Июлё

Кала варикас исключин анда собрания, када сыкавэл, кай када лэ Иеговастири ришэния. Када сыкавэл, кай о Иегова любий, и када анэн лашымос всаворэнди андэ собрания, и дажэ кодэлэсти, ко стердя бэзэх. Дэкала варико лэл тэ ԥэнэн, кай и ԥрала анда правово камитето прилинэ нэправильно ришэния. Но трэбуй тэ сэрас, кай амэ най вся ӷанас, сар вся сас. Ай кодэла, ко нэ соӷласни, кай исключисардэ лэ манушэс, вонэ моӷут тэ угаравэн, кай кодэва мануш стердя варисо най кадя, кай тэ на вистон лэс найлащя ригатар. Амаря ригатар авэла годявэрнэс тэ патяс, кай и барэдэр ԥрала драго розлинэпэ андэ кадэя дила и терэн вся па лэ Иеговастирэ принцыпоря, и сар во камэл (2 Лет. 19:6). Если тумэ подритярэн, кай и барэдэр ԥрала прилинэ ришэния тэ исключин варикас анда ери, кадя тумэ поможына, кай о мануш май ӥто тэ рийпэ каринг о Иегова. И ԥэй Элизабет ԥэндя, кай тэ парашэн тэ дэн дума пэстирэ взрослонэ шавэса сас фартэ ԥарэс! Но посли кода, сар о шаво рисайля каринг о Иегова, во ԥэндя, кай затердя, кай о Иегова лэс тэ просытярэл. И во дажэ ԥэндя, кай када бут сости лэс сытярдя. w21.09 28, 29 абз. 11, 12

Погиндосар пала кадэя манушни. Вой камлоп тэ дэл май бут, но вой отдя вся, со латэ сас. О Иисусо ӷанэнас, кай кода со стердя кадэя ԥивли, фартэ куч важ о Иегова. Када сыкавэл ек лашо гиндо, кай о Иегова лошавэл, кала амэ отдас важ лэстэ вся со май лашо, со амэндэ исин (Матф. 22:37; Кол. 3:23). Када кала служысарас лэсти анда вся оди, отдас вся пэстири время и зор пэ служэния и на промэкас и собрании. Сар амэнди можэт тэ поможый кода, со амэ уӷанглям пала ԥивли? Погиндосарам пала ԥрал или ԥэй, савэнди трэбуй помощь. Можэт андэ собрания исин ԥэй андэ бэршэндэ, сави ужэ нэ можэт май бут тэ служый лэ Дэвлэсти и кадэлэстар лати ԥарэс по ди. Вой можэт тэ гиндой, кай на трэбуй андэ собрания. w21.04 6, абз. 17, 19; 7, абз. 20

О Иегова точно ӷанэн, кала фэдэр авэла тэ улэл кадэя найлащи люма. Ай пока во аштярэл, кай май бут мануша тэ уӷанэн лэс и тэ ашэн лэстирэ служытеля. Кажно андар мэндэ фартэ блаӷодарно лэ Иеговасти важ кода, кай во ӷанэн тэ пэрэандярэл о ԥаримос и бут время аштярэл. Блаӷодаря кодэлэсти кай во аштярэл, пэ люма авелэ бут бэяцэ, савэ вибарелэ и закамлэ тэ ашэн лэстирэ служытеля. Кала фартэ бут мануша пэрэжувэна о Армагеддоно, тоди дицола, кай о Иегова аштярэлас най евья. Хоть о Сатана андя андэ люма бут бида и ԥаримос, о Иегова на парашэл тэ авэл бахтало Дэл (1 Тим. 1:11). Амэ тожэ можэм тэ авас бахталэ и тэ на парашас тэ аштярас, кала о Иегова стерэла пэско алав тэ авэл свынто, доԥэнэна, кай лэстири правления со май лащи и улэла вся о ԥаримос и о найлашымос андэ кадэя люма. Амэндэ исин бут, пала со тэ авас блаӷодарни лэ Иеговасти, важ кода кай во на парашэл тэ пэрэандярэл о ԥаримос! И амэ трэбуй тожэ тэ на парашас тэ пэрэандярас о ԥаримос! w21.07 13, абз. 18, 19

Бут мануша андо пэрво вико на патяе андо Иисусо. Важ лэндэ во сас шаво простонэ манушэско. Лэско дад сас плотнико. Инке о Иисусо сас анда най ашунгло форо Назарето. О Нафанаило, саво инке на сас лэ Иисусостирэ ученикоса, ԥэндя: «Хэба можэт тэ авэл анда Назарето варисо лашо?» (Иоан. 1:46). Можэт во камля тэ шол сама по пророчество анда книӷа Михея 5:2, кай пистромэ, кай о Христос трэбуй сас тэ арақадёл андо Вифлеемо, ай най андо Назарето. Бут пророчества сыкавэнас, катар авэла о Христос, и вонэ стердэпэ, кала во авеля пэ ԥув. Но о пророко Исаия ԥэндясас, кай и вороӷоря всаек на лэна тэ шон сама пэ кадэла пророчества и на прилэна лэ Христос (Ис. 53:8). Если и мануша андэ кодэя время май драго тэ розуӷанглоп, со ԥэнэнаспэ андэ пророчества пала Иисусо, тоди вонэ полиноп, кай о Михеё ужэ ԥэндясас пала кода, кай во арақадёла андо Вифлеемо и авэла лэ Давидоско потомко, саво сас царё (Луки 2:4—7). Вонэ на шонас сама, со ужэ сас ԥэндо варикала пала Иисусо, ай полэнас вся па пэстирятэ. И через када вонэ нэ смоӷли тэ патян андо Иисусо, кай лэс бишалдя о Дэл. w21.05 3, абз. 4—6

