Маё

Андэ Библия исин штар книӷи, пэ савэ ԥэнэн Евангелия. О Иегова камэл, кай через лэндэ амэ май драго тэ уӷанас лэ Иисусос. Андэ кадэла штар книӷи пистромэ пала лэ Иисусостири жызня и пала лэстири служэния. Кадяжэ котар можэм тэ уӷанас, пала со сытярэлас о Иисусо, сави дила во терэлас и со лэстэ сас по ди. Кала амэ адиносарас и Евангелия, амэ кабута диқас лэ Иисусостирэ слидоря, савэ во ашадя. Тоди амэ ласа тэ терас кадя, сар во. Но кай амэнди тэ поможый кода, со амэ адиносарас анда кадэла штар книӷи, лэн трэбуй най просто тэ проадиносарас. Важно тэ виарақас время, кай драго тэ полас лэн и тэ гиндосарас пала кода, со адиносардям. (Диқэн Иисус Навин 1:8.) Амэнди трэбуй, кала адиносарас и Евангелия, вся тэ представляем кадя, кабута диқас кино. Трэбуй тэ додиқас вся, со котэ терэласпэ, тэ полас о запахо, тэ полас со сас по ди кодэлэ манушэндэ, пала савэ адиносарас. Андэ када амэнди поможый и литература, сави дэл амари арӷанизацыя. w21.04 5, 6, абз. 11—13

Фартэ бут бэрша жы каринг кода сар о Иисусо тэ авэл пэ ԥув, о Иегова ужэ ԥэндя, кай лэ Христос битинэна важ трицать рупунэ монеты (Зах. 11:12, 13). А инке во ԥэндя, кай лэс придэла лэско пашутно друӷо (Пс. 41:9). Кадяжэ о пророко Захария пистросардя: «Умар лэ пастухос, и и бакрорэ рознашэнапэ» (Зах. 13:7). И мануша, савэндэ лашо ди, полинэ, кай кадя стердэпэ и пророчества, и линэ май фартэ тэ патян, кай о Иисусо сас лэ Дэвлэстар. Кода, со сас андэ лэ Иисусостири время, шолпэ и пэ амарэ деса. Андэ амарэ деса дэсавэ лэ Иеговастирэ свидетеля ашадэ лэ Иеговас. Вонэ ашэлэ отступникоря, пала савэ бут мануша ӷанэн, и вонэ цырдэн пала пэстэ аврэ манушэн. Вонэ росԥэнэн хохаимос андэ новости, андо интэрнэто, и хохавэн пэ Иеговастирэ свидетеля. Но лэ манушэн, савэндэ ковло ди, нисо на обхохавэла. Вонэ полэн, кай кадя терэнпэ и пророчества анда Библия (Матф. 24:24; 2 Пет. 2:18—22). w21.05 11, абз. 12; 12, 13, абз. 18, 19

Сар запистромэ андэ Библия, лэ Дэвлэско народо лэла тэ уӷанэн о чачимос анда Библия май драго и май драго (Кол. 1:9, 10). Кадяжэ сар о свето «ашэл май ярко и май ярко, пока на ваздэлапэ о қам». Дэкала и ԥрала анда Руководящё совето полэн, кай нэправильно росԥэндэ варисаво гиндо анда Библия, и тоди вонэ быстро прилэн и ришэния, кай тэ парувэн када, и тэ объяснин кадя, сар май правильно. Андэ авэр христиански религии терэн па аврятэ. Вонэ парувэн варисо тоди, кала трэбуй тэ уӷодин лэ манушэнди, или тэ терэн кадя, сар модно или присытелэ тэ терэн и мануша андэ кадэя люма. Ай если лэ Дэвлэско народо парувэл варисо андэ понимания, тоди вонэ када терэн, кай тэ уӷодин лэ Дэвлэсти, и кай май точно тэ пэрэдэн и гиндоря анда Библия. Вонэ старыинпэ тэ терэн кадя, сар терэлас о Иисусо (Иак. 4:4). Да, амэ па чачимастэ любисарас о чачимос анда Библия! (1 Фес. 2:3, 4). w21.10 22, абз. 12

Со ту можэш тэ терэс, кала гиндос, кай ту екжэно? Шув сама, сар о Иегова подритярэл тут (Пс. 55:22). Када поможыя тути тэ диқэс пэ вся па аврятэ. Гиндосар кадяжэ пала кода, сар о Иегова поможый аврэ ԥралэнди и ԥэянди (1 Пет. 5:9, 10). О ԥрал Хвэдя ужэ бут бэрша на парашэл тэ служый лэ Иеговасти. Но нико анда лэско родо на ашэля лэ Иеговаско служытелё. Во ԥэнэн, кай всаворэ́ ԥралэндэ и ԥэяндэ андэ собрания исин пэско ԥаримос. Но всаек кажно анда вся оди старыийпэ тэ служый лэ Иеговасти. Кадэва гиндо придэл зор лэсти и кодэлэнди, кастэ андо ери нико на служый лэ Иеговасти. Кадяжэ вся и время мангпэ, адиносар и Библия и ԥир пэ собрания. Кала ту мангэспэ лэ Иеговасти, трэбуй тэ росԥэнэс лэсти вся, со тутэ по ди. Кажно дес адиносар и Библия и шув сама, пэ кодэла стихоря, савэ поможына тути инке май фартэ тэ патяс, кай о Иегова любий лично тут. Дэсавэ христианоря висытён варисаво библейско стихо, саво лэнди придэл зор. Например, када Псалом 27:10 или Исаия 41:10. Ай дэсавэнди поможый тэ улэн и гиндоря, кай вонэ екжэнэ, кала ашунэн и аудио важ и статья, сави лэна тэ прожан пэ собрания или кала ашунэн, сар адинон и Библия па амаро сайто. w21.06 9, 10, абз. 5—8

