Апрелё

Кала о Иисусо соӷласисайля тэ отдэл пэстири жызня важ амэндэ, во сыкадя, кай фартэ любий амэн (Иоан. 15:13). Амэ никала нэ сможэм тэ роспотиндювас лэ Иеговаса и лэ Иисусоса важ вся, со вонэ важ амэндэ стердэ. Но амэ можэм тэ сыкавас, кай блаӷодарни лэнди кодэлэса, сар прожувас кажно дес (Кол. 3:15). Через о выкупо и памазаникоря надеинпэ тэ жувэн по нэбо, и важ када лэнди фартэ куч кадэва подарко (Матф. 20:28). Блаӷодаря кодэлэсти, кай вонэ патян андэ лэ Иисусостири жэртва, о Иегова ԥэнэн, кай вонэ праведни, и усыновляет лэн сар пэстирэ бэятонэн (Рим. 5:1; 8:15—17, 23). «Авэр бакрорэ» тожэ блаӷодарни важ кадэва подарко. Через кода, кай лэндэ исин вера андо выкупо, вонэ моӷут тэ ашэн лэ Дэвлэстирэ друӷоря и тэ надеинпэ тэ пэрэжувэн «и само бари бида» (Отк. 7:13—15). И памазаникоря и «авэр бакрорэ» моӷут тэ сыкавэн пэстири блаӷодарность важ о выкупо, кала кажно бэрш авэн пэ Вечеря. w22.01 23, абз. 14, 15

Со май ԥарэс лэ Иисусости сас най кодэлэстар, кай лэс трэбуй сас тэ умарэн, ай кодэлэстар кай пэр лэстэ хохадэ. О Иисусо фартэ любияс пэстирэ Дадэс, ай пэр лэстэ ԥэндэ, кай во ԥэнэнас найлашэ алава по Дэл и на столас патив пэр лэстэ (Матф. 26:64—66). Лэ Иисусости сас фартэ ԥарэс кадэлэстар. Во дажэ надеияспэ, кай о Дэл злэла пар лэстэ кадэва хохаимос (Матф. 26:38, 39, 42). О Иисусо трэбуй сас тэ мэрэл по столбо, кай тэ злэл па евреёря и амрая (Гал. 3:10, 13). Пэр лэндэ сас амрая, важ кода кай вонэ динэсас алав, кай лэна тэ ритярэн лэ Моисеёско Законо, ай екжэнэ на жувэнас пар лэстэ (Рим. 5:12). Котэ сас пистромэ, кай важ дэсавэ ӷрехоря лэ манушэс трэбуй сас тэ умарэн. Ай потом и тила моӷли тэ амблавэн по столбо, кай тэ сыкавэн, кай во преступнико (Втор. 21:22, 23; 27:26). Но лэ Иисусос сас най васо тэ умарэн, во стердя вся па лэ Моисеёско Законо. И кала во муля по столбо, кадэлэса во заля пэр пэстэ и амрая па евреёря, савэ сас тала кадэва Законо. Кадяжэ во зля пар лэндэ и лэ Адамоско бэзэх, саво сас пэ всаворэ мануша. Вижал, хоть вонэ на патяе андо Иисусо, лэстири жэртва моӷла лэнди тэ поможый. w21.04 16, абз. 5, 6

Представь о послиднё лэ Иисусоско дес англа смэрть. Лэс залэн и римски воиноря, фартэ жэстоко марэн ла чукняса и лэстэ пэ тила ашэнпэ ратвалэ раны (Матф. 26:52—54; Иоан. 18:3; 19:1). И воиноря стон лэсти пэ вся помардэ думэ ԥаро столбо. Во лэл полокорэ тэ жал пэ кодэва ҭан, кай камэн лэс тэ умарэн, но потом во совсем вимардёл анда зор и нащи жал. Тоди и воиноря приԥэнэн тэ андярэл лэско столбо авэр мануш, саво жал мимо (Матф. 27:32). Кала о Иисусо авэл кордэ, и воиноря примарэн карфянца лэстирэ вас и пэрнэ каринг о столбо. О столбо ваздэн и кодэлэстар, кай лэстири тила цырдэл тэлэ, лэстирэ раны лэн тэ росшындён. Лэстири дэй ровэл, и друӷоря нащи арақэн пэсти ҭан, кай диқэн со пэрэжувэл о Иисусо, ай иудейски начальникоря асанпэ лэстар (Луки 23:32—38; Иоан. 19:25). Када вся жал най ек часо. Лэ Иисусости ашэл фартэ ԥарэс тэ ԥурдэл, ай лэско ди ели марэлпэ. Но англа смэрть о Иисусо ӷанэн, кай во стердя вся, со камэл лэско Дад, и во послиднё разо мангэлпэ лэсти. Тоди о Иисусо змэкэл о шэро и мэрэл (Мар. 15:37; Луки 23:46; Иоан. 10:18; 19:30). Сави жэ медленно и дэ ԥари смэрть! w21.04 16, абз. 4

