Ноябрё

О Иегова подритярэл пэстирэ служытелёнэн по разному. Кала андэ служэния туса дэнас дума ӷрубо, о Иегова поможыяс тути тэ авэс спокойно. Ай кала ту диқэсас, кай о мануш камэл тэ уӷанэн пала Дэл, тоди о Иегова поможыяс тэ сгиндос кодэва стихо, саво поджал андэ кодэва маменто. Лэ Иеговастирэ зорэса ту на парашэс и акана тэ росԥэнэс пала лэстэ, дажэ кала и мануша андэ служэния на камэн тут тэ ашунэн (Иер. 20:7—9). Инке дицол, кай о Иегова добро, кала во сытярэл амэн, сар тэ служысарас. Пэ собрания амэ диқас видеоря па савэ сытювас, сар тэ росԥэнас важ о Дэл и потом тэ терас кадяжэ андэ служэния. Спэрва амэ можэм тэ дарас, кай андэ служэния варисо парудёлпэ. Но если амэ прилас кадэла советоря, тоди можэт и мануша май драго лэна амэн тэ ашунэн. Кадяжэ и пэ канӷрэсоря амэнди ԥэнэн тэ на дарас тэ служысарас по разному. И кай тэ терас кадя амэнди прижалапэ тэ парувас андэ служэния кода каринг со присытелям. Но если амэ на пристаса зор андэ служэния, тоди лэ Иеговасти най со авэла тэ блаӷословий. w21.08 27, абз. 5, 6

О апостало Павло андэ пэско письмо лэ коринфянонэнди дя лэ ԥралэнди и лэ ԥэянди строӷо совето. Но потом во мангля, кай каринг лэндэ тэ жал о Тито, важ кода кай пэрэжывал, сар вонэ андярдэ пэс посли када. И о Павло сас бахтало тэ уӷанэн, кай и ԥрала и ԥэя на холяйлэ пэр лэстэ и прилинэ лэско совето (2 Кор. 7:6, 7). И барэдэр ԥрала моӷут тэ лэн примеро лэ Павлостар, кала проандярэн и время лэ ԥралэнца и лэ ԥэянца. Например, вонэ моӷут тэ авэн пэ собрания май рано, кай тэ подэн дума лэнца и тэ подритярэн. И пэ када на трэбуй фартэ бут время (Рим. 1:12). О барэдэр ԥрал, саво сытёл лэ Павлостар, подритярэл лэ ԥралэн и лэ ԥэян па Библия и ԥэнэн, сар дэ фартэ о Иегова лэн любий. Во всегда родэл возможность тэ похвалий лэ ԥралэн и лэ ԥэян. Ай кала во дэл совето, во терэл када па Библия, ворта, но по доброму. Важ кода кай во камэл, кай вонэ драго тэ прилэн лэстирэ алава (Гал. 6:1). w22.03 28, 29, абз. 11, 12

И акана о Иегова дэл пэстирэ служытелёнэнди зор, саво май баро обычнонэстар, кай вонэ тэ на парашэн тэ служын лэсти. Например, во подритярэл амэн через и молитва. Андэ Эфесянам 6:18 о Павло ԥэнэн, кай трэбуй вся и время тэ мангаспэ, со бы тэ на авэл. И о Иегова через и молитва дэл амэнди пэско зор. Дэкала амэнди можэт тэ здэлпэ, кай амэ нэ сможэм тэ виритярас о ԥаримос, саво амэндэ исин. И дажэ дэкала на ӷанас, пала со тэ мангаспэ лэ Иеговасти. Но о Иегова камэл и мангэл амэн, кай амэ тэ росԥэнас лэсти вся андэ молитва, дажэ если амэнди ԥарэс тэ пэрэдас алавэнца, со амэндэ по ди (Рим. 8:26, 27). Кадяжэ о Иегова подритярэл амэн через и Библия. Сар и о Павло, амэ можэм тэ лас зор, кала адиносарас и Свынто Писания (Рим. 15:4). Кала амэ адиносарас и Библия, и гиндосарас пала кода, со адиносардям, о Иегова дэл пэско свынто духо, кай амэ май драго тэ полас и тэ прилас када андэ пэсти жызня (Евр. 4:12). w21.05 22, абз. 8—10

Амэ полас, кай када фартэ важно дила тэ изучаем лэ манушэнца и Библия. Но исин ԥаримос, саво на дэл тэ терас андэ служэния лэ Дэвлэсти, скати амэ камас. Например, найлашо зор и ԥурэ бэрша. Дэсавэ ԥрала и ԥэя андэ собрания андэ бэршэндэ или лэндэ найдраго лэ зорэса. Если тутэ кадя, сэр, кай тэ проандярэс изучения Библии лэ манушэнца можно через о интэрнэто и дажэ на трэбуй тэ вижас цэрал. Бут мануша камэнас тэ изучают и Библия, но лэнди на поджалас и время, кала лэндэ авэнас лэ Дэвлэстирэ служытеля. Лэнди авелоп фэдэр, кай каринг лэндэ тэ авэн тэсара или вэчэром. Тоди ту можэш тэ стерэс кадя, кай тэ диқэспэ кадэлэ манушэнца андэ кодэя время, андэ сави авэла лэнди фэдэр. Например, о Иисусо дэлас дума пала Дэл лэ Никодимоса и рят. Важ кода кай лэ Никодимости поджалас кадэя время (Иоан. 3:1, 2). w21.07 5, абз. 10, 11

