Июнё

Вой фартэ чорорэс жувэл, но вой всаек авеля андо храмо, кай тэ шол дуй найбарэ монетки. Вонэ сас фартэ цынёне, кай дажэ нико на ашунэн, сар вонэ пэрэн андо кувшыно. Пэ кодэя время када сас копийки, пэ савэ на тинэса дажэ цынёня чириклёра. Но о Иисусо ӷанэн, кай вой шутя послидни дуй монетки, савэ латэ сас. Лэ Иисусос, када фартэ лэл лэ одестар. Тоди во подақарэл каринг пэстэ лэ учениконэн и ԥэнэн лэнди: «Кадэя чороры ԥивли шутя андо кувшыно важ и пожэртвования май бут, чем всаворэ». И ԥэнэн лэнди васо: «Всаворэ, [ай особенно и барвалэ], шонас важ кода, кай лэндэ сас бут ловэ. Ай вой, хоть сас и чороры, отдя вся, со латэ сас» (Мар. 12:43, 44). Кала кодэя манушни отдя послидни ловэ, вой сыкадя, кай патял лэ Иеговасти, кай во ла на ашавэла (Пс. 26:3). w21.04 6, абз. 17, 18

О Иисусо на парашэлас тэ лошавэл андэ служэния, и во камэлас, кай лэстирэ ученикоря кадяжэ тэ терэн (Иоан. 4:35, 36). Пока во сас пэ ԥув пэстирэ учениконэнца, лэндэ ԥаболас оди андэ служэния (Луки 10:1, 5—11, 17). Но кала лэ Иисусос умардэ, вонэ ужэ най кадя росԥэнэнас пала Дэл (Иоан. 16:32). Важ када кала о Иисусо рисайля каринг и жызня, во лэнди ԥэндя, кай вонэ тэ пристон май бут зор андэ служэния. И сар во вазгляпэ по нэбо, вонэ на парашэнас упалэ всаворэ одеса тэ росԥэнэн лэ мирости пала Дэл. Дажэ лэндирэ вороӷоря холявэнас и ԥэнэнас и алава, савэ запистромэ андо адесутно стихо. Андэ пэрво вико о Иисусо сытярэлас пэстирэ учениконэн, сар тэ росԥэнэн пала Дэл. И о Иегова поможыяс лэнди. Важ када бут мануша ашэлэ лэстирэ служытеля. Кадя андэ Пятидесятница андо 33 бэрш лэ И. Х. болделэ почти 3 тысячи мануша (Деян. 2:41). Ай потом нэвэ учениконэн ашэлас инке май бут (Деян. 6:7). Кадяжэ о Иисусо и адес диқэл пала служэния. Во пэндясас, кай андэ послидни деса пала лэ Дэвлэско Царство лэна тэ росԥэнэн па вся и ԥув (Иоан. 14:12; Деян. 1:8). w21.05 14, абз. 1, 2

Ту наверно сэрэс, кала пэрво разо уӷанглян о чачимос анда Библия. Ту гиндосас, кай када анэна лашымос аврэнди, кай вонэ авэна кадэлэстар май бахталэ, и кай лэн аштярэл лащи жызня англэ (Пс. 119:105). Важ када ту лян тэ росԥэнэс пала со уӷанглян лэ друӷонэнди и лэ родости. Ту гиндосас, кай вонэ тут ашунэна. Но вонэ совсем на камэнас тэ ашунэн. На трэбуй тэ удивисавас, кай и мануша на ашунэн амэн, кала амэ росԥэнас лэнди важ о Дэл. Кала о Иисусо сас пэ ԥув, во терэлас чудеса, исцэлияс, рияс каринг и жызня лэ манушэн. Када доԥэнэнас, кай во Христос, саво трэбуй сас тэ авэл пэ ԥув. Алав «Христос» сыкавэл, кай кадэлэ манушэс витидя о Дэл тэ стерэл, со во загиндосардя. Но и мануша всаек на шонас сама пэ чудеса, савэ терэлас о Иисусо, и на патянас лэсти. Када драго дицэля, кала во рисардя каринг и жызня лэ Лазарёс. Лэ манушэнди, савэ лэс вэрыцынас, и лэ рашанди прижыляпэ тэ прижанэн, кай кадэя чуда о Иисусо стердя па чачимастэ. Но всаек вонэ на камэнас тэ патян, кай о Иисусо када Христос, саво трэбуй тэ авэл пэ ԥув. Вонэ дажэ камэнас тэ умарэн и лэ Иисусос, и лэ Лазарёс! (Иоан. 11:47, 48, 53; 12:9—11). w21.05 2, абз. 1, 2