Андо послиднё дес, кала о Иисусо жувэлас пэ ԥув, лэса ашэнпэ 11 предани апосталоря, и во росԥэнэн лэнди, важ о нэво доӷоворо и важ о доӷоворо пала Царство (Луки 22:20, 28—30). Через кадэла дуй доӷовороря и апосталоря и авэр набут христианоря смоӷут тэ ашэн царёря и рашая по нэбо (Отк. 5:10; 14:1). Важ када кати и памазаникоря, савэ ашэлэпэ пэ ԥув, сар учасникоря андэ кадэла дуй доӷовороря, хан о марно и пэн о вино пэ Вечеря. О Иегова дя лэнди райкани возможность: кадэла 144 000 христианоря лэна тэ правин вмести лэ Иисусоса по нэбо. Лэндэ авэла тила, сави на римойпэ, и вонэ ашэна бесмертни. И кати погиндон: вонэ лично смоӷут тэ додиқэн лэ Иеговас (1 Кор. 15:51—53; 1 Иоан. 3:2). И памазаникоря полэн, кай вонэ трэбуй тэ ашэнпэ предани лэ Иеговасти жы каринг и смэрть (2 Тим. 4:7, 8). w22.01 21, абз. 4, 5

Паша Иисусо пэ столборя сас примардэ дуй преступникоря (Луки 23:40, 41). Ек андар лэндэ банделя каринг о Иисусо и ԥэндя лэсти: «Иисусо, на бистэр пала мандэ, кала авэса андэ пэско Царство» (Луки 23:42). О Иисусо ӷанэнас, кай лэско Дад полэл и жалуий лэ манушэн. Важ када о Иисусо и ԥэндя кацавэ алава, савэ придинэ зор кадэлэ преступникости, саво тожэ мэрэлас по столбо (Пс. 103:8; Евр. 1:3). О Иегова простий, полэл и жалуий амэн. Но кай о Иегова тэ простий, амэнди трэбуй анда вся оди тэ каисавас андэ амарэ ӷрехоря и тэ патяс, кай кати через лэ Иисусостири смэрть о Иегова простий амэн (1 Иоан. 1:7). Дэкасти фартэ ԥарэс тэ патял, кай о Иегова варикала простия лэс. Если и тутэ кацавэ гиндоря, тоди погиндосар акэ пала со. Англа пэстири смэрть о Иисусо поля и жалуисардя лэ преступникос, саво кати кати ля тэ патял. Тоди хэба о Иегова на полэла и на жалуия и на простия пэстирэ служытелёнэн, савэ най ек бэрш служын лэсти, кандэн и ритярэн лэско законо? (Пс. 51:1; 1 Иоан. 2:1, 2). w21.04 9, абз. 5, 6

Англа пэстири смэрть о Иисусо ӷанэнас, кай стердя вся, пала со мангля лэс лэско Дад. Со именно во стердя? Пэрво, о Иисусо доԥэндя, кай о Сатана хохавно, и кай совершэно мануш можэт андэ вся тэ кандэл лэ Дэвлэс, дажэ если о Сатана фартэ када на камэл. Дуйто, о Иисусо отдя пэстири жызня, кай тэ витинэл амэн лэ бэзэхэстар. Важ када и найсовершэни мануша моӷут тэ уӷодин лэ Дэвлэсти и тэ жувэн вечно. И трито, о Иисусо доԥэндя, кай о Иегова справедливо правителё и кадэлэса во прослависардя пэстирэ Дадэс. Мэк кажно дэс авэла кацаво, кабута када послиднё возможность тэ сыкавэс, кай ту кандэс лэ Дэвлэс! Тоди дажэ англа смэрть ту ԥэнэса: «Иегова мэ стердэм вся, кай тэ на парашав тут тэ кандав, мэ сыкадэм, кай о Сатана хохавно, зашутэмпэ пала тут и доԥэндэм, кай ту лашо правителё». w21.04 12, абз. 13, 14

По Иисусо хохадэ и дошалярдэ лэс андэ кода, со во на тердя. Лэстар асанаспэ, марэнас, ай потом примардэ каринг о столбо, пэ саво во трэбуй сас тэ мучийпэ и тэ мэрэл. Лэстирэ пэрнэ и вас сас промардэ карфянца. И кажно разо, кала во ԥурдэлас или ԥэнэнас алав, лэсти сас фартэ дуқанэс. Но во трэбуй сас тэ ԥэнэн варисо фартэ важно. Амэ уӷанас бут важни гиндоря анда послидни лэ Иисусостирэ алава! Вонэ сыкадэ пэ скати дэ важно тэ простисарас аврэн и тэ патяс, кай о Иегова простия амэн. Инке вонэ поможын тэ сэрас, кай амэндэ исин розлашо ери, када и ԥрала и ԥэя андэ собрания. Вонэ андэ любо маменто поможына, кати трэбуй тэ мангас лэн пала када. Инке кадэла алава придэн амэнди зор тэ полас, кай о Иегова поможыя амэнди тэ виритярас любо ԥаримос. Трэбуй тэ жувас кажно дес кадя, кабута амэндэ исин послиднё возможность тэ сыкавас, кай амэ на парашас тэ кандас лэ Иеговас. И анда кадэла алава амэ кадяжэ полас, кай амари жызня андэ лэ Иеговастирэ вас. w21.04 8, абз. 1; 13, абз. 17, 18