Андэ Библия росԥэнэнпэ пала мануша, савэ правильно андярдэ пэс, кала лэнди динэ совето. О Дэл цэнияс лэн пала када. Подам дума пала Иово. Хоть во фартэ любияс лэ Иеговас и старыияспэ тэ андярэл пэс правильно, во сас нэсовершэно и терэлас ошыбки. Кала лэстэ андэ жызня тердяпэ бари бида, лэсти кадя ашэля ԥарэс по ди, кай во ля нэсправедливо тэ дошалярэл лэ Дэвлэс. Лэстэ сас нэправильно гиндо, и важ када о Елиуё и о Иегова ворта динэ лэсти совето. Сар андярдя пэс о Иово? Во смирено приля о совето и прижангля, кай сас нэправо. Во ԥэндя: «Мэ давас дума пала кода, со на полавас. [...] Важ када мэ отԥэндював пэстирэ алавэндар и каисавав андо прахо и пепло» (Иов 42:3—6, 12—17). Кода, кай о Иово сас смирено, дицэля инке тоди, кала во приашунделя каринг о Елиуё, саво сас цэкнэдэр лэстар (Иов 32:6, 7). Кадяжэ и амэ трэбуй смирено тэ прилас о совето, дажэ кала лэс дэл кодэва, ко май цыкнэдэр амэндар, или кала здэлпэ, кай о совето на поджал. И чаче, амэнди всаворэнди трэбуй тэ старысавас тэ ашас май лашэ учителёря, и тэ терас вся, кай тэ авас инке май пашэ каринг о Иегова. w22.02 11, абз. 8; 12, абз. 12

Кажно андар мэндэ трэбуй тэ шол сама, кай ни еқэ ԥралэстэ или ԥьятэ андэ собрания тэ на авэл кацаво гиндо, кай вонэ екжэнэ и никасти на трэбуй. Трэбуй тэ терас вся, кай андэ собрания всаворэ тэ цэнин ек еқэс и тэ ладин. Ту можэш тэ ԥэнэс лэнди лашо алав или тэ стерэс варисави дила важ лэндэ. Кадя ту придэса лэнди зор! Ай сар ту можэш тэ поможыс лэ ԥралэсти или ла ԥьяти, если лэндэ нико анда ери на служый лэ Иеговасти, кай вонэ тэ полэн, кай вонэ куч андэ собрания? Пэрво подружысав лэ ԥралэнца и лэ ԥэянца. Если андэ собрания исин мануша, савэ кати болделэ или савэ кати изучают и Библия или савэ анда авэр собрания пэрэжылэ андэ тумари, тоди сыкав, кай ту лэнди лошало (Рим. 15:7). Но на хутила, кати просто тэ ԥэнэн лэнди: «Доров! Сар и дила?» Важ кода кай амэ камас тэ подружысавас лэнца. Трэбуй анда вся оди тэ шос сама лэ манушэс. Но на трэбуй тэ роспушэс лэстар кода, со на трэбуй. Старысав тэ полэс, со лэстэ по ди, саво ԥаримос лэстэ исин. Но на бистэр, кай варикасти ԥарэс тэ росԥэнэн, со лэстэ по ди. Важ када трэбуй тэ авэс ковло, кала дэс дума лэ манушэса. На грабисав варисо тэ ԥэнэс, ай фэдэр драго виашун лэс. Например, можно тэ пушэс лэстар, сар во уӷангля лэ Иеговас. w21.06 11, 12, абз. 13, 14

Амэ фартэ блаӷодарни лэ Иеговасти, кай можэм тэ служысарас лэ ԥралэнца и лэ ԥэянца андэ собрания, сар ек ери, пала саво диқэл о Иисусо. Андэ книжка «Организованы, чтобы исполнять волю Иеговы» пэ страница 165 ԥэнэнпэ: «О Иегова спушэла амэндар, если амэ на ласа тэ терас вся кай андэ собрания тэ авэл мирно». Важ када амэ трэбуй тэ старысавас тэ диқас пэ ԥрала и пэ ԥэя, кадя сар диқэл пэр лэндэ о Иегова. Важ лэстэ амэ всаворэ, сар цынёне бэяцэ, савэн во фартэ любий. Ай тути куч и ԥрала и ԥэя анда собрания? О Иегова диқэл и фартэ цэний вся, со ту важ лэндэ терэс (Матф. 10:42). Амэ любисарас лэ ԥралэн и лэ ԥэян и важ када стераса вся, кай тэ на холярас лэн. Амэ на гиндосарас, кай май лашэ лэндар и простисарас лэн анда вся оди. Амэ на трэбуй тэ домэкас, кай через и холи тэ хасарас и дружба лэ Иеговаса. Пристам вся пэско зор кай андэ собрания «тэ авэл мирно и тэ подритярас ек еқэс»! (Рим. 14:19). w21.06 24, абз. 16, 17