Можэт, тумэ ӷанэн, со када тэ хасарэн варикас анда чаче. Если када кадя, адинон андэ Библия пала кода, сар о Иегова рияс каринг и жызня кодэлэн, ко муля. Када поможыя тумэнди инке май фартэ тэ патян андэ воскресения. Ай можэт, варикас анда тумаро родо исключисардэ анда собрания. Тоди стерэн лично изучения, кай тумэ драго тэ полэн, кай и наказания лэ Иеговастар всегда анэн лашымос. Саво бы ԥаримос тэ на авэл, на умэкэн и возможность тэ стерэн тумари вера май састи. Росԥэнэн лэ Иеговасти вся, со тумэндэ по ди. Дажэ если тумэнди фартэ ԥарэс, на дурён лэ ԥралэндар и лэ ԥэяндар и проандярэн лэнца и время (Прит. 18:1). Дажэ если тумэ нащи зритярэн и ясва, кала гиндон пала кода, со тердяпэ, на парашэн тэ ԥирэн пэ собрания, тэ росԥэнэн пала Дэл и тэ адинон и Библия (Пс. 126:5, 6). Када поможыя, кай тэ на авэл фартэ ԥарэс по ди. И вся и время гиндон пала райканэ блаӷословении, савэ о Иегова дэла тумэнди англэ. Если амэ диқас, сар о Иегова поможый амэнди, амари вера ашэл май састи. w21.11 23, абз. 11; 24, абз. 17

Сар инке амэ можэм тэ полас о гиндо, кай о Иисусо сыстосардя пэстирэ учениконэн лэ цынёне бэятонэнца? Давайте погиндосараса. Андэ кадэя люма и мануша стон патив пэ кодэла, ко барвалэ, ашунглэ и кастэ исин власть. Ай лэ Иисусостирэ ученикоря андэ лэ манушэндирэ яқа, када най барэ мануша, савэ нисо на ашэн (1 Кор. 1:26—29). Но о Иегова диқэл пэр лэндэ совсем па аврятэ. Васо инке о Иисусо сыстосардя пэстирэ учениконэн лэ бэятонэнца? Важ кода кай лэстирэ ученикоря пушлэ лэстар: «Ко само баро андо небесно Царство?» (Матф. 18:1). Важ бут евреёря андэ кодэя время сас фартэ важно кай о мануш тэ авэл ашунгло. Ай ек учоно пала када ԥэндя: «И мануша жувэнас и мэрэнас, кати важ кода кай тэ авэн ашунглэ, кай лэндэ тэ авэл слава и кай пэр лэндэ тэ стон бари патив». О Иисусо полэлас, кай лэстирэ учениконэнди трэбуй авэла тэ пристон бут зор, кай тэ на терэн кадя, сар и мануша андэ кодэя время. w21.06 20, абз. 2; 21, абз. 6, 8; 22, абз. 9

О апостало Павло ашадя райкано примеро лэ барэдэрэ ԥралэнди. Например, англа кода, сар тэ дэл совето лэ ԥралэнди и лэ ԥэянди андэ Фессалоники, во спэрва лэн похвалисардя. О Павло шутя сама, кай вонэ предано служын лэ Дэвлэсти и драго терэн лэстири дила. Анда лэстирэ письморя дицол: во ӷанэнас, саво ԥаримос лэнди прижалпэ тэ пэрэандярэн и сар дэ найвушэро лэнди сас (1 Фес. 1:3; 2 Фес. 1:4). О апостало дажэ пистросардя лэ ԥралэнди, кай вонэ сыкавэн лашо примеро важ авэр христианоря (1 Фес. 1:8, 9). Сар дэ фартэ вонэ сас ради, кай о Павло кадя анда ди лэн похвалисардя! Анда лэдуй лэ Павлостирэ письморя важ кодэя собрания дицол, кай во лэн фартэ любияс. Акэ васо лэ христианонэнди сас вушэро тэ прилэн лэ Павлостирэ советоря, савэ во дэлас ворта (1 Фес. 4:1, 3—5, 11; 2 Фес. 3:11, 12). w22.02 15, абз. 6

О Сатана камэл, кай о миро тэ гиндой, кай о Иегова фартэ жэстоко и дошало андэ лэ манушэнго ԥаримос. Во када терэл через и барэдэра андэ хохавнэ веры. Например, кала мэрэл бэято, дэсавэ рашая ԥэнэн, кай када о Дэл заля лэс по нэбо, важ кода кай лэсти трэбуй инке ек анӷелочко. Када фартэ баро хохаимос по Дэл! Сар жэ драго, кай амэ ӷанас о чачимос. Амэ никала на ласа тэ дошалярас лэ Иеговас, дажэ если фартэ занасваваса или дажэ если варико ужала анда амарэ чаче. Амэ ӷанас, кай авэла время, кала о Иегова исцэлия лэ насвалэн и рия каринг и жызня кодэлэн, ко муля. И амэ камас, кай всаворэ тэ ӷанэн, кай о Иегова любий всаворэ манушэн. Кала амэ росԥэнас лэ манушэнди пала када, кадя лэ Иеговастэ авэла, со тэ ԥэнэн кодэлэсти, ко най драго дэл дума пала лэстэ (Прит. 27:11). Амаро Дэл Иегова фартэ полэл амэн и жалуий. Во полэл, сар амэнди дэ ԥарэс, кала пар мэндэ тасавэн, кала насвавас, кала терас варисо най кадя. И кала амэ ровас, лэстэ фартэ дуқал оди (Пс. 22:23, 24). Кала амэнди ԥарэс и лэсти ԥарэс. Но во най кати полэл, со по ди амэндэ и жалуий, но инке во улэла вся о ԥаримос, саво исин амэндэ андэ жызня. (Диқэн Исход 3:7, 8; Исаия 63:9.) w21.07 9, 10, абз. 9, 10