Если амэ терас сар о Иисусо, тоди амэндэ авэла вечно жызня. Кала ек тэрно барвало мануш пушля кай о Иисусо, со лэсти тэ терэл, кай лэстэ тэ авэл вечно жызня, о Иисусо лэсти ԥэндя: «Ав и жа манца» (Матф. 19:16—21). Дэсавэ иудеёнэнди, савэ на патянас андо Иисусо, во ԥэндя, кай пэстирэ учениконэнди, во дэла вечно жызня (Иоан. 10:24—29). Амэ сыкавас, кай патяс андо Иисусо, если жувас кадя, сар во сытярэлас. Тоди амэ на парашаса тэ жас па дром, саво андярэл каринг и вечно жызня (Матф. 7:14). Кай тэ терас кадя, сар терэлас о Иисусо, амэнди трэбуй вся и время тэ уӷанас май бут пала лэстэ. Тэ уӷанас, сар андярэлас пэс о Иисусо, саво во сас, сар во гиндояс и со важ лэстэ сас лашымос, ай со най. Скати бэрша амэ тэ на служысардоп лэ Иеговасти, амэнди трэбуй тэ на парашас тэ уӷанас пала лэстэ и пала Иисусо. w21.04 4, 5, абз. 9, 10

Времятар лэ Павлости сас ԥарэс кодэлэстар, сар во пэс андярэлас варикала. Во ԥэнэнас пэр пэстэ, кай во пэрво ӷрешнико (1 Тим. 1:15). Понятно васо во кадя ԥэнэнас. Кала во инке на сас христианино, во жэстоко обжаласпэ лэ Дэвлэстирэ служытелёнэнца. Дэсавэн во столас андо бар, ай дэкала во приԥэнэнас, кай лэн тэ умарэн (Деян. 26:10, 11). Можно тэ погиндосарас, со авелоп по ди кай о Павло, если во тэ додиқлоп тэрнорэ христианинос, савэстирэ родителёнэн во умардя. Во пэрэржывал пала кода, со во терэлас варикала. Но во ӷанэнас, кай кода, со сас, ужэ на парувэса. Во патялас, кай о Иисусо муля важ лэстэ, важ када и пистросардя: «Но о Дэл дя манди лашымос, саво мэ на затердэм, и важ када мэ кодэва, ко мэ сым» (1 Кор. 15:3, 10). Сости ту можэш анда када тэ сытёс? Важно точно тэ ӷанэс, кай о Иисусо муля именно важ тутэ и дя возможность, кай тутэ тэ авэл лащи дружба лэ Иеговаса (Деян. 3:19). Важ о Иегова нэ важни и ошыбки, савэ ту терэсас варикала, лэсти важно, со ту акана терэс, и со лэса тэ терэс май англэ (Ис. 1:18). w21.04 23, абз. 11

Бут евреёря на гиндонас, кай о Христос трэбуй авэла тэ мэрэл, но пала када ԥэнэнаспэ андо пророчество. Сас пистромэ, кай во отдэла пэстири жызня важ и ӷрешникоря, и лэс умарэна сар преступникос (Ис. 53:12). И евреёря ӷанэнас кадэва пророчество, и лэндэ на сас нисавэ причины тэ на прижанэн, кай о Иисус када Христос. Адес амэнди тожэ трэбуй тэ уӷанас и доказательства, кай тэ на парашас тэ патяс. Андэ пэстири дума по плай о Иисусо ԥэндясас кодэлэнди, ко лэс ашунэлас, кай пэ Дэвлэстирэ служытеля авэна тэ хохавэн (Матф. 5:11). О Сатана вся и время хохавэл пала Дэл и пала мануша, савэ любин о чачимос анда Библия (Отк. 12:9, 10). Амэ трэбуй тэ на домэкас, кай через кадэва хохаимос амэ тэ дарас и тэ парашас тэ патяс лэ Дэвлэсти. w21.05 12, абз. 14, 16

Поможысар, кай о мануш, саво изучает и Библия, тэ патял лэ Иеговасти. О Иисусо ԥэндя пэстирэ учениконэнди, кай о Иегова поможыя лэнди, важ кода кай во лэн любий (Матф. 10:19, 20, 29, 30). Ту тожэ трэбуй тэ ԥэнэс лэ изучающёнэсти, кай о Иегова никала на ашавэла лэс и поможыя. Лэсти авэла май вушэро тэ патял лэ Иеговасти, если ту мангэсапэ, кай лэстэ тэ вижал тэ домардёл кода, со во камэл тэ стерэл важ о Дэл. О ԥрал анда Польша ԥэнэн, кай о ԥрал, саво лэса изучал, най еқвар мангэласпэ, кай во тэ стерэл важ о Дэл кода, со загиндосардя. И кала во диқэлас, сар о Иегова ашунэнас лэ ԥралэстирэ молитвы, во кадяжэ ля тэ мангэлпэ. Во мангэласпэ лэ Иеговасти, кай лэс тэ одмэкэн па бути, кай тэ попэрэл пэ собрании и пэ канӷрэсоря. И во диқэлас, кай о Иегова ашунэл лэстирэ молитвы. О Иегова фартэ любий и заботийпэ пала кодэла, ко изучает и Библия. И во полэл пэстирэ служытелёнэн, савэ пристон бут зор, кай лэ манушэстэ, саво изучает, тэ авэл лащи дружба лэса. О Иегова фартэ лэн любий (Ис. 52:7). И нэ важно проандярас амэ изучения Библии чи амэн ақардэ пэ изучения, амэ можэм тэ поможысарас, кай лэ манушэндэ, савэ изучают и Библия, тэ авэл лащи дружба лэ Иеговаса, и кай вонэ тэ болдён. w21.06 7, абз. 17, 18