Пристов вся о зор, кай тэ на промэкэс ни ек собрания. Пэ собрания ту можэш тэ лэс зор, ай кадяжэ ту можэш тэ уӷанэс май драго лэ ԥралэн и лэ ԥэян. Подружысав лэ ԥралэнца и лэ ԥэянца анда собрания. Виарак андэ собрания кацавэ друӷонэн, савэндар ту можэш тэ сытёс. Мэк вонэ дажэ барэдэр или цыкнэдэр тутар или лэндэ авэр культура. Андэ Библия ԥэнэнпэ, кай и ԥрала и ԥэя, савэ андэ бэршэндэ, бут со пэрэжудэ андэ жызня, и важ када вонэ бут со полэн (Иов 12:12). Но и вонэ тожэ моӷут бут сости тэ сытён кай и тэрнорэ. Например, кай о Давидо и кай о Ионафано сас бари разница андэ бэрша. Но вонэ всаек сас лашэ друӷоря (1 Сам. 18:1). Вонэ подритярэнас ек еқэс, кала сас ԥари время. И када поможысардя лэнди тэ на парашэн тэ служын лэ Иеговасти (1 Сам. 23:16—18). И ԥэй Алёна екжэни андо ери служый лэ Иеговасти. Вой ԥэнэн, кай и друӷоря андэ собрания моӷут тэ авэн важ амэндэ сар чаче ԥрала и ԥэя или сар дад или дэй. Кадя о Иегова дэл лати кода, со лати на хутилэл. Тирэ друӷоря фартэ камэн тут тэ подритярэн и тэ поможын. Но если ту на лэса лэнди пала када тэ росԥэнэс, тоди сар вонэ тути поможына? w21.06 10, 11, абз. 9—11

О Иисусо росԥэндя пэстирэ учениконэнди примеро пала царё и пала рабо. О царё простисардя пэстирэ рабости баро вужылимос, саво во никала на випотиндоп. Но прожыля набут время и кадэва рабо на закамля тэ простий аврэ рабос, саво лэсти пэ бутэстэ май набут сас вужылэ. И кала о царё уӷангля, со стердя кадэва рабо, во шутя лэс андо баруно. Кода, со стердя кадэва рабо, андя ԥаримос най кати лэсти, но и аврэнди. Во обжыляпэ найдраго лэ манушэса, саво лэсти сас вужылэ. Во бэшардя лэс андо баруно, пока кодэва на випотинэна лэсти вся о вужылимос. Кадяжэ во стердя найдраго по ди аврэ рабонэнди, савэ када диқлэ (Матф. 18:30, 31). Кацаво можэт тэ авэл и адес. Если амэ терас варисо най кадя, када анэн ԥаримос аврэнди. Например, если амэнца варико найдраго обжыляпэ и амэ на камас лэс тэ простисарас, тоди ԥарэс авэла най кати кадэлэ манушэсти, но и всаворэнди андэ собрания, кала вонэ диқэн, кай амэ на ладисарас машкар пэстэ. w21.06 22, абз. 11, 12

О Иегова создал лэ манушэн тэ авэн кацавэнца, сар во, кай вонэ тэ андярэн пэс правильно. Но о Сатана терэл вся, кай и мануша тэ терэн бэзэх и лэсти када фартэ чалёл. Андэ лэ Ноёстири время и мануша терэнас пэ ԥув ек о найлашымос. «Тоди о Иегова пожалел, кай создал лэ манушэн пэ ԥув, и лэсти ашэля ԥарэс по ди» (Быт. 6:5, 6, 11). Ай акана и мануша андярэн пэс фэдэр? Канешно, най! Андэ кадэя люма и мануша терэн ек еқэса разно билажавардимос. Кадяжэ вонэ изменяют ек еқэсти, о мурш жувэл лэ муршэса, и жувли жувэл ла жувляса (Эф. 4:18, 19). Но май фартэ о Сатана лошавэл, кала лэстэ вижал тэ змарэл па правильно дром лэ Иеговастирэ служытелёнэн, кай вонэ тэ стерэн баро бэзэх. «Кала о мануш хулаий пэ авэр мануш, када на анэн лашымос» (Эккл. 8:9). И Ԥув создал о Иегова, и дя, кай и мануша тэ заботинпэ пала латэ (Быт. 1:28). Дэсави учони ԥэнэн, кай ӥто и мануша стерэна кадя, кай пэ ԥув помэрэна милионоря жывотни и растении. w21.07 12, абз. 13, 14

Дэсавэ лэ Дэвлэстирэ служытеля фартэ дошалярэн пэс важ кода, со варикала стердэ най кадя. Хоть вонэ и каисайлэ анда вся ди, вонэ всаек мустрин пэс и гиндон, кабута о Иегова лэн никала на простия. Если тумэндэ тожэ исин кацавэ гиндоря, то тумэ можэте лэн тэ улэн. Гиндон пала кода, кай о Иегова тумэн предано любий. Хоть амэ нэсовершэни, амэндэ можэт тэ авэл радость андэ служэния лэ Иеговасти и вужи совесть. Када возможно, важ кода кай через лэ Иисусоско рат амэ ашас «вужэ всаворэ ӷрехонэндар» (1 Иоан. 1:7). Если тумэ ужэ каисайлэ андэ кода, со варикала стердэ най кадя, но тумаро ди идоси дошалярэл тумэн важ када, на бистрэн, о Иегова най просто простий, во фартэ камэл када тэ стерэл! Андо 103 Псалом о Давидо пистросардя, кай о Иегова простий через пэстири предано любовь: «Сар о нэбо фартэ вучес ла ԥувьятар, кадя лэстири предано любовь фартэ бари каринг кодэла, ко лэстар дарал и стол патив. Сар дур ек еқэстар о востоко и о западо, кадя дэ дур во одындярдя амэндар амарэ ӷрехоря» (Пс. 103:11, 12). w21.11 5, 6, абз. 12, 13