Лэ Иоанностирэ Крестителёстирэ ученикоря на полэнас, васо лэ Иисусостирэ ученикоря на ритярэн о посто. О Иисусо ԥэндя лэнди, кай пока во лэнца, лэнди на трэбуй када тэ терэн (Матф. 9:14—17). Но фарисеёря всаек сындонас лэ Иисусос, кай во на терэлас па лэндирэ обычаи и традицыи. Вонэ холявэнас, кала во исцэлияс лэ насвалэ манушэн андэ субота (Мар. 3:1—6; Иоан. 9:16). Еқа ригатар вонэ сытярэнас, кай и субота свынто и кай нащи тэ терэн нисави дила андо субота, ай авря ригатар на диқэнас нисо вэрыто андэ кода, кай тэ битинэн андэ кадэва дес андо храмо. И кала о Иисусо пала када ԥэнэнас лэнди ворта, вонэ холявэнас пэр лэстэ (Матф. 21:12, 13, 15). Ай кала о Иисусо росԥэнэнас пала Дэл андэ синагога андо Назарето, во лажавардя лэ манушэн, кай вонэ гиндон кати пала пэстэ и на допатян лэ Дэвлэсти. Вонэ фартэ росхоляйлэ (Луки 4:16, 25—30). О Иисусо на старыияспэ тэ уӷодий лэ манушэнди, и важ када бут ко на камэлас тэ патял, кай во Христос, саво трэбуй сас тэ авэл пэ ԥув (Матф. 11:16—19). w21.05 5, 6, абз. 13, 14

О Иегова нэнавидит, кала и мануша ӷорди и жадни. И кай амэ када май драго тэ полас, во закамля, кай андэ Библия тэ авэл запистромэ пала мануша, савэ терэнас именно кадя. Кала ашунас о алав «жадность», амэ сгиндосарас пала Сатана. Кала во инке сас по нэбо, лэстэ можэт сас бут дила, сави лэсти дэлас о Иегова. Но лэсти када на хутилэлас. Во закамля, кай и мануша тэ тэлён лэсти. Во закамля кода, со лэсти на прижалас. О Сатана камэл, кай и амэ тэ авас, кацавэ сар во. Во терэл кадя, кай и мануша тэ гиндон, кай вся, со лэндэ исин када вся мало. Кадя во обхохадя ла Ева. О Иегова лэ Адамос и ла Ева стодя андо шукарно райкано садо, кай вся сас. Вонэ моӷли тэ хан па всаворэ витки, скати камэн (Быт. 2:16). Но о Сатана вистодя вся кадя, кай ла Евати трэбуй тэ хал именно па кадэя витка, кай тэ авэл па чачимастэ бахтали. Тоди и Ева погиндосардя, кай лати важ и бах чаче варисо на хутилэл. И вой закамля тэ стерэл кода, со ԥэндя лати о Сатана. Вой стердя баро бэзэх и важ када муля (Быт. 3:6, 19). w21.06 14, абз. 2, 3; 17, абз. 9

О Иегова камэлас, кай о Адамо и Ева и лэндирэ бэяцэ тэ заботинпэ пала ԥув, сар пала пэско цэр и тэ авэн бахталэ. Если о Адамо и Ева тэ канглоп лэ Иеговас и тэ тердоп, кадя сар лэсти чалёл, тоди и вонэ и всаворэ лэндирэ бэяцэ авелоп андэ лэ Иеговаско ери. Важ о Иегова о Адамо и Ева андэ лэско ери сас фартэ важни. Андэ Библия ԥэнэнпэ кай о Дэл стодя лэ манушэс «чуть май тэлэ чем лэ анӷелонэн, дян лэсти слава и честь» (Евр. 2:7; Пс. 8:5, сноска каринг о стихо). Чаче амэндэ нинай кацаво зор, сар кай и анӷелоря и амэ най кацавэ дэ мудри (Пс. 103:20). Но всаек и мануша чуть май тэлэ лэ анӷелонэндар. Но о Адамо и Ева стердэ бэзэх и хасардэ пэско право, кай тэ авэн андэ лэ Иеговаско ери. И када андя бари бида лэндирэ потомконэнди. Но лэ Иеговаско гиндо на паруделя. Во кадяжэ камэл кай и мануша, савэ лэс кандэн, тэ авэн лэстирэ бэяцэ и тэ авэн вечно андэ лэско ери. w21.08 2, 3, абз. 2—4