Ӥто и мануша, савэ кандэн лэ Иеговас, авэна тэ служын лэсти и авэна лэстирэ друӷоря вся и вечность! О Иисусо, сар Царё улэла вся о ԥаримос, саво ашадя амэнди о Адамо и Ева. О Иегова рия лэ манушэн каринг и жызня, лэндэ авэла райкано зор и вонэ авэна тэ жувэн вечно пэ ԥув (Луки 23:42, 43). Прожала время и всаворэ лэ Иеговастирэ бэяцэ авэна совершэни и вонэ авэна тэ славин лэ Иеговас, сар пала када дилабэлас о Давидо. Если ту анда кодэла мануша, савэ лэна тэ жувэн андо раё пэ ԥув, тоди тут аштярэл райкани жызня (Отк. 7:9). О Иегова тут любий и камэл, кай ту тэ авэс андэ лэско ери. Важ када ту трэбуй кажно дес тэ радуис лэ Иеговас пэстиря жызняса. Никала на бистэр пала со дя алав о Иегова и фэрисар лэстирэ алава андэ пэско ди. Цэнисар, кай ту можэш тэ служыс амарэ небеснонэ Дадэсти лэ Иеговасти и тэ славис лэс вся и вечность! w21.08 7, абз. 18, 19

О пророко Иеремия най ек бэрш росԥэнэнас пала Дэл, но и мануша на камэнас лэс тэ ашунэн и дажэ ӷонинас. Еқвар сас кацаво, кай лэсти сас фартэ ԥарэс, кай пэр лэстэ ԥэнэнас найлашэ алава и асанаспэ. И важ када во закамля вся тэ ашавэл. Но тэ на росԥэнэн пала Дэл во нэ моӷ! (Иер. 20:8, 9). Со лэсти поможысардя тэ на умэкэл и вас и тэ на хасарэл и радость? Во полэлас, кай о Иегова дя лэсти фартэ важно дила. Када тэ росԥэнэн лэ манушэнди, кай лэн аштярэл лашымос англэ (Иер. 29:11). Инке важ о Иеремия сас бари бах тэ дэл дума лэ Дэвлэстирэ алавэстар (Иер. 15:16). Кадя и амэ росԥэнас лэ манушэнди, савэ жувэн андэ кадэя найлащи люма, и новость, сави дэл лэнди надежда. Кадяжэ амэ дас дума лэ Иеговастирэ алавэстар, сар лэстирэ свидетеля. Если амэ ласа тэ сэрас пала када, тоди амэ на хасараса и радость, дажэ если и мануша амэн на ашунэн. Кадяжэ на умэкэн и вас, если кодэлэсти, каса тумэ проандярэн и изучения Библии, кай тэ парудёлпэ, трэбуй авэла май бут время, чем тумэ гиндонас. Амэ трэбуй тэ аштярас (Иак. 5:7, 8). w21.10 27, абз. 12, 13

Нэ важно скати бэрша амэ служысарас лэ Иеговасти амэнди всаек трэбуй варисо тэ терас, кай май фартэ тэ патяс. Важ кода кай «и вера ритярдёл пэ кода, со драго доԥэнэн, кай исин кода, со на дицол». Ай и мануша моӷут тэ бистрэн кода, со на диқэн. И най евья о апостало Павло ԥэндясас, кай кала лэ манушэстэ на хутилэл вера андо Дэл, тоди во можэт вушэро тэ парашэл тэ патял андэр лэстэ. Но со тэ терас, кай амэндэ кадя тэ на авэл? (2 Фес. 1:3). Трэбуй тэ на парашас тэ мангас лэ Иеговас, кай во тэ дэл амэнди свынто духо. Васо када важно? Важ кода кай о свынто духо поможый тэ патяс андо Дэл (Гал. 5:22, 23). Ай би лэско амэ парашаса тэ патяс андо Иегова. Если амэ мангас кай о Иегова лэско свынто духо, тоди во лэс амэнди точно дэла (Луки 11:13). Амэ дажэ можэм тэ мангас кай о Иегова: «Поможысар амэнди май фартэ тэ патяс» (Луки 17:5). Инке трэбуй тэ на промэкэс тэ проандярас лично изучения (Пс. 1:2, 3). w21.08 18, абз. 16—18

