвлэско законо! (1 Пет. 4:3, 4). Если амэ ласа тэ патяс лэ Иеговасти, кай во амэнди поможыя, када кабута, лас пэса о баро щито, через саво амэ можэм тэ одмарас «всаворэ лэ Сатанастирэ стрелы ягаса» (Эф. 6:16). И када поможыя амэнди тэ на парашас тэ кандас лэ Иеговас, хоть амэн вэрыцын и ԥэнэн найлашэ алава. Но просто тэ патяс лэ Иеговасти, када на хутила. Инке важно тэ любисарас лэс. Кала любисарас, амэ сможэм тэ виритярас любо ԥаримос (1 Кор. 13:4—7, 13). И любовь каринг о Иегова, каринг амарэ ԥрала и ԥэя андэ собрания и дажэ каринг и вороӷоря, поможыя тэ на парашас тэ кандас лэ Иеговас, дажэ если амэн вэрыцын. w21.03 20, 21, абз. 3, 4

Дэкала амари любовь каринг и ԥрала и ԥэя дицол андэ кода, кай амэ на грабисавас тэ холявас пэ лэндирэ алава. Сэрэн кодэва маменто, кала о Иисусо ԥэндя пэстирэ учениконэнди: «Сар тумэ на хан и тила лэ манушэстирэ Шавэсти и на пэн лэско рат, тоди андэр тумэндэ нинай жызня» (Иоан. 6:53—57). Дэсавэ ученикоря через кадэла алава фартэ холяйлэ и ашадэ лэ Иисусос. Но и чачунэ друӷоря на ашадэ лэс. Вонэ на полинэ пала со о Иисусо ԥэнэнас, но на линэ тэ гиндон, кай о Иисусо сас нэ право и кай во камэл лэн тэ холярэл. Вонэ патянас лэсти, важ кода кай драго полэнас, кай во сытярэл лэ чачимасти (Иоан. 6:60, 66—69). Если амаро друӷо ԥэндя кода, состар амэнди ашэля ԥарэс по ди, на трэбуй тэ грабисавас тэ холявас. Фэдэр тэ виашунас лэс, кай тэ полас, со во камля тэ ԥэнэн (Прит. 18:13; Эккл. 7:9). w21.01 11, абз. 13