Адес кай бут лэ Иеговастирэ служытеля тожэ исин трудности. Например, андэ дэсавэ страны и противникоря терэн вся, кай тэ помешают амэнди тэ терас лэ Дэвлэстири дила. Дэкай лэ ԥралэн моӷут дажэ тэ бэшарэн андо баруно и тэ андярэн «каринг и правителя и царёря». Блаӷодаря кадэлэсти кай и свидетеля вижал тэ росԥэнэн и лащи новость кадэлэ манушэнди (Матф. 10:17, 18). Кай дэсавэ свидетеля можэт тэ авэл авэр ԥаримос. Хоть вонэ жувэн андэ страны, кай можно свободно тэ служын лэ Иеговасти, пэр лэндэ тасавэл лэнго ери, саво на камэл, кай вонэ тэ служын лэ Дэвлэсти (Матф. 10:32—36). Обычно, кала лэнго родо диқэл, кай лэндэ на вижал тэ тердярэн амарэ ԥралэн и ԥэян, вонэ парашэн лэнди тэ мешают. Дэсавэ андар лэндэ моӷут дажэ тэ ашэн свидетеля. Важ када, если тумэндэ кацави жэ ситуацыя, на сдэнпэ! Авэн смили. Тумэнца о Иегова и лэско свынто духо. Тумэнди найсостар тэ даран! w22.03 16, абз. 8

Андэ Библия ԥэнэнпэ, кай о Иегова вэрыцый «ӷорди яқа, хохавни шыб и вас, савэ умарэн лэ найдошалэн» (Прит. 6:16, 17). Кадяжэ «жэстоко и хохавно миро гряца лэ Иеговасти» (Пс. 5:6). Када драго дицолас андэ лэ Ноёстирэ деса: О Дэл уничтожыл лэ найлашэ манушэн «важ кода кай вонэ [андярэнас] пэс жэстоко» (Быт. 6:13). Со инке вэрыцый о Иегова? Пала када во ԥэндя через о пророко Малахия. Лэ Дэвлэсти фартэ на чалёл, если о мануш хытрияса розжалпэ пэстирэ хуласа или хулаяса, савэ ни андэр со най дошалэ. Лэ Иеговасти гряца тэ диқэл, сар служый лэсти кацаво предателё, и во спушэла лэстар пала када (Мал. 2:13—16; Евр. 13:4). О Иегова ԥэнэн: «Мэк о найлашымос ашэл гряца тумэнди» (Рим. 12:9). Со тумэнди авэл по гиндо, кала тумэ ашунэн о алав «гряца»? Если лэ манушэсти варисо гряца, то лэсти фартэ нэ приятно тэ гиндой пала када. Кати погиндос пала када — и ужэ тошний! Кацави жэ реакцыя амэндэ трэбуй тэ авэл, кала появийпэ ек о гиндо тэ стерас кода, со вэрыцый о Иегова. w22.03 4, 5, абз. 11, 12

Ӥто лэ Дэвлэско Царство стерэла вся пала со о Дэл дя алав. Чаче всаворэндэ, ко надеинпэ по Иегова и аштярэн лэс, авэна бут блаӷословении акана, ай кадяжэ андо раё пэ ԥув! Ӥто, кай лэ Иеговастирэ служытеля на авэла нисаво ԥаримос и пэрэжывания. На авэла нэсправедливость (Отк. 21:4). Никастэ на авэла ԥарэс по ди. Нико на авэла тэ пэрэжывает, со тэ хан и со тэ пэн, важ кода кай круӷом авэла бут хамос (Пс. 72:16; Ис. 54:13). Када авэла райкани жызня, андэ сави авэна бут блаӷословении! Но пока на авеля кадэя время, о Иегова поможыя амэнди, кай амэ ужэ акана тэ андярас пэс кадя, кабута амэ ужэ андо раё пэ ԥув. Во поможый амэнди тэ улас пэстар и найлашэ привычки, тэ парудювас андэ лащи риг, кай тэ авас уӷодни лэсти. Амэн англэ аштярэл фартэ лащи жызня. Важ када трэбуй тэ на парашас тэ патяс и тэ аштярас лэ Иеговас пока во на стерэла вся, пала со дя алав! w21.08 13, абз. 17—19

Совето, саво дя о апостало Павло сас фартэ лашо! Через дэсавэ бэрша кодэлэнди, ко адинояс кадэва письмо, прижыляпэ тэ ашавэн пэстирэ цэра, дила, лэ родос и тэ нашэн андэ плая (Матф. 24:16). Андэ кодэя время вонэ трэбуй сас тэ поможын и тэ подритярэн ек еқэс. Лэ христианонэнди, савэ сразу прилинэ лэ Павлоско совето, сар инке на авеля ԥари время, сас май вушэро тэ присытён тэ жувэн май просто. Амарэ ԥрала и ԥэя най вся и время ԥэнэн амэнди, сави помощь лэнди трэбуй. Важ када авэн май прости, кай авэр тэ мангэн тумэндар помощь. Андэ тумари собрания, наверно, исин кацавэ ԥрала и ԥэя, савэ вся и время ӷотови тэ поможын. И амэндэ никала нинай гиндо, кай вонэ терэн када через оди. Пэр лэндэ всегда можно тэ надеиспэ. Амэ всаворэ камлоп, кай амэндэ тэ авэл кацави жэ репутацыя. w22.02 23, 24, абз. 13—15