Ԥрала и ԥэя, савэ андэ бэршэндэ, бут со моӷут тэ стерэн андэ лэ Иеговастири арӷанизацыя. И хоть лэндэ зор най кодэва, но вонэ бут со полэн андэ жызня. И лэ Иеговастэ важ лэндэ идоси исин бут дила. Андэ Библия запистромэ пала бут лэ Дэвлэстирэ служытеля, савэ на парашэнас лэс тэ кандэн и терэнас лэстири дила, хоть вонэ и сас ужэ андэ бэршэндэ. Например, о Иегова ԥэндя лэ Моисеёсти, кай во авэла барэдэр андо израильско народо и авэла лэско пророко, ай лэсти ужэ сас варикай 80 лет. Ай лэ пророкости лэ Даниилости, о Иегова ԥэндя, кай во тэ пэрэԥэнэн лэстирэ алава хоть лэсти ужэ сас варикай пала 90. И варикай андэ кацавэ жэ бэрша сас и о апостало Иоанно, кала о Иегова ԥэндя лэсти тэ пистрой и книӷа Откровение. Кадяжэ, андэ Библия кати еқвар пистромэ пала Симеоно. Во даралас лэ Дэвлэстар и ритярэлас лэско законо. Но о Иегова драго лэс ӷанэнас и лэсти випэля кацави бах лэ Дэвлэстар, кай во тэ додиқэл лэ Иисусос цынёнеса и тэ ԥэнэн и пророчества пала лэстэ и пала лэстири дэй (Луки 2:22, 25—35). w21.09 3, 4, абз. 5—7

И родителя никала нащи тэ сыстон пэстирэ бэятос аврэса и тэ аштярэн лэстар кода, со во нэ можэт тэ стерэл. Если и родителя авэна кадя тэ терэн, тоди лэ бэятости авэла ԥарэс (Эф. 6:4). И ԥэй Аделина ԥэнэн, кай латири дэй камэлас, кай вой тэ сдэл и экзаменоря и тэ на стерэл ни ек ошыбка. Но и Аделина ԥэнэн, кай када сас най па лако зор. Вой ужэ дэлмут на ԥирэл андэ школа, но кодэла пэрэжывании вой идоси сэрэл. И через када вой на допатял, кай вой уӷодий лэ Иеговасти, хоть акана вой отдэл лэсти, со май лашо. Еқвар о царё Давидо ԥэндя: «Мэ на родав важ пэстэ бут и на лав тэ домардював кода, со най па мэрно зор». Лэ Давидости сас спокойно по ди кодэлэстар, кай во полэлас, кай най вся па лэско зор (Пс. 131:2). Сости кай о Давидо моӷут тэ сытён и родителя? Лэнди кадяжэ авэла май спокойно по ди, кала вонэ полэна, кай най вся па лэнго зор. Кадяжэ вонэ на трэбуй тэ аштярэн фартэ бут пэстирэ бэятонэндар. Трэбуй тэ полэн, со о бэято сможэт тэ стерэл, ай со нэ сможэт. И трэбуй тэ поможын лэсти, кай во тэ лэл тэ домардёл кода андэ жызня, со па лэско зор. Блаӷодаря кадэлэсти во полэла, кай лэс любин и родителя. w21.07 21, 22, абз. 5, 6

Кажнонэсти о Иегова дя возможность тэ витидэл. Вижал, кай амэ екжэнэ можэм тэ витидас, тэ кандас лэ Иеговас чи най. Дэсавэ тэрнэ мануша, важ кастэ лэндирэ родителя на сас лашо примеро, всаек витидэ тэ служын лэ Иеговасти и на парашэн тэ кандэн лэс. Ай дэкала бывает наоборот. И родителя старыинпэ, кай лэндирэ бэятонэндэ тэ авэл бари любовь каринг о Иегова, но лэндирэ бэяцэ вибарён и ашавэн лэ Иеговас. Но сар тэ на авэл, кажно мануш можэт екжэно тэ витидэл, тэ служый лэ Иеговасти чи най (Иис. Н. 24:15). Важ када, сомнакунэ родителя, если тумарэ бэяцэ ашадэ лэ Иеговас, мангас тумэн, на трэбуй тэ дошалярэн пэс андэ када! Ай дэкала исин кацаво, кай варико анда родителя ашавэл лэ Иеговаско дром и, можэт, дажэ тэ ашавэл лэ ерес (Пс. 27:10). Кадэлэстар можэт тэ авэл фартэ ԥарэс лэ бэятонэнди, важ кода кай вонэ вся и время сытён лэ родителёнэндар. Амарэ тэрнэ ԥралора и ԥэёра, ӷанэн, кай андэ собрания тумэ фартэ куч! Патян, кай о Иегова ӷанэн и полэл, сар тумэнди дэ ԥарэс. Во фартэ любий и цений тумэн, важ кода кай тумэ на парашэн тэ кандэн лэс. На бистрэн, кай тумэ най дошалэ андэ кода, сави ришэния прилинэ тумарэ родителя. w21.09 27, абз. 5—7

Лэ манушэс, савэс исключин анда собрания, можно тэ сыстос лэ бакрорэса, саво занасвайля и можэт тэ заразий аврэн. Во занасвайля, кай хасардя и дружба лэ Дэвлэса (Иак. 5:14). Важ када лэс трэбуй тэ исключин, кай авэр ԥрала и ԥэя тэ на сытён лэстар. Андэ када дицол лэ Иеговастири любовь каринг всаворэ лэстирэ служытеля, ай кадяжэ каринг о мануш, саво стердя бэзэх, кай во тэ полэл, пэскати дэ баро бэзэх во стердя, и тэ каийпэ. Хоть во и исключоно, во всаек можэт тэ ԥирэл пэ собрания, лэстэ можэт тэ авэл вся амари литература, кай во тэ адиной ла екжэно. Кадяжэ тэ диқэл о Бродкастинго, и тэ старыийпэ, кай лэстэ упалэ тэ авэл лащи дружба лэ Иеговаса. Кала и барэдэр ԥрала диқэн, кай о исключоно старыийпэ тэ парудёл, вонэ моӷут тэ дэн лэсти советоря, савэ поможына тэ рий пэстири дружба лэ Иеговаса и упалэ тэ ашэл лэско служытелё. w21.10 10, абз. 9, 11