Если амэ приашундювас каринг и советоря, савэ дэл амэнди о Иегова через и Библия, каринг лэстири арӷанизацыя, и прилас кадэла советоря каринг пэстэ, тоди амэ лас май фартэ тэ шаспэ по Иисусо. Кадяжэ амэ по набут май драго уӷанас лэ Иеговас. О Иисусо ԥэндя, кай о чачимос пала лэ Дэвлэско Царство, сар зэрно по набут барёл андо ди кай о лашо мануш. Акэ лэстирэ алава: «О зэрно виӷульдя и барёл, но во [кодэва, ко сеий] на ӷанэн сар. И ԥув екжэни по набут анэн плодо, спэрва о росточко, потом о колосо, ай тоди спило зэрно андо колосо» (Мар. 4:27, 28). О Иисусо камля тэ ԥэнэн, кай кадяжэ, сар по набут барёл и растения, кадя и лэ манушэстэ, саво изучает и Библия, по набут ашэл и дружба лэ Иеговаса май лащи. И со май лащи дружба лэ Иеговаса лэстэ авэла, со май фартэ дицола, кай во парудёл андэ лащи риг (Эф. 4:22—24). Но важно тэ сэрас, кай кадэва «зэрно» андо ди кай о изучающё барярэл о Иегова. w21.08 8, 9, абз. 4, 5

Андо адесутно стихо ԥэнэнпэ пала кода, состар о мануш авэла бахтало. О мануш, саво лошавэл кодэлэсти, со диқэн и яқа, во довольно кодэлэса, со лэстэ исин. И наоборот, о мануш, саво вся и время камэл, со лэстэ нэ можэт тэ авэл, гиндой кай во най бахтало. Вижал, кай тэ авэс довольно и радосно пэстиря жызняти, тути трэбуй тэ цэнис вся, со тутэ исин, ай кадяжэ тэ домардёс кода, со па тиро зор. Кажнонэ манушэсти камэлпэ варисо нэво андэ жызня. Но сар тоди о мануш тэ цэний кода, со исин андэ лэстири жызня и дажэ тэ лошавэл кадэлэсти? Со поможыя андэ када? Пала када дэлпэ дума андэ лэ Иисусостири притча пала таланторя (Матф. 25:14—30). Погиндосар, сар кадэя притча сытярэл тэ авас инке май бахталэ кодэлэстар, со амэндэ ужэ исин. w21.08 21, абз. 5, 6

О Иегова фартэ заботийпэ пала кодэла, касти ԥарэс по ди через и гиндоря, кай нисо на ашэл. Но най кати и барэдэрэ ԥрала трэбуй тэ поможын кацавэ манушэнди. Када можэт тэ терэл кажно андар мэндэ. Амэ можэм анда вся оди тэ шас сама лэн. Важ о Иегова куч кажно мануш андэ собрания. И во камэл, кай и амэ тэ цэнисарас ек еқэс (Кол. 3:12). Сар инке амэ можэм тэ поможысарас лэ ԥралэнди и лэ ԥэянди, савэ вэрыто гиндон пала пэстэ? Всаворэ амэ ӷанас варисо драго тэ терас. Но трэбуй тэ авас сэжи и тэ на вистас пэс кадя, кай потом и ԥрала и ԥэя тэ лэн тэ завидуин амэнди или тэ гиндон, кай нисо на ашэн. Амэ, наоборот, камас тэ подритярас ек еқэс (1 Пет. 4:10, 11). Лашо примеро важ амэндэ о Иисусо. Во сас ашунгло учителё и всаек во на заваздэлас о шэро и на сас ӷордо (Матф. 11:28—30). Во сытярэлас лэ манушэн и дэлас дума просто, росԥэнэнас кацавэ примероря, кай када полэнас дажэ и прости мануша (Луки 10:21). w21.07 23, абз. 11, 12

Екжэнэ варисо роспушэн ԥралэндар и ԥэяндар, савэ андэ бэршэндэ. Да, амэ полас, кай, можэт, лэндирэ яқа ужэ най кадя драго диқэн, ԥирэн вонэ ужэ най кадя ӥто, и о ӷолосо ужэ най кацаво ӷромко, но андо ди вонэ всаек кабута тэрнорэ, и лэн о Иегова фартэ любий (Эккл. 7:1). На бистрэн, васо о Иегова лэн цэний, и на парашэн тэ стон патив пэ кадэла ԥрала и ԥэя. Сытён кай о Елисеё. Во на камэлас тэ ашавэл лэ Ильяс андо послиднё дес андэ лэндири служэния. Во тривар ԥэндя: «Мэ на ашавава тут» (2 Цар. 2:2, 4, 6). Анда вся оди и пативаса уӷанэн кай и ԥрала и ԥэя, савэ андэ бэршэндэ, пала лэндири жызня (Прит. 1:5; 20:5; 1 Тим. 5:1, 2). Тумэ можэте тэ пушэн лэндар, сар вонэ полинэ, кай виарақлэ о чачимос пала Дэл? Со сас лэндэ андэ жызня, через со лэндири дружба лэ Иеговаса ашэля май лащи? Со лэнди поможыяс всаворэ кадэлэ бэрша тэ на парашэн тэ радуинпэ андэ служэния? (1 Тим. 6:6—8). И кала вонэ тумэнди лэна када тэ росԥэнэн, драго ашунэн лэн. w21.09 5, абз. 14; 7, абз. 15