Найдэлмут андэ дэсавэ раёноря сас изменении, и бут собрании стидэ вмести. Если амэн мангэна тэ пэрэжас андэ авэр собрания, наверно, авэла найвушэро тэ ашавас пэстирэ друӷонэн и лэ родос. Канешно, и барэдэр ԥрала на ашунэн лэ Иеговаско ӷолосо па нэбо, саво ԥэнэн лэнди, каринг назначить кажнонэ вазвещятелёс. Важ када амэнди можэт най всегда вушэро тэ подритярас и ришэнии, савэ прилэн и барэдэр ԥрала. Но если лэнди доверяет о Иегова, кадяжэ трэбуй тэ терас и амэ. Васо трэбуй тэ кандас лэ барэдэрэ ԥралэн, дажэ если амэнди най фартэ чалён лэндирэ ришэнии? Блаӷодаря кадэлэсти лэ Дэвлэско народо авэла сар ек ери. Если всаворэ ԥрала и ԥэя подритярэн и ришэнии, савэ прилэн и барэдэр ԥрала, тоди вся и собрания авэла дружно (Евр. 13:17). И со май важно, кала амэ кандас лэ барэдэрэ ԥралэн, кадя амэ сыкавас, кай доверяем лэ Иеговасти, важ кода кай имено во стодя лэн тэ заботинпэ пала амэндэ (Деян. 20:28). w22.02 4, 5, абз. 9, 10

Если ту ԥрал и болделян, старысав драго тэ сытёс тэ ԥэнэс и речи и тэ сытярэс аврэн. Мэк када авэл важ тутэ фартэ важно. Тоди кода, со ту адинос, дэс дума и сытярэс, лэла тэ дожал лэ манушэнди андо ди (1 Тим. 4:15). Старысав драго тэ полэс и брашура «Сытю май драго тэ адинос и тэ сытярэс». Но на лэпэ тэ розлэспэ сразу андэ всаворэ урокоря. Адиносар по ек. Котэ исин и советоря, савэ поможына тути, кала ту ӷотовишся каринг пэстири речь. Манг помощь кай и барэдэр ԥрала. Особенно кай кодэва ԥрал, саво дэл советоря посли речь (1 Тим. 5:17). И инке ту трэбуй най просто шукарнэс тэ дэс дума, но и кай тири дума тэ поможый лэ манушэнди май фартэ тэ патян андо Иегова и кай вонэ тэ прилэн кода, со ашунэн пэ собрания. Када анэна май бари бах тути и кодэлэнди, ко тут ашунэн. w21.08 24, абз. 17

Если ту терэс кадя, сар пистромэ андо адесутно стихо, тоди ту на лэса тэ холявэс пэ ԥрала и пэ ԥэя, савэ можэт май драго тутар варисо ӷанэн тэ терэн. Наоборот, ту лэса тэ лошавэс важ лэндэ, особенно тоди кала вонэ терэн варисави дила, кай тэ прославляют лэ Иеговас. Кадя кажно андэ собрания сможэт тэ стерэл, кай тэ авэл мирно и драго. Амэ всаворэ нэсовершэни. Важ када дэкала амэ можэм тэ завидуисарас аврэнди. Но кала амэ сэжи када поможыя амэнди тэ полас, кай амэ най вся можэм. Сэжо мануш никала на лэла тэ доԥэнэн, кай во само годявэрно. Наоборот, кацаво мануш полэл, кай авэр моӷут варисо май драго тэ терэн и лэла лэндар тэ сытёл. Можэт о ԥрал андэ собрания драго ӷанэн тэ ԥэнэн и речь, тоди можэш лэстар тэ пушэс, сар во ӷотовица каринг латэ. Или можэт и ԥэй ӷанэн драго тэ гитой тэ хан, тоди можэш тэ пушэс латар, сар вой кода гитой. w21.07 16, абз. 8, 9

Андэ книӷа Числа амэ адиносарас, кай о Иегова ԥэндя тэ казнин лэ манушэс, саво стидэлас и каш андэ субота. Ай андэ 2 Самуила ԥэнэнпэ, кай о Иегова простисардя лэ Давидос, хоть во стердя бэзэх ла Вирсавияса и умардя латирэ хулас (Чис. 15:32, 35; 2 Сам. 12:9, 13). Варико можэт тэ пушэл: «Хэба када правильно? Васо о Иегова простисардя лэ Давидости кацаво баро бэзэх, ай аврэ манушэс, саво, сар амэнди здэлпэ, стердя най бари ошыбка, ԥэндя тэ казнин?» Андэ Библия най всегда подробно росԥэнэнпэ и ситуацыя. Например, амэ ӷанас, кай о Давидо анда вся оди каисайля андэ пэско бэзэх (Пс. 51:2—4). Но со амэ ӷанас пала мануш, саво стидэлас и каш андэ субота? Каисайля во андэ кода, со стердя? Ритярэлас во лэ Дэвлэско законо май данглал? Можэт, лэсти най еқвар ԥэнэнас, ай во на шолас сама? Андэ Библия на ԥэнэнпэ пала када. Но амэ можэм тэ патяс: о Иегова «всегда андярэл пэс праведно» (Пс. 145:17). w22.02 2, 3, абз. 3, 4