О хулай, саво служый лэ Иеговасти диласа лэла тэ сыкавэл, кай цэний пэстиря хулая и стол пэр латэ патив (1 Пет. 3:7). Во на лэла тэ мангэл латар кода, со вой нэ можэт тэ стерэл. И канешно, во на лэла ла тэ сыстой аврэ жувлянца. Кадя тэ терэл нащи. Уӷанам, со сас кай и ԥэй Роза. Лако хулай на служыяс лэ Иеговасти, и во вся и время сыстояс ла аврэ жувлянца. Через када вой ля тэ гиндой пала пэстэ, кай вой нисо на ашэл. Вой дажэ парашэля тэ патял, кай о Иегова ла цэний. И лати фартэ придэл зор, кала варико ԥэнэн, кай вой фартэ куч важ о Иегова. Ай о хулай, саво служый лэ Иеговасти, трэбуй тэ андярэл пэс совсем па аврятэ. Во цэний пэстиря хулая и полэл ла. Во полэл, кай через када, лэско ери авэла бахтало. Ай если во на лэла кадя тэ терэл, тоди о Иегова авэла лэса нэдовольно. О хулай, саво стол патив пэ пэстири хулаи, сыкавэл, кай вой лэсти куч. Во хвалий ла и дэл дума аврэнца пала латэ кати драго. w21.07 22, абз. 7, 8

Прецтавь пэсти, кай тути трэбуй тэ авэл посылка андэ кодэва дес, саво ту аштярэс, но ла долӷо нинай. Ту ужэ лэс тэ пэрэжываеш пала када. Но тути ашэл май вушэро, кала ту уӷанэс, васо вой тутэ пока на авеля. Амэнди важно тэ авас терпеливи и пала када ԥэнэнпэ андэ Притчи 13:11: «О барвалимос, саво вушэро затерэлпэ ӥто тратийпэ, ай кодэва, ко по набут стидэл и ловэ ашэла инке май барвало». Анда кадэла алава дицол, кай о мудро мануш терэл вся спокойно и по набут. Андэ Притчи 4:18 ԥэнэнпэ: «Ай лэ праведнонэ манушэнго дром шолпэ по свето тэсара, саво ашэл май ярко и май ярко, пока на ваздэлапэ о қам». Амэ всегда поласас кадэла алава, кай о Иегова по набут дэл тэ уӷанас амэнди, со во загиндосардя важ и ԥув. Но кадэла алава можно кадяжэ тэ полас па аврятэ. Кала о мануш лэл тэ уӷанэн лэ Иеговас, лэстири дружба лэса по набут ашэл май лащи. И важ о мануш нико нэ сможэт тэ стерэл, кай во май ӥто тэ болдёл и тэ ашэл лэ Иеговаско друӷо. Пэ када трэбуй время. w21.08 8, абз. 1, 3, 4

Кадэя люма ӥто на авэла. Важ када андэ лэ Иеговастири арӷанизацыя щяс фартэ бут дила (Матф. 24:14; Луки 10:2; 1 Пет. 5:2). Всаворэ амэ камас май бут тэ служысарас лэ Иеговасти. Варико закамля тэ служый пианероса, ай варико тэ служый андо Вефилё или тэ строий варисавэ здании андэ лэ Дэвлэстири арӷанизацыя. Бут ԥрала камэн тэ служын, сар помошникоря андэ собрания и барэдэр ԥрала (1 Тим. 3:1, 8). О Иегова фартэ лошавэл, кала лэско народо камэл тэ терэл варисави дила важ лэстэ андэ лэстири арӷанизацыя! (Пс. 110:3). Ай тути ԥарэс по ди кодэлэстар, кай ту пока нэ можэш тэ терэс важ о Иегова кода, со загиндосардян? Тоди росԥэн пала када лэ Иеговасти (Пс. 37:5—7). Кадяжэ ту можэш тэ пушэс кай и ԥрала и ԥэя андэ собрания, савэ бут со андэ жызня полэн и савэ моӷут тэ подԥэнэн тути, андэр со трэбуй тэ парудёс, ай потом тер кадя, сар вонэ тути подԥэндэ. Кадя тутэ можэт тэ вижал тэ домардёс важ о Иегова кода, со ту загиндосардян. w21.08 20, абз. 1; 21, абз. 4

И пророчица Анна сас ԥивли и лати сас 84 ӷода. Вой вся и время ԥирэлас андо храмо. Можно тэ ԥэнэс, вой никала на промэкэлас и собрания. И о Иегова ла блаӷословисардя тэ диқэл лэ цынёне Иисусос (Луки 2:36—38). Андэ амарэ деса бут ԥрала и ԥэя, савэ андэ бэршэндэ, сыкавэн лашо примеро лэ тэрнэнди андэ собрания. Кала амэ на жалуисарас пэстири время, кай тэ дас дума лэнца, и мангас, кай вонэ тэ росԥэнэн амэнди пала пэстирэ тэрнэ бэрша, савэ вонэ проандярдэ андэ служэния лэ Иеговасти, тоди амэ бут сости лэндар сытюваса. Важ о Иегова фартэ куч кадэла ԥрала и ԥэя андэ собрания. Важ кода кай андэ жызня вонэ най еқвар диқэнас, кай о Иегова чаче подритярэл пэстири арӷанизацыя, ай кадяжэ, сар подритярэлас и лэн. Андэ пэстири жызня дэкала вонэ терэнас варисо най кадя, но вонэ сытёнас, кай будэр кадя тэ на терэн. Кадэла ԥрала и ԥэя фартэ мудри и важ када амэ можэм лэндар бут состар тэ сытювас (Прит. 18:4). Если тумэ лэна май драго лэн тэ уӷанэн, тоди тумэ лэна инке май фартэ тэ патян лэ Дэвлэсти. w21.09 3, абз. 4; 4, абз. 7, 8; 5, абз. 11, 13