Если ту анда вся оди ԥирэс андэ служэния и проандярэс изучения Библии лэ манушэнца, кадэлэса ту сыкавэс, кай любис лэ Дэвлэс (1 Иоан. 5:3). Сгиндосар, васо ту лян тэ росԥэнэс важ о Дэл па цэра? Вушэро тути сас тэ росԥэнэс пала лэстэ? Можэт и най. Но ту всаек терэсас када, важ кода кай полюбисардян лэ Иеговас. Ай сэрэс со тутэ сас по ди, кала тути трэбуй сас пэрво разо андэ служэния тэ задэс дума лэ манушэнца? Можэт ту фартэ пэрэжывал, но ту полэсас, кай кадэя дила тути дя тэ терэс о Иисусо, и ту канглян лэс. Ай потом прожыля время и ту ужэ на дарасас тэ ԥирэс андэ служэния. Ай со тутэ по ди, кала гиндос, кай тути авэла трэбуй варикаса тэ проандярэс изучения Библии? Если ту пэрэжываеш пала када, тоди манг лэ Иеговас тэ дэл тути зор и смилость, кай тэ залэс тэ проандярэс лэ манушэса изучения Библии. И тоди о Иегова поможыя тути андэ када. w21.07 3, абз. 7

Андэ дэлмутни время по рабо стонас знако, касти во прижал. Кадяжэ и андэ амарэ деса па всаворэ мануша трэбуй авэла тэ дицол, кас вонэ подритярэн, можно тэ ԥэнэс, пэр лэндэ авэла, сар знако. Знако по чикат, када кала вонэ андэ гиндоря подритярэн и политика, ай знако по право вас, када кала пэстиря диласа подритярэн ла. Ай тумэ домэкэна, кай пэр тумэндэ тэ стон кадэва знако, саво сыкавэл, кай тумэ подритярэн лэ манушэн андэ правительстворя? Ай если тумэ на лэна кадя тэ терэн, тоди трэбуй тэ полэн, кай тумэндэ можэт авэла бут ԥаримос или кадэлэстар можэт тэ авэл варисави бида. Андэ Библия ԥэнэнпэ, кай пэ кодэла, пэр кастэ нинай знако, нэ смоӷут «ни тэ тинэн, ни тэ битинэн» (Отк. 13:17). Но о Дэл ужэ виандярдя о приӷоворо кодэлэ манушэнди, савэ жан против лэстэ (Отк. 14:9, 10). Важ када амэ, сар лэ Иеговастирэ служытеля, витидас авэр знако. Можно тэ ԥэнэс, кай амэ пэстирэ вастэса пистросарас пэр пэстэ, кай амэ кати лэ Иеговастирэ (Ис. 44:5). И акана кажнонэсти андар мэндэ фартэ важно тэ пушэл пэстар: «Всаворэ́ одеса мэ кандав лэ Иеговас?» Тоди о Иегова лошало авэла тэ прижанэн, кай амэ лэстирэ! w21.09 18, абз. 15, 16

Кай тэ вижал драго тэ росԥэнэн пала Дэл, мангэн помощь кай и ԥрала и ԥэя андэ собрания. О Павло росԥэнэнас лэ Тимофеёсти, сар во май драго тэ росԥэнэн пала Иегова и сар через када тэ поможый лэ манушэнди тэ полэн о чачимос анда Библия. Кадяжэ во ԥэнэнас, кай о Тимофеё тэ поможый андэ када аврэ ԥралэнди и ԥэянди (1 Кор. 4:17). И амэ можэм тэ сытювас май драго тэ служысарас лэ ԥралэндар и лэ ԥэяндар, савэ ужэ най ек бэрш служын лэ Иеговасти. Кадяжэ кала жан андэ служэния, мангэн помощь лэ Иеговастар. Мангэн лэстар свынто духо, важ кода кай би лэстирэ свынтонэ духоско амэндэ нисо на вижала андэ служэния (Пс. 127:1; Луки 11:13). Тумарэ молитвы трэбуй тэ авэн конкретни. Мангэнпэ, кай тумэ тэ росԥэнэн пала Иегова кодэлэ манушэсти, саво камэл тэ уӷанэн пала лэстэ и саво виашунэна тумэн. Инке витидэн время, кай тэ проандярэн лично изучения. Андэ Библия ԥэнэнпэ, кай трэбуй «драго тэ полэн лэ Дэвлэстири воля, сави чалёл, лащи и совершэно» (Рим. 12:2). Со май фартэ амэ патяса, кай виарақлям о чачимос анда Библия, со май смило амэ ласа тэ дас дума лэ манушэнца андэ служэния. w21.05 17, 18, абз. 14—16

Например, тумэ изучаете лэ манушэса и Библия, драго ӷотовитесь каринг и изучения и мангэнпэ пала лэстэ. Но во на прилэл андэ пэстири жызня кода, со уӷанэн, и тумэнди трэбуй тэ ашавэн кадэя изучения. Или анда кодэла, каса тумэ изучали, кадя нико и на болделя. Дошалэ андэ када тумэ? Ай ԥэнэн када, кай лэ Иеговасти на чалёл, сар тумэ росԥэнэн пала лэстэ? Сар жэ тоди о Иегова диқэл пэ амари служэния? О Иегова шол сама, кала амэ стас бут зор андэ служэния и виритярас о ԥаримос. Во цэний, кала амэ анда вся оди на парашас тэ росԥэнас пала лэстэ, дажэ если амэн на ашунэн. О апостало Павло пистросардя: «О Дэл най нэправедно, кай тэ бистрэл тумари дила и любовь, сави тумэ сыкадэ каринг лэско алав кодэлэса, кай поможынас и на парашэнас тэ поможын лэ свынтонэнди» (Евр. 6:10). О Иегова сэрэл амари любовь и амари дила, дажэ если нико анда мануша, савэнди амэ росԥэнасас пала Дэл, на болделя. Кадэла алава поджан и каринг амэндэ, нэ важно, вижыля амэндэ андэ служэния вся кадя, сар амэ камасас чи най. w21.10 25, абз. 4—6