Амэ аваса фартэ блаӷодарни лэ Иеговасти, кай амэндэ исин Библия, если ласа ла тэ адиносарас ла кажно дес. Амэнди на трэбуй тэ аштярас кала авэла свободно время. Трэбуй тэ витидас дес и время пэ лично изучения. Кадя амэ май фартэ ласа тэ патяс андо Иегова. Если амэ на ласа када тэ промэкас, тоди амэ на парашаса тэ патяс андо Дэл. И со тэ на дэн дума пала амэндэ и мануша, савэ англа лэ миростирэ яқа ӷрамотни и мудри, амари вера всаек ритярдёлпэ пэ кода, со ԥэнэнпэ андэ Библия (Матф. 11:25, 26). Именно андар латэ амэ уӷанглям, васо андэ люма кадя бут ԥаримос и ӷанас, со о Иегова камэл тэ стерэл англэ. Важ када амэнди трэбуй тэ на парашас тэ патяс андо Иегова и тэ поможысарас май бутэ манушэнди тэ патян, кай исин Создателё (1 Тим. 2:3, 4). И тоди амэ пэстирэ яқэнца диқаса кодэя время, кала всаворэ мануша пэ люма ԥэнэна кацавэ жэ алава, сар и андэ Откровения 4:11: «Иегова, амаро зорало Дэл, ту достойно тэ прилэс слава... важ кода кай ту вся создал». w21.08 18, 19, абз. 18—20

О Иегова стодя лэ барэдэрэ ԥралэн тэ заботинпэ пала собрания. Важ када тэ дэн советоря, кала када трэбуй, — лэндири обязаность. Вонэ трэбуй тэ дэн кацавэ советоря, кай аврэнди тэ авэл приятно лэн тэ виашунэн и тэ прилэн (Прит. 27:9). И барэдэр ԥрала любин всаворэ́ ԥралэн и ԥэян андэ собрания. Важ када вонэ дэн совето кодэлэнди, ко дуреля лэ Дэвлэстар (Гал. 6:1). Но англа кода, сар тэ подэл дума кацавэ манушэса, авелоп драго, кай о барэдэр ԥрал тэ погиндой, со пала любовь пистросардя о апостало Павло: «Любовь терпеливо и добро. Любовь... вся виритярэл, всаворэсти патял, пэ вся надеийпэ, вся састэс пэрэандярэл» (1 Кор. 13:4, 7). Кала о ԥрал погиндоя пала кадэла библейски стихоря, када поможыя лэсти тэ полэл, васо во камэл тэ дэл совето. Блаӷодаря кадэлэсти во дэла дума кадя, кай андо совето тэ дицол лэстири любовь каринг о мануш. Если и ԥрала и ԥэя диқэн, кай о барэдэр ԥрал па чачимастэ лэн любий, тоди лэнди авэла май вушэро тэ прилэн лэстирэ советоря. w22.02 14, абз. 3; 15, абз. 5

О Иегова создал лэ анӷелонэн и лэ манушэн, кай вонэ тэ авэн совершэни. Но потом ек анӷело жыля против лэстэ и ашэля лэ Дэвлэско само баро вороӷо. Пэр лэстэ линэ тэ ԥэнэн Сатана, када сыкавэл, кай во жал против. Во стердя кадя, кай и совершэни мануша о Адамо и Ева тэ жан против о Иегова. Ай потом кадя линэ тэ терэн и авэр мануша и дажэ и анӷелоря (Иуды 6). Можно тэ полас, со сас по ди кай о Иегова кодэлэстар, кай лэс придинэ. И всаек о Иегова вся када виритярдя. Во на парашэля тэ аштярэл кодэя время, пока на стерэла кадя, кай пэ ԥув на авэла ни ек мануш, саво жала против лэстэ. Када авэла со май бахтало дес важ и мануша, савэ на парашэлэ тэ служын лэ Иеговасти, хоть андэ лэндири жызня сас фартэ бут ԥаримос! О Сатана хохадя по Иово, ай кадяжэ пэ всаворэ лэ Дэвлэстирэ служытеля, кай вонэ лэсти служын кати важ пэсти выӷода (Иов 1:8—11; 2:3—5). Во идоси на парашэл тэ хохавэл (Отк. 12:10). Но если амэ любисарас лэ Иеговас и на парашас тэ кандас лэс, тоди амэ доԥэнаса, кай о Сатана хохавно. w21.07 9, абз. 7, 8

О апостало Павло призындярдя фартэ мощно примеро, кай тэ сыкавэл, сар дэ важно тэ парувас пэстири жызня. Во ԥэндя, кай «амари пурани личность муля лэса по столбо» (Рим. 6:6). Када напоминает амэнди, сар о Иисус Христос сас ӷотово тэ жал пэ мучительно смэрть, кай тэ исполнит лэ Иеговастири воля. Амэ тожэ трэбуй тэ авас ӷотови тэ умарас андэр пэстэ вся, со вэрыцый о Иегова. Кати тоди амэндэ можэт тэ авэл вужи совесть, ай кадяжэ надежда тэ жувас вечно пэ ԥув (Иоан. 17:3; 1 Пет. 3:21). О Иегова на парувэла пэско законо, кай тэ уӷодий амэнди. Наоборот, када амэ трэбуй тэ парудювас, кай тэ жувас кадя, сар камэл амаро Создателё (Ис. 1:17, 18; 55:9). Дажэ если ту ужэ болделян, тути трэбуй и дальшэ тэ бориспэ лэ найлашэ привычкэнца. Манг и помощь лэ Иеговастар и надеисав пэ лэско свынто духо, ай най пэр пэстэ (Гал. 5:22; Флп. 4:6). Трэбуй бут зор, кай тэ злас и «пурани личность» и будэр никала тэ на рисавас каринг латэ. w22.03 6, абз. 15—17