Амэ служысарас лэ Дэвлэсти кадя жэ, сар и христианоря андо пэрво вико. Например, андэ амарэ собрании кацаво жэ порядко, саво сас кай и апосталоря. Амэндэ исин раёни барэдэр ԥрала, ай кадяжэ барэдэр ԥрала и помошникоря андэ собрания (Флп. 1:1; Титу 1:5). Кадя жэ, сар и вонэ, амэ стас патив по брако и пэ отношэнии, савэ моӷут тэ авэн кати машкар хулай и хулаи. Инке амэ полас, кай о рат свынто, ай кадяжэ ӷанас, кай кала о мануш тердя бэзэх, лэс трэбуй тэ исключин анда собрания (Деян. 15:28, 29; 1 Кор. 5:11—13; 6:9, 10; Евр. 13:4). Андэ Библия драго ԥэнэнпэ, кай исин кати «ек вера», сави уӷодно лэ Дэвлэсти (Эф. 4:4—6). Тэ авас андэ лэ Дэвлэско народо и тэ ӷанас о чачимос пала Дэл и пала кода, со во загиндосардя, када бари бах! Важ када на парашам тэ патяс андо чачимос анда Библия и тэ жувас кадя, сар сытярэл о Дэл! w21.10 22, 23, абз. 15—17

По Иосафато, лэско ери и лэско народо дя бари бида. Против лэндэ вижыля бари армия анда аммонитяноря, моавитяноря и кодэла, ко жувэлас пэ плая Сеиро (2 Лет. 20:1, 2). Со стердя о Иосафато? Во мангля помощь кай о Иегова. Андэ 2 Летопись 20:5—12 пистромэ и молитва, сави смирено ԥэндя о Иосафато. Анда лэстирэ алава, савэ во ԥэндя анда вся ди, дицолас, кай во андэ вся надеияспэ пэ пэско любящё небесно Дад. Через о левито Яхазиило о Иегова ԥэндя лэ Иосафатости и алава, савэ запистромэ андо адесутно стихо. О Иосафато всаворэ́ одеса патяя пэстирэ Дэвлэсти и стердя кадя, сар во ԥэндя. Кала во и лэско народо вижылэ против и вороӷоря, о царё андэ пэстири армия стодя май англал най лэ зоралэ воинонэн, ай кодэлэн, ко дилабэлас лэ Иеговасти и хвалияс лэс. О Иегова зритярдя пэско алав и умардя лэ вороӷонэн (2 Лет. 20:18—23). w21.11 15, 16, абз. 6, 7

Саво бы ԥаримос амэндэ тэ на авэл, амэ можэм тэ патяс, кай о Иегова авэла паша амэндэ и поможыя амэнди тэ на парашас лэс тэ кандас (2 Кор. 4:7—9). Амэ ӷанас, кай о Иегова всегда авэла предано тэ любий амэн, важ кода кай, сар ԥэндя о псалмопевцо, во «шол сама пэ кодэла, ко дарал лэстар и стол патив, пэ кодэла, ко надеийпэ пэ лэстири предано любовь» (Пс. 33:18—22). Инке сар амэ на ашэлям лэ Иеговастирэ служытеля, во любияс амэн кадя жэ, сар и всаворэ́ манушэн. Но, кала амэ лям тэ служысарас лэсти, амэ пар пэстэ диқлям лэстири предано любовь. Через латэ, во кабута ля амэн пэ вас. Во никала амэн на ашавэла, всегда лэла тэ фэрий амэн и зритярэла всаворэ пэстирэ обещянии. Во камэл, кай амари дружба лэса тэ авэл вечно! (Пс. 46:1, 2, 7). Важ када, саво бы ԥаримос амэндэ тэ на авэл, о Иегова дэла амэнди зор, кай амэ тэ ашаспэ лэсти предани. w21.11 7, абз. 17, 18

Наверно, тумэ ӷанэн варикас, ко, можэт дажэ бэршэнца, ритярэлас холи пэ кодэва, каса терэл бути, по однокласнико или пэ варикас анда родо. Андэ Библия тожэ запистромэ пала кацавэ мануша. Например, погиндосарам пала лэ Иосифостирэ ԥрала. Вонэ бэршэнца вэрыцынас пэстирэ ԥралэс и важ када фартэ жэстоко лэса обжылэпэ (Быт. 37:2—8, 25—28). Но о Иосифо андярдя пэс совсем па аврятэ. Лэстэ сас власть, и во моӷ бы вушэро тэ рий пала пэстэ пэстирэ ԥралэнди, но во лэн жалуисардя и простисардя. Во на ритярэлас пэр лэндэ холи и стердя кадя, сар потом сас запистромэ андэ Левит 19:18 (Быт. 50:19—21). О Иосифо на гиндояс, сар тэ рий пала пэстэ, и на ритярэлас холи пэ пэстирэ ԥрала, ай простисардя лэн анда вся ди. Кадя во сыкадя розлашо примеро лэ христианонэнди андэ амари время. О Иисусо тожэ сытярэлас кадэлэсти. Во ԥэнэнас, кай амэ трэбуй тэ простисарас кодэлэн, ко амэн обидел (Матф. 6:9, 12). Кадяжэ и о апостало Павло пистросардясас: «На рисарэн пала пэстэ» (Рим. 12:19). w21.12 11, абз. 13, 14