Сэжо мануш на лэла пэстар тэ аштярэл кода, со най па лэско зор. И када поможыя лэсти тэ на парашэл тэ лошавэл андэ служэния лэ Иеговасти и тэ служый анда вся оди. Кала о мануш сэжо, када можно тэ сыстос лэ водителёса, саво ладэл па дром и лэсти трэбуй тэ ваздэлпэ по плай. И кай о двиӷателё тэ на мудардёл, лэсти трэбуй тэ стерэл май цынёни скорость. Тоди и машына лэла тэ ладэл май полокэ, но на тердёла. Кадя и о сэжо мануш полэл, кай лэсти трэбуй тэ ашавэл пэстири дила андэ лэ Дэвлэстири арӷанизацыя, кала лэстэ ужэ най во о зор. Но во всаек на парашэл тэ служый и тэ поможый аврэнди (Флп. 4:5). Сгиндосарам пала лэ Дэвлэско служытелё Барзиллаё, пала саво запистромэ андэ Библия. Кала лэсти сас 80 бэрш, о царё Давидо ԥэндя лэсти, кай во тэ жал лэса андо царско цэр. Но о Барзиллаё сас сэжо и отԥэнделя. Во полэлас, кай лэстэ ужэ най кодэла бэрша. И во ԥэндя, кай о Давидо тэ лэл пэса лэ Кимгамос, важ кода кай во сас май тэрно и во моӷ май бут тэ стерэл важ о царё (2 Сам. 19:35—37). И ԥрала, савэ андэ бэршэндэ, сар и о Барзиллаё лошалэ тэ дэн дила лэ май тэрнэ ԥралэнди андэ собрания. w21.09 10, абз. 6, 7

Тути вушэро тэ прилэс лэ Иеговас, сар Дадэс? Дэсавэнди када найвушэро. Можэт, варико бареля андэ кацаво ери, кай дажэ на ӷанэн, со када «любящё дад». Сар драго, кай о Иегова полэл, со амэндэ по ди и васо када кадя! Во камэл, кай амэндэ тэ авэл лэса лащи дружба. Важ када андэ Библия исин кацавэ алава: «Авэн май пашэ каринг о Дэл, и во пашола каринг тумэндэ» (Иак. 4:8). О Иегова любий амэн и камэл тэ авэл важ амэндэ само лашо Дад. О Иисусо поможый амэнди, кай амэ тэ авас май пашэ каринг о Иегова. Во кадя драго ӷанэн лэ Иеговас и кадя фартэ шолпэ пэр лэстэ, кай ԥэндя: «Ко диқля ман, диқля и мэрнэ Дадэс» (Иоан. 14:9). О Иисусо, сар барэдэр ԥрал, сытярэл амэн тэ кандас и тэ стас патив пэ амаро небесно Дад. Инке во сытярэл амэн, со трэбуй тэ терас, ай со най, кай о Иегова тэ лошавэл. Ай кала о Иисусо сас пэ ԥув, во сыкадя, саво о Иегова добро и любящё. w21.09 21, абз. 4, 5

Лэ Иеговаско народо вмести сар ек ери тэлёл лэ чачунэ Дэвлэсти. О Иегова дя лэ барэдэрэ ԥралэнди важно дила — тэ диқэн, кай и собрания тэ авэл вужи. Если о христианино стердя баро бэзэх, о Иегова камэл, кай и барэдэр ԥрала драго тэ розлэнпэ, можэт кадэва мануш тэ ашэлпэ андэ собрания чи най. Вонэ трэбуй тэ полэн, чаче во каийпэ андэ пэско бэзэх? Кадэва мануш можэт тэ ԥэнэн, кай во каийпэ, но вэрыцый во кода, со стердя? Дицол, кай во чаче камэл будэр тэ на рийпэ каринг о бэзэх? Если лэс змардя, кай во общялся лэ найлашэ друӷонэнца, ӷотово во тэ парашэл тэ дружый лэнца? И барэдэр ԥрала мангэнпэ, роздиқэн вся и ситуацыя па Библия и старыинпэ тэ полэн, сар о мануш диқэл пэ пэско бэзэх. Посли када вонэ прилэн ришэния, можэт во тэ ашэлпэ андэ лэ Дэвлэско народо или най. Андэ дэсавэ случаёря лэ манушэс прижалпэ тэ исключин анда собрания (1 Кор. 5:11—13). w22.02 5, абз. 11, 12

Нэ важно скати бэрш прожыля, сар амэ болделям, всаворэ амэ камас, кай о Иегова тэ любий амэн. Но важ када амэнди трэбуй тэ следисарас, пала со амэ гиндосарас. Амарэ гиндоря сыкавэн, ко амэ сам. Если амэ вся и время гиндосарас пала кода, каринг со цырдэлпэ и ӷрешно тила, тоди амэ обязательно ԥэнаса или стераса варисо найлашо (Эф. 4:17—19). И наоборот, если амэ ԥэрас амари годи лашэ гиндонэнца, тоди авэла пэ бутэстэ май вушэро тэ дас дума и тэ терас кадя, сар камэл амаро небесно Дад, о Иегова (Гал. 5:16). Канешно, амэ нэ можэм полностью тэ фэрисавас лэ найлашэ гиндонэндар. Но амэндэ вижала тэ стерас кадя, кай и гиндоря тэ на пэрэжан андэ дила. Англа кода, сар тэ болдювас, амэ трэбуй тэ парашас тэ дас дума и тэ терас кадя, сар нэ уӷодно лэ Иеговасти. Када само пэрво и само важно, со амэ можэм тэ стерас, кай тэ злас и «пурани личность». Но, кай о Иегова тэ авэл амэнца довольно, амэнди трэбуй кадяжэ тэ утидаспэ андэ «нэви личность». w22.03 8, абз. 1, 2