Если андэ амари жызня по пэрво ҭан авэла о Иегова и лэско Царство, тоди во дэл алав, кай амэндэ авэла, со тэ хас, со тэ лас пэр пэстэ и кай тэ жувас (Матф. 6:33). Важ када амэ на ласа тэ гиндосарас, сар и мануша, савэ на служын лэ Иеговасти. Кабута и ловэ и о мищимос фэрина амэн и лэндар амэ аваса май бахталэ. Но па чачимастэ амэ аваса бахталэ, если жуваса па лэ Иеговаско законо (Флп. 4:6, 7). Дажэ если амэ можэм бут со тэ тинас пэсти, всаек трэбуй тэ пушас пэстар: «Чаче када манди трэбуй или када авэла просто тэ пашлёл? Хутила мандэ зор и время тэ диқав пала вся када? На лава мэ фартэ тэ цырдавпэ пала мэрно мищимос?» Сэрэн, кай о Иегова дя амэнди тэ терас бари дила и во камэл, кай амэ ла драго тэ терас. Нащи кай андэ амари жызня тэ авэл варисо май ӷлавно, чем о Иегова. Амэ на камас тэ авас, сар кодэва начальнико, саво парудя и служэния лэ Иеговасти пэ варисаво мищимос! (Мар. 10:17—22). w21.08 6, абз. 17

Кала ту лэс тэ изучаеш и Библия. Тоди ту полэса, саво о Иегова и кай во чаче исин (Исх. 34:6, 7; Пс. 145:8, 9). И сар ту лэса май драго и май драго тэ уӷанэс лэ Иеговас, тоди тири вера андэр лэстэ авэла май састи и любовь каринг лэстэ авэла май бари, ай и дружба май лащи. Но со, если о мануш, савэса ту дэс дума пала Дэл, ԥэнэн, кай лэс нинай, ай ту на ӷанэс, со лэсти тэ ԥэнэс? Тоди ту можэш тэ виарақэс андэ амари литература дэсавэ гиндоря пала када. Шув сама пэ стихоря, савэ доԥэнэн, кай Дэл исин. И кала ту упалэ диқэсапэ кадэлэ манушэса, тоди тутэ авэла, со тэ ԥэнэс лэсти. Инке ту можэш тэ мангэс помощь кай и ԥрала и ԥэя, савэ драго ӷанэн када тэ росԥэнэн. Дажэ если о мануш на патял андэ кода, со ту лэсти росԥэнэс, всаек авэла драго, кай ту дэс дума пала када. Важ кода кай кадя тири вера андо Дэл авэла май састи. w21.08 18, абз. 14, 15

Кай тэ уӷодис лэ Иеговасти, на трэбуй тэ отԥэндёс всаворэстар, со тути чалёл (Эккл. 5:19, 20). Но дэкала о мануш можэт тэ стерэл варисо май бут андэ служэния лэ Иеговасти, но варисо лэсти на дэл, и во на камэл кадэлэстар тэ отԥэндёл. Кацаво сас лэ манушэса анда лэ Иисусостири притча. Кодэва мануш гиндояс, кай кати лэсти тэ авэл драго, а най кай тэ служый лэ Иеговасти (Луки 12:16—21). Амэ на шаспэ пэр лэстэ и андэ любо ԥаро маменто мангаспэ лэ Иеговасти, кай тэ поможый амэнди, и гиндосарас, со тэ терас (Прит. 3:21). Амэндэ исин бут блаӷословении лэ Иеговастар! И амэ сыкаваса, кай фартэ блаӷодарни лэсти, если ласа тэ терас вся, со па амаро зор, кай тэ прославляем лэс (Евр. 13:15). Например можэш тэ сытёс тэ служыс по разному, кала парудёлпэ варисо андэ лэ Иеговастири арӷанизацыя. Кадя о Иегова дэла тути инке май бут блаӷословения. И ласа тэ терас сар ԥэнэнпэ андо стихо: «Уӷанэн лэ Иеговас и полэн, саво во дэ добро» (Пс 34:8). И терам кадя кажно дес, кай о Иегова амэн тэ блаӷословляет! Тоди амэ сар и о Иисусо сможэм тэ ԥэнас: «Мэрно хамос, тэ терав вся, со камэл кодэва, ко ман бишалдя и тэ дотерав и дила, сави во манди дя» (Иоан. 4:34). w21.08 30, 31, абз. 16—19