И рят 14 нисана андо 33 бэрш н. э. о Иисусо авеля андо Гефсиманско садо. Котэ во андэ молитва росԥэндя лэ Иеговасти вся, со сас лэстэ по ди (Луки 22:39—44). О Иисусо най ек часо «фартэ ровэлас и ясвэнца анда вся оди мангэласпэ» (Евр. 5:7). Пала со о Иисусо мангэлас лэ Дадэс андэ послиднё рят англа пэстири смэрть? Тэ ашэлпэ лэсти предано и тэ стерэл, со во камэл. О Иегова ашундя пэстирэ Шавэстири молитва и бишалдя каринг лэстэ лэ анӷелос, кай тэ подритярэл лэс. О Иисусо полэлас, кай пэр лэстэ сас бари отвецтвеность тэ злэл о позоро па лэ Дадэско алав. О Иегова внимательно ашундя лэ Иисусостири молитва, кала во мангэласпэ анда вся оди. Васо? Важ кода кай важ о Иисусо само важно сас тэ ашэлпэ предано лэ Иеговасти и тэ злэл о позоро па лэско алав. Если и амэ терас вся, кай тэ ашаспэ предани лэ Иеговасти, и камас тэ злас о позоро па лэско алав, тоди во ашунэла амарэ молитвы (Пс. 145:18). w22.01 18, абз. 15—17

Бут мануша на ашунэн амэн, важ кода кай амэ на ӷуляс андэ политика. Вонэ камэн, кай амэ тэ ӷолосуем пэ выборы. Но амэ ӷанас, кай если амэ витидаса варисавэ манушэс, кай во тэ правий амэнца, тоди када сыкавэла, кай амэ жас против о Иегова (1 Сам. 8:4—7). Инке вонэ гиндон, кай амэ трэбуй тэ терас лашымос кодэлэса, кай тэ строисарас больницы и школы. Но амэ май бут зор отдас андэ служэния лэ Дэвлэсти, ай най кодэлэсти, кай тэ ришысарас и проблемы, савэ исин андэ кадэя люма. Важ када вонэ на камэн тэ ашунэн, кала амэ авас тэ росԥэнас пала Дэл (Матф. 7:21—23). Амэ полас, кай само важно дила важ амэндэ, када тэ терас, со приԥэндя амэнди о Иисусо. И амэнди на трэбуй тэ хасарас и время, кай тэ ришаем и проблемы андэ кадэя люма. Амэ любисарас лэ манушэн и сыкавас када пэ дила. Но со май важно важ амэндэ, када тэ росԥэнас лэ манушэнди важ лэ Дэвлэско Царство и тэ поможысарас, кай лэндири дружба лэ Иеговаса тэ авэл лащи. w21.05 7, абз. 19, 20

Хоть бут мануша андэ правительстворя ԥэнэн, кай вонэ служын лэ Дэвлэсти, но тэ ашавэн пэстири власть на камэн. Адес, сар и андэ пэрво вико, и правителёря на дэн спокойно тэ служын лэ Иеговасти. И кадя вонэ сыкавэн, кай вонэ жан против лэ Иеговаско памазанико (Деян. 4:25—28). Со терэл о Иегова? Псалом 2:10—12: «Царёря, обгиндонпэ, тумэ, ко сындой и ԥув, приашундёнпэ, кала тумэнди подԥэнэн. Служын лэ Иеговасти баря пативаса, лошавэн и даран лэстар. Стон патив по шаво, кай о Дэл тэ на холявэл, и кай тумэ тэ на мэрэн. Важ кода кай во можэт ӥто тэ росхолявэл. Бахталэ кодэла, ко патян, кай во фэрия». О Иегова жалуий и дэл время пэстирэ вороӷонэнди, кай вонэ тэ обгиндонпэ и тэ залэн лэстири риг. Но время ашэляпэ совсем набут (Ис. 61:2). Лэ манушэнди фартэ трэбуй тэ уӷанэн о чачимос анда Библия и тэ лэн тэ служын лэ Иеговасти. Тэ цырдэн и время нащи! w21.09 15, 16, абз. 8, 9

О апостало Павло ԥэнэнас, кай амэ трэбуй тэ авас лошалэ кодэлэсти, со амэндэ исин (Флп. 4:12). Важ о мануш со май куч трэбуй тэ авэл и дружба лэ Иеговаса, ай най о мищимос, саво лэстэ исин (Авв. 3:17, 18). Шон сама, со о Моисеё ԥэндя лэ израильтянонэнди, кала вонэ ԥирэнас па пустыня 40 бэрш: «Тумаро Дэл Иегова блаӷословисардя тумэн андэ всавори тумари дила. Во ӷанэн, сар тумэ ԥирэнас па кадэя бари пустыня. Всаворэ кадэла 40 бэрш тумаро Дэл Иегова сас тумэнца и тумэндэ вся хутилэлас» (Втор. 2:7). Всаворэ кодэла 40 бэрш о Иегова дэлас лэнди тэ хан манна, и лэндири ӥда, андэ сави вонэ вижылэ анда Египто, на сԥирадёлас (Втор. 8:3, 4). О Иегова лэла тэ лошавэл, если и амэ сытюваса тэ авас довольни и ласа тэ блаӷодарисарас лэс пала кода, со амэндэ исин. w22.01 5, абз. 10, 11