О Иисусо сас фартэ добро пэстирэ учениконэнца и любияс лэн. Во полэлас, кай кажно андар лэндэ сас разно. И кай вонэ нэ моӷут тэ терэн вся одинаково. Во ӷанэнас, кай вонэ всаворэ служын лэ Иеговасти анда вся оди и цэнияс лэн пала када. Кода, сар во полэлас пэстирэ учениконэн, драго дицол андэ притча, сави во ԥэндя. Андэр латэ ԥэнэнпэ, кай о ӷосподино дя кажнонэ рабости тэ терэл дила па лэско зор. И дуй раборя драго терэнас пэстири дила. Но ек андар лэндэ важ пэско ӷосподино затердя май бут ловэ, но всаек лэдон рабонэн во похвалисардя одинаково и лэдонди ԥэндя кадэла алава: «Лашо и кандино рабо, ту стердян вся правильно!» (Матф. 25:14—23). Кадяжэ лэ Иисусостири любовь и доброта дицол андэ кода, сар во каринг амэндэ пэс андярэл. Во полэл, кай амэ всаворэ ӷанас варисо драго тэ терас и кай амэндэ всаворэндэ разно жызня. И во лошавэл кодэлэсти, кай амэ терас вся, со па амаро зор. Амэнди кадяжэ трэбуй тэ андярас пэс и аврэнца. w21.07 23, абз. 12—14

Дэкала о Давидо на жалуияс аврэн. Например, кала о ӷрубо Навало найдраго дя дума лэса и на дя лэсти и лэстирэ манушэнди хамос, о Давидо фартэ росхоляйля и закамля тэ умарэл лэ Навалос и всаворэ муршэн андэ лэско цэр. Но драго, кай и Авигея, лэ Навалостири хулаи, на дя, кай о Давидо варикас тэ умарэл (1 Сам. 25:9—22, 32—35). Шам сама, кала о Давидо росхоляйля, во закамля, кай о Навало и лэстирэ мануша тэ мэрэн. Потом инке во ԥэндя, кай о мануш, саво чордя лэ бакрорэс, тожэ трэбуй тэ мэрэл. Васо кадэва мануш, саво вся и время сас добро, акана кадя строӷо сындой аврэн? Важно тэ полас, со сас май данглал. Андэ кодэя время и совесть кай о Давидо ужэ римосайля, и кода, кай во строӷо сындояс аврэн, сыкавэлас, кай во ля тэ хасарэл и дружба лэ Иеговаса. w21.10 12, абз. 17, 18; 13, абз. 20

Сар дицол анда адесутно стихо, о Иегова андэ вся свынто, и во мангэл амэн тэ сытювас тэ авас свынти, сар во. Вижал, кай амэ можэм и трэбуй тэ авас свынти андэ вся, со амэ терас. Но варико можэт тэ гиндой, кай када най па лэско зор, важ кода кай амэ всаворэ нэсовершэни. О апостало Пётро тожэ терэлас ошыбки, но всаек важ о Иегова во сас свынто. Ай када сыкавэл, кай и амэ можэм тэ авас свынти. Кала и мануша ашунэн алав «свынто», вонэ прецтавляют пэсти манушэс, савэстэ помэкло муй и саво ԥиравэл рашаицко ӥда. Но чаче када кадя? О Иегова свынто и андэ Библия пала лэстэ ԥэнэнпэ, кай во «бахтало Дэл» (1 Тим. 1:11). Кадяжэ андэр латэ пистромэ: «Бахтало о народо, каско Дэл о Иегова!» (Пс. 144:15). Ай инке о Иисус Христос сындояс кодэлэн, ко ԥиравэлас особо ӥда, кай англа всаворэ тэ сыкавэл пэстири праведность (Матф. 6:1; Мар. 12:38). Сар чачунэ христианоря, амэ полас, со када святость, но най кадя, сар гиндон и мануша, ай сар пистромэ андэ Библия. Амэ патяс, кай амаро свынто и любящё Дэл никала на манглоп амэндар кода, со най па амаро зор. w21.12 2, абз. 1, 3

О Иегова амэнди дя бут лашымос. И ек со май важно, со исин амэндэ, када возможность тэ служысарас лэсти. Амэ сыкаваса, кай любисарас лэ Иеговас, если ласа тэ ритярас лэско законо (1 Иоан. 5:3). И ек анда лэстирэ законоря, када кай тэ поможысарас лэ манушэнди, кай вонэ тэ болдён и тэ ашэн лэстирэ ученикоря. Пала кадя ԥэндясас о Иисусо (Матф. 28:19). Кадяжэ амэ трэбуй тэ любисарас ек еқэс (Иоан. 13:35). Если амэ ласа тэ кандас лэ Иеговас, тоди амэ аваса андэ лэско ери, андэ саво и мануша анда разни нацыи и народо (Пс. 15:1, 2). Инке амэнди трэбуй тэ любисарас лэ манушэн. Андэ Библия пистромэ, кай «о Дэл исин любовь» (1 Иоан. 4:8). Во полюбисардя амэн, кала амэ инке на ӷанасас лэс (1 Иоан. 4:9, 10). Амэ сытювас лэстар тэ любисарас аврэн (Эф. 5:1). И амэ сыкавас амари любовь пэ дила, кала поможысарас лэ манушэнди тэ уӷанэн пала Иегова пока инке исин время (Матф. 9:36—38). Тоди кай и мануша авэла возможность тэ авэн андэ лэ Иеговаско ери. w21.08 5, 6, абз. 13, 14