Лэ Дэвлэско народо лэл кадэла люматар вся, со май лашо, кай инке май драго тэ служый лэ Дэвлэсти (Ис. 60:5,16). Блаӷодаря кодэлэсти, кай и ԥрала и ԥэя бут со терэн важ кадэя дила, акана пала Дэл росԥэн андэ 240 страны и територии и амари литература вимэкэн май бут чем пэ 1000 шыба. Андэ амари время и весть, сави «тиной» всаворэ народоря, заставий лэ манушэн тэ стерэн выборо. Лэнди трэбуй тэ полэн, пэр кастэ вонэ лэна тэ надиинпэ, или по Дэл, или пэ правительстворя андэ кадэя люма. Тэ прилэл кадэя ришэния трэбуй кажно мануш. Да, лэ Иеговастирэ служытеля терэн па законо, саво исин андэ страна, андэ сави вонэ жувэн. Но андэ политика вонэ на ӷулен (Рим. 13:1—7). Вонэ ӷанэн, кай о ԥаримос, саво исин кай и мануша, улэла кати лэ Дэвлэско Царство. Ай кадэва Царство най кадэла люмако (Иоан. 18:36, 37). w21.09 17, 18, абз. 13, 14

Кала варико анда амарэ чаче ашавэл лэ Иеговас, фартэ важно тэ пристос зор, кай тэ на хасарэс и дружба лэ Иеговаса ту и тиро ери. Ай со важ када трэбуй тэ терэс? Трэбуй тэ на промэкэс тэ адинос и Библия и тэ гиндос пала со адиносардян, ай кадяжэ тэ на промэкэс и собрания. Кадя о Иегова сможэт тэ дэл тути зор и тэ подритярэл тут. Кай и ԥэй Джоанна о дад и и барэдэр ԥэй ашадэ лэ Иеговас. Вой ԥэнэн, кай кала адиной андэ Библия пала Авигея, Эсфирь, Иово, Иосифо и пала Иисусо, лати ашэл пэ бутэстэ май вушэро. Кода, со вой пала лэндэ адиной, поможый, кай латэ тэ на авэн найлашэ гиндоря, и лати ашэл най кадя дэ ԥарэс. Кала тумэндэ найлашэ гиндоря, на парашэн тэ мангэн лэ любящёнэ Дадэс тэ дикэн пэ вся лэстирэ яқэнца. Тоди о Иегова сытярэла тумэн, кай бут со тэ полэн, и придэла зор тэ жан па правильно дром (Пс. 32:6—8). Канешно, тэ росԥэнэн лэ Иеговасти вся, со тумэндэ по ди, када найвушэро, и кадэлэстар дажэ можэт тэ дуқал оди. Но о Иегова ӷанэн, сар тумэнди дэ ԥарэс. Во фартэ тумэн любий и мангэл, кай тумэ тэ росԥэнэн лэсти пала вся (Исх. 34:6; Пс. 62:7). w21.09 28, абз. 9, 10

Посли Патради андо 32 бэрш н. э. и апосталоря о Пётро, о Иаково и о Иоанно додиқлэ удивительно видения. Вонэ сас по плай, возможно, када сас плай Ермоно, и котэ о Иисусо сыкаделя англа лэндэ андэ пэстири слава (Матф. 17:1—4). Потом вонэ ашундэ лэ Дэвлэско ӷолосо: «Када мэрно любимо Шаво. Мэ дав лэсти мэрни блаӷословения. Ашунэн лэс». Кадэла трин апосталоря пэстиря жызняса сыкадэ, кай ашунэнас лэ Иисусос. Амэ камас тэ терас кадя жэ. Амэ блаӷодарни, кай о Иегова руководий амэнца через «о хулай пэ собрания», о Иисус Христос (Эф. 5:23). Амэ трэбуй тэ ашунас лэс кадя жэ, сар о апостало Пётро, Иаково и Иоанно. Кала амэ терас кадя и на парашас тэ жас па тисно дром, саво андярэл каринг и жызня, амэндэ авэна бут блаӷословения акана и бахтали жызня май англэ! w21.12 22, абз. 1; 27, абз. 19