Хула́я, тумэнди трэбуй тэ заботинпэ пала пэско ери, и тумэ пристон бут зор, кай тэ фэрин и тэ подритярэн пэстирэ чачен. Кала тумэндэ исин варисаво ԥаримос, тумэ можэте тэ погиндон, кай справинапэ лэса екжэнэ. Но мангас тумэн, сытён тэ надеинпэ най кати пэр пэстэ. Обратинпэ каринг о Иегова андэ пэстирэ молитвы, ай кадяжэ анда ди мангэнпэ вмести ла хулаяса. Мангэн лэ Иеговас тэ сыкавэл тумэнди, со во камэл, и изучайте и Библия и литература, сави вимэкэл лэ Дэвлэстири арӷанизацыя. Ай тоди терэн кадя, сар уӷанглэ. Най всаворэнди моӷут тэ чалён тумарэ ришэнии. Дэсавэ моӷут тэ ԥэнэн, кай о ери тэ авэл бахтало, о хулай трэбуй тэ затерэл бут ловэ. Но на бистрэн пала царё Иосафато (2 Лет. 20:1—30). Во надеияспэ пэ пэско Дэл, када дицолас па лэстири дила, и о Иегова на ашадя пэстирэ служытелёс, саво сас лэсти предано. Во на ашавэла и тумэн! (Пс. 37:28; Евр. 13:5). w21.11 15, абз. 6; 16, абз. 8

О Дэл создал амэн пар пэстэ, важ када, кала варикаса обжанпэ нэсправедливо, амэндэ андрэ вся лэл тэ тирёл (Быт. 1:26). Но через о нэсовершэнство амэ можэм тэ полас вся най кадя, дажэ если амэнди здэлпэ, кай амэ ӷанас вся и ситуацыя. Например, вспомним пала Иона. Лэсти фартэ на чалеля, кай о Иегова жалуисардя лэ манушэн андэ Ниневия, савэ каисайлэ (Иона 3:10—4:1). Но блаӷодаря кадэлэсти май бут чем 120 000 мануша ашэлэпэ жундэ! Вижал, када о Иона трэбуй сас тэ парувэл пэско гиндо, ай най о Иегова. О Дэл нэ обязано тэ объясний лэ манушэнди пэстирэ ришэнии. Варикала о Дэл домэкэлас, кай лэстирэ служытеля тэ ԥэнэн, кай пэрэжывают пала ришэнии, савэ во прилэлас (Быт. 18:25; Иона 4:2, 3). И дэкала во дажэ росԥэнэнас лэнди, васо во стердя имено кадя (Иона 4:10, 11). Но о Иегова нэ обязано тэ объясний амэнди пэстирэ ришэнии, кай амэ тэ авас соӷласни лэса (Ис. 40:13, 14; 55:9). w22.02 3, 4, абз. 5, 6

Тэ андярэн пэс, сар цыкнэдэр, када сыкавэл, кай тэ «гиндон, кай авэр май лашэ тумэндар» (Флп. 2:3). Если амэ ласа тэ старысавас тэ терас кадя, тоди амэ никас на холяраса. Кажно ԥрал и ԥэй андэ собрания ӷанэн тэ терэл варисо май драго аврэндар. И авэла драго кай амэ тэ додиқас андэр лэндэ варисо лашо. Трэбуй тэ погиндосарас пала лэ Павлостирэ алава: «Соса ту най кацаво, сар авэр? И со тутэ исин, со тути на динэ? Ай если тути вся динэ, тоди состэ хвалиспэ, ԥэнэса, ту када екжэно домарделян?» (1 Кор. 4:7). Амэнди на трэбуй фартэ бут сама тэ шас пэр пэстэ, кай амэ кабута май лашэ аврэндар. Ай со если о ԥрал фартэ драго ӷанэн тэ росԥэнэн речь, ай и ԥэй драго проандярэл изучения Библии? Вонэ трэбуй вся и слава тэ отдэн лэ Иеговасти. w21.06 22, абз. 9, 10

Часто лэ манушэн нинай цэрэ андэ служэния, и важ када лэ ԥралэнди и лэ ԥэянди май ԥарэс тэ ашэнпэ радосни. Андэ дэсавэ раёноря андэ цэра и андэ квартиры ԥарэс тэ попэрэс. Можэт тэ авэл охранико, саво на промэкэл никас, если о хулай лэ цэрэско на розришыя. Ай авэр ԥрала и ԥэя служын котэ, кай жувэн совсем набут миро и вонэ дур ек еқэстар. Лэнди трэбуй тэ прожан чи тэ проладэн баро дром, кай хоть еқэ манушэса тэ подэн дума пала Дэл. Если амэндэ кадяжэ андэ служэния, амэ всаек на трэбуй тэ умэкас и вас. Например, тумэ можэте тэ служын андэ разно время. Андэ служэния амэ сможэм май бутэ манушэнца тэ подас дума пала Дэл, если аваса каринг лэндэ андэ кодэя время, кала вонэ цэрэ. Дажэ если лэн нинай, вонэ жэ всаек варикала ринапэ цэрэ. Бут ԥрала и ԥэя служын десэ и вэчэром, тоди и мануша ни каринг на грабин и драго ашунэн пала Дэл. w21.05 15, абз. 5, 7