Лэ Иисусостири бари любовь каринг о Иегова побудисардя лэс тэ жал пэ жэртвы ради лэстэ и ради амэндэ (Иоан. 14:31). Кала о Иисусо сас пэ ԥув, во пэстиря жызняса сыкадя, сар дэ фартэ во любияс лэ манушэн. Во андярэлас пэс по доброму и жалуияс лэ манушэн, дажэ кала дэсавэ обжанаспэ лэса найдраго. Инке во сыкадя пэстири любовь каринг и мануша кодэлэса, кай росԥэнэнас лэнди пала лэ Дэвлэско Царство (Луки 4:43, 44). Кадяжэ о Иисусо доԥэндя, кай во предано любий пэстирэ небеснонэ Дадэс и лэ манушэн, кала сас ӷотово тэ жал пэ мучительно смэрть. Кадэлэса во амэнди ԥэрнадя о дром каринг и вечно жызня. Амэ отдям пэстири жызня лэ Иеговасти и болделям, важ кода кай любисарас лэс. И, сар о Иисусо, амэ сыкавас, кай любисарас лэ Иеговас кодэлэса, сар обжаспэ лэ манушэнца. О апостало Иоанно пистросардя: «Кодэва, ко на любисарэл пэстирэ ԥралэс, савэс диқэл, сар можэт тэ любисарэл лэ Дэвлэс, савэс на диқэл» (1 Иоан. 4:20). w22.03 10, абз. 8, 9

Амэнди фартэ чалёл тэ проандярас время лэ Иеговаса, но можэт тэ авэл ек трудность. Дэкала амэндэ кадя бут дила, кай най вся успеваем, и ужэ на ашэлпэ время важ лэ Дэвлэстири дила. Амэндэ всаворэндэ фартэ бут бути, исин обязаности андо ери и авэр важно дила — через када ԥарэс вся тэ стерас кадя, кай тэ ашэлпэ время важ о Дэл. И можэт тэ здэлпэ, кай амэндэ совсем нинай время тэ мангаспэ, тэ адиносарас и Библия и тэ розмышляем. Исин инке ек маменто, со можэт тэ одлэл амэндар и время. Бывает, варико лэл тэ терэл дила, сави, сар бы най вэрыто, но одлэл время, сави амэ моӷли бы тэ отдас лэ Иеговасти. Например, погиндосарам пала отдыхо и развличении. Канешно, амэ трэбуй тэ отцыювас, и амэ радосавас, кала терас варисо интересно. Но если амэ ласа тэ отдас пэ када фартэ бут время, тоди ла амэндэ можэт тэ на ашэлпэ важ лэ Дэвлэстири дила. Важ када о отдыхо на трэбуй тэ авэл важ амэндэ само важно (Прит. 25:27; 1 Тим. 4:8). w22.01 26, абз. 2, 3

И израильтяноря трэбуй сас тэ обжанпэ драго най кати лэ манушэнца анда лэнго народо. О Иегова аштярэлас, кай вонэ лэна тэ любин и лэ манушэн анда авэр народоря, савэ жувэнас машкар лэндэ. О Иегова ворта ԥэндясас пала када андэ Левит 19:33, 34. И израильтяноря трэбуй сас драго тэ обжанпэ лэ манушэнца анда авэр народоря и тэ любин лэн, сар корко пэс. Например, андо законо ԥэнэнаспэ, кай най кати и израильтяноря моӷли тэ стидэн о уражаё, саво ашэляпэ пэ мал (Лев. 19:9, 10). И христианоря жувэн па принцыпо, пэ саво основано кадэва законо, и любин най кати кодэлэн, ко анда лэндири нацыя (Луки 10:30—37). Адес фартэ бутэ манушэнди прижалпэ тэ пэрэладэн тэ жувэн андэ авэр страна, и, можэт, кацаво миро исин и котэ, кай тумэ жувэн. Амэ трэбуй тэ стас патив пэ всаворэ мануша: и пэ взросли, и пэ бэяцэ. w21.12 12, абз. 16

Если амэ ужэ акана диқас лэ Иеговаско вас андэ амари жызня, када поможыя амэнди инке май фартэ тэ надеисавас пэр лэстэ май англэ. Например, амэ трэбуй тэ патяс и андэ вся тэ надеисавас по Иегова, кай тэ одмангаспэ па бути и тэ авас по канӷрэсо, или кай о начальнико тэ парувэл амэнди о ӷрафико пэ бути, кай амэ тэ на промэкас ни ек собрания и май бут тэ служысарас. Но со, если о начальнико отԥэнэна, и амэнди прижалапэ тэ ужас па бути. Ласа амэ тоди тэ патяс, кай о Иегова на ашавэла амэн и позаботияпэ пала вся, со трэбуй амэнди важ и жызня? (Евр. 13:5). Пушэн кай и ԥрала и ԥэя, савэ служын полновремено, и вонэ росԥэнэна бут случаёря, сар о Иегова най еқвар поможыяс лэнди тоди, кала када трэбуй сас. О Иегова амэн никала на ашавэла! О Иегова амэнца, и амэнди най состар тэ дарас кодэлэстар, со авэла англэ. Амаро Дэл никала амэн на ашавэла, если во андэ амари жызня по пэрво ҭан. w22.01 7, абз. 16, 17