Андо Коринфо ек христианино жувэлас пэстирэ дадэстиря хулаяса. О Павло приԥэндя, кай кацавэ христианинос, трэбуй тэ исключин анда собрания. Через кода, сар андярдя пэс кадэва христианино, и ԥрала и ԥэя линэ тэ гиндон, кай андэ када нинай нисо (1 Кор. 5:1, 2, 13). Прожыля дэсави время, и о апостало Павло уӷангля, кай кодэва мануш па чачимастэ каисайля андэ пэско бэзэх. О Павло ԥэндя лэ барэдэрэ ԥралэнди, кай тэ простин кадэлэ манушэс и тэ подритярэн. Шон сама, о Павло ԥэндя, кай вонэ тэ на авэн фартэ строӷи лэса. О Павло поля и жалуисардя кодэлэ манушэс, саво каисайля андо бэзэх. Во на камэлас, кай кадэлэ манушэсти тэ авэл фартэ ԥарэс по ди и во тэ гиндой, кай лэс нико на простия (2 Кор. 2:5—8, 11). Кадя жэ, сар и лэ Иеговасти, лэ барэдэрэ ԥралэнди чалёл тэ жалуин лэ манушэн. И если када можно и исин васо, вонэ на исключина анда собрания. Ай если када трэбуй, тоди вонэ строӷо просытярэна. Важ кода кай если вонэ на исключина анда собрания, тоди на дицола, кай вонэ полэн и жалуин, ай наоборот, када сыкавэла, кай вонэ на шон сама по бэзэх, саво стердя о мануш. w21.10 11, 12, абз. 12—15

Дэкала, кала гитон тэ хан, тумэ можэте тэ шынэн пэсти о вас. Када нэприятно. Ай дэкала можэт тэ авэл фартэ ӷлыбоко рана, и ужэ ла трэбуй тэ пэрэбинтуин и дажэ тэ засувэн. Если вся и время тэ ӷулен кай и рана, ай тем более тэ ӷанадён андэр латэ, кадэлэстар авэла кати май хужэ. Кадэва примеро драго сыкавэл, со можэт тэ авэл, кала амэн варико обидел. Например, о друӷо можэт тэ на гиндой и варисо тэ ԥэнэн или тэ стерэл, и амэ можэм лэс вушэро тэ простисарас. Ай дэкала амэн моӷут кадя тэ обидят, кай кадэлэстар можэт фартэ тэ дуқал оди. Бут мануша постояно ритярэн андо шэро пэстири холи, но кадэлэстар терэн хужэ кати пэсти. Фэдэр авэла андэ кадэва маменто тэ стерэн кадя, сар запистромэ андо адесутно стихо. w21.12 12, абз. 15

Роздиқаса ек ситуацыя. Лэ барэдэрэ ԥралэсти на чалёл, сар утидэлпэ варисаво вазвещятелё андэ собрания. И во гиндой: «Чаче кадэва мануш нарушает варисаво библейско принцыпо?» Андэ кацавэ вопросоря нащи тэ надеинпэ пэ пэстири мнения. Важ када во пушэл совето кай авэр барэдэр ԥрал или о вазвещятелё, савэстэ баро опыто. Вонэ моӷут инке еқвар тэ шон сама, со пала ӥда и внешнё видо ԥэндя о апостало Павло андэ 1 Тимофею 2:9, 10. О Павло на ԥэнэнас со можно, ай со нащи. Во просто ԥэндя, кай и христианоря трэбуй «тэ утидэнпэ сэжо... скромно и годяса». О Павло полэлас, кай и ԥрала и ԥэя екжэнэ моӷут тэ витидэн, со тэ лэн пэр пэстэ, если када на жал против лэ Дэвлэско законо. Важ када, лэ барэдэрэ ԥралэнди трэбуй тэ погиндон, чаче о вазвещятелё утидо найсэжо, и через када и мануша моӷут тэ дэн дума найдраго пала лэ Дэвлэско народо. Трэбуй тэ сэрас: дуй христианоря моӷут тэ прилэн разни ришэнии, но всаек вонэ лэдуй авэна правильни. Важ када амэнди нащи тэ ԥэнас лэ ԥралэнди и лэ ԥэянди, со па амарятэ правильно, ай со най. w22.02 16, абз. 9, 10

Амэндэ исин бут причины, кай предано тэ любисарас ек еқэс. Савэ? Например, пала дэсавэ шукарнэс росԥэнэнпэ андэ книӷа Притчи: «На ашав предано любовь и верность. ...И тоди ту уӷодиса лэ Дэвлэсти и лэ манушэнди и пала тут ӷанэна, кай ту мудро мануш»; «Если о мануш добро, [или «предано любий»] када лэсти жэ и анэна лашымос...»; «Кодэва, ко камэл тэ авэл праведно и предано тэ любий, виарақэла жызня, праведность и слава» (Прит. 3:3, 4; 11:17; 21:21). Андэ кадэла притчи исин трин причины, васо амэ трэбуй предано тэ любисарас ек еқэс. Пэрво, кодэлэн, ко предано любий, фартэ цэний о Иегова. Дуйто, предано любовь анэн амэнди лашымос ужэ акана, например вой поможый амэнди тэ авас лашэ друӷоря. Трито, кодэлэн, ко предано любий, аштярэн райканэ блаӷословении англэ, ай кадяжэ и вечно жызня. Драго дицол, кай амэ трэбуй тэ сыкавас «предано любовь, сави сыкавэл о Иегова». w21.11 8, абз. 1, 2