Тэ полэс каийпэ о мануш па чачимастэ чи най, када найвушэро, важ кода кай и барэдэр ԥрала нэ моӷут тэ диқэн, со кай о мануш андо ди. Кала вонэ диқэн, сар о мануш пэс андярэл, вонэ трэбуй тэ полэн, ля во тэ вэрыцый о бэзэх, саво стердя, чи най. И барэдэр ԥрала трэбуй тэ додиқэн, со доԥэнэн, кай во па чачимастэ ля тэ вэрыцый о бэзэх, ай кадяжэ парудя пэстирэ гиндоря и паруделя. Но пэ када трэбуй время. Со сыкавэл, кай о мануш па чачимастэ каийпэ? О мануш, савэс исключисардэ, трэбуй тэ мангэлпэ лэ Иеговасти, тэ на промэкэл и собрания и тэ изучает и Библия. Пала када лэсти, канешно, ԥэнэна и барэдэр ԥрала. Кадяжэ лэсти трэбуй тэ обжал кацавэ ситуацыи, через савэ во сможэт упалэ тэ терэл бэзэх. Если кацаво мануш лэла тэ пристол вся пэско зор, кай тэ рий пэстири дружба лэ Иеговаса, тоди о Иегова вся лэсти простия, и во рияпэ андэ собрания. w21.10 6, абз. 16—18

О Иисусо фартэ любий лэ Иеговас и важ када во тэлёл кати лэсти (Луки 4:8). Кадя сас и кала во сас пэ ԥув, и кала по нэбо. И пэстирэ учениконэн во сытярэлас, кай вонэ тожэ тэ тэлён кати лэ Иеговасти. О Иисусо и лэстирэ ученикоря, савэ на парашэн тэ кандэн лэ Дэвлэс, никала на тэлёнас кодэлэсти, со нарисовали и мануша. Лэ Дэвлэс нико на диқля и нэ можэт тэ диқэл. Важ када нико анда мануша нэ сможэт тэ стерэл дажэ хоть набут, кай тэ шолпэ варисо пэр лэстэ! (Ис. 46:5). Ай можно и мануша тэ тэлён кодэлэсти, пэр со ԥэнэн свынто и тэ мангэнпэ лэнди? Андэ 10 заповедей, савэ о Иегова ԥэндя лэ Моисеёсти, исин и алава, савэ амэ диқас андо адесутно стихо. Чаче, ко камэл тэ уӷодий лэ Дэвлэсти, кадэлэ манушэнди на трэбуй тэ росԥэнэс, сар када тэ терэн. И учони прижанэн, кай и христианоря андо пэрво вико тэлёнас кати лэ чачунэ Дэвлэсти. Андэ амарэ деса кай лэ Иеговастирэ свидетеля кацаво жэ гиндо. w21.10 19, 20, абз. 5, 6

О Иисусо ԥэндя лэ христианонэнди, савэ жувэнас андэ Иудея андо пэрво вико, кай авэла время, кала о форо Иерусалимо окружына и войскоря (Луки 21:20—24). Тоди лэнди трэбуй авэла тэ нашэн андэ плая. Кадя вонэ спасысардоп пэстири жызня, но важ када лэнди прижылопэ тэ ашавэн вся, со лэндэ исин. Найдэлмут андэ «Сторожэво башня» пала када сас пистромэ: «Вонэ мэклэ вся, со лэндэ сас, и дажэ нисо на линэ пэса цэрал. Вонэ патянас, кай о Иегова фэрия и подритярэла лэн. Важ када и служэния лэсти сас со май важно андэ лэндири жызня». Котэ жэ ԥэнэнаспэ: «Можэт, андэ амари жызня авэна ситуацыи, кала дицола, со важ амэндэ май важно: о мищимос или и спасения лэ Иеговастар. Если амэ залас лэ Иеговастири риг, тоди амэнди, можэт, прижалапэ бут состар тэ отԥэндювас. Амэ трэбуй тэ авас ӷотови тэ стерас када». w22.01 4, абз. 7, 8