Кала можэт тэ авэл найвушэро тэ доверям лэ барэдэрэ ԥралэнди? Если исключисардэ лэ манушэс, саво амэнди куч. Дэко можэт фартэ тэ пэрэжывает: «Чаче и барэдэр ԥрала драго розуӷанглэ вся и ситуацыя? Прилинэ вонэ кацави ришэния, сави прилиноп о Иегова?» Со поможыя амэнди правильно тэ диқас пэ ришэния, сави прилинэ и барэдэр ԥрала? Важно тэ сэрас, кай тэ исключин анда собрания лэ манушэс, саво на каийпэ андэ пэско бэзэх, ԥэнэн о Иегова. Када анэн лашымос и ла собранияти, и кодэлэсти, ко стердя бэзэх. Если кацаво мануш ашэлапэ андэ собрания, во можэт тэ римой аврэ ԥралэн и ԥэян (Гал. 5:9). Кадяжэ лэстэ на дожала, саво дэ баро бэзэх во стердя. Ай значит, во на закамэла тэ парудёл и тэ рийпэ каринг о Иегова (Эккл. 8:11). Амэ можэм тэ авас уверени, кай и барэдэр ԥрала драго розлэнпэ, трэбуй тэ исключин лэ манушэс анда собрания чи най. w22.02 5, 6, абз. 13, 14

Терпения и доброта особено важни, кала о вазвещятелё спэрва на камэл тэ прилэл библейско совето. О барэдэр ԥрал на трэбуй тэ холявэл андэ кацави ситуацыя, хоть када можэт тэ авэл найвушэро. Кадя жэ, сар о Христос, кажно барэдэр ԥрал старыийпэ анда ди тэ жалуий лэ манушэн. И важ када во мангэл лэ Иеговас тэ поможый лэ ԥралэсти или ла ԥьяти тэ полэн, васо лэнди динэ совето и сар лэс тэ прилэн. На бистрэн, кай лэнди пэ када трэбуй время. Если кай о барэдэр ԥрал исин терпения, и во дэл дума по доброму, тоди о вазвещятелё лэла тэ гиндой пала совето, ай най пала кода, сар лэс ԥэндэ. И канешно, о совето трэбуй тэ дас кати па Библия. Трэбуй най просто тэ дэн лашо совето, но и кай лэ манушэсти тэ авэл приятно лэс тэ прилэл (Прит. 27:9). w22.02 18, абз. 17; 19, абз. 19

Дэкала амэ мангас лэс, кай во амэнди тэ дэл зор, кай амэ тэ виритярас о ԥаримос или тэ на подаспэ кодэлэсти, со камэл амари ӷрешно тила. Ай амэнди здэлпэ, кай о Иегова идоси на дэл атвето пэ молитва. Тоди амэ лас тэ гиндосарас, васо о Иегова на дэл атвето сразу пэ молитва? Кала амэ мангаспэ, амэ сыкавас, кай патяс андэр лэстэ (Евр. 11:6). Амэ мангас, кай о Иегова тэ поможый, кай амэ тэ уӷодисарас лэсти. Но во инке камэл тэ диқэл, кай амэ чаче пристас пэ када зор (1 Иоан. 3:22). Например, амэ можэм тэ мангас лэс, кай во тэ поможый амэнди тэ на терас кода, со камэл амари ӷрешно тила или тэ мэкас и найлашэ привычки. Тоди амэнди трэбуй тэ полас, кай амэндэ най сразу када вижала. Амэ трэбуй тэ пристас пэ када бут зор. Пала кода, кай о Иегова най сразу дэл атвето пэ всаворэ амарэ молитвы, ԥэндя о Иисусо: «Мангэн — и тумэнди дэна, родэн — и виарақэна, стучин — и тумэнди ԥэрнавэна, важ кода кай ко мангэл — лэсти дэн, ко родэл — виарақэл и ко стучий — лэсти ԥэрнавэна» (Матф. 7:7, 8). w21.08 8, абз. 1; 10, абз. 9, 10

Кай май фартэ тэ патяс, кай вся создал о Дэл, тути трэбуй тэ на парашэс тэ изучаеш и Библия (Иис. Н. 1:8). Трэбуй тэ шос сама, кай вся, со пистромэ андэ Библия, сжалпэ. Кадяжэ шув сама, кай андэр латэ запистромэ, сар стердэпэ и пророчества. Блаӷодаря кадэлэсти, ту май фартэ лэса тэ патяс, кай вся создал о любящё и мудро Дэл, и кай и Библия пистросардэ тала лэско свынто духо (2 Тим. 3:14; 2 Пет. 1:21). Кадяжэ кала май драго лэса тэ уӷанэс и Библия, шув сама пэ советоря, савэ поможын. Например, тысячи бэрша палпалэ андэр латэ ԥэнэнаспэ, кай нащи тэ любис и ловэ. И кала о мануш любий и ловэ, лэстэ кадэлэстар авэла «бут ԥаримос» (1 Тим. 6:9, 10; Прит. 28:20; Матф. 6:24). Най евья андэ Библия пистромэ, кай на трэбуй тэ любис и ловэ! Кадяжэ ту можэш тэ погиндос пала авэр советоря анда Библия, савэ поможысардэ тути андэ жызня. Кадэла советоря вся и время поможын и анэн амэнди кати о лашымос (Ис. 48:17, 18). Тоди ту инке май фартэ лэса тэ патяс андо амаро мудро и любящё Дэл (Иак. 1:5). w21.08 17, абз. 12, 13