О Сатана камэл, кай амэ тэ авас ӷорди. Во ӷанэн, кай если амэ аваса кацавэ сар во ӷорди, тоди амэ нэ сможэм тэ жувас вечно. Кадяжэ о апостало Павло пистросардя, кай лэ христианинос, саво ӷордо, о Дэл сындоя кадяжэ, сар и лэ Сатанас (1 Тим. 3:6, 7). И скати бэрша тэ на служый о мануш лэ Иеговасти лэсти всаек трэбуй тэ фэрийпэ, кай тэ на авэл ӷордо. Кала о мануш ӷордо, када сыкавэл, кай во гиндой кати пала пэстэ. Кацаво мануш на гиндой, со камэл о Иегова. И када камэл о Сатана. Када особенно дицол, кала андэ жызня исин ԥаримос. Например, тут варико нэсправедливо дошалярдя или обжыляпэ найдраго. Тоди со ту терэса? О Сатана авэла фартэ лошало, если ту лэса андо ԥаримос тэ дошалярэс лэ Иеговас или лэ ԥралэн и лэ ԥэян андэ собрания. Во камэл, кай ту тэ лэс вся андэ пэстирэ вас и тэ ришыс екжэно пэстирэ проблемы, ай най тэ терэс кадя, сар о Иегова ԥэнэн тути через и Библия (Эккл. 7:16, 20). w21.06 15, абз. 4, 5

О Иегова лэ Аггеёсти дя фартэ важно дила. Май ӥто всаворэстар о Аггеё сас машкар кодэла, ко рисайля анда вавилонско плено андо Иерусалимо андо 537 бэрш жы кай И. Х. Кадэла лэ Иеговастирэ служытеля, савэ на парашэнас лэс тэ кандэн, линэпэ тэ ваздэн лэ Иеговаско храмо и зашутэ о фундаменто (Езд. 3:8, 10). Но прожыля совсем набут время, и вонэ парашэлэ тэ строин, важ кода кай пэр лэндэ линэ тэ тасавэн и народоря, савэ жувэнас паша лэндэ (Езд. 4:4; Агг. 1:1, 2). Важ када андо 520 бэрш жы кай И. Х. о Иегова ԥэндя, кай о Аггеё тэ жал и тэ придэл зор лэ израильтянонэнди, кай вонэ тэ дотерэн о храмо (Езд. 6:14, 15). Кода, со ԥэндя о Аггеё лэ израильтянонэнди, трэбуй сас тэ дэл зор лэнди, кай вонэ инке май фартэ тэ патян лэ Иеговасти. Шон сама, кай о Иегова катэ ԥэнэн пэр пэстэ, кай во Хулай пэ войскоря. Васо? Кадя во камля тэ сыкавэл лэ израильтянонэнди, кай лэстэ по нэбо исин фартэ бут анӷелоря. Посли кадэла алава и евреёря трэбуй сас анда вся оди тэ патян лэ Иеговасти, и тоди вонэ стердоп кода, со лэндар аштярэлас о Дэл. w21.09 15, абз. 4, 5

И любовь стидэл лэ Иеговастирэ свидетелёнэн па вся и люма, кай вонэ тэ авэн, сар ек ери. Андэ амаро дружно ери нико на диқэл, сави кай о мануш нацыя, барвало во чи чороро. И кадэлэса амэ на шаспэ пэ авэр религии. Особенно кадэя любовь дицол пэ амарэ собрании и канӷрэсоря. Када амэнди поможый инке май фартэ тэ полас, кай лэ Иеговасти уӷодно, сар амэ лэсти служысарас (Иоан. 13:34). Андэ Библия запистромэ: «Фартэ любин ек еқэс» (1 Пет. 4:8). Через и любовь каринг амарэ ԥрала и ԥэя, амэ простисарас лэн и на шас сама пэ кода, со вонэ терэн най кадя. Кадяжэ амэ анда вся оди камас тэ терас лашымос и тэ авас ӷостиприимни каринг всаворэ андэ собрания, дажэ каринг кодэла, ко амэн холярдя (Кол. 3:12—14). И любовь, сави исин машкар амэндэ, со май драго сыкавэл, кай амэ чачунэ христианоря. w21.10 22, абз. 13, 14

Ай можэт тэ поможый лэ манушэсти, саво стердя бэзэх, кода, кай лэс исключин? Можэт. Бут ԥрала и ԥэя, савэ стердэсас варикала бэзэх, ԥэнэн, кай кода, кай и барэдэр ԥрала лэн исключисардэсас анда собрания, када поможысардя лэнди тэ обгиндонпэ, тэ исправинпэ и тэ ринпэ каринг о Иегова (Евр. 12:5, 6). Кай фэдэр када тэ полас, подам дума пала ек примеро. Со терэл о пастухо, кала ек анда бакрорэ занасвавэл? Во полэл, кай о насвалимос можэт тэ розжалпэ, и моӷут тэ насвавэн авэр бакрорэ, тоди во одындярэл кадэлэ бакрорэс анда стадо. Но кадэла жывотни нэ моӷут тэ авэн екжэнэ, вонэ присытелэ тэ авэн андо стадо. Вонэ цырдэнпэ ек еқэстэ и лэнди найдраго, кала вонэ ашэнпэ екжэнэ. Вижал, со о пастухо фартэ жэстоко, кай камэл кадя тэ личий? Канешно, най. Во полэл, кай лэ бакрорэсти нащи тэ ашэлпэ андо стадо, кай тэ на заразий аврэн. Кадя во фэрий вся о стадо. w21.10 10, абз. 9, 10