Если тумэ полинэ, кай тумэнди на хутилэл вера, на умэкэн и вас. Важ кода кай акана тумэ ӷанэн, кай тумэнди трэбуй тэ састярэн пэстири вера. Анда ди мангэнпэ лэ Иеговасти, особено кала тумэнди фартэ ԥарэс. Сэрэн, кай о Иегова можэт тэ позаботийпэ пала тумэндэ через тумарэ чаче и друӷоря. Если тумэ сытёна тэ надеинпэ по Иегова ужэ акана, тоди тумэ на лэна сомневаца, кай о Иегова поможыя тумэнди тэ виритярэн любо ԥаримос, саво авэла англэ. О Иисусо поможысардя лэ учениконэнди тэ додиқэн, андэр со лэнди на хутилэлас вера. Но всаек во ӷанэнас, кай лэ Иеговастирэ зорэса вонэ виритярэна любо ԥаримос (Иоан. 14:1; 16:33). Во патялас, кай фартэ бутэ манушэндэ авэла састи вера, и лэндэ вижала тэ пэрэжувэн и само бари бида (Отк. 7:9, 14). Амэ аваса машкар кадэла мануша кати тоди, если амэ ласа тэ терас вся, кай амари вера тэ авэл май састи! (Евр. 10:39). w21.11 25, абз. 18, 19

Амэ на аштярас, кай адес о Иегова стерэла чуда и спасыя амэн. Но амэ ӷанас: кодэлэстэ, ко надеийпэ по Иегова, на авэла кацаво ԥаримос, саво во на виритярэла. Фартэ ӥто авэла время, кала дицола, пэскати дэ састи амари вера, кай о Иегова можэт тэ защитий амэн. Кала о Гого анда ԥув Магого дэла по народо лэ Дэвлэско, можэт, амэнди здэлапэ, кай амэн нисо на спасыя. Амэнди трэбуй авэла састи вера, кай о Иегова можэт тэ спасый амэн и точно стерэла када. Амарэ вороӷонэнди здэлапэ, кай пала амэндэ най ко тэ зашолпэ. И чаче, амэндэ жэ нинай оружыя, дажэ тэ мараспэ амэ на ӷанас (Иез. 38:10—12). Но и народоря нэ смоӷут тэ полэн, кай по нэбо тердён фартэ бут анӷелоря, савэ ӷотови тэ марэнпэ пала лэ Дэвлэстирэ служытеля. Да и сар амарэ вороӷоря када полэна? Нисар, важ кода кай лэндэ нинай вера! Сар жэ вонэ удивинапэ, кала милионоря анӷелоря дэна пэр лэндэ, кай тэ зашонпэ пала амэндэ (Отк. 19:11, 14, 15). w22.01 6, абз. 12, 13

О Иегова любий пэстирэ служытелёнэн, и важ када амэ тожэ трэбуй тэ любисарас лэн. Амэ трэбуй тэ пристас бут зор, кай тэ фэрисарас и тэ заботисавас пала ԥрала и ԥэя. Если амэ варикас холярдям андэ собрания, на трэбуй тэ гиндосарас, кай кода просто кацаво мануш. Во просто вся фартэ пашэ прилэл каринг оди, и во екжэно дошало. Но васо варико можэт тэ холявэл? Можэт о мануш гиндой, кай во нисо на ашэл, важ кода кай лэс кадя барярдэ. Ай дэсавэ кати найдэлмут болделэ и инке на сытелэ, кай трэбуй тэ простин аврэн, если варико терэл най кадя. Но нэ важно ко кас холярдя и васо. Амэнди трэбуй тэ стерас вся, кай тэ поладисарас аврэнца! Инке о мануш, саво вся и время холявэл, трэбуй тэ полэл, кай лэсти трэбуй тэ парудёл андэ када. Если во парашэла вся и время тэ холявэл, тоди во авэла май бахтало и аврэнди авэла май вушэро лэса тэ ладин. w21.06 21, абз. 7

О Иисусо полэл, со тумэндэ по ди. Кала амэнди фартэ ԥарэс, сар дэ драго, кала паша амэндэ исин друӷо, саво амэн полэл, ай инке фэдэр если лэстэ сас кацавэ жэ трудности, сар амэндэ. О Иисусо — кацаво друӷо. Во полэл, со када, кала нинай зор и кала трэбуй помощь. О Иисусо драго амэн ӷанэн и полэл амарэ слабости. Если амэнди трэбуй помощь, во позаботияпэ, кай амэнди тэ поможын тоди, «кала када трэбуй» (Евр. 4:15, 16). О Иисусо приля и помощь лэ анӷелостар андо Гефсиманско садо. Сости амэ сытювас? Сар и о Иисусо, давайте тэ прилас помощь лэ Иеговастар (Луки 22:39—44). Во можэт тэ стерэл када через и публикацыя, видео, речь, барэдэр ԥрал или лашо друӷо. О Иегова дэла амэнди «спокойство андо ди». Сар о Иегова придэл амэнди зор? Кала амэ мангаспэ, во дэл амэнди «спокойство андо ди, саво май баро чем всаворэ гиндоря» (Флп. 4:6, 7). w22.01 18, 19, абз. 17—19

Амэнди дажэ по гиндо на авэл, кай о Иегова андэ варисостэ можэт тэ авэл нэсправедливо. Но тэ доверяем лэ ԥралэнди, савэн во назначил, най всегда вушэро. Амэ можэм тэ гиндосарас пала ԥрала, савэндэ исин власть андэ собрания: «Вонэ терэн кадя, сар ԥэнэн о Иегова или па пэстирятэ?» Вижал, амэ нэ можэм тэ ԥэнас, кай доверяем лэ Иеговасти, если нэ доверяем лэ ԥралэнди, савэн во стодя тэ диқэн пала лэстири арӷанизацыя и савэнди во доверяет. Адес о Иегова руководий андэ пэстири арӷанизацыя пэ ԥув через «о кандино и годявэрно рабо» (Матф. 24:45). Сар и о руководящё совето андо пэрво вико, кадэва «рабо» диқэл пала вся лэ Дэвлэско народо и дэл и указании лэ барэдэрэ ԥралэнди. Ай вонэ поможын лэ ԥралэнди и лэ ԥэянди андэ собрании тэ прилэн о руковоцтво. Амэ сыкавас, кай доверяем лэ Иеговасти, если терас кадя, сар ԥэнэн амэнди и арӷанизацыя и барэдэр ԥрала. w22.02 4, абз. 7, 8