Посли кода, сар о Иегова виандярдя лэ израильтянонэн анда Египто, во ԥэндя лэ Моисеёсти варисо фартэ важно пала пэстэ и пала пэско алав: «Иегова, Иегова, добро Дэл, во полэл и жалуий анда вся оди, на грабий тэ холявэл, никала на ашавэл и лэстири предано любовь фартэ бари. Во сыкавэл предано любовь каринг и тысячи, простий и дош, о бэзэх и кала жан против законо» (Исх. 34:6, 7). Кала амэ ӷанас, саво о Иегова, кадэлэстар амэнди по ди ашэл фартэ драго. Но инке кадэлэ алавэнца о Иегова росԥэндя лэ Моисеёсти варисо особено пала пэстири предано любовь. Со када? Шон сама, о Иегова ԥэндя пала пэстэ, кай во най просто предано любий, ай кай лэстири предано любовь фартэ бари. Андэ «Нэвя люмако переводо» кадэла алава пистромэ инке андэ дэсавэ ҭана (Чис. 14:18; Неем. 9:17; Пс. 86:15; 103:8; 145:8; Иоиль 2:13; Иона 4:2, сноска). Но андэ всаворэ стихоря, кай и дума жал пала фартэ бари предано любовь, када ԥэнэнпэ кати пала Иегова. Драго дицол, важ о Иегова важно, кай амэ тэ ӷанас, сави лэстири предано любовь. w21.11 2, 3, абз. 3, 4

И еря бут сости моӷут тэ сытён кай о Пётро и лэстири хулаи. Посли кода, сар о Пётро пэрво разо диқляпэ лэ Иисусоса, прожыля варикай полӷода или бэрш, и о Иисусо лэсти ԥэндя, кай во тэ ашэл лэско ученико. Кала о Пётро гиндояс, сави ришэния тэ прилэл, во трэбуй сас тэ сэрэл, кай обязано тэ заботийпэ пала ери. Важ када о Пётро сас рыбако (Луки 5:1—11). Но всаек во ришыл тэ ашэл лэ Иисусоско ученико. И, наверно, лэстири хулаи подритярдя лэстири ришэния. Анда Библия дицол, кай посли кода, сар воскрес о Иисусо, вой дэкала жалас лэ Петроса андо баро дром андэ служэния (1 Кор. 9:5). Важ кода, кай вой сас лащи христианка и предано хулаи, кай о Пётро сас муй тэ дэл совето лэ хуланди и лэ хулаянди (1 Пет. 3:1—7). Дицол, кай и о Пётро, и лэстири хулаи, патянас лэ Иеговасти, кай во заботияпэ пала кодэла, ко стол лэско Царство по пэрво ҭан андэ пэстири жызня (Матф. 6:31—34). w21.11 18, абз. 14

О апостало Павло всаворэ одеса любияс лэ ԥралэн и лэ ԥэян и на жалуияс пэстири время важ лэндэ (Деян. 20:31). Важ када и вонэ лэс фартэ любинас. Например, кала и барэдэр ԥрала анда Эфесо уӷанглэ, кай будэр никала на додиқэна лэ Павлос, вонэ нэ моӷли тэ зритярэн и ясва (Деян. 20:37). Кадяжэ адес и барэдэр ԥрала любин лэ ԥралэн и лэ ԥэян и анда вся оди заботинпэ пала лэндэ (Флп. 2:16, 17). Но кадэлэ ԥралэнди най всегда вушэро тэ терэн пэстири дила. Со лэнди можэт тэ поможый андэ када? Амарэ барэдэр ԥрала моӷут бут сости тэ сытён кай о апостало Павло. Во на сас варисаво суперӷероё. О Павло сас обычно, нэсовершэно мануш, савэстэ най всегда вижалас тэ андярэл пэс правильно (Рим. 7:18—20). Лэстэ сас бут трудности андэ жызня. Но во на здэласпэ и на хасарэлас и радость. Лэ барэдэрэ ԥралэнди поможыя лэско примеро тэ пэрэандярэн пэско ԥаримос и тэ ашэнпэ радосни андэ служэния лэ Иеговасти. w22.03 26, абз. 1, 2

Андэ Левит 19:3 о Иегова ԥэндя: «Ритярэн мэрнэ суботы». Важ кода кай и христианоря на жувэн па лэ Моисеёско законо, амэ на ритярас и субота. И всаек, если амэ погиндосараса пала кадэва законо и саво лашымос во анэнас лэ израильтянонэнди, амэ можэм бут сости тэ сытювас. В суботу и израильтяноря отцыёнас ла бутятар, и лэндэ сас май бут время важ о Дэл. Имено в суботу о Иисусо авеля андэ синагога андэ пэско форо и ля тэ адиной лэ Дэвлэско алав (Исх. 31:12—15; Луки 4:16—18). Кала амэ гиндосарас пала законо важ и субота, со тоди амэ камас тэ терас? Кажно дес тэ витидас время важ лэ Дэвлэстири дила, савэ бы заняти амэ тэ на авас. Вижал када тумэндэ или, можэт, тумэнди трэбуй варисо тэ парувэн? Если тумэ кажно дес витидэн время важ лэ Дэвлэстири дила, тоди тумэ ашэна май пашэ каринг о Дэл. Би кадэлэско нащи тэ авэн свынти. w21.12 5, абз. 13