Важ амэндэ бари бах тэ авас андэ лэ Иеговаско ери и тэ служысарас лэсти вмести лэ ԥралэнца и лэ ԥэянца! Амэ камас, кай со май бут мануша тожэ тэ лошавэн амэнца. Важ када амэнди трэбуй тэ диқас пала пэстэ и тэ андярас пэс кадя, кай пала амаро небесно Дад и пала лэско народо тэ на дэн дума найдраго, и дажэ гиндо кацаво лэндэ тэ на авэл. Амэ трэбуй тэ андярас пэс кадя, кай и мануша тэ закамэн тэ служын лэ Иеговасти. Дэкала и мануша асанпэ амэндар, кай амэ кандас лэ Иеговас, и дажэ моӷут тэ на дэн амэнди спокойно тэ служысарас лэсти. Важ када амэнди тэ росԥэнас пала Дэл найвушэро. Но со поможыя амэнди тэ авас май смили андэ служэния? Амэ всегда можэм тэ патяс, кай о Иегова и о Иисусо амэнди поможына. О Иисусо ԥэндясас пала када пэстирэ учениконэнди: «Нэ пэрэжывайте, со и сар тэ дэн дума, важ кода кай андэ кодэва маменто тумэнди авэла по гиндо, со тэ ԥэнэн. Тумэ най екжэнэ лэна тэ дэн дума — тумэнди поможыя о свынто духо тумарэ Дадэско» (Матф. 10:19, 20). w21.09 24, абз. 17, 18

О Моисеё кадяжэ пистросардя и андо 90 Псалом, кай о Иегова сар ҭан, кай фэринпэ (Пс. 90:1, сноска). Ай англа пэстири смэрть о Моисеё инке май бут ԥэндя пала лэ Иеговастири предано любовь: «Анда дэлмутни время о Дэл када ҭан, кай фэринпэ, лэстирэ вечни вас подритярэн тут» (Втор. 33:27). И алава «лэстирэ вечни вас подритярэн тут» сыкавэн инке, сави лэ Иеговасти предано любовь. Если о Иегова важ амэндэ ҭан, кай амэ фэрисавас, када придэл амэнди зор. Но дэкала амэнди кадя ԥарэс, кай нисо на камэлпэ тэ терас. Со терэл о Иегова, кала диқэл, кай амэнди по ди найдраго? (Пс. 136:23). Во процырдэл каринг амэндэ пэстирэ вас, кай тэ подритярэл амэн, ваздэл и поможый тэ тердювас пэ пэрнэ (Пс. 28:9; 94:18). Амэ ӷанас, кай о Дэл всегда амэн подритярэла. Кай бы амэ тэ на авас, амэндэ всегда исин ҭан, кай тэ фэрисавас. Ай кадяжэ амаро любящё небесно Дад заботийпэ пала амэндэ. w21.11 6, абз. 15, 16

О Иисусо ӷанэнас, кай лэстирэ учениконэнца лэна тэ обжанпэ нэсправедливо, и через када дицола, пэ скати дэ састи лэндэ и вера. Важ када о Иисусо росԥэндя и притча пала ек ԥивли, сави мангэлас кай о нэсправедливо сындомари тэ виандярэл справедливо ришэния па латири дила. Вой патялас, кай, если на парашэла тэ мангэл, вой домардёла пэско. Кадя и вижыля. Сости амэ сытювас анда када? О Иегова совсем най кацаво, сар кодэва нэсправедливо сындомари. Важ када о Иисусо ԥэндя: «Тоди хэба о Дэл на стерэла, кай упалэ тэ авэл справедливость важ кодэла, кас во витидя и савэ мангэнпэ лэсти о дес и рят?» (Луки 18:1—8). Ай потом во инке ԥэндя: «Кала о Шаво манушыкано авэла, арақэла во пэ ԥув кацави вера?» Вижал, кала амэнца обжанапэ нэсправедливо, через и састи вера амэ ласа тэ аштярас и на парашаса тэ мангас, сар кодэя ԥивли. И амэ ӷанас, кай авэла время и о Иегова обязательно зашолапэ пала амэндэ. На бистрэн, кай и молитва можэт бут со тэ стерэл. w21.11 23, абз. 12; 24, абз. 14

Молодёж, гиндон тумэ, кай лэ Дэвлэско законо фартэ строӷо? Када о Сатана камэл, кай тумэндэ тэ авэл кацаво гиндо. Во камэл, кай тумэн тэ цырдэл тэ жувэн, сар кодэла мануша, савэ жан буӷлэ дромэса. Через и ровэсникоря и о интэрнэто во можэт тэ зашол тумэнди о гиндо, кай тумэ варисо умэкэн андэ жызня и кай лэ Дэвлэско законо на дэл тэ радуинпэ ла жызняти. Но на бистрэн: о Сатана камэл, кай тумэ тэ на полэн, каринг со андярэл о «буӷло» дром (Матф. 7:13, 14). Ай о Иегова сыкавэл тумэнди, сар вся исин па чачимастэ, и во блаӷословия кодэлэн, ко жал дромэса, саво андярэл каринг и жызня (Пс. 37:29; Ис. 35:5, 6; 65:21—23). w21.12 23, абз. 6, 7