Тэ авас лэ Иеговастирэ служытеля, када бари бах! Амэ фартэ лошавас, если амэндэ вижал тэ дас помощь лэ манушэсти, саво цырдэлпэ «каринг о чачимос, саво дэл вечно жызня», тэ ашэл лэ Дэвлэско служытелё (Деян. 13:48). Амэндэ по ди кода жэ, со кай о Иисусо. Во фартэ лошавэлас, кала лэстирэ ученикоря росԥэнэнас, со лэндэ сас интересно андэ служэния (Луки 10:1, 17, 21). О апостало Павло ԥэндя лэ Тимофеёсти: «Вся и время дик пала пэстэ и пала кода, сар ту сытярэс. ...Кала кадя терэса, фэриса и пэс, и кодэлэн, ко тут ашунэн» (1 Тим. 4:16). Вижал, кала амэ росԥэнас важ о Царство, када спасый лэ манушэндири жызня. Амэнди вся и время трэбуй тэ диқас пала пэстэ, важ кода кай амэ лэ Иеговастирэ служытеля. Кажнона пэстиря диласа амэ камас тэ слависарас лэс и тэ сыкавас, кай жувас кадя, сар росԥэнас лэ манушэнди анда Библия (Флп. 1:27). Ай важ кода, кай тэ диқас, сости амэ сытярас, амэ драго ӷотовимся каринг и служэния и мангас лэ Иеговас тэ подритярэл амэн. w21.10 24, абз. 1, 2

И «нэви личность», можно тэ ԥэнас, суди лэ Дэвлэстирэ свынтонэ духоса. Амэ утидаспэ андэр латэ, кала гиндосарас и терас кадя, сар о Иегова. Па кода, сар о мануш гиндой, дэл дума и андярэл пэс, дицол, кай пэр лэстэ влияет лэ Дэвлэско свынто духо. Например, кай кацаво мануш исин любовь каринг о Иегова и каринг лэско народо (Матф. 22:36—39). Во на хасарэл и радость, дажэ кала исин ԥаримос (Иак. 1:2—4). Во мирно и ладий аврэнца (Матф. 5:9). Лэстэ исин терпения и доброта (Кол. 3:12, 13). Инке лэсти чалёл тэ терэл лашымос (Луки 6:35). Вся, со во терэл, сыкавэл пэскати дэ састи лэстири вера (Иак. 2:18). Во андярэл пэс ковлэс, кала авэр старыинпэ тэ виандярэн лэс андар пэстэ. И лэстэ хутилэл самообладания, кай тэ на подэлпэ лэ найлашэ гиндонэнди (1 Кор. 9:25, 27; Титу 3:2). Да, кай тэ утидаспэ андэ «нэви личность», амэндэ трэбуй тэ авэн всаворэ качестворя, савэ ужан андэ лэ свынтонэ духоско плодо, и пала савэ пистромэ андэ Галатам 5:22, 23 и андэ авэр библейски стихоря. w22.03 8, 9, абз. 3, 4

Сар и барэдэр ԥрала моӷут тэ лэн примеро лэ Павлостар? Вонэ служын най кати па цэра, но и проповедуют андэ любо маменто (Эф. 6:14, 15). И барэдэр ԥрала, сар и о апостало Павло, используют время андэ служэния, кай тэ сытярэн аврэн, ай кадяжэ лэ помошниконэн андэ собрания (1 Пет. 5:1, 2). И барэдэр ԥрала нащи тэ домэкэн, кай через и обязаности андэ собрания лэндэ тэ на ашэлпэ время пэ служэния (Матф. 28:19, 20). Вижал, дэкала лэнди трэбуй тэ отԥэндён варисостар. Роздиқам ек примеро. Лэ барэдэрэ ԥралэсти камэн тэ дэн инке ек варисави дила. Во мангэлпэ и полэл, кай тоди лэстэ на ашэлапэ время важ авэр важно дила. Например, тэ проандярэл и семейно поклонения, тэ ԥирэл андэ служэния или тэ сытярэл лэ бэятонэн. Ԥрала, на́ бистрэн: о Иегова цэний, кай тумэ стон кажно дила пэ пэско ҭан. w22.03 27, абз. 4, 7; 28, абз. 8