Кода, со сас андэ лэ Иисусостири время, шолпэ и пэ амарэ деса. Бутэ манушэнди на чалёл, кай лэ Иеговастирэ свидетеля на стон празникоря и на ритярэн и традицыи, савэ най па Библия. Када, например, кацавэ празникоря сар Кричуно, Патради, день рождения. Авэр холявэн, кай амэ на дилабас о гимно и кай на тэлювас лэ флаӷости. Ай кадяжэ вонэ холявэн, кай амэ на притидас лэ манушэс, саво муля, па лэндирэ традицыи, савэ най па Библия. Кадэла мануша гиндон, кай кадя вонэ уӷодин лэ Дэвлэсти. Но вонэ нэ моӷут тэ уӷодин лэ Иеговасти, если вонэ жувэн па традицыи, савэ ритярэн и мануша андэ кадэя лэ Сатанастири люма (Мар. 7:8, 9). Амэ камас тэ радосарас лэ Иеговас и тэ на парашас тэ патяс. Важ када амэ трэбуй фартэ тэ любисарас лэстирэ законоря и принцыпоря (Пс. 119:97, 113, 163—165). Если амэ любисарас амарэ Дэвлэс, амэ на аваса тэ жувас па кодэла традицыи, савэ лэсти на чалён. Амэнди трэбуй тэ фэрисавас кодэлэстар, через со амэ можэм тэ парашас тэ любисарас лэ Иеговас. w21.05 6, абз. 15, 16

Со поможыя амэнди тэ терас кадя, сар ԥэндя о апостало Павло? Амэнди трэбуй кажно дес тэ изучаем и Библия, вся и время тэ мангаспэ и тэ на парашас тэ ԥирас пэ служэния. Када вся поможыя амэнди тэ на парашас тэ патяс андо Иегова (2 Тим. 4:4). И если амэ патяс лэ Иеговасти, тоди амэ на патяса лэ хохаимасти, саво ԥэнэн пэ Иеговастирэ свидетеля (Ис. 28:16). И любовь каринг о Иегова, каринг и Библия и каринг и ԥрала и ԥэя поможыя амэнди тэ на ашавас лэ Иеговас, хоть авэр мануша и ашадэ лэс. Андо пэрво вико бут мануша на патяе андо Иисусо. Но всаек сас чи мало кодэлэн, ко патялас. И точно сас ек сындомари анда иудейско Синедрионо и бут рашая, савэ патяе андо Иисусо (Деян. 6:7; Матф. 27:57—60; Мар. 15:43). Амэ точно ӷанас, кай и андэ амарэ деса милионоря мануша кандэн лэ Иеговас и лэ Иисусос. Вонэ ӷанэн о чачимос анда Библия и любин лэско законо. Важ када кадэла мануша на камэн тэ ашавэн лэ Иеговас (Пс. 119:165). w21.05 13, абз. 20, 21

О апостало Павло полэлас, кай вся, со во терэл, када блаӷодаря лэ Дэвлэстирэ зорэсти. Через пэско свынто духо о Иегова дэлас лэ Павлости зор, кай во тэ стерэл лэстири дила и тэ на диқэл по ԥаримос, саво лэстэ исин. О Тимофеё сас лэ Павлоса андэ служэния и никала на ашавэлас лэс. Во трэбуй сас тэ патял кай о Иегова пэстирэ зорэса поможыя лэнди. О Тимофеё сас лэ Павлоса андэ най ек мисианерско служэния. Инке о Павло ԥэндясас лэ Тимофеёсти, кай во тэ подритярэл лэ ԥралэн и лэ ԥэян андэ собрании и тэ поможый лэнди (1 Кор. 4:17). Можэт, о Тимофеё дэкала гиндояс, кай во на поджал, кай тэ терэл кадэя дила. Важ када лэсти о Павло и ԥэндясас: «Мэк нико на шол сама, кай ту тэрно» (1 Тим. 4:12). И инке андэ кодэя время о Тимофеё «часто насвавэлас» (1 Тим. 5:23). Но во полэлас, кай би лэ Иеговастирэ зорэско лэстэ на вижала тэ росԥэнэн пала Дэл и тэ поможый лэ ԥралэнди и лэ ԥэянди (2 Тим. 1:7). w21.05 21, абз. 6, 7

Кодэва, ко дэл совето, трэбуй тэ сэрэл о принцыпо анда Иакова 1:19: «Кажно мануш трэбуй май ӥто тэ ашунэл, чем тэ дэл дума или тэ холявэл». О барэдэр ԥрал можэт тэ гиндой, кай во вся ӷанэн пала лэ манушэстири ситуацыя. Но чаче када кадя? Андэ Притчи 18:13 ԥэнэнпэ: «Тэ дэс атвето, кала на виашундян — най годявэрнэс и най пативалэс». И о барэдэр ԥрал трэбуй лично тэ уӷанэн лэ манушэстар пала лэстири жызня, ай най тэ пушэл пала када аврэндар. Кати тоди во можэт варисо тэ ԥэнэн. Авелоп драго, если о барэдэр ԥрал тэ пушэл кай и ԥэй или о ԥрал: «Сар тутэ и дила? Сар тути тэ поможысарас?» Если и барэдэр ԥрала старыинпэ тэ уӷанэн, со терэлпэ кай о мануш андэ жызня, тоди лэндэ вижала тэ подритярэн лэ ԥралэс или ла ԥья. Кай тэ дас па чачимастэ лашо совето, на хутилэла кати тэ проадиносарас ек или дуй стихоря анда Библия и тэ росԥэнас, сар лэн тэ прилэн. Важно, кай и ԥрала и ԥэя тэ диқэн, кай амэ заботисавас пала лэндэ, полас лэн и камас лэнди тэ поможысарас. w22.02 17, абз. 14, 15