Ԥрала и ԥэя, савэ андэ бэршэндэ и савэ куч амэнди, мангас тумэн, на парашэн тэ патян, кай о Иегова сэрэл вся, со тумэ важ лэстэ стердэ! Тумэ анда вся оди служынас лэ Иеговасти. Андэ тумари жызня сас бут ԥаримос, но тумэ лэс виритярдэ. Всаворэ кадэла бэрша тумэ жувэн па лэ Дэвлэско законо, и тумэ терэнас бари дила андэ собрания и сытярэнас аврэн. Тумэ вся и время подритярэнас лэ Иеговастири арӷанизацыя. Кадяжэ подритярэнас кодэлэн, ко служынас полновременно. Амаро Дэл о Иегова любий тумэн пала кода, кай тумэ на парашэн тэ кандэн лэс, и дэл алав, кай «во на ашавэла кодэлэн, ко на парашэн тэ кандэн лэс» (Пс. 37:28). О Иегова ԥэнэн тумэнди кацавэ алава: «Пока тирэ бал на ашэна сиди, мэ на парашава тэ ԥиравав тут пэ вас» (Ис. 46:4). Важ када на трэбуй тэ гиндос, кай кодэлэстар, кай тутэ ашэлэ ԥурэ бэрша, тут ужэ най кадя цэнин андэ лэ Дэвлэстири арӷанизацыя. w21.09 3, абз. 4

О Иегова фартэ мудро, и када побудий лэс тэ жалуий. Всаворэ лэ Иеговастирэ ришэнии анэн амэнди кати о лашымос. Андэ Библия ԥэнэнпэ: «Но и мудрость па нэбо... вся и время жалуий и терэл лашымос» (Иак. 3:17). Амаро небесно Дад о Иегова ӷанэн, кай амэнди чалёл, кала амэн полэн и жалуин (Ис. 49:15). Хоть амэ нэсовершэни, во всаек дэла амэнди райкани жызня, сави авэла англэ. Кай о Иегова фартэ бари мудрость, и важ када во камэл тэ полэл и тэ жалуий амэн, кала када трэбуй. Инке амаро мудро Дэл полэл, кай нащи вся и время тэ жалуис манушэс, важ кода кай кадя дицэлоп кабута лэсти чалёл, кала варико терэл бэзэх. Со амэ трэбуй тэ терас, кала варико анда амарэ ԥрала или ԥэя андэ собрания андярэл пэс билажавардэс? О Иегова амэнди ԥэнэн через о апостало Павло, кай амэ трэбуй тэ парашас тэ общяемся кацавэ манушэса (1 Кор. 5:11). Важ када лэ ӷрешникос, саво на каисайля, исключин анда собрания. Када трэбуй, кай тэ фэрин лэ ԥралэн и лэ ԥэян, савэ на парашэн тэ кандэн лэ Дэвлэс, ай кадяжэ кай и собрания тэ авэл вужи. w21.10 9, 10, абз. 7, 8

Кала дас пожэртвовании, амэ подритярас и вужи поклонения. И израильтяноря никала на авэнас каринг о Иегова «шушэ вастэнца» (Втор. 16:16). Вонэ анэнас лэ Иеговасти даро, ко со можэт. Кадя вонэ моӷли тэ сыкавэн, кай блаӷодарни лэ Иеговасти пала вся, со во важ лэндэ терэл. Сар амэ можэм тэ сыкавас пэстири любовь каринг о Иегова и блаӷодарность пала вся, со во терэл важ амэндэ? Например, амэндэ исин возможность тэ дас пожэртвовании важ пэстири собрания и пэ дила, сави андэ лэ Иеговастири арӷанизацыя жал пэ вся и ԥув. О апостало Павло пистросардя: «Если варико дэл анда ди, када чалёл лэ Дэвлэсти, важ кода кай во камэл, кай о мануш тэ дэл кода, со можэт, ай най кода, со нэ можэт» (2 Кор. 8:4, 12). О Иегова фартэ цэний, кала амэ дас дажэ найбарэ пожэртвовании (Мар. 12:42—44). w22.03 23, абз. 13

И барэдэр ԥрала нэ моӷут тэ улэн всаворэ амарэ трудности. Но о Иегова камэл, кай вонэ тэ подритярэн и тэ фэрин лэстирэ народос. Хоть и барэдэр ԥрала фартэ заняти, сар вонэ моӷут тэ виарақэн и время, кай тэ поможын лэ ԥралэнди и лэ ԥэянди? Если лэна тэ сытён кай о апостало Павло. Во всегда виарақэлас возможность тэ похвалий и тэ подритярэл лэ ԥралэн и лэ ԥэян. Амарэ барэдэр ԥрала тожэ старыинпэ тэ дэн зор лэ христианонэнди, тэ сыкавэн, кай любин лэн, и тэ обжанпэ лэнца по доброму (1 Фес. 2:7). О Павло сыкавэлас пэстири любовь каринг лэндэ и ԥэнэнас, кай о Иегова тожэ лэн фартэ любий (2 Кор. 2:4; Эф. 2:4, 5). Во дружыяс лэ ԥралэнца и лэ ԥэянца и проандярэлас лэнца бут время. Инке о Павло доверял лэнди и на лажалас тэ росԥэнэн, состар во дарал и пала пэстирэ слабости (2 Кор. 7:5; 1 Тим. 1:15). Но во на шолас фартэ бари сама пэ пэстирэ проблемы, ай наоборот, камэлас тэ подритярэл лэ ԥралэн и лэ ԥэян. w22.03 28, абз. 9, 10