Ай ту сэрэс кодэя время, кала ту изучал и Библия? Можэт тутэ сас дар, кай кала ту ашэса лэ Иеговаско свидетелё, тути прижалапэ тэ жас тэ росԥэнэс пала Дэл лэ мирости. Ай можэт ту пэрэжывал кодэлэстар, кай о родо отԥэндёла тутар и лэнди на чалёла, со ту терэс. Если тутэ сас кадя, тоди ту можэш тэ полэс, со можэт тэ авэл по ди кай о мануш, саво изучает и Библия. О Иисусо ԥэнэнас, кай дэсавэ ученикоря лэна тэ даран, но во всаек ԥэндя, кай вонэ тэ на домэкэн, кай через и дар тэ парашэн тэ служын лэ Иеговасти (Матф. 10:16, 17, 27). По набут поможысар, кай о мануш, саво изучает и Библия, тэ росԥэнэн аврэнди пала Дэл. Кала о Иисусо пэрво разо бишалдя пэстирэ учениконэн тэ жан тэ росԥэнэн пала Дэл, вонэ пэрэжывали. Но о Иисусо росԥэндя лэнди со тэ ԥэнэн и каринг тэ жан. Важ када лэнди ашэля май вушэро (Матф. 10:5—7). Сар ту можэш тэ сытёс кай о Иисусо? Ту можэш тэ пушэс лэ манушэстар, савэса изучаеш, касти во камлоп тэ росԥэнэн пала Дэл. Тоди сыкав, сар ту росԥэндоп варисаво гиндо анда Библия простонэ алавэнца. w21.06 6, абз. 15, 16

И мануша андо Непало андо 2015 бэрш пэрэжудэ землетрясения. Вонэ росԥэнэн, кай важ дэсавэ минуты и маӷазиноря, и цэра, и здании роспэлинэпэ, и и мануша нашэнас, даранас и цыпинас. Кадя сас дэсавэ минуты, ай лэ манушэнди здяпэ, кай када сас вечно. Ай адес амэ диқас авэр землетрясения. Када захутилэл вся и ԥув. Акэ со пала када ԥэндясас о пророко Аггеё: «Важ кода кай кадя ԥэнэн о Иегова, Хулай пэ войскоря: „Йто мэ инке еқвар тиносарава о нэбо и ԥув, и моря и суша“» (Агг. 2:6). О Аггеё ԥэндясас пала кода, кай тинояпэ и ԥув, и када на шолпэ пэ кода, кала терэлпэ бида андэ природа, и сави кати вся розмарэл. О Иегова екжэно ԥэндя, кай када анэна лашымос. Во ԥэндя: «Мэ тиносарава всаворэ народоря, и сомнака анда всаворэ народоря авэна андэ кадэва цэр». w21.09 14, абз. 1—3

Если ту камэс тэ подружыспэ варисавэ манушэса, ту лэса лэсти тэ росԥэнэс, со тутэ по ди, лэса май часто лэса тэ дэс дума. Кадяжэ и лэ Иеговаса. Кала ту лэсти росԥэнэс вся, со тутэ по ди, тирэ гиндоря, пала со пэрэжываеш, кадя ту сыкавэс, кай патяс, кай во тут любий и камэл тэ поможый (Пс. 94:17—19; 1 Иоан. 5:14, 15). Дружысар лэ ԥралэнца и лэ ԥэянца, савэ на ашавэн тут. Вонэ сар подарко лэ Иеговастар (Иак. 1:17). Патя, кай ту куч важ о Иегова, важ кода кай во подарисардя тути кацаво ери, андэ саво и ԥрала и ԥэя анда собрания фартэ тут любин (Прит. 17:17). Андэ пэско письмо андэ Колоссянам о Павло пала дэсавэ христианоря пистросардя, кай вонэ поможынас и подритярэнас лэс (Кол. 4:10, 11). Дажэ лэ Иисусости трэбуй сас, кай лэс тэ подритярэн и друӷоря. Када сас и мануша и анӷелоря. И во фартэ лэн цэнияс (Луки 22:43). Если ту кадя терэс и росԥэнэс пэстирэ друӷости, кай тути найдраго по ди, када на сыкавэл, кай ту лян тэ на допатяс лэ Иеговасти. Наоборот, када можэт тэ фэрий тут. w21.04 24, абз. 14; 25, абз. 15, 16

Со тэ терэс, кала тут фартэ холярдя ԥрал или ԥэй анда собрания и кадэлэстар тути най спокойно по ди? Трэбуй тэ пристос бут зор, кай тэ поладис. Росԥэн лэ Иеговасти вся, со тутэ по ди. Мангпэ пала кодэва, ко тут холярдя. Манг лэ Иеговас тэ поможый тути тэ додиқэс андэ кодэва ԥрал или ԥэй варисо лашо, пала со лэн о Иегова любий (Луки 6:28). Если ту всаек на парашэлян тэ холявэс пэ кодэва мануш, тоди тути трэбуй тэ подэс дума лэса. Подтидэ алава, савэ ту ԥэнэса. Погиндосар, кай о ԥрал или и ԥэй можэт най нарошно тут холярдэ (Матф. 5:23, 24). Патя лэнди, кай вонэ ԥэнэн чачимос. Ай со если во или вой на камэл туса тэ поладий? На параш тэ терэс вся, кай тэ авэл мирно (Кол. 3:13). И само важно, на домэк кай ту тэ лэс тэ вэрыцыс лэ манушэс, саво тут холярдя. Через када ту можэш тэ хасарэс и дружба лэ Иеговаса. Если ту прилэса кадэла советоря каринг пэстэ, тоди ту сыкавэса, кай и дружба лэ Иеговаса тути май куч всаворэстар (Пс. 119:165). w21.06 23, 24, абз. 15