Амэ трэбуй тэ простисарас амарэ ԥралэн и ԥэян андэ собрания и када правильно. Но дэкала када фартэ ԥарэс тэ терас. Кацаво сас и кай о апостало Пётро. Лэсти тожэ сас найвушэро тэ простий аврэн (Матф. 18:21, 22). Со амэнди поможыя? Трэбуй тэ сэрас, кай о Иегова амэн фартэ любий и жалуий (Матф. 18:32, 33). Хоть амэ када на ашас, во всаек амэн вся и время простий (Пс. 103:8—10). Инке амэ «трэбуй тэ любисарас ек еқэс» (1 Иоан. 4:11). Вижал, амэнди трэбуй тэ простисарас аврэн. Би кадэлэско нисар. Кадяжэ трэбуй тэ погиндосарас, саво лашымос можэт тэ авэл, кала амэ простисарас аврэн. Кадя авэла мирно андэ собрания, амэ фэрисараса амари дружба лэ Иеговаса и амэнди по ди авэла драго (2 Кор. 2:7; Кол. 3:14). Инке амэ трэбуй тэ мангас помощь лэ Иеговастар, кай тэ простисарас аврэн важ кода, кай во када камэл. На домэкам, кай лэ Сатанастэ тэ вижал тэ стерэл кадя, кай амэ тэ холявас ек пэ ек (Эф. 4:26, 27). И кай андэ собрания всаворэ тэ ладин, амэнди трэбуй лэ Иеговастири помощь. w21.06 22, абз. 11; 23, абз. 14

О Давидо гарадёл, кай тэ спасый пэстири жызня. Васо? О Сауло, о зорало израильско царё, родэл лэс, кай тэ умарэл. Лэ Давидости трэбуй хамос. Важ када во зажал андо форо Ново и мангэл кай о рашай панч лепёшки (1 Сам. 21:1, 3). Через дэсави время во и лэстирэ мануша гарадён андэ пещера (1 Сам. 22:1). Сар о Давидо попэля андэ кацави ситуацыя? Лэ Давидос любияс о народо, и во вицэлдя бут войны, ай лэ Саулос када захалас. О Сауло кадяжэ ӷанэнас, кай о Иегова отԥэнделя лэстар и вместо лэстэ витидя царёса андо Израилё лэ Давидос (1 Сам. 23:16, 17). Пока о Сауло инке сас царё андо Израилё, лэстэ сас бари армия. Бут мануша анда народо всаек лэс подритярэнас. Чаче во гиндояс, кай можэт тэ помешает лэ Иеговасти тэ стол лэ Давидос царёса? (Ис. 55:11). Андэ Библия на ԥэнэнпэ пала када. Но амэ точно ӷанас: о Сауло цырдэлас бида пэ пэско шэро. Кодэва, ко жал против о Дэл, никала на вицэлэла! w22.01 2, абз. 1, 2

О Иисусо терэлас бут дила андэ служэния. Во на умэкэлас и возможность тэ росԥэнэн лэ манушэнди пала Дэл (Луки 19:47, 48). Васо во кадя терэлас? О Иисусо любияс лэ манушэн, полэлас и жалуияс лэн. Дэкала кадя бут миро камэлас тэ ашунэл лэ Иисусос, кай «во и лэстирэ ученикоря нэ моӷли дажэ тэ хан» (Мар. 3:20). Кадяжэ во виарақэлас время дажэ и рят, если када сас удобно важ авэр. Да, бут мануша, савэ спэрва ашунэнас лэ Иисусос, на ашэлэ лэстирэ ученикоря. Но кай кажно сас возможность тэ уӷанэн и лащи новость и тэ патял андэр лэстэ. Амэ тожэ камас, кай всаворэ мануша тэ ашунэн и лащи новость (Деян. 10:42). Важ када, амэнди трэбуй тэ авас ӷотови тэ парувас о подходо андэ служэния. Канешно, тумэндэ ужэ исин пэско ӷрафико важ и служэния. Но если тумэ камэн май бутэ мирости тэ росԥэнэн пала Дэл, витидэн кацави время важ и служэния, андэ сави май удобно най тумэнди, ай лэ манушэнди. Тоди о Иегова лэла тэ радуийпэ и авэла амэнца довольно. w22.01 17, абз. 13, 14

Адес бутэ манушэнди фартэ ԥарэс тэ доверяют кодэлэнди, кастэ исин власть. Вонэ диқэн, сар и барэдэра анда политика и сындомаря зашонпэ пала барвалэ и ашунглэ мануша, но нэсправедливо обжанпэ лэ чорорэнца. Ай инке дэсавэ парашэн тэ патян андо Дэл через кода, сар дэ найдраго андярэн пэс и рашая андэ религии. Важ када, дажэ если о мануш камэл тэ изучает и Библия, дэкала найвушэро тэ поможысарас лэсти тэ доверяет лэ Иеговасти и лэ манушэнди, савэн во назначил тэ диқэн пала лэско народо пэ ԥув. Канешно, най кати и изучающи трэбуй тэ сытён тэ сыкавэн и доверия каринг о Иегова и каринг лэстири арӷанизацыя. Дажэ если амэ болделям ужэ бут бэрша палпалэ, амэ всаек трэбуй тэ на парашас тэ патяс, кай о Иегова всегда терэл правильно. Важ кода кай дэкала можэт тэ авэл найвушэро тэ доверяем лэ Иеговасти. w22.02 2, абз. 1, 2