Кала о Иисусо сас пэ ԥув во общялся разнонэ манушэнца. Во халас и пэлас лэ барвалэнца, савэ сас ашунглэ. Ай кадяжэ во часто шолас сама лэ чорорэн и кодэлэн, пала кастэ най ко сас тэ зашолпэ. Инке во полэлас и жалуияс кодэлэ манушэн, пэр кастэ ԥэнэнас ӷрешникоря. Важ када и ӷорди мануша на камэнас тэ патян андо Иисусо. Еқвар вонэ пушлэ кай лэстирэ ученикоря: «Васо тумэ хан и пэн лэ ӷрешниконэнца и кодэлэнца, ко стидэл и налоӷоря?» Пэ када о Иисусо атветил кадя, сар запистромэ андо адесутно стихо (Луки 5:29—31). О пророко Исаия ԥэндя, кай и мануша на патяна андо Христос. Бут бэрша жы каринг кода сар о Иисусо тэ авэл пэ ԥув, о пророко пистросардя: «И мануша вэрыцынас и дурёнас лэстар... Амэ диқасас андэ авэр риг, кай тэ на диқас лэско муй. Лэс вэрыцынас, и амэ пэр лэстэ на стасас патив» (Ис. 53:3). Андо пророчество сас пистромэ, кай и мануша отбандёна лэ Христостар. Важ када и евреёря трэбуй сас тэ ӷанэн, кай и мануша на закамэна тэ патян андо Христос. w21.05 8, 9, абз. 3, 4

Дэсавэ христианоря андо пэрво вико най сразу прилэнас и советоря (Иак. 1:22). Авэр фартэ бари сама шонас лэ барвалэн (Иак. 2:1—3). Ай варико на следияс пала пэстири шыб (Иак. 3:8—10). Кай кодэла христианоря сас серьёзни проблемы, но о Иаково патялас, кай вонэ моӷут тэ парудён. По доброму, но ворта во дя лэнди совето и побудил кодэлэн, касти трэбуй сас помощь, тэ родэн ла кай и барэдэр ԥрала (Иак. 5:13). Уроко: на ԥандавэн и яқа пэ проблемы и патян, кай и мануша моӷут тэ парудён. Дэсавэнди, каса амэ изучаем, можэт, найвушэро тэ прилэн и советоря анда Библия (Иак. 4:1—4). Ԥарэс сразу тэ ашавэн пэстирэ найлашэ привычки и тэ авэн уӷодни лэ Дэвлэсти. Амэнди трэбуй бари смилость, кай ворта, тэ ԥэнас лэ манушэсти, андэр со во трэбуй тэ парудёл. Кадяжэ амэ трэбуй тэ на умэкас и вас и тэ патяс, кай о Иегова поможыя кодэлэнди, ко най ӷорди, тэ ашэн лэстирэ друӷоря и дэла лэнди зор тэ парудён (Иак. 4:10). w22.01 11, абз. 11, 12

Кажно андар мэндэ камэл тэ сытёл лэ Иеговастар тэ полэл и тэ жалуий аврэн. Васо? Важ кода кай о Иегова на лэла тэ ашунэл кодэлэндирэ молитвы, ко на полэл и на жалуий аврэн. Ужэ ек кадэлэ гиндостар ашэл найдраго. Важ када амэ старысавас тэ терас вся, кай тэ на авас жэстоки и фартэ строӷи. Амэ на андярас пэс сар кодэла, «ко ԥандавэл и кан, кай тэ на ашунэн, сар о чороро мангэл помощь». И если варикасти анда ԥрала или ԥэя найдраго, амэ старысавас лэнди тэ поможысарас. Инке амэ фартэ драго полас и алава: «Ко на полэл и на жалуий аврэн, тоди и лэс по сындо на полэна и на жалуина» (Иак. 2:13). Если амэ най ӷорди и прижанас, кай амэнди трэбуй, кай амэн тэ полэн и тэ жалуин, тоди амэнди май вушэро авэла тэ андярас пэс кадяжэ аврэнца. Особенно важно тэ полас и тэ жалуисарас кодэлэн, ко каисайля и рисайля андэ собрания. Кай тэ полас и тэ жалуисарас аврэн и тэ на авас фартэ строӷи, амэнди поможына и примероря анда Библия. w21.10 12, абз. 16, 17

Андэ послиднё рят, кала о Иисусо сас пэ ԥув, во камля тэ виарақэл спокойно ҭан, кай тэ порозмышляет и тэ мангэлпэ. Важ када во жыля андо Гефсиманско садо. Кадяжэ во дя пэстирэ учениконэнди фартэ важно совето. Кала о Иисусо пэстирэ учениконэнца авеля андо Гефсиманско садо, ужэ сас рят. О Иисусо мангля лэ апосталонэн, кай лэн тэ на лэл и линдра, ай екжэно отжыля тэ мангэлпэ (Матф. 26:37—39). «Кала о Иисусо рисайля каринг и ученикоря, во додиқля, кай вонэ совэн». Тоди во упалэ напомнил лэнди: «На́ совэн», ай тоди ԥэндя: «И на́ парашэн тэ мангэнпэ» (Матф. 26:40, 41). Во полэлас, кай и ученикоря фартэ пэрэжывали и важ када вицыелэ. Лэ Иисусости ашэля лэн жалко, и во анда ди ԥэндя лэнди: «Оди цырдэлпэ, ай и тила слабо». О Иисусо инке дувар манглясас лэ учениконэн тэ на совэн и тэ мангэнпэ, но кажно разо, кала во рияспэ, вонэ совэнас (Матф. 26:42—45). w22.01 28, абз. 10, 11